Akshaya Tritiya 2023: ಚಿನ್ನದ ಬದಲು ಈ ವಸ್ತುಗಳನ್ನು ಖರೀದಿಸಿದ್ರೂ ಸಂಪತ್ತು ಡಬಲ್ ಆಗುತ್ತೆ

ಭಾರತೀಯರಿಗೆ ಚಿನ್ನದೊಂದಿಗೆ ಅವಿನಾಭಾವ ಸಂಬಂಧವಿದೆ ಎನ್ನುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಚಿಕ್ಕಪುಟ್ಟ ಕಾರ್ಯಕ್ರಮಗಳಿಂದ ಹಿಡಿದು ಮದುವೆಗಳವರೆಗೆ ಚಿನ್ನವನ್ನು ಖರೀದಿಸಲೇಬೇಕು ಎನ್ನುವುದು ಒಂದು ಸಂಪ್ರದಾಯವಾಗಿದೆ. ಚಿನ್ನ ಭಾರತೀಯರಿಗೆ ಒಂದು ಭಾವನೆ ಎಂದರೆ ತಪ್ಪಲ್ಲ. ಅದಕ್ಕಾಗಿಯೇ ಯಾವುದೇ ಶುಭ ಕಾರ್ಯವಿದ್ದರೂ ಚಿನ್ನವನ್ನು ಖರೀದಿಸುತ್ತಾರೆ.

ಅದಕ್ಕಾಗಿಯೇ ಅಕ್ಷಯ ತೃತೀಯ ಸಮಯದಲ್ಲಿ ಚಿನ್ನದ ಖರೀದಿ ಮಾಡುತ್ತಾರೆ. ಆ ವಿಶೇಷ ದಿನದಂದು ಚಿನ್ನವನ್ನು ಖರೀದಿಸುವುದು ಎಂದರೆ ಲಕ್ಷ್ಮಿ ದೇವಿಯನ್ನು ಮನೆಗೆ ಕರೆತಂದಂತೆ ಎನ್ನುವ ನಂಬಿಕೆ ಇದೆ. ಇನ್ನು ಈ ಬಾರಿ ಅಕ್ಷಯ ತೃತೀಯ ಏಪ್ರಿಲ್ 22 ರಂದು ಬಂದಿದ್ದು, ಈ ದಿನ ಸಹ ಜನ ಚಿನ್ನ ಖರೀದಿ ಮಾಡುತ್ತಾರೆ. ಆದರೆ ಚಿನ್ನದ ಬದಲು ಕೆಲ ವಸ್ತುಗಳನ್ನು ಖರೀದಿ ಮಾಡುವುದರಿಂದ ಸಹ ಸಂಪತ್ತು ಹೆಚ್ಚಾಗುತ್ತದೆ.

ದಕ್ಷಿಣಾವರ್ತಿ ಶಂಖ: ಶ್ರೀ ಮಹಾವಿಷ್ಣುವಿನ ಕೈಯಲ್ಲಿ ಶಂಖ ಇರುತ್ತದೆ ಎಂಬುದು ಎಲ್ಲರಿಗೂ ಗೊತ್ತಿದೆ. ಆದರೆ ದಕ್ಷಿಣಾವರ್ತಿ ಶಂಖವು ಲಕ್ಷ್ಮಿ ದೇವಿಗೆ ಬಹಳ ಪ್ರಿಯ ಎಂಬುದು ಹಲವಾರು ಜನರಿಗೆ ಗೊತ್ತಿಲ್ಲ. ಹಾಗಾಗಿ ಅಕ್ಷಯ ತೃತೀಯ ಸಂದರ್ಭದಲ್ಲಿ ಮಾರುಕಟ್ಟೆಯಿಂದ ದಕ್ಷಿಣಾವರ್ತಿ ಶಂಖವನ್ನು ಖರೀದಿಸುವುದು ಬಹಳ ಶುಭ ಎನ್ನುತ್ತಾರೆ.

ಶ್ರೀಯಂತ್ರ ಖರೀದಿಸಿ: ಮನೆಯ ಪೂಜಾ ಕೋಣೆಯಲ್ಲಿ ಶ್ರೀಯಂತ್ರವನ್ನು ಪ್ರತಿಷ್ಠಾಪಿಸುವುದು ತುಂಬಾ ಶುಭ ಎನ್ನುತ್ತಾರೆ. ಹಾಗೆಯೇ, ಶ್ರೀ ಯಂತ್ರವನ್ನು ಖರೀದಿಸಲು ಅಕ್ಷಯ ತೃತೀಯ ಅತ್ಯುತ್ತಮ ದಿನವಾಗಿದೆ. ಅಕ್ಷಯ ತೃತೀಯಕ್ಕೆ ಶಾಪಿಂಗ್ ಮಾಡುವಾಗ ಚಿನ್ನದ ಬದಲು ಶ್ರೀಯಂತ್ರವನ್ನೂ ಖರೀದಿಸಬಹುದು

ಮಡಕೆ ಖರೀದಿಸಿ: ಬೇಸಿಗೆಯಲ್ಲಿ ಅನೇಕ ಜನರು ಮಡಕೆಯನ್ನು ತಂಪು ನೀರು ಕುಡಿಯುವ ದೃಷ್ಟಿಯಿಂದ ಖರೀದಿ ಮಾಡುತ್ತಾರೆ. ಆದರೆ ಅಕ್ಷಯ ತೃತೀಯ ಮಡಕೆ ಖರೀದಿಸಲು ತುಂಬಾ ಉತ್ತಮ ದಿನ ಎನ್ನಲಾಗುತ್ತದೆ. ಹಾಗಾಗಿ ಅಕ್ಷಯ ತೃತೀಯದಂದು ಮಣ್ಣಿನ ಮಡಕೆ ಖರೀದಿಸಿ ಮನೆಯಲ್ಲಿ ಇಡಬಹುದು.

ಕವಡೆ ಹಾಗೂ ಕಪ್ಪೆ ಚಿಪ್ಪು: ಅಕ್ಷಯ ತೃತೀಯ ಸಂದರ್ಭದಲ್ಲಿ ನೀವು ಚಿನ್ನದ ಜೊತೆ ಕವಡೆ ಕಪ್ಪೆ ಚಿಪ್ಪುಗಳನ್ನು ಖರೀದಿಸಬಹುದು. ಅಕ್ಷಯ ತೃತೀಯ ಶಾಪಿಂಗ್ ಸಮಯದಲ್ಲಿ.. ಮಾರುಕಟ್ಟೆಯಿಂದ ಇವುಗಳನ್ನು ಖರೀದಿಸಿ ಲಕ್ಷ್ಮಿ ದೇವಿಯ ಪಾದಕ್ಕೆ ಅರ್ಪಿಸಿ. ಇದರಿಂದ ನಿಮ್ಮ ಸಂಪತ್ತು ಹೆಚ್ಚಾಗುತ್ತದೆ.

ಬಾರ್ಲಿಯನ್ನು ಖರೀದಿಸಿ: ನೀವು ಅಕ್ಷಯ ತೃತೀಯ ಶಾಪಿಂಗ್ ಪಟ್ಟಿಯಲ್ಲಿ ಬಾರ್ಲಿಯನ್ನು ಕೂಡ ಸೇರಿಸಬಹುದು. ಅದರಲ್ಲೂ ಕಡಿಮೆ ಬಜೆಟ್‌ ಕಾರಣದಿಂದ ಚಿನ್ನ ಖರೀದಿಸಲು ಸಾಧ್ಯವಾಗದೇ ಇದ್ದರೆ ಅಕ್ಷಯ ತೃತೀಯ ದಿನದಂದು ಬಾರ್ಲಿಯನ್ನು ಖರೀದಿ ಮಾಡಬಹುದು. ಈ ದಿನ ಬಾರ್ಲಿಯನ್ನು ಖರೀದಿಸುವುದು ತುಂಬಾ ಮಂಗಳಕರ ಎನ್ನಲಾಗುತ್ತದೆ. ಇನ್ನು ಪೂಜೆಯ ಸಮಯದಲ್ಲಿ.. ವಿಷ್ಣುವಿನ ಪಾದಗಳಿಗೆ ಕೆಲವು ಬಾರ್ಲಿ ಧಾನ್ಯಗಳನ್ನು ಅರ್ಪಿಸಿದರೆ ನಿಮ್ಮ ಮನೆಯಲ್ಲಿ ಸಂಪತ್ತು ಹೆಚ್ಚುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)