Aareshwaram Temple: ಮಹಿಳೆಯರ ಶಬರಿಮಲೆಯಂತೆ ಈ ದೇವಸ್ಥಾನ, ಶನಿದೋಷಕ್ಕೆ ಸಿಗುತ್ತೆ ಇಲ್ಲಿ ಪರಿಹಾರ

ಕೇರಳದಲ್ಲಿಯೇ ಗುಡ್ಡದ ಮೇಲೊಂದು ದೇವಸ್ಥಾನವಿದ್ದು, ಇಲ್ಲಿನ ಅಯ್ಯಪ್ಪನ ದರ್ಶನ ಪಡೆಯಲು ಮಹಿಳೆಯರಿಗೆ ಸಹ ಅವಕಾಶವಿದೆ. ಪುರಾಣಗಳ ಪ್ರಕಾರ ಇದೊಂದು ಶಾಸ್ತ ದೇವಾಲಯವಾಗಿದ್ದು, ಇಲ್ಲಿ ಮುಖ್ಯ ದೇವರಾಗಿ ಅಯ್ಯಪ್ಪ ಸ್ವಾಮಿಯನ್ನು ಪೂಜೆ ಮಾಡಲಾಗುತ್ತದೆ.

ಈ ದೇವಸ್ಥಾನದಲ್ಲಿ ಅಯ್ಯಪ್ಪ ಮಾತ್ರವಲ್ಲದೇ 5 ದೇವತೆಗಳ ಮೂರ್ತಿ ಸಹ ಇಲ್ಲಿದೆ. ಶಿವ, ಪಾರ್ವತಿ, ಗಣಪತಿ, ಸುಬ್ರಹ್ಮಣ್ಯ ಹಾಗೂ ವಿಷ್ಣು ವಿಗ್ರಹಗಳು ಸಹ  ಇಲ್ಲಿದ್ದು, ಅಯ್ಯಪ್ಪನ ಜೊತೆ ಭಕ್ತಾದಿಗಳು ಈ ದೇವರ ದರ್ಶನ ಸಹ ಪಡೆಯಬಹುದಾಗಿದೆ.

ಈ ದೇವಾಲಯವನ್ನು ಆರೇಶ್ವರ ದೇವಸ್ಥಾನ ಎಂದು ಕರೆಯಲಾಗುತ್ತದೆ. ಚಿಕ್ಕ ಗುಡ್ಡ ದಮೇಲೆ ಈ ಸ್ಥಳವಿದ್ದು, ಇಲ್ಲಿ ಮಹಿಳಯರು ಯಾವುದೇ ಸಮಸ್ಯೆಯಿಲ್ಲದೇ ಅಯ್ಯಪ್ಪನ ದರ್ಶನ ಪಡೆಯಬಹುದು.

ಅಲ್ಲದೇ ಈ ದೇವಾಲಯದ ಪಕ್ಕದಲ್ಲಿ ಕಲ್ಲುಬಂಡೆಗಳ ಗುಹೆಯೊಂದು ಸಹ ಇದ್ದು, ಅವುಗಳನ್ನು ಪುನರ್ಜನಿ ಗುಹೆಗಳೆಂದು ಕರೆಯುತ್ತಾರೆ. ಈ ಸ್ಥಳ ಬಹಳ ಪ್ರಶಾಂತವಾದ ಸ್ಥಳ ಎಂದು ಹೆಸರುಗಳಿಸಿದ್ದು, ದಿನಕ್ಕೆ ನೂರಾರು ಭಕ್ತರು ದರ್ಶನ ಪಡೆಯುತ್ತಾರೆ.

ಇನ್ನು ಈ ಆರೇಶ್ವರ ದೇವಾಲಯವು ಕೇರಳದ ತ್ರಿಶ್ಶೂರ್ ಜಿಲ್ಲೆಯ ವಾಸುಪುರದಲ್ಲಿದ್ದು, ಇದು ಶಬರಿಮಲೆಯಂತೆಯೇ ಬಹಳ ಪ್ರಸಿದ್ಧವಾಗಿದೆ. ವಾಸುಪುರದ ಕೊಡಶೇರಿಮಲ ಎಂಬ ಚಿಕ್ಕ ಗುಡ್ಡದ ಮೇಲೆ ಈ ದೇವಾಲಯವಿದ್ದು, ನಂಬಿ ಬಂದ ಭಕ್ತರ ಆಸೆಗಳನ್ನು ಈಡೇರಿಸುವ ಸ್ಥಳ ಎನ್ನುವ ನಂಬಿಕೆ ಇದೆ.

ಪುರಾಣಗಳ ಪ್ರಕಾರ ಈ ದೇವಸ್ಥಾನಕ್ಕೆ ಬಂದು ಬೇಡಿಕೊಂಡರೆ ಶನಿಯ ಕಾಟದಿಂದ ಮುಕ್ತಿ ಸಿಗುತ್ತದೆ ಎನ್ನಲಾಗುತ್ತದೆ. ಹಾಗಾಗಿ ಸಾಡೇಸಾತಿ ಸಮಸ್ಯೆ ಇರುವವರು ಇಲ್ಲಿಗೆ ಭೇಟಿ ನೀಡುತ್ತಾರೆ.

ಒಟ್ಟಾರೆಯಾಗಿ ಈ ದೇವಸ್ಥಾನಕ್ಕೆ ಬಂದು ಸಮಸ್ಯೆಗಳಿಗೆ ಪರಿಹಾರ ಪಡೆದ ಹಲವಾರು ಭಕ್ತರಿದ್ದು, ದಿನದಿಂದ ದಿನಕ್ಕೆ ಬರುವ ಭಕ್ತಾಧಿಗಳ ಸಂಖ್ಯೆ ಸಹ ಹೆಚ್ಚಾಗುತ್ತಿದೆ.