Astro Tips: ನಿಮ್ಮ ಹುಟ್ಟುಹಬ್ಬದ ದಿನದಂದು ಈ ಬಣ್ಣದ ಬಟ್ಟೆಯನ್ನು ಧರಿಸಿ, ಜೀವನ ಫುಲ್​ ಜಿಂಗಲಾಲ!

ಸಾಮಾನ್ಯವಾಗಿ ಹುಟ್ಟುಹಬ್ಬ ಬರುವ ಕೆಲವು ದಿನಗಳ ಮುಂಚೆಯೇ ನಮ್ಮಲ್ಲಿ ಅನೇಕರು ಈ ರೀತಿಯ ಬಟ್ಟೆಯನ್ನು ನಾವು ಧರಿಸಬೇಕು ಅಂತ ಪ್ಲ್ಯಾನ್ ಮಾಡ್ತಾ ಇರುತ್ತಾರೆ. ತಮ್ಮ ಹುಟ್ಟುಹಬ್ಬದ ಆಚರಣೆಯ ಬಗ್ಗೆ ಅವರಿಗೆ ತುಂಬಾನೇ ಉತ್ಸಾಹ ಮತ್ತು ಆಸಕ್ತಿ ಎರಡು ಇರುತ್ತವೆ.

ಜೀವನದ ಮತ್ತೊಂದು ವರ್ಷವನ್ನು ಆಚರಿಸಲು ಮತ್ತು ನಿಮ್ಮ ಪ್ರೀತಿಪಾತ್ರರೊಂದಿಗೆ ಹೊಸ ನೆನಪುಗಳನ್ನು ಸೃಷ್ಟಿಸಲು ನೀವು ಈ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಾರೆ. ಹುಟ್ಟುಹಬ್ಬ ಎಂಬುದು ಅನೇಕರಿಗೆ ತುಂಬಾನೇ ಪ್ರಿಯವಾದ ದಿನವಾಗಿರುತ್ತದೆ.

ಆದರೆ ನಿಮ್ಮ ವಿಶೇಷ ದಿನದಂದು ನೀವು ಯಾವ ಬಣ್ಣದ ಬಟ್ಟೆಯನ್ನು ಧರಿಸಬೇಕು ಎಂದು ನೀವು ಮೊದಲು ತಿಳಿದುಕೊಳ್ಳಬೇಕು. ಒಂದು ನಿರ್ದಿಷ್ಟ ಬಣ್ಣವು ಮುಂದಿನ ವರ್ಷದಲ್ಲಿ ನಮಗೆ ಅದೃಷ್ಟವನ್ನು ತರಬಹುದೇ? ಅಂತ ನೀವು ಕೇಳಬಹುದು.

ಗುರುದೇವ್ ಶ್ರೀ ಕಶ್ಯಪ್ ಅವರು ಸ್ಥಾಪಿಸಿದ ಆಲ್ ಇಂಡಿಯಾ ಇನ್ಸ್ಟಿಟ್ಯೂಟ್ ಆಫ್ ಓಕಲ್ಟ್ ಸೈನ್ಸ್ ಸಂಸ್ಥೆಯ ಟ್ಯಾರೋ ಕಾರ್ಡ್ ರೀಡರ್ ಗಾಯತ್ರಿ ದೇವಿ ಅವರು ಹುಟ್ಟುಹಬ್ಬಕ್ಕೆ ಯಾರು ಯಾವ ಬಣ್ಣದ ಬಟ್ಟೆಗಳನ್ನು ಧರಿಸಬೇಕು ಅನ್ನೋದನ್ನು ತಿಳಿಸಿದ್ದಾರೆ ನೋಡಿ.

1,10,19,28 ರಂದು ಜನಿಸಿದ ಜನರು: ಸಾಮಾನ್ಯವಾಗಿ 1,10,19,28 ಸಂಖ್ಯೆಯ ದಿನಾಂಕದಂದು ಜನಿಸಿದವರ ಗ್ರಹವು ಸೂರ್ಯ ಆಗಿದ್ದು, ಇವರ ಅದೃಷ್ಟದ ಬಣ್ಣಗಳು ಗೋಲ್ಡ್, ಹಳದಿ ಮತ್ತು ಕಿತ್ತಳೆ ಬಣ್ಣದ್ದಾಗಿರುತ್ತವೆ. ಈ ಬಣ್ಣಗಳು ನಾಯಕತ್ವ, ಸೃಜನಶೀಲತೆ ಮತ್ತು ಆತ್ಮವಿಶ್ವಾಸವನ್ನು ಪ್ರತಿನಿಧಿಸುತ್ತವೆ.

2,11,20,29 ರಂದು ಜನಿಸಿದ ಜನರು: ಈ ದಿನಾಂಕದಂದು ಜನಿಸಿದವರ ಗ್ರಹವು ಚಂದ್ರ ಆಗಿದ್ದು, ಇವರ ಅದೃಷ್ಟದ ಬಣ್ಣಗಳು ಬಿಳಿ ಮತ್ತು ಬೆಳ್ಳಿ ಬಣ್ಣದ್ದಾಗಿದ್ದು, ಈ ಬಣ್ಣಗಳು ಸಾಮರಸ್ಯ, ಸಮತೋಲನ ಮತ್ತು ಆಧ್ಯಾತ್ಮಿಕತೆಯನ್ನು ಪ್ರತಿನಿಧಿಸುತ್ತವೆ.

3,12,21,30 ರಂದು ಜನಿಸಿದ ಜನರು: ಈ ಸಂಖ್ಯೆಯ ದಿನಾಂಕದಂದು ಜನಿಸಿದವರ ಗ್ರಹ ಗುರು ಆಗಿದ್ದು, ಇವರ ಅದೃಷ್ಟದ ಬಣ್ಣಗಳು ಹಳದಿ ಮತ್ತು ನೇರಳೆಯಾಗಿವೆ. ಈ ಬಣ್ಣಗಳು ಸೃಜನಶೀಲತೆ, ಉತ್ಸಾಹ ಮತ್ತು ವೃತ್ತಿಜೀವನದ ಬೆಳವಣಿಗೆಯನ್ನು ಪ್ರತಿನಿಧಿಸುತ್ತವೆ.

4,13,22,31 ರಂದು ಜನಿಸಿದ ಜನರು: ಈ ದಿನಾಂಕದಂದು ಹುಟ್ಟಿದ ಜನರ ಗ್ರಹವು ರಾಹು ಆಗಿದ್ದು, ಇವರ ಅದೃಷ್ಟದ ಬಣ್ಣಗಳು ಕಪ್ಪು ಮತ್ತು ಬೂದು ಬಣ್ಣದ್ದಾಗಿರುತ್ತವೆ. ಇದು ಭ್ರಮೆಗಳು, ಆಳ, ಭೌತಿಕತೆ ಮತ್ತು ಲೌಕಿಕ ಬಯಕೆಗಳನ್ನು ಪ್ರತಿನಿಧಿಸುತ್ತದೆ.

5, 14, 23 ರಂದು ಜನಿಸಿದ ಜನರು: ಈ ಜನರ ಗ್ರಹ ಬುಧವಾಗಿದ್ದು, ಇವರ ಅದೃಷ್ಟದ ಬಣ್ಣ ಹಸಿರು ಆಗಿದೆ. ಈ ಬಣ್ಣಗಳು ಬುಧನನ್ನು ಪ್ರತಿನಿಧಿಸುತ್ತವೆ, ಇದು ಬುದ್ಧಿವಂತಿಕೆ, ಸಂವಹನ ಮತ್ತು ಮಾನಸಿಕ ಸ್ಥಿರತೆಗೆ ಸಂಬಂಧಿಸಿದೆ.

6, 15, 24 ರಂದು ಜನಿಸಿದ ಜನರು: ಈ ಜನರ ಗ್ರಹ ಶುಕ್ರವಾಗಿದ್ದು, ಈ ಜನರ ಅದೃಷ್ಟದ ಬಣ್ಣಗಳು ಪಿಂಕ್ ಮತ್ತು ತಿಳಿ ನೀಲಿ ಆಗಿವೆ. ಈ ಬಣ್ಣಗಳು ಪೋಷಣೆ, ಪ್ರೀತಿ, ಸೌಂದರ್ಯ, ಸಾಮರಸ್ಯ ಮತ್ತು ಕುಟುಂಬವನ್ನು ಪ್ರತಿನಿಧಿಸುತ್ತವೆ.

7,16,25 ರಂದು ಜನಿಸಿದ ಜನರು: ಈ ಜನರ ಗ್ರಹ ಕೇತು ಆಗಿದ್ದು, ಇವರ ಅದೃಷ್ಟದ ಬಣ್ಣಗಳು ಕಂದು ಮತ್ತು ಬೂದು ಅಂತ ಹೇಳಬಹುದು. ಈ ಬಣ್ಣಗಳು ತಟಸ್ಥತೆ, ನಿರ್ಲಿಪ್ತತೆ ಮತ್ತು ಆಧ್ಯಾತ್ಮಿಕ ಬೆಳವಣಿಗೆಯೊಂದಿಗೆ ಸಂಬಂಧಿಸಿದೆ.

8,17,26 ರಂದು ಜನಿಸಿದವರು: ಈ ಜನರ ಗ್ರಹ ಶನಿಯಾಗಿದ್ದು, ಇವರ ಅದೃಷ್ಟದ ಬಣ್ಣಗಳು ಕಪ್ಪು ಮತ್ತು ಕಡು ನೀಲಿ ಆಗಿದೆ. ಈ ಬಣ್ಣಗಳು ಶನಿ ಶಿಸ್ತು ಮತ್ತು ಜವಾಬ್ದಾರಿಯೊಂದಿಗೆ ಸಂಬಂಧ ಹೊಂದಿದ್ದಾನೆ.

9,18,27 ರಂದು ಜನಿಸಿದ ಜನರು: ಈ ಜನರ ಗ್ರಹ ಮಂಗಳ ವಾಗಿದ್ದು, ಈ ಜನರ ಅದೃಷ್ಟದ ಬಣ್ಣ ಎಂದರೆ ಅದು ಕೆಂಪು ಬಣ್ಣ ಆಗಿದೆ. ಮಂಗಳ ಗ್ರಹವು ಉತ್ಸಾಹ, ಧೈರ್ಯ ಮತ್ತು ಶಕ್ತಿಯೊಂದಿಗೆ ಸಂಬಂಧಿಸಿದೆ.