Uttara Kannada: ಶಿರಸಿಯಲ್ಲಿ ಅರಳುತ್ತಿದೆ ಕಾಫಿ! ಅಡಿಕೆ ತೋಟದಲ್ಲಿ ಕೃಷಿಕರ ಪ್ರಯೋಗ

ಹಚ್ಚ ಹಸಿರಿನ ಕಾಫಿ ತೋಟ. ಕಾಫಿ ಗಿಡಗಳ ರಾಶಿ ನೋಡಿ ಇದ್ಯಾವುದು ಕೊಡಗೋ, ಚಿಕ್ಕಮಗಳೂರೋ ಅಂದ್ಕೊಂಡ್ರಾ? ಖಂಡಿತಾ ಅಲ್ಲ. ಇದು ಉತ್ತರ ಕನ್ನಡ!  (Uttara Kannada News) ಉತ್ತರ ಕನ್ನಡದಲ್ಲಿ ಇಲ್ಲವೆ ಇಲ್ಲ ಅನ್ನೋ ಕಾಫಿಯ (Coffee) ಚಿಕ್ಕ ಲೋಕವನ್ನೇ ರೈತರೊಬ್ಬರು ಹುಟ್ಟಿಹಾಕಿದ್ದಾರೆ. ನಿಜ, ಉತ್ತರ ಕನ್ನಡ ಜಿಲ್ಲೆಯ (Uttara Kannada) ಶಿರಸಿಯ ಮಹೇಶ್ ಹೆಗಡೆ ಅರಗಿನಮನೆಯವರ ತೋಟದಲ್ಲೀಗ ಕಾಫಿಯ (Coffee Plant) ಘಮಘಮ!

ಶಿರಸಿಯ ಸೋಂದಾದಿಂದ ಎರಡು ಕಿಲೋಮೀಟರ್ ಒಳಗೆ ಹೋದರೆ ಅರಗಿನ ಮನೆ ಸಿಗುತ್ತದೆ. ಅಲ್ಲಿ ಮಹೇಶ್ ಹೆಗಡೆ ಜಬರ್​ದಸ್ತಾಗಿ ಕೃಷಿ ಮಾಡುತ್ತಿದ್ದಾರೆ. ಸಮಗ್ರ ಕೃಷಿಗೆ ಹೆಸರಾದ ಇವರಿಗೆ ಮಣ್ಣು ಒಲಿಯಿತೋ ಅಥವಾ ಇವರ ಬೆವರು ಫಲ ನೀಡಿತೋ ಗೊತ್ತಿಲ್ಲ. ನಾಲ್ಕು ಎಕರೆ ಪ್ರದೇಶದಲ್ಲಿ ಹಾಕಿರುವ ಕಾಫಿ ಎರಡೇ ವರ್ಷಕ್ಕೆ ಎರಡು ಕ್ವಿಂಟಾಲ್ ಫಲ ನೀಡಿದೆ.

ಇದನ್ನೂ ಓದಿ: Uttara Kannada: ಪದ್ಮಶ್ರೀ ಗೆಳತಿಯರ ಭೇಟಿ! ವೃಕ್ಷಮಾತೆಯರ ಆತ್ಮೀಯ ಮಾತುಕತೆ

ಶಿರಸಿ ಕಾಫಿಗೆ ಸೃಷ್ಟಿಯಾಗ್ತಿದೆ ಬಹು ಬೇಡಿಕೆ
ಚಂದ್ರಗಿರಿ ತಳಿಯ ಕಾಫಿಯನ್ನು ಅಡಿಕೆಯ ಪಕ್ಕ ಉಳಿದ ಗಿಡಗಳಂತೆ ಇವರು ನಾಟಿ ಮಾಡಿದ್ದರು. ವಿಶೇಷ ಟ್ರೀಟ್ಮೆಂಟ್ ಏನು ಕೊಟ್ಟಿರಲಿಲ್ಲ, ಈ ಹಿಂದೆ ಉತ್ತರ ಕನ್ನಡದ ಮಲೆನಾಡಿನಲ್ಲಿ ಕಾವೇರಿ ಎಂಬ ತಳಿಯ ಕಾಫಿ ಇತ್ತು. ಈಗ ಅದೂ ಇಲ್ಲ ಅನ್ನೋ ಪರಿಸ್ಥಿತಿ. ಸುಮಾರು ಐದು ವರ್ಷದ ಹಿಂದೆ ಕೆಲವರು ಸಾಹಸ ಮಾಡಿ ಬೆಳೆಯಲು ಪ್ರಯತ್ನಿಸಿದರೂ ಏನೂ ಗಿಟ್ಟದ ಪರಿಸ್ಥಿತಿಯಿತ್ತು. ಆದರೆ ಮಹೇಶ್ ಅವರ ತೋಟದಲ್ಲಿ ಕಾಫಿ ಹೇರಳವಾಗಿ ಬೆಳೆದಿದ್ದಾರೆ. ಸದ್ಯ ಇವರು ಬೆಳೆದ ಕಾಫಿಗೆ ಬೇಡಿಕೆಯೂ ಸೃಷ್ಟಿಯಾಗುತ್ತಿದೆ. ಉತ್ತರ ಕನ್ನಡದಲ್ಲೂ ಕಾಫಿ ಕೃಷಿ ಮಾಡಬಹುದು ಎಂಬ ಆಸೆ ಚಿಗುರೊಡೆದಿದೆ.

ಹೀಗೆ ಶಿರಸಿಯ ಕೃಷಿಕರೊಬ್ಬರು ಪ್ರಯೋಗಾತ್ಮಕವಾಗಿ ಬೆಳೆದ ಕಾಫಿ ಕೃಷಿ ಸಕ್ಸಸ್ ಆಗಿರೋದು ಉತ್ತರ ಕನ್ನಡಿಗರು ಕಾಫಿ ಬೆಳೆಯಲು ಮುನ್ನುಡಿ ಬರೆದಂತಾಗಿದೆ.