Banana Vastu: ಬಾಳೆಗಿಡದ ಪಕ್ಕ ಅಪ್ಪಿ-ತಪ್ಪಿಯೂ ಈ ಸಸ್ಯ ನೆಡಬೇಡಿ, ಸಮಸ್ಯೆ ಹುಡುಕಿ ಬರುತ್ತೆ

ಬಾಳೆಗಿಡಕ್ಕೆ ಭಾರತೀಯ ಸಂಪ್ರದಾಯದಲ್ಲಿ ಮಹತ್ತರವಾದ ಸ್ಥಾನವಿದೆ. ಇದನ್ನು ವಿಷ್ಣುವಿನ ಪ್ರತಿರೂಪ ಎಂದು ಪೂಜಿಸಲಾಗುತ್ತದೆ. ಸಾಮಾನ್ಯವಾಗಿ ಇದನ್ನು ತೋಟದಲ್ಲಿ ಮಾತ್ರವಲ್ಲದೆ, ಹಿತ್ತಲಲ್ಲಿ ಇರುವ ಜಾಗದಲ್ಲಿ ಸಹ ಬೆಳೆಸಲಾಗುತ್ತದೆ.

ಆದರೆ ಈ ಬಾಳೆಗಿಡ ನೆಡುವಾಗ ನಾವು ಮಾಡುವ ಕೆಲ ತಪ್ಪುಗಳು ವಾಸ್ತುದೋಷ ಉಂಟು ಮಾಡುತ್ತದೆ ಎನ್ನಲಾಗುತ್ತದೆ. ಅದರಲ್ಲೂ ಈ ಬಾಳೆ ಗಿಡದ ಪಕ್ಕ ಕೆಲ ಸಸ್ಯಗಳನ್ನು ಬೆಳೆಸುವುದು ಸಮಸ್ಯೆ ಹೆಚ್ಚು ಮಾಡುತ್ತದೆ ಎನ್ನುತ್ತಾರೆ ವಾಸ್ತು ತಜ್ಞರು.

ಬಾಳೆಗಿಡವನ್ನು ಎಂದಿಗೂ ಮನೆಯ ಮುಂದೆ ನಡೆಬಾರದು, ಅದನ್ನು ಮನೆಯ ಹಿಂದೆಯೇ ನೆಡಬೇಕು. ಹಾಗೆಯೇ ನೀವು ಬಾಳೆಗಿಡದ ಸುತ್ತ ತುಂಬಾ ಸ್ವಚ್ಛತೆಯನ್ನು ಕಾಪಾಡಿಕೊಳ್ಳುವುದು ಅವಶ್ಯಕ. ಇಲ್ಲದಿದ್ದರೆ ವಾಸ್ತುದೋಷ ಉಂಟಾಗುತ್ತದೆ.

ಇನ್ನು ಬಾಳೆಗಿಡದ ಅಕ್ಕ-ಪಕ್ಕ ಯಾವ ಗಿಡವನ್ನು ನೀವು ಬೆಳೆಸುತ್ತೀರಿ ಎಂಬುದು ಸಹ ಇಲ್ಲಿ ಮುಖ್ಯವಾಗುತ್ತದೆ. ತುಳಸಿ ಸಸ್ಯವನ್ನು ಬಾಳೆಗಿಡದ ಹತ್ತಿರ ನೆಡುವುದರಿಂದ ವಾಸ್ತುದೋಷಗಳು ನಿವಾರಣೆಯಾಗುವುದಲ್ಲದೇ, ಸಂಪತ್ತು ಹೆಚ್ಚಾಗುತ್ತದೆ.

ಬಾಳೆಗಿಡ ವಿಷ್ಣುವಿನ ಪ್ರತಿರೂಪವಾಗಿರುವುದರಿಂದ ಗುರುವಾರ ಅರಿಶಿನವನ್ನು ಅರ್ಪಿಸುವುದು ಶುಭ ಎನ್ನಲಾಗುತ್ತದೆ. ಅಲ್ಲದೇ ಈ ದಿನ ತುಪ್ಪದ ದೀಪ ಹಚ್ಚಿ ಗಿಡಕ್ಕೆ ಪೂಜೆ ಮಾಡಿದರೆ ಮನೆಯಲ್ಲಿ ಶಾಂತಿ ನೆಲೆಸಿರುತ್ತದೆ.

ವಾಸ್ತು ಪ್ರಕಾರ, ಬಾಳೆ ಗಿಡವನ್ನು ಮನೆಯ ಆಗ್ನೇಯ, ಪಶ್ಚಿಮ ಹಾಗೂ ದಕ್ಷಿಣ ದಿಕ್ಕಿನಲ್ಲಿ ನೆಡಬಾರದು. ಈ ರೀತಿ ನೆಡುವುದರಿಂದ ಮನೆಯಲ್ಲಿ ವಾಸ್ತು ಸಮಸ್ಯೆ ಬರಲಿದೆ. ಹಾಗೆಯೇ ಇದನ್ನು ಮನೆಯ ಮುಖ್ಯ ಬಾಗಿಲ ಬಳಿ ಸಹ ನೆಡಬಾರದು.

ಬಾಳೆಗಿಡದ ಪಕ್ಕ ಅಪ್ಪಿ-ತಪ್ಪಿ ಗುಲಾಬಿ ಸಸ್ಯವನ್ನು ನೆಡುವುದು ಅಥವಾ ಯಾವುದೇ ಮುಳ್ಳಿರುವ ಸಸ್ಯವನ್ನು ಬೆಳೆಸುವುದು ತೊಂದರೆಯನ್ನು ಆಹ್ವಾನಿಸಿದಂತೆ. ಅಲ್ಲದೇ ಇದರಿಂದ ಆರ್ಥಿಕವಾಗಿ ಸಹ ನಷ್ಟ ಆಗಬಹುದು.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)