Lucky Tree: ಈ ಒಂದು ಮರ ಮನೆಯಲ್ಲಿದ್ರೆ ಸಾಕು ಅದೃಷ್ಟವೇ ಹುಡುಕಿ ಬರುತ್ತೆ

ಶಿವ ಪುರಾಣವು ಬಿಲ್ವಪತ್ರೆ ಮರ ಅಥವಾ ಅದರ ಎಲೆಗಳನ್ನು ಪೂಜಿಸುವ ಮಹತ್ವದ ಬಗ್ಗೆ ವಿವರಣೆ ನೀಡಿದ್ದು, ಈ ಮರವನ್ನು ಮನುಷ್ಯರಷ್ಟೇ ಅಲ್ಲ, ದೇವತೆಗಳೂ ಆರಾಧಿಸುತ್ತಿದ್ದರು ಎನ್ನಲಾಗುತ್ತದೆ. ಮುಖ್ಯವಾಗಿ ಶಿವನಿಗೆ  3 ಎಲೆಗಳ ಬಿಲ್ವಪ್ರೆಯನ್ನು ಅರ್ಪಣೆ ಮಾಡಿದರೆ ಶಿವನ ಆಶೀರ್ವಾದ ಸಿಗುತ್ತದೆ ಎನ್ನುವ ನಂಬಿಕೆ ಇದೆ,

ಈ ಮರದ ಬೇರುಗಳ ಕೆಳಗೆ ಸ್ನಾನ ಮಾಡುವುದು ಬ್ರಹ್ಮಾಂಡದ ಎಲ್ಲಾ ಪವಿತ್ರ ನೀರಿನಲ್ಲಿ ಸ್ನಾನ ಮಾಡುವುದಕ್ಕೆ ಸಮನಾಗಿರುತ್ತದೆ ಎಂದೂ ಸಹ ಹೇಳಲಾಗುತ್ತದೆ. ಅಲ್ಲದೇ ಇದು ನಮ್ಮ ಜೀವನದಿಂದ ಕೆಟ್ಟ ಶಕ್ತಿಯನ್ನು ಹೊರ ಹಾಕಲು ಸಹಾಯ ಮಾಡುತ್ತದೆ.

ಆದರೆ ಈ ಬಿಲ್ವಪತ್ರೆ ಮರ ಮನೆಯ ಬಳಿ ಇದ್ದರೆ ಎಷ್ಟು ಪ್ರಯೋಜನಕಾರಿ ಎಂಬುದು ಹಲವಾರು ಜನರಿಗೆ ಗೊತ್ತಿಲ್ಲ. ಈ ಬಿಲ್ವದ ಎಲೆ ಮಾತ್ರವಲ್ಲದೇ ಹಣ್ಣು ಸಹ ಲಾಭದಾಯಕ. ಆರೋಗ್ಯದ ದೃಷ್ಟಿಯಿಂದ ಬಿಲ್ವಪತ್ರೆಯ ಪ್ರಯೋಜನ ಎಲ್ಲರಿಗೂ ಗೊತ್ತಿದೆ, ಆದರೆ ಜ್ಯೋತಿಷ್ಯದ ಪ್ರಕಾರ ಇದರಿಂದ ಏನೆಲ್ಲಾ ಒಳ್ಳೆಯದಾಗುತ್ತದೆ ಎಂಬುದು ಇಲ್ಲಿದೆ.

ನಂಬಿಕೆಗಳ ಪ್ರಕಾರ ಬಿಲ್ವಪತ್ರೆಯ ಮರದಲ್ಲಿ ಲಕ್ಷ್ಮಿ ದೇವಿ ವಾಸವಿರುತ್ತಾಳೆ. ಹಾಗಾಗಿ ಈ ಮರವನ್ನು ಪೂಜೆ ಮಾಡುವುದರಿಂದ ಸಂಪತ್ತಿನ ಸಮಸ್ಯೆ ಆಗುವುದಿಲ್ಲ ಎನ್ನಲಾಗುತ್ತದೆ. ಅದರಲ್ಲೂ ಮನೆಯ ಬಳಿ ಎಕ್ಕ ಹಾಗೂ ಈ ಬಿಲ್ವಪತ್ರೆಯನ್ನು ಒಟ್ಟಿಗೆ ನೆಟ್ಟರೆ ಸಮೃದ್ಧಿ ಹೆಚ್ಚಾಗುತ್ತದೆ.

ಇನ್ನು ಈ ಬಿಲ್ವಪತ್ರೆಯನ್ನು ಶಿವನಿಗೆ ಅರ್ಪಿಸಿದರೆ ಅದರಿಂದ ಪಾಪ ನಾಶವಾಗುತ್ತದೆ ಎನ್ನಲಾಗುತ್ತದೆ. ಹಾಗೆಯೇ, ಈ ಮರವನ್ನು ಪೂಜಿಸಿದರೆ ಅಥವಾ ಮನೆಯ ಬಳಿ ಇದ್ದರೆ ಸಹ ನಮ್ಮ ಪಾಪ ಕಡಿಮೆ ಆಗುತ್ತದೆ. ಅಲ್ಲದೇ, ಇದನ್ನು ಪ್ರತಿದಿನ ಪೂಜೆ ಮಾಡಿದರೆ ಬಹಳ ಒಳ್ಳೆಯದು.

ಇನ್ನು ಈ ಬಿಲ್ವಪತ್ರೆ ಮರದ ಬುಡಕ್ಕೆ ತುಪ್ಪ, ಆಹಾರ, ಪಾಯಸ ಅಥವಾ ಸಿಹಿತಿಂಡಿಗಳನ್ನು ನೈವೇದ್ಯ ಮಾಡುವುದರಿಂದ ಬಡತನ ನಾಶವಾಗುತ್ತದೆ ಹಾಗೂ ಎಂದಿಗೂ ಆರ್ಥಿಕ ಸಮಸ್ಯೆಗಳು ಕಾಡುವುದಿಲ್ಲ ಎನ್ನುವ ನಂಬಿಕೆ ಇದೆ. ಅಲ್ಲದೇ, ಸಂಪತ್ತು ಸಹ ಹೆಚ್ಚಾಗುತ್ತದೆ.

ಬಿಲ್ವಪತ್ರೆಯ ಬೇರಿನ ನೀರನ್ನು ಹಣೆಯ ಮೇಲೆ ಹಚ್ಚುವುದರಿಂದ ಸಕಲ ತೀರ್ಥಯಾತ್ರೆಗಳ ಪುಣ್ಯ ಲಭಿಸುತ್ತದೆ. ಹಾಗೆಯೇ, ಸೋಮವಾರ ಬಿಲ್ವಪತ್ರೆಯ ಎಲೆಗಳನ್ನು ಕೀಳಬಾರದು ಎನ್ನಲಾಗುತ್ತದೆ. ಈ ರೀತಿ ಕಿತ್ತರೆ ಜೀವನದಲ್ಲಿ ಅನೇಕ ಸಮಸ್ಯೆಗಳು ಹುಡುಕಿ ಬರುತ್ತದೆ.

ಬಿಲ್ವಪತ್ರೆಯಲ್ಲಿ ಶಿವ ಹಾಗೂ ಪಾರ್ವತಿ ನೆಲೆಸಿರುತ್ತಾರೆ ಎನ್ನುವ ನಂಬಿಕೆ ಇದೆ. ಹಾಗಾಗಿ ಬಿಲ್ವ ಅರ್ಪಿಸಿ ಶಿವ-ಪಾರ್ವತಿಯನ್ನು ಪೂಜಿಸುವವರಿಗೆ ಮಹಾದೇವ ಮತ್ತು ಪಾರ್ವತಿಯ ಆಶೀರ್ವಾದ ಸಿಗುತ್ತದೆ. (ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)