Vijayapura: ಪಾಲಿಕೆಗೆ ಸೇರಿದ ಲೀಸ್ ಆಸ್ತಿ ಖರೀದಿಗೆ ಅವಕಾಶ

ವಿಜಯಪುರ: ವಿಜಯಪುರ ಮಹಾನಗರ ಪಾಲಿಕೆಗೆ ಸೇರಿದ ಲೀಸ್ ಆಸ್ತಿಗಳು (Lease) ಇನ್ಮುಂದೆ ಲೀಸ್​ದಾರರು ಖರೀದಿ ಮಾಡಬಹುದಾಗಿದೆ. ನಿಗದಿತ ದಿನಗಳ ಒಳಗಾಗಿ ಅರ್ಜಿ ಸಲ್ಲಿಸಿ ಅಂತಹ ಆಸ್ತಿಗಳನ್ನು ಖರೀದಿ ಮಾಡಬಹುದಾಗಿದೆ. ರಾಜ್ಯ ಸರಕಾರದ (Karnataka Government) ಆದೇಶದ ಹಿನ್ನೆಲೆ ವಿಜಯಪುರ  (Vijayapura News) ಮಹಾನಗರ ಪಾಲಿಕೆ ಕ್ರಮಕ್ಕೆ ಮುಂದಾಗಿದೆ. ಹೀಗಾಗಿ ಲೀಸ್ ದಾರರು ಇನ್ಮುಂದೆ ಅಂತಹ ಆಸ್ತಿಗೆ ಒಡೆಯನಾಗಬಹುದಾಗಿದೆ.

ಲೀಸ್ ಆಸ್ತಿಗಳೆಷ್ಟು?
ವಿಜಯಪುರ ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ 366 ಲೀಸ್ ಆಸ್ತಿಗಳಿದ್ದು, ಅದರಲ್ಲಿ ಕೆಲವರು ಈಗಾಗಲೇ ಖರೀದಿ ಹಾಕಿಕೊಡಲು ಪಾಲಿಕೆ ಪತ್ರದ ಮೂಲಕ ಮನವಿ ಮಾಡಿದ್ದಾರೆ. ಹಾಗಾಗಿ ಮುಂದಿನ ದಿನಗಳಲ್ಲಿ ಈ 366 ಲೀಸ್ ಆಸ್ತಿಗಳನ್ನು ಮಹಾನಗರ ಪಾಲಿಕೆಯು ಖರೀದಿ ಮಾಡಲು ಅವಕಾಶ ನೀಡಿದೆ.

ಇದನ್ನೂ ಓದಿ: Kalaburagi: ಯೂಟ್ಯೂಬ್ ನೋಡಿ ಹಾವು ಹಿಡಿಯಲು ಕಲಿತ ಯುವಕ!

ಒಂದು ವಾರ ಅವಕಾಶ
ಖರೀದಿ ಆಸಕ್ತರು ತಾವು ಪಡೆದ ಲೀಸ್ ಆಸ್ತಿಗಳ ವಿವರದ ಜೊತೆಗೆ ಪಾಲಿಕೆಗೆ ಅರ್ಜಿ ಸಲ್ಲಿಸಬೇಕಾಗುತ್ತದೆ. ಹೀಗೆ ಅರ್ಜಿ ಸಲ್ಲಿಸುವವರು 7 ದಿನಗಳ ಒಳಗಾಗಿ ಅರ್ಜಿ ಸಲ್ಲಿಸಬೇಕು. ಒಂದು ವೇಳೆ ತಪ್ಪಿದ್ದಲ್ಲಿ ಅಂತಹ ಆಸ್ತಿಗಳನ್ನು ವಿಜಯಪುರ ಮಹಾನಗರ ಪಾಲಿಕೆ ತನ್ನ ತೆಕ್ಕೆಗೆ ಪಡೆದುಕೊಳ್ಳಲಿದೆ.

ಇದನ್ನೂ ಓದಿ: Sharana Basaveshwara Temple: ಶರಣಬಸಪ್ಪ-ದೊಡ್ಡಪ್ಪ ಅಪ್ಪ ಜೋಡು ಮೂರ್ತಿಯ ಪವಿತ್ರ ದೇಗುಲ, ಅರಸಿ ಬಂದವರಿಗೆ ಆಶೀರ್ವದಿಸುವ ಕ್ಷೇತ್ರ

ಹೆಚ್ಚಿನ ಮಾಹಿತಿಗಾಗಿ
ಹೆಚ್ಚಿನ ಮಾಹಿತಿ ಹಾಗೂ ಸಂಶಯಗಳಿದ್ದಲ್ಲಿ ಬಾಗಲಕೋಟೆ ರಸ್ತೆಯಲ್ಲಿರುವ ವಿಜಯಪುರ ಮಹಾನಗರ ಪಾಲಿಕೆ ಕಚೇರಿಯನ್ನು ಸಂಪರ್ಕಿಸಬಹುದಾಗಿದೆ.
ದೂರವಾಣಿ ಸಂಖ್ಯೆ ಹೀಗಿದೆ ನೋಡಿ: 08352-278539