Wedding: ಮದುವೆಗೆ ಮೊದಲು ಈ ಪರಿಹಾರ ಮಾಡಿದ್ರೆ ದಾಂಪತ್ಯದಲ್ಲಿ ಯಾವ್ದೇ ಸಮಸ್ಯೆ ಇರಲ್ಲ

ದಾಂಪತ್ಯದಲ್ಲಿ ಸಣ್ಣ-ಪುಟ್ಟ ಸಮಸ್ಯೆ ಮಾಮೂಲಿ ಆದರೆ ಅತಿಯಾದರೆ ಯಾವುದೂ ಒಳ್ಳೆಯದಲ್ಲ. ಹಾಗಾಗಿ ನಿಮ್ಮ ದಾಂಪತ್ಯದಲ್ಲಿ ಯಾವುದೇ ಸಮಸ್ಯೆ ಬರಬಾರದು ಎಂದರೆ ಜ್ಯೋತಿಷ್ಯದ ಪ್ರಕಾರ ಕೆಲ ಪರಿಹಾರ ಮಾಡಿದರೆ ಸಾಕು.

ಹಾಗೆಯೇ ನಮ್ಮ ಸಂಪ್ರದಾಯದಲ್ಲಿ ಒಂದೊಂದು ಮರಕ್ಕೆ ಬಹಳ ಮಹತ್ವವಿದೆ. ಆ ಮರಗಳನ್ನು ಪೂಜಿಸುವುದರಿಂದ ಅನೇಕ ಸಮಸ್ಯೆಗಳಿಗೆ ಪರಿಹಾರ ಸಿಗುತ್ತದೆ. ಮುಖ್ಯವಾಗಿ ಮಾವಿನ ಮರಕ್ಕೆ ದೇವರ ಸ್ಥಾನ ನೀಡಲಾಗಿದೆ.

ಮದುವೆಗೆ ಮೊದಲು ದೂರದ ಜಾಗದಲ್ಲಿ 2 ಮಾವಿನ ಗಿಡ ನೆಟ್ಟು, ಪ್ರತಿದಿನ ನೀರು ಹಾಕಬೇಕು. ಅಲ್ಲದೇ, ಈ ಸಮಯದಲ್ಲಿ ವಿಷ್ಣುವಿನ ಧ್ಯಾನ ಮಾಡುವುದರಿಂದ ಮದುವೆಯ ನಂತರ ವೈವಾಹಿಕ ಜೀವನದಲ್ಲಿ ಸಮಸ್ಯೆ ಬರಲ್ಲ.

ಇಷ್ಟೇ ಅಲ್ಲದೇ ಮದುವೆಗೆ ಮೊದಲು ಪ್ರತಿದಿನ ಮಾವಿನ ಮರಕ್ಕೆ ಪ್ರದಕ್ಷಿಣೆ ಹಾಕುವುದರಿಂದ ಸಹ ದಾಂಪತ್ಯ ಜೀವನದಲ್ಲಿ ಜಗಳ ಆಗುವುದಿಲ್ಲ ಹಾಗೂ ದಂಪತಿಗಳ ನಡುವೆ ಉತ್ತಮ ಬಾಂಧವ್ಯ ಇರುತ್ತದೆ.

ಇನ್ನು ಸುಮಾರು 11 ಶನಿವಾರ ನೀವು ಮಾವಿನ ಮರದ ಎಲೆಗಳಿಂದ ತೋರಣ ಮಾಡಿ ಹನುಮಂತನ ದೇವಸ್ಥಾನಕ್ಕೆ ಅರ್ಪಿಸುವುದರಿಂದ ಮದುವೆ ಬೇಗ ಆಗುತ್ತದೆ ಮಾತ್ರವಲ್ಲದೇ ಸಂಸಾರದಲ್ಲಿ ಸಹ ನೆಮ್ಮದಿ ಇರುತ್ತದೆ.

ಈ ಮಾವಿನ ಮರ ಕೇವಲ ಮದುವೆ ಸಮಸ್ಯೆಗಳಿಗೆ ಮಾತ್ರವಲ್ಲದೇ ಚಂದ್ರ, ರಾಹು ಹಾಗೂ ಶನಿಯ ದೋಷಗಳಿಂದ ನಿಮಗೆ ಮುಕ್ತಿ ನೀಡುತ್ತದೆ. ಈ ಯಾವುದೇ ಸಮಸ್ಯೆ ಇದ್ದರೆ ಮಾವಿನ ಮರವನ್ನು ಪೂಜಿಸಬೇಕು.

ಇನ್ನು ಈಗಾಗಲೇ ಮದುವೆಯಾಗಿದ್ದು ಸಮಸ್ಯೆಗಳನ್ನು ಅನುಭವಿಸುತ್ತಿದ್ದರೆ ಪ್ರತಿದಿನ ಮಾವಿನ ಮರಕ್ಕೆ 1 ಚಮಚ ಕಪ್ಪು ಎಳ್ಳನ್ನು 1 ಚಮಚ ಹಾಲನ್ನು ಅರ್ಪಣೆ ಮಾಡಿದರೆ ಎಲ್ಲಾ ತೊಂದರೆಗಳಿಗೆ ಪರಿಹಾರ ಸಿಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)