Goddess Dapat Kali: ಸಾವಿರ ವರ್ಷಗಳ ಇತಿಹಾಸವಿರುವ ವಿಶೇಷ ದೇವಾಲಯದ ಕಥೆ ಇದು

ದಕ್ಷಿಣ ದಿನಾಜ್‌ಪುರ ಜಿಲ್ಲೆ ಭಾರತ ಮತ್ತು ಬಾಂಗ್ಲಾದೇಶದ ನಡುವಿನ ಗಡಿಯ ಮಧ್ಯದಲ್ಲಿದ್ದು, ಯಮುನಾ ನದಿಯ ದಡದಲ್ಲಿರುವ ಪ್ರಾಚೀನ ಪಟ್ಟಣವಾದ ಹಿಲಿ ಅದರ ಹೃದಯಭಾಗದಲ್ಲಿದೆ.

ಈ ಪ್ರದೇಶದಲ್ಲಿ ನಡೆಯುವ ತ್ರಿಮಹಿನಿ ಪ್ರದೇಶದ ದಪತ್ (ಪವರ್) ಕಾಳಿ ಪೂಜೆ ಮತ್ತು ಅದರ ಜೊತೆಗಿನ ಜಾತ್ರೆಯು ಬಹಳ ಪ್ರಸಿದ್ಧವಾಗಿದೆ ಎನ್ನಬಹುದು. ಇದೊಂದು ವಾರ್ಷಿಕ ಆಚರಣೆ ಆಗಿದ್ದು, ಚೈತ್ರ ಸಂಕ್ರಾಂತಿಯಂದು ಪ್ರಾರಂಭವಾಗುತ್ತದೆ.

ಭಕ್ತರು ಕಾಳಿ ದೇವಿಯನ್ನು ಮೂರು ದಿನಗಳ ಕಾಲ ಭಕ್ತಿಯಿಂದ ಪೂಜಿಸುತ್ತಾರೆ. ಸ್ಥಳೀಯ ಪುರಾಣಗಳ ಪ್ರಕಾರ ನೂರಾರು ವರ್ಷಗಳಿಂದ ಈ ಪ್ರದೇಶದಲ್ಲಿ ನಡೆದುಕೊಂಡು ಬಂದಿರುವ ಈ ಪ್ರಾಚೀನ ಜಾತ್ರೆಗೆ ಸಾವಿರಾರು ಸಂಖ್ಯೆಯಲ್ಲಿ ಭಕ್ತರು ಸೇರುತ್ತಾರೆ.

ದೇವಾಲಯದ ಸ್ಥಾಪನೆಯ ಹಿಂದೆ ಐತಿಹಾಸಿಕ ಕಥೆಗಳಿದ್ದು, ಅನೇಕ ಪವಾಡಗಳು ಇಲ್ಲಿ ನಡೆದಿವೆ ಎನ್ನಲಾಗುತ್ತದೆ. ಹಿಲಿ ಬ್ಲಾಕ್‌ನಲ್ಲಿರುವ ಪುರಾತನ ಶ್ರೀ ಶ್ರೀ ದಪತ್ ಕಾಳಿ ಮಾತಾ ದೇವಸ್ಥಾನದಲ್ಲಿ ಚಿತ್ರ ಸಂಕ್ರಾಂತಿ ತಿಥಿಯಂದು ವಾರ್ಷಿಕ ಪೂಜೆಯನ್ನು ಮಾಡಲಾಗುತ್ತದೆ.

ಈ ಸಮಯದಲ್ಲಿ ಪೂಜೆಗೆ 9 ದಿನಗಳ ಮೊದಲು ಮಂಗಲ್ ಘಾಟ್ ಅನ್ನು ಸ್ಥಾಪಿಸಲಾಗುತ್ತದೆ. ಇನ್ನು ಈ ಕಾರ್ಯಕ್ರಮದಲ್ಲಿ ಸುಮಾರು 5,000 ಭಕ್ತಾದಿಗಳು ಪೂಜೆಗೆ ಸೇರುತ್ತಾರೆ, ಕಾರ್ಯಕ್ರಮದ ಸಮಯದಲ್ಲಿ ಲಕ್ಷಾಂತರ ಜನರು ದೇವಾಲಯಕ್ಕೆ ಭೇಟಿ ನೀಡುತ್ತಾರೆ.

ಸಂಪ್ರದಾಯದಂತೆ ವಾರ್ಷಿಕ ಪೂಜೆಯು ಬೆಳಗ್ಗೆ ಪ್ರಾರಂಭವಾಗುತ್ತದೆ. ಹಂತ ಹಂತವಾಗಿ, ಶಿವ, ಬಸಲಿ, ಶೀತಲ, ಮಾನಸ, ಮತ್ತು ಲಕ್ಷ್ಮೀ-ನಾರಾಯಣ ಸೇರಿದಂತೆ ಹತ್ತು ದೇವಾಲಯಗಳ ಪೂಜೆ ಮಾಡಲಾಗುತ್ತದೆ.

ಇನ್ನು ಮುಂಜಾನೆಯಿಂದಲೇ ದೇವಸ್ಥಾನಕ್ಕೆ ಮಹಿಳೆಯರು ದೇವರ ದರ್ಶನಕ್ಕೆ ಬರುತ್ತಾರೆ. ಅಲ್ಲದೇ, ಇಲ್ಲಿ ಮಧ್ಯಾಹ್ನ ಮೇಕೆ ಬಲಿ ನಡೆಯುತ್ತದೆ. ಪೂಜಾ ಸಮಿತಿಯ ಸದಸ್ಯರಾದ ದೇಬ್ದುಲಾಲ್ ಮೊಂಡಲ್, ಈ ಬಗ್ಗೆ ಮಾತನಾಡಿದ್ದು ಎರಡು ವರ್ಷಗಳ ಕೋವಿಡ್ -19 ನಂತರ, ಈ ವರ್ಷ ಕಾರ್ಯಕ್ರಮಕ್ಕೆ ಹೆಚ್ಚು ಜನ ಸೇರಿದ್ದು, ಇದಕ್ಕೆ ಬೇಕಾದ ಸಂಪೂರ್ಣ ವ್ಯವಸ್ಥೆ ಆಗಿದೆ ಎಂದಿದ್ದಾರೆ.

ಮೊದಲಿನಿಂದಲೂ ಪೂಜೆಯ ಎಲ್ಲ ನಿಯಮಗಳನ್ನು ಪಾಲಿಸಿಕೊಂಡು ಬಂದಿದ್ದೇವೆ. ತಮ್ಮ ಇಷ್ಟಾರ್ಥಗಳನ್ನು ಈಡೇರಿಸಿಕೊಳ್ಳಲು ದೂರದ ಊರುಗಳಿಂದ ಜನರು ಒಂದೆಡೆ ಸೇರುತ್ತಾರೆ. ಸಾಮಾನ್ಯವಾಗಿ ಜಾತ್ರೆಗೆ ಮೂರು ದಿನಗಳ ಕಾಲ ನಡೆಯುತ್ತದೆ. ಈ ವರ್ಷವೂ ಜಾತ್ರೆಯಲ್ಲಿ ಉತ್ತಮ ವ್ಯಾಪಾರವಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.