Jobs In Kuwait: ಕುವೈತ್​ನಲ್ಲಿ ಭಾರೀ ಉದ್ಯೋಗಾವಕಾಶ, ಇಲ್ಲಿದೆ ಸಂಪೂರ್ಣ ವಿವರ

ವಿಜಯಪುರ: ವಿದೇಶಗಳಲ್ಲಿ ಉದ್ಯೋಗ (Jobs In Foreign) ಮಾಡುವ ಕನಸು ಕಂಡಿದ್ದೀರಾ? ಹಾಗಾದರೆ ಇಲ್ಲಿದೆ ನಿಮಗೊಂದು ಅತ್ಯುತ್ತಮ ಅವಕಾಶ. ಪ್ರಸ್ತುತ ಕುವೈತ್ ದೇಶದಲ್ಲಿ (Jobs In Kuwait) ವೈದ್ಯರ ಬೇಡಿಕೆ ಇರುವ ಹಿನ್ನೆಲೆಯಲ್ಲಿ 468 ಹುದ್ದೆಗಳ ನೇರ ನೇಮಕಾತಿಗೆ ಜನವರಿ ಕೊನೆಯ ವಾರದಲ್ಲಿ ಸಂದರ್ಶನ (Interview) ಆಯೋಜಿಸಲಾಗಿದೆ. ಕರ್ನಾಟಕ ವೃತ್ತಿಪರ ತರಬೇತಿ ಮತ್ತು ಕೌಶಲ್ಯ ಅಬಿವೃದ್ದಿ ನಿಗಮವು ಕೇಂದ್ರ ಸರ್ಕಾರದ ವಿದೇಶಾಂಗ ಸಚಿವಾಲಯದಿಂದ ಅಧಿಕೃತ ವಿದೇಶಿ ನೇಮಕಾತಿ ಏಜೆನ್ಸಿಯಾಗಿ ನೋಂದಣಿಗೊಂಡು ಕಾರ್ಯನಿರ್ವಹಿಸುತ್ತಿದೆ.  ಈ ಕುರಿತು ವಿಜಯಪುರ (Vijayapura News) ಜಿಲ್ಲಾ ಕೌಶಲ್ಯಾಭಿವೃದ್ದಿ ಅಧಿಕಾರಿಗಳು ತಿಳಿಸಿದ್ದಾರೆ.

ಹುದ್ದೆಯ ಹೆಸರು	ವಿವಿಧ ಕ್ಷೇತ್ರಗಳಲ್ಲಿ ಪರಿಣಿತ ವೈದ್ಯರು
ಕೆಲಸದ ಸ್ಥಳ	ಕುವೈತ್
ಸಂದರ್ಶನದ ದಿನಾಂಕ	ಜನವರಿ ಕೊನೆಯ ವಾರ
ಹುದ್ದೆಗಳ ಸಂಖ್ಯೆ	486
ದೂರವಾಣಿ ಸಂಖ್ಯೆ	08352-297019, 8867666749
ಮೇಲ್ ವಿಳಾಸ	bijapurmicdc1@gmail.com, bijapurmicdc2@gmail.com

ಯಾವ ಹುದ್ದೆಗಾಗಿ ಅಭ್ಯರ್ಥಿಗಳ ಹುಡುಕಾಟ?
ಜನವರಿ ಕೊನೆಯ ವಾರದಲ್ಲಿ ಸಂದರ್ಶನ ನಡೆಯಲಿದ್ದು, ಹಲವಾರು ಹುದ್ದೆಗಳಿಗೆ ಅಭ್ಯರ್ಥಿಗಳ ಹುಡುಕಾಟ ನಡೆಸಲಾಗುತ್ತಿದೆ. 6 ವರ್ಷಕ್ಕಿಂತಲೂ ಮೇಲ್ಪಟ್ಟ ಅನುಭವ ಹೊಂದಿರುವ ಅರವಳಿಕೆ ತಜ್ಞರು, ಸಾಮಾನ್ಯ ಶಸ್ತ್ರಚಿಕಿತ್ಸಕರು, ಆಂತರಿಕ ಔಷಧಿ ತಜ್ಞರು, ಪ್ರಸೂತಿ ತಜ್ಞರು, ಸ್ತ್ರೀರೋಗ ತಜ್ಞರು, ಹೃದ್ರೋಗ ತಜ್ಞರು, ಮೂಳೆ ಚಿಕಿತ್ಸಕರು, ಮಕ್ಕಳು ತಜ್ಞರು, ತುರ್ತು ವಿಭಾಗ ತಜ್ಞರು, ಕುಟುಂಬ ತಜ್ಞರು, ತೀವ್ರ ನಿಗಾ ಘಟಕ ತಜ್ಞರು, ವಿಕಿರಣ ಶಾಸ್ತ್ರ ತಜ್ಞರು ಮತ್ತು ಇಎನ್‍ಟಿ ತಜ್ಞರು ಮುಂತಾದ ತಜ್ಞವೈದ್ಯರು ಜನವರಿ 15 ರ ಒಳಗಾಗಿ ಇಲ್ಲಿ ಕ್ಲಿಕ್ ಮಾಡಿ ಲಿಂಕ್ ಮೂಲಕ ಅಥವಾ ಇಲ್ಲಿ ಕ್ಲಿಕ್ ಮಾಡುವ ಮೂಲಕ ನೋಂದಾಯಿಸಿಕೊಳ್ಳಬಹುದಾಗಿದೆ.

ಇದನ್ನೂ ಓದಿ: Sitamata Temple: ಲವಕುಶರ ಜನ್ಮಸ್ಥಾನ, ಸೀತಾಮಾತೆಯ ದೇಗುಲವಿರುವ ತಾಣವಿದು

ಹೆಚ್ಚಿನ ಮಾಹಿತಿಗಾಗಿ ಇವರನ್ನು ಸಂಪರ್ಕಿಸಿ
ಈ ಕುರಿತಂತೆ ಹೆಚ್ಚಿನ ಮಾಹಿತಿಗಾಗಿ ವಿಜಯಪುರ ಜಿಲ್ಲಾ ಕೌಶಲ್ಯಾಭಿವೃದ್ದಿ ಕಚೇರಿ, ರಾಘವೇಂದ್ರ ಕಾಲೋನಿ, ಮಹಾನಗರ ಪಾಲಿಕೆ ಎದುರು, ಬಾಗಲಕೋಟೆ ರಸ್ತೆ, ವಿಜಯಪುರ ದೂರವಾಣಿ ಸಂಖ್ಯೆ: 08352-297019, 8867666749 ಸಂಪರ್ಕಿಸಬಹುದಾಗಿದೆ.

ಇದನ್ನೂ ಓದಿ: Badami: ಭಕ್ತ ಸಾಗರದ ನಡುವೆ ಬನಶಂಕರಿಯ ತಾಯಿಯ ಅದ್ದೂರಿ ರಥೋತ್ಸವ!

ಅಥವಾ ಇಮೇಲ್ ವಿಳಾಸ :bijapurmicdc1@gmail.com, bijapurmicdc2@gmail.comಗೆ ಸಂಪರ್ಕಿಸಬಹುದಾಗಿದೆ ಎಂದು ಅಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ವರದಿ: ಪ್ರಶಾಂತ ಹೂಗಾರ ನ್ಯೂಸ್ 18 ಕನ್ನಡ ವಿಜಯಪುರ