Temple Rules: ದೇವಸ್ಥಾನಕ್ಕೆ ಹೋದಾಗ ಈ ರೂಲ್ಸ್ ಫಾಲೋ ಮಾಡಿದ್ರೆ ಕಷ್ಟಗಳೆಲ್ಲಾ ನಿವಾರಣೆಯಾಗುತ್ತೆ

ಶುದ್ಧವಾದ ಬಟ್ಟೆ: ನೀವು ದೇವಸ್ಥಾನಕ್ಕೆ ಹೋಗುವಾಗ ಬಟ್ಟೆಯ ಬಗ್ಗೆ ಕಾಳಜಿವಹಿಸುತ್ತೇವೆ. ಆದರೆ ನೀವು ವಿಶೇಷ ಪೂಜೆ ಮಾಡಿಸುವವರಾಗಿದ್ದರೆ ಹಾಗೂ ಗರ್ಭಗುಡಿ ಪ್ರವೇಶ ಮಾಡುವ ಸಂದರ್ಭ ಇದ್ದರೆ ಬಹಳ ಶುದ್ಧವಾದ ಬಟ್ಟೆ ಧರಿಸಿ ಹೋಗಬೇಕು.

ಪ್ರಸಾದ: ಇನ್ನು ದೇವಸ್ಥಾನಕ್ಕೆ ಹೋದಾಗ ತೀರ್ಥ-ಪ್ರಸಾದ ತೆಗೆದುಕೊಳ್ಳದೇ ಬರಬಾರದು ಎನ್ನಲಾಗುತ್ತದೆ. ಅದರಲ್ಲೂ ಪ್ರಸಾದವನ್ನು ಸ್ವಲ್ಪವಾದರೂ ದೇವಸ್ಥಾನದಲ್ಲಿಯೇ ಕುಳಿತು ತಿಂದು ಬರಬೇಕು. ಹೀಗೆ ಮಾಡುವುದರಿಂದ ಕಷ್ಟಗಳು ನಿವಾರಣೆಯಾಗುತ್ತದೆ.

ನೀರು: ದೇವಸ್ಥಾನಕ್ಕೆ ಹೋಗುವಾಗ ನೀವು ಶುದ್ಧವಾದ ನೀರನ್ನು ತೆಗೆದುಕೊಂಡು ಹೋಗಬೇಕು. ಆ ನೀರಿನಿಂದ ದೇವರಿಗೆ ಅಭಿಷೇಕ ಮಾಡುವುದರಿಂದ ಜೀವನದಲ್ಲಿ ಸಂತೋಷ ಹಾಗೂ ಸಮೃದ್ಧಿ ಹೆಚ್ಚಾಗುತ್ತದೆ.

ಗಂಟೆ ಬಾರಿಸಿ: ದೇವಸ್ಥಾನಕ್ಕೆ ಹೋದಾಗ ಅಲ್ಲಿ ಹಾಕಿರುವ ಗಂಟೆಯನ್ನು ಹೊಡೆಯದೇ ಹೊರಬಾರದು. ಇದರಿಂದ ಪಾಸಿಟಿವ್ ಎನರ್ಜಿ ಹೆಚ್ಚಾಗುತ್ತದೆ ಎನ್ನಲಾಗುತ್ತದೆ.

ದೀಪ ಹಚ್ಚಿ: ದೇವಸ್ಥಾನದಲ್ಲಿ ದೀಪ ಹಚ್ಚುವುದು ಶುಭ ಎನ್ನುವ ನಂಬಿಕೆ ಇದೆ. ಈ ರೀತಿ ದೀಪ ಹಚ್ಚುವುದರಿಂದ ನಿಮ್ಮ ಆಸೆಗಳು ಈಡೇರುವುದರ ಜೊತೆಗೆ ಸಮಸ್ಯೆಗಳು ಸಹ ಪರಿಹಾರವಾಗುತ್ತದೆ. ಹಾಗಾಗಿ ಮಿಸ್ ಮಾಡದೇ ದೀಪ ಹಚ್ಚಿ ಬನ್ನಿ.

ಹೂವು: ದೇವಸ್ಥಾನದಿಂದ ಬರುವಾಗ ಹೇಗೆ ತೀರ್ಥ ಪ್ರಸಾದ ಮರೆಯದೇ ತೆಗೆದುಕೊಂಡು ಬರಬೇಕೋ ಹಾಗೆಯೇ ಹೂವು ತೆಗೆದುಕೊಂಡು ಬರಬೇಕು. ದೇವಸ್ಥಾನದಲ್ಲಿ ಪ್ರಸಾದ ಕೊಡದಿದ್ದರೂ ಸಹ ಹೂವು ಇರುತ್ತದೆ. ಹಾಗಾಗಿ ದೇವಸ್ಥಾನದಿಂದ ಬರುವಾಗ ಖಾಲಿ ಕೈನಲ್ಲಿ ಬರಬಾರದು.

ತಲೆ ಮೇಲೆ ಬಟ್ಟೆ: ನೀವು ದೇವರಿಗೆ ನಮಸ್ಕಾರ ಮಾಡುವಾಗ ತಲೆಯ ಮೇಲೆ ಬಟ್ಟೆ ಹಾಕಿಕೊಂಡರೆ ದೇವರ ಆಶೀರ್ವಾದ ಸಿಗುತ್ತದೆ ಎನ್ನುವ ನಂಬಿಕೆ ಇದೆ. ಇದು ದೇವರಿಗೆ ಗೌರವ ಕೊಡುವ ಒಂದು ಸಂಪ್ರದಾಯ ಎನ್ನಬಹುದು.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)