Valentine's Day Gift: ವಾಸ್ತುಪ್ರಕಾರ ಈ ಗಿಫ್ಟ್​ ಕೊಟ್ರೆ ಬ್ರೇಕಪ್ ಆಗೋದೇ ಇಲ್ಲ

ಬಿದಿರಿನ ಗಿಡ: ನಿಮ್ಮ ಸಂಗಾತಿಗೆ ಈ ವಿಶೇಷ ದಿನದಂದು ಬಿದಿರಿನ ಗಿಡವನ್ನು ಗಿಫ್ಟ್ ಕೊಡಬೇಕು. ಇದನ್ನು ಕೊಡುವುದರಿಂದ ಜೀವನದಲ್ಲಿ ಸಮೃದ್ಧಿ ಆಗುತ್ತದೆ. ಈ ಗಿಡ ಪ್ರಗತಿಯ ಸಂಕೇತವಾಗಿರುವುದರಿಂದ, ನಿಮ್ಮ ಸಂಬಂಧದಲ್ಲಿ ಪ್ರೀತಿ, ಸಂತೋಷ ಹೆಚ್ಚಾಗುತ್ತದೆ.

ಲಾಫಿಂಗ್ ಬುದ್ದ: ಪ್ರೇಮಿಗಳ ದಿನದಂದು ನಿಮ್ಮ ಸಂಗಾತಿಗೆ ನಗುತ್ತಿರುವ ಬುದ್ಧನ ಪ್ರತಿಮೆಯನ್ನು ಕೊಟ್ಟರೆ ಒಳ್ಳೆಯದು. ಇದು ಜೀವನದಲ್ಲಿ ಪ್ರತಿಕ್ಷಣ ಸಂತೋಷವಾಗಿರಲು ಮುಖ್ಯ ಕಾರಣ ಎನ್ನಬಹುದು. ಇದರಿಂದ ಸಮೃದ್ಧಿ ಹಾಗೂ ಪಾಸಿಟಿವಿಟಿ ಹೆಚ್ಚಾಗುತ್ತದೆ ಎನ್ನಲಾಗುತ್ತದೆ.

ಹೂವು: ಸಾಮಾನ್ಯವಾಗಿ ಸಂಗಾತಿಗೆ ಹೂವು ಕೊಡುತ್ತೇವೆ. ಆದರೆ ಹೂವು ಕೊಡುವಾಗ ಕೆಂಪು ಹಾಗೂ ಗುಲಾಬಿ ಬಣ್ಣದ ಹೂವನ್ನು ಮಾತ್ರ ಕೊಡಿ. ಇದು ಪ್ರೀತಿ ಮತ್ತು ಸ್ನೇಹದ ಸಂಕೇತವಾಗಿದ್ದು, ನಿಮ್ಮ ಸಂಬಂಧ ಗಟ್ಟಿಗೊಳಿಸಲು ಸಹಾಯ ಮಾಡುತ್ತದೆ.

ಮುಳ್ಳಿರುವ ಹೂವು ಕೊಡಬೇಡಿ: ಯಾವುದೇ ಕಾರಣಕ್ಕೂ ಈ ವಿಶೇಷ ದಿನದಂದು ಹೂವು ಕೊಡುವಾಗ ಈ ತಪ್ಪು ಮಾಡಬೇಡಿ. ಗುಲಾಬಿ ಹೂ ಕೊಟ್ಟರೆ ಅದರಲ್ಲಿ ಮುಳ್ಳು ಇರದಂತೆ ನೋಡಿಕೊಳ್ಳಿ. ಈ ರೀತಿ ಹೂವಿನಲ್ಲಿ ಮುಳ್ಳು ಇದ್ದರೆ ಸಮಸ್ಯೆಗಳು ಹೆಚ್ಚಾಗುತ್ತದೆ ಎನ್ನಲಾಗುತ್ತದೆ.

ಗಿಫ್ಟ್ ಕವರ್: ಗಿಫ್ಟ್ ಕೊಡುವುದು ಎಷ್ಟು ಮುಖ್ಯವೋ, ಅದನ್ನು ಪ್ಯಾಕ್ ಮಾಡುವ ಕವರ್ ಬಣ್ಣ ಸಹ ಪ್ರಮುಖ ಪಾತ್ರವಹಿಸುತ್ತದೆ. ಗೋಲ್ಡನ್, ಕೆಂಪು, ಪಿಂಕ್, ಹಳದಿ ಬಣ್ಣದ ಕವರ್ ಮಾತ್ರ ಬಳಸಿದರೆ ಉತ್ತಮ ಎನ್ನುತ್ತಾರೆ. ಹಾಗೆಯೇ ಕಪ್ಪು ಹಾಗೂ ನೀಲಿ ಬಣ್ಣವನ್ನು ಯಾವುದೇ ಕಾರಣಕ್ಕೂ ಬಳಸಬೇಡಿ.

ತ್ರಿಡಿ ಕ್ರಿಸ್ಟಲ್ : ನೀವು ನಿಮ್ಮ ಸಂಗಾತಿಗೆ 3D ಕ್ರಿಸ್ಟಲ್ ವಸ್ತುಗಳನ್ನು ಕೊಡುವುದರಿಂದ ಸಂಬಂಧದಲ್ಲಿ ಯಾವುದೇ ಸಮಸ್ಯೆ ಬರುವುದಿಲ್ಲ ಎನ್ನಲಾಗುತ್ತದೆ. ಅಲ್ಲದೇ, ಈಗಾಗಲೇ ಸಂಬಂಧದಲ್ಲಿ ಸಮಸ್ಯೆ ಇದ್ದು, ಬ್ರೇಕಪ್ ಹಂತದಲ್ಲಿ ಇದ್ದರೆ ಅದನ್ನು ಸರಿಪಡಿಸಲು ಇದು ಸಹಾಯ ಮಾಡುತ್ತದೆ.

ಫೋಟೋಫ್ರೇಮ್: ಯಾರಿಗೇ ಗಿಫ್ಟ್ ಕೊಡುವಾಗ ಎಲ್ಲರ ತಲೆಯಲ್ಲಿ ಮೊದಲು ಬರುವ ವಸ್ತು ಎಂದರೆ ಫೋಟೋಫ್ರೇಮ್. ಆದರೆ ಅದರ ಆಕಾರ ಕೂಡ ಮುಖ್ಯವಾಗುತ್ತದೆ. ನೀವು ಚೌಕಾಕಾರದ ಫೋಟೋ ಫ್ರೇಮ್ ಅನ್ನು ಗಿಫ್ಟ್ ಆಗಿ ಕೊಟ್ಟರೆ ಸಂಬಂಧದಲ್ಲಿ ಪದೇ ಪದೇ ಜಗಳ ಆಗುವುದಿಲ್ಲ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)