Astrological Remedy: ಈ ಒಂದು ಟಿಪ್ಸ್ ಫಾಲೋ ಮಾಡಿದ್ರೆ ಸಾಕು ಕೈತಪ್ಪಿದ ಆಸ್ತಿ ಮರಳಿ ಪಡೆಯುತ್ತೀರಿ

ನೀವು ವರ್ಷಗಳಿಂದ ಆಸ್ತಿ ವಿವಾದದಿಂದ ಹೈರಾಣಾಗಿದ್ರೆ, ಇದರಿಂದ ಹೊರಬರಲು ಜ್ಯೋತಿಷ್ಯ ಶಾಸ್ತ್ರದಲ್ಲಿ ಪರಿಹಾರವಿದೆ. ಆಸ್ತಿ ವಿವಾದದಿಂದ ಬಳಲುತ್ತಿರುವವರು ಎಳ್ಳು, ಡ್ರೈ ಪ್ರೂಟ್ಸ್ ಮತ್ತು ಬೆಲ್ಲವನ್ನು ದಾನ ಮಾಡಬೇಕು.

ಈ ದಾನ ಮಾಡುವುದರಿಂದ ನಿಮ್ಮ ಆಸ್ತಿ ವಿವಾದಗಳಿದೆ ಪರಿಹಾರ ಸಿಗುತ್ತದೆ. ನಿಮ್ಮ ಜೀವನದಲ್ಲಿ ಸಂತೋಷ ಮತ್ತು ಸಮೃದ್ಧಿ ಕೂಡ ಹೆಚ್ಚಾಗುತ್ತದೆ. ಆಸ್ತಿ ವಿವಾದಗಳಿಂದ ಮುಕ್ತಿ ಪಡೆಯಲು ಇನ್ನೂ ಹಲವಾರು ವಿಧಗಳಿದೆ,

ಹಸುವಿಗೆ ಬೆಲ್ಲವನ್ನು ತಿನ್ನಿಸಿ: ಹಸುವಿಗೆ ಆಹಾರ ನೀಡುವುದು ಬಹಳ ಒಳ್ಳೆಯದು ಎಂದು ಹಿರಿಯರು ಹೇಳುತ್ತಾರೆ. ಆಸ್ತಿ ವಿವಾದಗಳಿಂದ ನಿಮಗೆ ಮುಕ್ತಿ ಬೇಕು ಎಂದರೆ ಪ್ರತಿ ಭಾನುವಾರ ಹಸುವಿಗೆ ಬೆಲ್ಲವನ್ನು ತಿನ್ನಿಸಬೇಕು. ಹಸುವಿಗೆ ಬೆಲ್ಲವನ್ನು ತಿನ್ನಿಸುವಾಗ ಒಂದು ವಿಷಯವನ್ನು ನೆನಪಿಟ್ಟುಕೊಳ್ಳಬೇಕು, ಯಾವುದೇ ಕಾರಣಕ್ಕೂ ಬೆಲ್ಲವನ್ನು ಎಸೆಯಬೇಡಿ. ಹಸುವಿನ ಹತ್ತಿರ ಹೋಗಲು ಭಯವಾದರೆ ಸ್ವಲ್ಪ ಬೆಲ್ಲ ಕೆಳಗೆ ಇಟ್ಟು ತಿನ್ನಿಸಿ

ಅನ್ನದಾನ ಮಾಡಿ: ದಾನ ಮಾಡಿದವರಿಗೆ ಪುಣ್ಯ ಸಿಗುತ್ತದೆ ಎಂಬುದು ಸನಾತನ ಧರ್ಮದ ನಂಬಿಕೆ. ಇದಲ್ಲದೆ ಆ ವ್ಯಕ್ತಿಯು ಪಾಪಗಳಿಂದ ಮುಕ್ತನಾಗುತ್ತಾನೆ ಎನ್ನಲಾಗುತ್ತದೆ. ನೀವು ಭೂ ವಿವಾದದಲ್ಲಿ ಸಿಲುಕಿಕೊಂಡಿದ್ದರೆ ಅನ್ನದಾನ ಮಾಡಬೇಕು.

ಶುಕ್ರವಾರದಂದು ಬಡವರಿಗೆ ಅಥವಾ ನಿರ್ಗತಿಕರಿಗೆ ಅನ್ನದಾನ ಮಾಡಿದರೆ ಅವರ ಆಶೀರ್ವಾದ ನಿಮಗೆ ಸಿಗುತ್ತದೆ ಎಂದು ಶಾಸ್ತ್ರಗಳು ಹೇಳುತ್ತವೆ. ಅಲ್ಲದೇ, ಇದು ನಿಮ್ಮ ಸಮಸ್ಯೆಯನ್ನು ಕಡಿಮೆ ಮಾಡುತ್ತದೆ.

ದುರ್ಗಾ ದೇವಿಯನ್ನು ಪೂಜಿಸಿ: ನಿಮ್ಮ ಕುಟುಂಬದಲ್ಲಿ ಯಾರಿಗಾದರೂ ಜಮೀನು ಖರೀದಿ ಅಥವಾ ಮಾರಾಟ ಅಥವಾ ಸಂಬಂಧಿತ ಸಮಸ್ಯೆಗಳಿದ್ದರೆ ದುರ್ಗಾ ದೇವಿಯನ್ನು ಪೂಜೆ ಮಾಡಬೇಕು. ದುರ್ಗಾ ದೇವಿಯು ಪ್ರಸನ್ನಳಾದರೆ ಆಕೆಯ ಆಶೀರ್ವಾದ ನಿಮ್ಮ ಮೇಲಿರುತ್ತದೆ ಎನ್ನುವ ನಂಬಿಕೆ ಇದೆ.

ಆಸ್ತಿ ವಿವಾದ ಇರುವವರು ದುರ್ಗಾ ಮಾತೆಯ ಮಂತ್ರಗಳನ್ನು ಪಠಿಸಬೇಕು. ನಿಮ್ಮ ಸಮಸ್ಯೆಗಳನ್ನು ತಾಯಿಯ ಮುಂದೆ ಹೇಳಬೇಕು. ಆಗ ನಿಮಗೆ ಪರಿಹಾರ ಸಿಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)