Tirupati History: ತಿರುಪತಿ ನಿರ್ಮಾಣವಾಗಿ ಇವತ್ತಿಗೆ 893 ವರ್ಷಗಳಾಯ್ತು! ಅದಕ್ಕೂ ಮುಂಚೆ ಬಾಲಾಜಿ ಸನ್ನಿಧಿ ಹೇಗಿತ್ತು ನೋಡಿ

1130 AD ಯಲ್ಲಿ ಈ ದಿನಾಂಕದಂದು ಪ್ರಾರಂಭವಾದ ಐತಿಹಾಸಿಕ ಘಟನೆಗಳ ಆಧಾರದ ಮೇಲೆ ತಿರುಪತಿಯು ಫೆಬ್ರವರಿ 24, ಶುಕ್ರವಾರದಂದು ತನ್ನ 893 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತದೆ.

ಈ ದಿನದಂದು 893 ವರ್ಷಗಳ ಹಿಂದೆ, ಶ್ರೀ ವೈಷ್ಣವ ಸಂತ ಭಗವದ್ ರಾಮಾನುಜಾಚಾರ್ಯರು ಈಗ ನಗರದ ಹೃದಯಭಾಗದಲ್ಲಿರುವ ಗೋವಿಂದರಾಜ ಸ್ವಾಮಿ ದೇವಾಲಯಕ್ಕೆ ಅಡಿಪಾಯ ಹಾಕಿದರು, ಅದನ್ನು ಆಧ್ಯಾತ್ಮಿಕ ಕೇಂದ್ರವಾಗಿ ಪರಿವರ್ತಿಸಿದರು ಮತ್ತು ಪಟ್ಟಣದ ಬೆಳವಣಿಗೆಗೆ ನಾಂದಿ ಹಾಡಿದರು ಎನ್ನಲಾಗುತ್ತದೆ.

ನಗರ ಶಾಸಕ ಭೂಮನ ಕರುಣಾಕರ ರೆಡ್ಡಿ ಅವರು ಕಳೆದ ಫೆ.20ರಂದು ಪ್ರಾಚೀನ ಶಾಸನಗಳನ್ನು ಹೊರತಂದಿದ್ದರು. ಟಿಟಿಡಿ ನಡೆಸುತ್ತಿರುವ ಗೋವಿಂದರಾಜ ದೇವಸ್ಥಾನದಲ್ಲಿ ಪತ್ತೆಯಾದ ಈ ಶಾಸನಗಳು, ರಾಮಾನುಜಾಚಾರ್ಯರು ಫೆ.24, 1130 ರಂದು ನಗರಕ್ಕೆ ಅಡಿಪಾಯ ಹಾಕಿದರು ಎಂಬುದಕ್ಕೆ ಪುರಾವೆ ಎನ್ನಬಹುದು.

ತಿರುಪತಿಯನ್ನು ಸೌಮ್ಯ ನಾಮ ಸಂವತ್ಸರದ ಫಾಲ್ಗುಣ ಪೌರ್ಣಮಿಯಂದು, ಉತ್ತರಾ ನಕ್ಷತ್ರ ಸೋಮವಾರದಂದು ಸ್ಥಾಪಿಸಲಾಗಿದೆ. ರಾಮಾನುಜರು ಗೋವಿಂದರಾಜನ ಪೀಠಾಧಿಪತಿಯನ್ನು ಪ್ರತಿಷ್ಠಾಪಿಸಿ, ನಿತ್ಯ ಕೈಂಕರ್ಯಗಳನ್ನು ಮಾಡಿ ನಾಲ್ಕು ಮದ ಬೀದಿಗಳನ್ನು ನಿರ್ಮಿಸಲು ಪ್ರಾರಂಭಿಸಿದರು.

ಇದಲ್ಲದೇ ರಾಮಾನುಜರ ಆಗಮನದ ಮೊದಲು ತಿರುಪತಿ. ತಿರುಚಾನೂರಿನಲ್ಲಿ ಶ್ರೀವಾರಿ ಉತ್ಸವವನ್ನು ಆಚರಿಸಲಾಗುತ್ತಿತ್ತು. ಆದರೆ ಬೇರೆ ಯಾವುದೇ ನಗರವು ಅದರ ಸ್ಥಾಪನೆಗೆ ನಿರ್ದಿಷ್ಟ ದಿನಾಂಕವನ್ನು ಹೊಂದಿಲ್ಲ. ಹಾಗಾಗಿ ತಿರುಪತಿಯ ವಿಶೇಕಷತೆ ಎಂದರೆ ಸ್ಥಾಪನೆಯ ದಿನಾಂಕದ ಬಗ್ಗೆ ಮಾಹಿತಿ ಇದೆ.

ದೇವಸ್ಥಾನದ ಸ್ಥಾಪನೆಯ ನಂತರ ಅದರ ಸುತ್ತಲೂ ಅಗ್ರಹಾರವನ್ನು ನಿರ್ಮಿಸಿ ಅದಕ್ಕೆ ರಾಮಾನುಜಪುರ ಎಂದು ಹೆಸರಿಟ್ಟರು. ಹಾಗಾಗಿ ಇದು ರಾಮಾನುಜಪುರ ಎಂದು ಬಹಳ ಕಾಲ ಕರೆಯಲಾಗುತ್ತಿತ್ತು. ಈ ಪಟ್ಟಣವನ್ನು ಮೊದಲು ಗೋವಿಂದರಾಜ ಟೌನ್ ಎಂದು ಕರೆಯಲಾಯಿತು, ನಂತರ ರಾಮಾನುಜ ಪುರಂ ಎಂದು ಮತ್ತು 13 ನೇ ಶತಮಾನದ ಆರಂಭದಿಂದ ತಿರುಪತಿ ಎಂದು ಕರೆಯಲಾಯಿತು.

ಜನ್ಮದಿನಾಚರಣೆಗಳು ಕೇವಲ ಜನರಿಗೆ ಮಾತ್ರವಲ್ಲ, ವೆಂಕಟೇಶ್ವರ ಸ್ವಾಮಿಯ ಪವಿತ್ರ ಗಿರಿ ಕ್ಷೇತ್ರವಿರುವ ತಿರುಮಲದ ಹೆಬ್ಬಾಗಿಲು ತಿರುಪತಿಯಂತಹ ನಗರಕ್ಕೂ ಮುಖ್ಯವಾಗಿದೆ ಎಂದು ಇಲ್ಲಿನ ಶಾಸಕರು ಸಹ ಅಭಿಪ್ರಾಯಪಟ್ಟಿದ್ದಾರೆ.

ತಿರುಪತಿ ಮುನ್ಸಿಪಲ್ ಕಾರ್ಪೊರೇಷನ್ ಗೋವಿಂದರಾಜ ಸ್ವಾಮಿ ದೇವಾಲಯದ ಆವರಣದಲ್ಲಿರುವ ಶ್ರೀ ರಾಮಾನುಜಾಚಾರ್ಯರ ದೇವರ ಸನ್ನಿಧಾನದಲ್ಲಿ ವಿಶೇಷ ಆಚರಣೆಗಳನ್ನು ಹಮ್ಮಿಕೊಂಡಿದೆ. ನಂತರ ದೇವಾಲಯವನ್ನು ಸುತ್ತುವರಿದ ನಾಲ್ಕು ಬೀದಿಗಳಲ್ಲಿ ಜನರಿಂದ ವರ್ಣರಂಜಿತ ಮೆರವಣಿಗೆಯನ್ನು ಆಯೋಜಿಸಲಾಗಿದೆ.

ಅಲ್ಲದೇ, ಈ ಆಚರಣೆಯ ಸಮಯದಲ್ಲಿ ನಾಗರಿಕ ಸಂಸ್ಥೆಯಿಂದ ಕಾರ್ಯಕ್ರಮಗಳು ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಸಹ ಯೋಜಿಸಲಾಗಿದೆ.