Numerology: 2, 6 ಮತ್ತು 7ರಂದು ಜನಿಸಿದವರು ಕ್ರೀಡಾಪಟು ಆಗ್ತಾರಾ? ಸಂಖ್ಯಾಶಾಸ್ತ್ರ ಈ ಬಗ್ಗೆ ಹೇಳೋದೇನು?

ಕ್ರೀಡಾಪಟುಗಳು ಆಗಬೇಕು ಅಂತ ಅನೇಕರು ಕನಸು ಕಾಣ್ತಾರೆ. ಆದ್ರೆ ಕ್ರೀಡೆ ಎಲ್ಲರಿಗೂ ಒಲಿಯುವುದಿಲ್ಲ. ಹೀಗಾಗಿ ನೀವು ಕ್ರೀಡಾಪಟುಗಳಾಗಲು ಬಯಸಿದರೆ ನಿಮ್ಮ ಜನ್ಮ ದಿನಾಂಕದಲ್ಲಿ 2, 7 ಮತ್ತು 6 ಸಂಖ್ಯೆಗಳನ್ನು ಹೊಂದಿರಬೇಕು.

ಸಂಖ್ಯೆ 2 ಒಬ್ಬ ವ್ಯಕ್ತಿಯನ್ನು ಹೆಚ್ಚು ಕ್ರಿಯಾಶೀಲನನ್ನಾಗಿ ಮಾಡುತ್ತದೆ. ಈ ದಿನಾಂಕದಲ್ಲಿ ಹುಟ್ಟಿದವರು ಸುಮ್ಮನೆ ಕುಳಿತುಕೊಳ್ಳಲು ಸಾಧ್ಯವಿಲ್ಲ.

ಈ ಸಂಖ್ಯೆ ಆಹಾರ ಪದ್ಧತಿ ಹಾಗೂ ದಿನದ ಚಟುವಟಿಕೆಗಳಲ್ಲಿ ಒಂದು ರೀತಿಯ ಶಿಸ್ತನ್ನು ನೀಡುತ್ತದೆ. ಒಬ್ಬ ಕ್ರೀಡಾ ವ್ಯಕ್ತಿಗೆ ಪೌಷ್ಟಿಕ ಮತ್ತು ಆರೋಗ್ಯಕರ ಆಹಾರ ಮತ್ತು ದೈನಂದಿನ ಅಭ್ಯಾಸವನ್ನು ಹೊಂದಿರುವುದು ಬಹಳ ಮುಖ್ಯವಾಗಿದೆ.

ಇನ್ನು 7ರ ಸಂಖ್ಯೆ ನಿಮ್ಮನ್ನು ದೇಶದಲ್ಲಿ ಮಾತ್ರವಲ್ಲದೇ ಪ್ರಪಂಚದಾದ್ಯಂತ ಪ್ರಸಿದ್ಧರನ್ನಾಗಿ ಮಾಡುವ ಸಂಖ್ಯೆಯಾಗಿದೆ. 7ನೇ ಸಂಖ್ಯೆಯು ಮೈದಾನದಲ್ಲಿ ಅಥವಾ ಮೈದಾನದ ಹೊರಗಿರುವಾಗ ಸರಿಯಾದ ನಿರ್ಧಾರವನ್ನು ತೆಗೆದುಕೊಳ್ಳಲು ಅಪಾರ ಬುದ್ಧಿವಂತಿಕೆಯನ್ನು ಒದಗಿಸುತ್ತದೆ.

7ರ ಸಂಖ್ಯೆ ಮೇಲೆ ಕ್ರೀಡಾಪಟುಗಳಿಗೆ ವಿಶೇಷ ಆಕರ್ಷಣೆ! ಅದಕ್ಕಾಗಿಯೇ ಅನೇಕ ಪ್ರಸಿದ್ಧ ಕ್ರೀಡಾಪಟುಗಳು 7ರ ಸಂಖ್ಯೆಯ ಜರ್ಸಿ ಹೊಂದಿರುತ್ತಾರೆ. MS ಧೋನಿ ಅಥವಾ ಕ್ರಿಸ್ಟಿಯಾನೋ ರೊನಾಲ್ಡೊ ಆಗಿರಬಹುದು. ಇವರೆಲ್ಲರೂ 7ರ ಸಂಖ್ಯೆ ಪ್ರಿಯರು!

ಕ್ರೀಡಾ ಕ್ಷೇತ್ರದಲ್ಲಿ ಅಗತ್ಯವಿರುವ ಹೆಚ್ಚಿನ ಗಮನವನ್ನು ನೀಡುವುದರಿಂದ ಸಂಖ್ಯೆ 6 ಸಹ ಬಹಳ ಮುಖ್ಯವಾಗಿದೆ. ಇದು ಅವನನ್ನು ಗುರಿ-ಆಧಾರಿತ, ಜವಾಬ್ದಾರಿಯುತ, ಆತ್ಮವಿಶ್ವಾಸ, ಹೊಂದಿಕೊಳ್ಳುವ ಮತ್ತು ದೃಢನಿರ್ಧಾರ ಮಾಡುವ ವ್ಯಕ್ತಿಯನ್ನಾಗಿ ಮಾಡುತ್ತದೆ.

6ರ ಸಂಖ್ಯೆ ಸಮಾಜದಲ್ಲಿ ಉನ್ನತ ಖ್ಯಾತಿಯನ್ನು ನೀಡುತ್ತದೆ ಮತ್ತು ನಿಮ್ಮ ಸಾಧನೆಗಳಿಂದ ನಿಮ್ಮನ್ನು ಗುರುತಿಸುವಂತೆ ಮಾಡುತ್ತದೆ. ಸರಿಯಾದ ಸಮಯದಲ್ಲಿ ಸರಿಯಾದ ಅವಕಾಶವು ಕ್ರೀಡಾಪಟುವನ್ನು ಶ್ರೇಷ್ಠನನ್ನಾಗಿ ಮಾಡಬಹುದು.

ನಿಮ್ಮ ಜನ್ಮದಿನಾಂಕದಲ್ಲಿ ಈ ಯಾವುದೇ ಸಂಖ್ಯೆಗಳನ್ನು ನೀವು ಕಳೆದುಕೊಂಡಿದ್ದರೆ, ಆ ಅಂಕಿಗಳನ್ನು ನಿಮ್ಮ ಮೊಬೈಲ್ ಸರಣಿಯಲ್ಲಿ ಸೇರಿಸಲು ಮರೆಯದಿರಿ.

ಈ ದಿನಾಂಕದಲ್ಲಿ ಜನಿಸಿದವರ ಅದೃಷ್ಟದ ಬಣ್ಣಗಳು ಹಳದಿ ಮತ್ತು ನೀಲಿ. ನಿಮ್ಮ ಸಮಸ್ಯೆ ಪರಿಹಾರಕ್ಕಾಗಿ ಹಳದಿ ಬಣ್ಣದ ಅಕ್ಕಿಯನ್ನು ಭಿಕ್ಷುಕರಿಗೆ ದಾನ ಮಾಡಿ. ಬೆಳಿಗ್ಗೆ ಗುರು ಮಂತ್ರವನ್ನು ಪಠಿಸಿ ಮತ್ತು ನಿಮ್ಮ ಗುರುವಿನ ಭಾವಚಿತ್ರ ಅಥವಾ ತುಳಸಿ ಗಿಡಕ್ಕೆ ದೀಪವನ್ನು ಬೆಳಗಿಸಿ.