JCB Operating: ಉಚಿತವಾಗಿ ಜೆಸಿಬಿ ಆಪರೇಟರಿಂಗ್ ಕಲಿಯಿರಿ! ಇಲ್ಲಿ ಅರ್ಜಿ ಹಾಕಿ

ವಿಜಯಪುರ: ಕೆನರಾ ಬ್ಯಾಂಕ್ ದೇಶಪಾಂಡೆ ಆರ್‍ಸೆಟ್ ಹಳಿಯಾಳ ಹಾಗೂ ಜೆಸಿಬಿ ಇಂಡಿಯಾ ಇವರ ಜಂಟಿ ಸಹಯೋಗದಲ್ಲಿ ಯುವಕರ ನಿರುದ್ಯೋಗವನ್ನ (Unemployment)  ತಪ್ಪಿಸಲು ಆಯೋಜಿಸಿರುವ ಜೆಸಿಬಿ ಆಪರೇಟರ್ ಚಾಲನಾ (JCB Operator) ತರಬೇತಿ ಹಾಗೂ ಎಲೆಕ್ಟ್ರಿಕ್ ಮೊಟಾರ್ ವೈಡಿಂಗ್ ಮತ್ತು ರಿಪೇರ್-ರೆಫ್ರಿಜರೇಶನ್ & ಏರ್ ಕಂಡಿಶನ್ ಹೀಗೆ ಹತ್ತು ಹಲವಾರು ತರಬೇತಿಯನ್ನ ಯುವಕರಿಗೆ 30 ದಿನಗಳ ತರಬೇತಿಗಾಗಿ (Skill Training) ಆಸಕ್ತ ಅರ್ಹರಿಂದ ಅರ್ಜಿ ಆಹ್ವಾನಿಸಲಾಗಿದೆ.

ಏನೆಲ್ಲ ತರಬೇತಿ?	JCB ಆಪರೇಟಿಂಗ್ ಸೇರಿ ಎಲೆಕ್ಟ್ರಿಕ್ ಮೊಟಾರ್ ವೈಡಿಂಗ್ ಮತ್ತು ರಿಪೇರ್-ರೆಫ್ರಿಜರೇಶನ್ & ಏರ್ ಕಂಡಿಶನ್ ನಿರ್ವಹಣೆ
ತರಬೇತಿಯ ಅವಧಿ	30 ದಿನ
ವಯೋಮಾನ	18 ರಿಂದ 45 ವರ್ಷ
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ	ಡಿಸೆಂಬರ್ 25
ದೂರವಾಣಿ	08284-298547, ಮೊ: 8050741744, 9632143217

ಆಸಕ್ತ ಯುವಕರು 18 ರಿಂದ 45 ವರ್ಷ ವಯೋಮಾನದವರಾಗಿರಬೇಕು. ತಮ್ಮ ಪೂರ್ತಿ ಹೆಸರು, ಹುಟ್ಟಿದ ಜನ್ಮ ದಿನಾಂಕ, ಪೂರ್ಣ ವಿಳಾಸ, ಸ್ವ ವಿವರ ಮತ್ತು ಮೊಬೈಲ್ ಸಂಖ್ಯೆ, ವಿದ್ಯಾರ್ಹತೆ, ತರಬೇತಿಯ ಅವಶ್ಯಕತೆ ಸೇರಿದಂತೆ ಈ ಎಲ್ಲ ವಿವರಗಳನ್ನೊಳಗೊಂಡ ಅರ್ಜಿಯನ್ನು ಜೆಸಿಬಿ ಚಾಲನಾ ತರಬೇತಿಗೆ ಡಿಸೆಂಬರ್ 20ರೊಳಗೆ ಹಾಗೂ ಎಲೆಕ್ಟ್ರಿಕ್ ಮೋಟಾರ್ ವೈಡಿಂಗ್ ಮತ್ತು ರಿಪೇರಿ ಹಾಗೂ ರೆಫ್ರಿಜರೇಶನ್ ತರಬೇತಿಗೆ ಅರ್ಜಿ ಸಲ್ಲಿಸಬಹುದು.

ಇದನ್ನೂ ಓದಿ: Inspiration: ಸಾವಿರಾರು ಮಹಿಳೆಯರಿಗೆ ಬದುಕು ಕಟ್ಟಿಕೊಟ್ಟ ವಿಜಯಪುರದ ಮಲ್ಲಮ್ಮ; ಇವರ ಜೀವನವೇ ಸ್ಪೂರ್ತಿಗೀತೆ!

ಏರ್ ಕಂಡಿಶನ್ ರಿಪೇರಿ ತರಬೇತಿಗೆ ಡಿಸೆಂಬರ್ 25 ರೊಳಗೆ ಕೆನರಾ ಬ್ಯಾಂಕ್ ದೇಶಪಾಂಡೆ ಆರ್‍ಸೆಟ್, ವಿಸ್ತರಣಾ ಕೇಂದ್ರ ಹಸನಮಾಳ್, ದಾಂಡೇಲಿ - 581325 ಇವರಿಗೆ ಸಲ್ಲಿಸಬೇಕು.

ಯಾರು ಅರ್ಜಿ ಸಲ್ಲಿಸಬಹುದು?
18 ವರ್ಷದಿಂದ 48 ವರ್ಷದ ವಯೋಮಾನದ ಯುವಕರು ಈ ಮೇಲಿನ ಎಲ್ಲ ತರಬೇತಿಗಳಿಗೆ ಅರ್ಜಿ ಹಾಕಲು ಅರ್ಹರಾಗಿರುತ್ತಾರೆ, 30 ದಿನಗಳ ಕಾಲ ಸಂಪೂರ್ಣ ತರಬೇತಿಯನ್ನ ನೀಡಲಾಗುತ್ತದೆ. ವಿಜಯಪುರ, ಬಾಗಲಕೋಟೆ ಸೇರಿದಂತೆ ಬೆಳಗಾವಿ, ಧಾರವಾಡ, ಉತ್ತರ ಕನ್ನಡ ಜಿಲ್ಲೆಯಿಂದಲೂ ನೀವು ಅರ್ಜಿ ಸಲ್ಲಿಸಬಹುದಾಗಿದೆ.

ಇದನ್ನೂ ಓದಿ: Amogha Siddeshwara Fair: ನೂರಾರು ಪಲ್ಲಕ್ಕಿಗಳ ಮುಖಾಮುಖಿ! ಇದು ಭಂಡಾರದೊಡೆಯ ಅಮೋಘ ಸಿದ್ದೇಶ್ವರ ಜಾತ್ರಾ ವೈಭವ

ವಸತಿ - ಊಟ ಸಂಪೂರ್ಣ ಉಚಿತ
ತರಬೇತಿಯು ಊಟೋಪಚಾರ ಹಾಗೂ ವಸತಿಯೊಂದಿಗೆ ಉಚಿತವಾಗಿದ್ದು, ಈ ಕುರಿತಂತೆ ಹೆಚ್ಚಿನ ಮಾಹಿತಿಗಾಗಿ ದೂ: 08284-298547, ಮೊ: 8050741744, 9632143217 ಸಂಖ್ಯೆಗೆ ಸಂಪರ್ಕಿಸಬಹುದಾಗಿದೆ.

ವರದಿ: ಪ್ರಶಾಂತ ಹೂಗಾರ ನ್ಯೂಸ್ 18 ಕನ್ನಡ ವಿಜಯಪುರ