Vastu Tips: ನಿಮ್ಮ ವ್ಯಾಲೆಟ್ ಯಾವ ಬಣ್ಣದ್ದು? ಯಾವ್ ಯಾವುದೋ ಬಳಸೋ ಬದಲು, ಈ ಬಣ್ಣದ್ದು ಬಳಸಿದ್ರೆ ಶ್ರೀಮಂತರಾಗ್ತೀರಿ!

ಖಾಲಿ ಲಗೇಜ್​ ಮತ್ತು ಪರ್ಸ್ ಜೀವನದ ಬಗ್ಗೆ ಬಹಳಷ್ಟು ಪಾಠ ಕಲಿಸುತ್ತದೆ. ಹಣವು ಅಗತ್ಯಗಳನ್ನು ಪೂರೈಸುವುದು ಮಾತ್ರವಲ್ಲದೆ ಆಸೆಗಳನ್ನು ಪೂರೈಸುತ್ತದೆ. ಹಣಕಾಸಿನ ಸ್ಥಿತಿ ಸರಿಯಿಲ್ಲದಿದ್ದಾಗ, ಸಂಪಾದನೆ ಬಿಗಿಯಾದಾಗ, ಕಷ್ಟಗಳು ತುಂಬಿ ಪರ್ಸ್ ಖಾಲಿಯಾಗುತ್ತದೆ.

ಆದರೆ ವಾಸ್ತು ಶಾಸ್ತ್ರದ ಪ್ರಕಾರ, ಪರ್ಸ್ ಅಥವಾ ವ್ಯಾಲೆಟ್ ಮತ್ತು ಆರ್ಥಿಕ ಪರಿಸ್ಥಿತಿಯ ನಡುವೆ ನಿಕಟ ಸಂಬಂಧವಿದೆ. ನಿಮ್ಮ ವ್ಯಾಲೆಟ್‌ನ ಬಣ್ಣವು ನಿಮ್ಮ ಆರ್ಥಿಕ ಯೋಗಕ್ಷೇಮದ ಮೇಲೆ ಪರಿಣಾಮ ಬೀರುತ್ತದೆ ಎಂದು ವಾಸ್ತು ತಜ್ಞರು ಹೇಳುತ್ತಾರೆ. ವಾಸ್ತು ಶಾಸ್ತ್ರದ ಪ್ರಕಾರ ಅದೃಷ್ಟ, ಹಣ, ಯಶಸ್ಸು, ಬೆಳವಣಿಗೆ ಮತ್ತು ಸಮೃದ್ಧಿಯನ್ನು ಪಡೆಯಬೇಕಾದ್ರೆ ಈ ಬಣ್ಣದ ಪರ್ಸ್​ಗಳನ್ನು ಬಳಸ್ಬೇಕು.

ಕಿತ್ತಳೆ: ಇದು ಉತ್ಸಾಹ, ಯಶಸ್ಸು ಮತ್ತು ಸಕಾರಾತ್ಮಕತೆಗೆ ಸಂಬಂಧಿಸಿದ ಉತ್ತಮವಾದ ಬಣ್ಣವಾಗಿದೆ. ಇದು ಸಂಪತ್ತು ಮತ್ತು ಸಮೃದ್ಧಿಯನ್ನು ಆಕರ್ಷಿಸುತ್ತದೆ ಎಂದು ನಂಬಲಾಗಿದೆ. ಈ ಬಣ್ಣದ ಪರ್ಸ್​ ಅನ್ನು ಬಳಸಿದರೆ ಅದೃಷ್ಟವೆಂದು ಪರಿಗಣಿಸಲಾಗುತ್ತದೆ.

ಕೆಂಪು: ಈ ಬಣ್ಣವು ಖ್ಯಾತಿ ಮತ್ತು ಸಮೃದ್ಧಿಯನ್ನು ಪ್ರತಿನಿಧಿಸುತ್ತದೆ. ಈ ಬಣ್ಣವು ಸಮೃದ್ಧಿಯನ್ನು ಆಕರ್ಷಿಸುತ್ತದೆ. ಆದರೆ ಇದು ಬೆಂಕಿಯ ಅಂಶದ ಬಣ್ಣವಾಗಿರುವುದರಿಂದ, ಇದು ವೆಚ್ಚವನ್ನು ಹೆಚ್ಚಿಸುತ್ತದೆ. ಆದ್ದರಿಂದ ಸಾಂದರ್ಭಿಕವಾಗಿ ಈ ಬಣ್ಣದ ಪರ್ಸ್ ಅನ್ನು ಬಳಸಬಹುದು. ಕೆಂಪು ಬಣ್ಣವು ಉತ್ಸಾಹ ಮತ್ತು ಶಕ್ತಿಯೊಂದಿಗೆ ಸಂಬಂಧಿಸಿದ ಪ್ರಬಲ ಬಣ್ಣವಾಗಿದೆ. ಕೆಂಪು ಬಣ್ಣದ ಪರ್ಸ್​ ಅನ್ನು ಬಳಸಿದರೆ ಅದೃಷ್ಟ ಮತ್ತು ಆರ್ಥಿಕ ಯಶಸ್ಸನ್ನು ತರುತ್ತದೆ ಎಂದು ನಂಬಲಾಗಿದೆ.

ಹಸಿರು: ಹಸಿರು ಬಣ್ಣವು ಸಕಾರಾತ್ಮಕತೆ, ಜೀವನ, ಅಭಿವೃದ್ಧಿಯನ್ನು ಪ್ರತಿನಿಧಿಸುತ್ತದೆ. ನಿಮ್ಮ ಆರ್ಥಿಕತೆಯನ್ನು ಸುಧಾರಿಸಲು ಮತ್ತು ಅಭಿವೃದ್ಧಿಯನ್ನು ಹುಡುಕಲು ನೀವು ಬಯಸಿದರೆ, ಹಸಿರು ಬಣ್ಣದ ಪರ್ಸ್ ಅದೃಷ್ಟವನ್ನು ನೀಡುತ್ತದೆ. ಹಸಿರು ಬೆಳವಣಿಗೆ, ಹೊಸತನ ಮತ್ತು ಸಮೃದ್ಧಿಯನ್ನು ಪ್ರತಿನಿಧಿಸುತ್ತದೆ. ಹಸಿರು ವ್ಯಾಲೆಟ್​ ಸಂಪತ್ತು ಮತ್ತು ಯಶಸ್ಸನ್ನು ಆಕರ್ಷಿಸುತ್ತದೆ ಎಂದು ನಂಬಲಾಗಿದೆ.

ಹಳದಿ: ಹಳದಿ ಸೂರ್ಯನ ಬಣ್ಣವಾಗಿದೆ, ಆದ್ದರಿಂದ ಇದು ಸಂಪತ್ತು ಮತ್ತು ಸಮೃದ್ಧಿಯ ಸಂಕೇತವಾಗಿದೆ. ಸಂತೋಷವು ನಕಾರಾತ್ಮಕತೆಯನ್ನು ದೂರ ಮಾಡುತ್ತದೆ. ಈ ಬಣ್ಣದ ವ್ಯಾಲೆಟ್ ಅನ್ನು ಬಳಸಿದರೆ ನೀವು ಜೀವನದಲ್ಲಿ ಸಂತೋಷದಿಂದಿರಬಹುದು..

ಕಂದು : ಇದು ಭೂಮಿಯ ಅಂಶವನ್ನು ಪ್ರತಿನಿಧಿಸುತ್ತದೆ. ಸಂಪತ್ತಿನಲ್ಲಿ ಹೆಚ್ಚು ಅಭಿವೃದ್ಧಿಯನ್ನು ತರಲು ಇದು ಸಹಕಾರಿಯಾಗಬಹುದು. ಇನ್ನು ಆದಾಯ ಮತ್ತು ವೆಚ್ಚದಲ್ಲಿ ಸಮತೋಲನವನ್ನು ಕಾಪಾಡಿಕೊಳ್ಳಲು ಈ ಬಣ್ಣದ ಪರ್ಸ್​ ಸಹಾಯ ಮಾಡುತ್ತದೆ.

ನೀಲಿ: ನೀಲಿ ಬಣ್ಣವು ಶಾಂತಿ, ನೆಮ್ಮದಿಯನ್ನು ಪ್ರತಿನಿಧಿಸುತ್ತದೆ. ನೀಲಿ ಬಣ್ಣದ ವ್ಯಾಲೆಟ್ ಅನ್ನು ಬಳಸುವುದರಿಂದ ಆರ್ಥಿಕ ಸ್ಥಿರತೆ ಮತ್ತು ಭದ್ರತೆಯನ್ನು ತರುತ್ತದೆ ಎಂದು ನಂಬಲಾಗಿದೆ. ನೀಲಿ ಬಣ್ಣವು ಗಂಟಲಿನ ಚಕ್ರಕ್ಕೆ ಸಂಬಂಧಿಸಿದೆ. ಇದು ಸಂವಹನ, ಸ್ವಯಂ ಅಭಿವ್ಯಕ್ತಿಯನ್ನು ಪ್ರತಿನಿಧಿಸುತ್ತದೆ. (Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)