Ashada Masa: ಬಂದೇ ಬಿಡ್ತು ಆಷಾಢ; ಹೊಸದಾಗಿ ಮದ್ವೆಯಾದ ಹೆಣ್ಣು ಮಕ್ಕಳು ಈ ನಿಯಮ ಫಾಲೋ ಮಾಡಿ

ಅನೇಕ ಜೋಡಿಗಳು ಮದುವೆ ಬಂಧನದಲ್ಲಿ ಬಂಧಿಯಾಗಿವೆ. ಇನ್ನು ಮೂರೇ ದಿನದಲ್ಲಿ ಆಷಾಢ ಬರಲಿದೆ. ನಮ್ಮ ದೇಶದಲ್ಲಿ ಆಷಾಢ ಮಾಸಕ್ಕೆ ಪ್ರಾದನ್ಯತೆ ಇದೆ. ಈ ಮಾಸದಲ್ಲಿ ಹೊಸದಾಗಿ ಮದುವೆಯಾದ ಜೋಡಿಗಳು ಒಂದೇ ಮನೆಯಲ್ಲಿ ಇರಬಾರದು ಎಂಬ ನಿಯಮವನ್ನು ಹಲವು ವರ್ಷಗಳಿಂದ ಪಾಲನೆ ಮಾಡಿಕೊಂಡು ಬರಲಾಗುತ್ತಿದೆ. (ಸಾಂದರ್ಭಿಕ ಚಿತ್ರ)

ಈ ಎಲ್ಲ ಆಚರಣೆಗಳಿಗೂ ಸಾಂಪ್ರದಾಯಿಕ ಕಾರಣಗಳಿವೆ. ನವ ವಧು ಮತ್ತು ಅತ್ತೆ ಒಂದೇ ಹೊಸ್ತಿಲು ದಾಟಬಾರದು. ಈ ರೀತಿ ನಡೆದ್ರೆ ಮುಂದೆ ಇಬ್ಬರ ಬಾಂಧವ್ಯದಲ್ಲಿ ಮನಸ್ತಾಪ ಉಂಟಾಗಬಹುದು ಅಂತ ಹೇಳ್ತಾರೆ. ಹಾಗಾಗಿ ವಧುವನ್ನು ತವರಿಗೆ ಕಳುಹಿಸಲಾಗುತ್ತದೆ. (ಸಾಂದರ್ಭಿಕ ಚಿತ್ರ)

ತವರಿಗೆ ಬಂದಿರುವ ಹೆಣ್ಣು ಮಕ್ಕಳು ಕಾಲ್ಗೆಜ್ಜೆ ಧರಿಸಬೇಕು. ಇದರಿಂದ ಮನೆಯಲ್ಲಿ ಓಡಾಡುವಾಗೆಲ್ಲ ಸದ್ದು ಆಗುತ್ತದೆ. ಇದರಿಂದ ಆಷಾಢದ ಬಳಿಕ ಗಂಡನ ಮನೆಗೆ ಹಿಂದಿರುಗಿದಾಗ, ಈ ಕಾಲ್ಗೆಜ್ಜೆ ಸದ್ದು ತಾಯಿಗೆ ಮಗಳ ನೆನಪು ಮಾಡಿಸುತ್ತದೆ. ಈ ನಿಯಮವನ್ನು ಕೆಲವು ಭಾಗಗಳಲ್ಲಿ ಮಾತ್ರ ಪಾಲಿಸಲಾಗುತ್ತದೆ. (ಸಾಂದರ್ಭಿಕ ಚಿತ್ರ)

ಆಷಾಢ ಮುಗಿಸಿ ಹೊರಟ ಮಗಳಿಗೆ ತವರು ಮನೆಯಿಂದ ಗೆಜ್ಜೆಗಳಿಲ್ಲದ ಕಾಲ್ ಚೈನ್ ನೀಡಲಾಗುತ್ತದೆ. ಇದಕ್ಕೆ ಕಾರಣ ಮುಂದೆ ಗಂಡನ ಮನೆಯಲ್ಲಿ ಹೊಂದಾಣಿಕೆ ಮಾಡಿಕೊಂಡು ಜೀವನ ನಡೆಸಬೇಕು ಎಂಬುದಾಗಿದೆ. ಈ ಸಂಪ್ರದಾಯವನ್ನು ಕೆಲವು ಕಡೆ ಅನುಸರಿಸುತ್ತಾರೆ. (ಸಾಂದರ್ಭಿಕ ಚಿತ್ರ)

ಮನೆಯಲ್ಲಿ ಹಿರಿಯರು ಹೇಳುವ ಆಚರಣೆಗಳ ಹಿಂದೆ ಒಂದು ಕಾರಣ ಇರುತ್ತದೆ. ಇನ್ನೂ ವಿಶೇಷವಾಗಿ ಆಷಾಢದಲ್ಲಿ ವಿಶೇಷ ಪೂಜೆಗಳನ್ನು ಸಹ ಮಾಡಿಸಲಾಗುತ್ತದೆ. ಶಕ್ತಿದೇವತೆಗಳಿಗೆ ವಿಶೇಷ ಪೂಜೆ್ಗಳು ನಡೆಯುತ್ತದೆ. (ಸಾಂದರ್ಭಿಕ ಚಿತ್ರ)

ಅದ್ರೆ ಇಂದಿನ ಯುವ ಜನತೆ ಆಧುನಿಕತೆಯ ಭರಾಟೆಯಲ್ಲಿ ನಿಯಮಗಳನ್ನು ಪಾಲಿಸೋದಕ್ಕೆ ಹಿಂದೇಟು ಹಾಕುತ್ತಾರೆ. ಇನ್ನು ಕೆಲವರು ತಮ್ಮ ಅನುಕೂಲಗಳಿಗೆ ತಕ್ಕಂತೆ ನಿಯಮಗಳಲ್ಲಿ ಕೊಂಚ ಬದಲಾವಣೆ ಮಾಡಿಕೊಳ್ಳುತ್ತಾರೆ. (ಸಾಂದರ್ಭಿಕ ಚಿತ್ರ)

ಇನ್ನೂ ಆಷಾಢದಲ್ಲಿ ಹೊಸ ಬಟ್ಟೆ ಸೇರಿದಂತೆ ಬೆಲೆ ಬಾಳುವ ವಸ್ತುಗಳನ್ನು ಖರೀದಿ ಮಾಡಲ್ಲ. ಶುಭ ಕಾರ್ಯಕ್ರಮಗಳು ಸಹ ನಡೆಸಲ್ಲ. (ಮೇಲಿನ ಲೇಖನದ ವರದಿಯೂ ಧಾರ್ಮಿಕ ನಂಬಿಕೆಗಳು ನಡೆದ ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)