Dandeli Hornbill Festival: ದಾಂಡೇಲಿಯಲ್ಲಿ ಹಾರ್ನ್​ಬಿಲ್ ಹಬ್ಬ! ಮಂಗಟ್ಟೆ ಉಳಿಸೋಕೆ ಪಣ ತೊಟ್ಟ ಉತ್ಸಾಹಿಗಳು

ಉತ್ತರ ಕನ್ನಡ: ದಟ್ಟ ಕಾಡಲ್ಲಿ ನಡಿಗೆ, ಮುಗಿಲೆತ್ತರಕ್ಕೆ ಬೆಳೆದ ಮರಗಳು, ಅಲ್ಲಲ್ಲಿ ಇಣುಕಿ ನೋಡೋ ಮಂಗಟ್ಟೆ, ಇದೇ ಹಕ್ಕಿ ಇಷ್ಟೊಂದು ಜನರನ್ನು ಈ ಕಾಡಿಗೆ ಕರೆತಂದದ್ದು! ಹೌದು, ದಕ್ಷಿಣ ಭಾರತದಲ್ಲಿ ಕೇವಲ ಕರ್ನಾಟಕದ ಉತ್ತರ ಕನ್ನಡ ಜಿಲ್ಲೆಯಲ್ಲಿ (Uttara Kannada News) ಮಾತ್ರ ಕಂಡುಬರುವ ಹಾರ್ನ್​ಬಿಲ್​ಗೆಂದೇ (Hornbill Festival In Dandeli) ನಡೆದ ಪರಿಸರ ಹಬ್ಬದ ಸಂಭ್ರಮವಿದು.

ಮಾನವನ ವಾಸಸ್ಥಳಗಳಿಂದ ದೂರವಿದ್ದು, ಸುರಕ್ಷಿತ ಕಾಡಿನೊಳಗೆ ವಾಸಿಸುವ ಹಾರ್ನ್​ಬಿಲ್​ಗಳು ಕಾಣಸಿಗುವುದು ಅಪರೂಪ. ಕನ್ನಡದಲ್ಲಿ ಮಂಗಟ್ಟೆ ಎಂದು ಕರೆಯುವ ಹಾರ್ನ್​ಬಿಲ್​ಗಳಲ್ಲಿ ಏಳು ಪ್ರಕಾರಗಳಿದ್ದು, ಪಶ್ಚಿಮ ಘಟ್ಟದ ಕಾಡುಗಳಲ್ಲಿ ನಾಲ್ಕು ಪ್ರಕಾರದ ಮಂಗಟ್ಟೆಗಳು ಕಾಣಸಿಗುತ್ತವೆ.

ಹಾರ್ನ್​ಬಿಲ್ ಪ್ರವಾಸೋದ್ಯಮ!
ಇವುಗಳಲ್ಲಿ ಗ್ರೇಟ್ ಇಂಡಿಯನ್ ಹಾರ್ನ್ ಬಿಲ್ ಅಥವಾ ಗ್ರೇಟ್ ಪೈಡ್ ಹಾರ್ನ್​ಬಿಲ್​ಗಳು ಬಹಳ ನಾಚಿಕೆ ಸ್ವಭಾವದ್ದು ಜೊತೆಗೆ ಗಾತ್ರದಲ್ಲಿಯೂ ಬಹಳ ದೊಡ್ಡದಾಗಿರುತ್ತವೆ. ಇವು ದಕ್ಷಿಣ ಭಾರತದಲ್ಲೇ ಉತ್ತರ ಕನ್ನಡದ ಕಾಳಿ ನದಿ ಪ್ರದೇಶಗಳಲ್ಲಿ ಅತಿ ಹೆಚ್ಚಾಗಿ ಕಂಡುಬರುತ್ತಿದ್ದು, ಇವುಗಳನ್ನ ನೋಡೋಕೆ ಬರೋ ಪ್ರವಾಸಿಗರ ಸಂಖ್ಯೆ ಕಡಿಮೆಯೇನಿಲ್ಲ!

ಇದನ್ನೂ ಓದಿ: Uttara Kannada: ಆಟದ ಗೊಂಬೆಯೇ ಟೀಚರ್! ಮಕ್ಕಳಿಗೆ ಪಾಠ ಹೇಳಿಕೊಡುತ್ತೆ ಈ ರೋಬೋಟ್!

ಹಾರ್ನ್​ಬಿಲ್​ ಕುರಿತು ಜಾಗೃತಿ ಮೂಡಿಸುವ ಉದ್ದೇಶ
ಈ ಹಕ್ಕಿಯ ಕುರಿತು ಮಾಹಿತಿ ನೀಡುವ, ಇವುಗಳ ವಿಶಿಷ್ಟತೆಯನ್ನ ಸಾರುವ ದೃಷ್ಟಿಯಿಂದ ಪ್ರತಿವರ್ಷ ದಾಂಡೇಲಿಯಲ್ಲಿ ಹಾರ್ನ್​ಬಿಲ್​ ಉತ್ಸವ ಆಯೋಜಿಸಲಾಗಿತ್ತು.  ವಿವಿಧ ಶಾಲಾ- ಕಾಲೇಜು ವಿದ್ಯಾರ್ಥಿಗಳು, ಪಕ್ಷಿಪ್ರಿಯರು, ಹವ್ಯಾಸಿ ಛಾಯಾಗ್ರಾಹಕರು ಪಾಲ್ಗೊಂಡು ದಾಂಡೇಲಿಯ ಪ್ರಮುಖ ರಸ್ತೆಯಲ್ಲಿ ಮೆರವಣಿಗೆ ನಡೆಸುವ ಮೂಲಕ ಹಾರ್ನ್​ಬಿಲ್​ ಕುರಿತು ಜಾಗೃತಿ ಮೂಡಿಸಿದರು.

ಇದನ್ನೂ ಓದಿ: Uttara Kannada: ಪತ್ತೆಯಾಯ್ತು ಅಪರೂಪದ ರಣಗಂಬ! ಹೆಚ್ಚಿದ ಕುತೂಹಲ

ಇನ್ನು ಹಾರ್ನ್​ಬಿಲ್​ ಹಕ್ಕಿ ಹಬ್ಬದಲ್ಲಿ ದೇಶ ವಿದೇಶದಿಂದ ಪಕ್ಷಿ ಪ್ರಿಯರು ಪಾಲ್ಗೊಂಡಿದ್ದರು. ಪ್ರತಿದಿನ ಪಕ್ಷಿ ವೀಕ್ಷಣೆ, ಹಾರ್ನ್​ಬಿಲ್ ಕುರಿತು ಚರ್ಚೆಗಳು, ವಿಚಾರಗೋಷ್ಟಿ, ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು. ಹಾರ್ನ್​ಬಿಲ್​ ಪಕ್ಷಿಯ ಆಕರ್ಷಕ ಛಾಯಾಚಿತ್ರಗಳ ಪ್ರದರ್ಶನ ಗಮನಸೆಳೆಯಿತು.

ವರದಿ: ದೇವರಾಜ್ ನಾಯ್ಕ್, ಕಾರವಾರ