Uttara Kannada: ಕಾರ್ ಓಡಿಸುವ ಮುನ್ನ ಈ ಯಂತ್ರದೊಳಗೆ ಕುಳಿತು ನೋಡಿ!

ಉತ್ತರ ಕನ್ನಡ: ಅರೆ! ಇದೇನಪ್ಪ ಆಫೀಸ್‌ ಒಳಗಡೆನೇ ಕಾರು ಓಡಿಸೋಕ್‌ ಶುರು ಮಾಡಿಬಿಟ್ರು ಅಂತಾ ಕನ್ಫ್ಯೂಶನ್‌ ಆಗ್ಬೇಡಿ. ಹೀಗೆ ಎಷ್ಟೇ ಡ್ರೈವ್‌ ಮಾಡಿದ್ರೂ ರೋಡ್‌ ಅಷ್ಟೇ ಮುಂದೆ ಹೋಗುತ್ತೆ ಬಿಟ್ರೆ, ಕಾರಿನಲ್ಲಿದ್ದವರಲ್ಲ. ನಿಜ, ರಾಜ್ಯದ ಕೆಲವು ಆರ್‌ ಟಿಓ ಕಚೇರಿಗಳಲ್ಲಿ ಈ ಆಟಿಕೆಯಂತಹ ಕಾರು ಇದ್ರು ಜನರಿಗೆ ಇದ್ರ ಮಾಹಿತಿನೇ ಕಮ್ಮಿ. ಇದೀಗ ಉತ್ತರ ಕನ್ನಡದ (Uttara Kannada News) ಕಾರವಾರ ಆರ್​ಟಿಓದಲ್ಲೂ (Karwar RTO) ಈ ಕಾರು ಲಗ್ಗೆಯಿಟ್ಟಿದ್ದು ಜನರಿಗೂ ಟೆಸ್ಟ್‌ ಡ್ರೈವ್‌ ಮಾಡಬಹುದಾಗಿದೆ. ಹಾಗಿದ್ರೆ ಈ ಕಾರು (Car Simulator)  ಯಾವುದು? ಇದ್ರ ಉಪಯೋಗ ಏನು ಅಂತಾ ಕೇಳ್ತೀರ? ಬನ್ನಿ ಆ ಬಗ್ಗೆ ಮಾಹಿತಿ ಕೋಡ್ತೀವಿ ನೋಡಿ.

ಥೇಟ್‌ ಕಾರಿನಂತಿರೋ ಸಿಮುಲೇಟರ್!
ಯೆಸ್‌, ಪುಟ್ಟದಾದ ನ್ಯಾನೋ ಕಾರ್​ನಂತಿರೋ ಇದು ಕಾರ್‌ ಸಿಮುಲೇಟರ್. ಅಂದ್ರೆ ಇದು ಕಾರಿನಾ ಚಾಲನಾ ಅನುಭವವನ್ನ ನೀಡುವ ಮಾಡೆಲ್.‌ ಇದನ್ನ ಕಾರು ಚಾಲನಾ ತರಬೇತಿ ನೀಡಲು ಬಳಸಬಹುದಾಗಿದೆ. ರೋಡಲ್ಲಿ ಓಡಾಡೋ ಕಾರಿನಂತೆಯೇ ಇದಕ್ಕೂ ಕ್ಲಚ್‌, ಗೇರ್‌, ಬ್ರೇಕ್‌ ಎಲ್ಲವೂ ಇರುತ್ತೆ. ಮುಂದೆ ಸ್ಕ್ರೀನ್​ ಗ್ರಾಫಿಕ್ಸ್​ನಲ್ಲಿ ಮೂಡುವ ರಸ್ತೆಯಲ್ಲಿ ಕಾರನ್ನ ಓಡಿಸಬಹುದಾಗಿದೆ. ಈ ಕಾರು ಓಡಿಸೋದ್ರಿಂದ ಯಾವುದೇ ರಿಸ್ಕ್‌ ಇಲ್ಲ. ಆದ್ರೆ, ನಾವು ರೋಡ್​ನಲ್ಲಿ ಗಾಡಿ ಓಡಿಸಬಹುದಾದರೆ ಮಾಡಬಹುದಾದ ಎಡವಟ್ಟುಗಳನ್ನ ಹೇಳಿಕೊಡುತ್ತೆ.

ಹೀಗಿರುತ್ತೆ ರಸ್ತೆಗಳು!
ಆಟೋಮೆಟೆಡ್ ಗ್ರಾಫಿಕ್ ಅಲ್ಲಿ ಹೈವೇ, ಫ್ಲೈ ಓವರ್, ಗುಡ್ಡಗಾಡು, ನಾರ್ಮಲ್ ರೋಡನ್ನು ಡಿಸ್​ಪ್ಲೇ ಮಾಡಲಾಗುತ್ತದೆ. ಆ ಡಿಸ್​ಪ್ಲೇಯಲ್ಲಿ ನಿಮ್ಮ ಜೊತೆ ಜೊತೆಗೇ ಬೇರೆ ವಾಹನಗಳು ಹೋಗುತ್ತಿರುತ್ತವೆ. ನೀವು ರೋಡಲ್ಲಿ ಕಾರು ಓಡಿಸಿದ ಅನುಭವ ಕೊಡೋ ಸಿಮ್ಯುಲೇಟರ್ ಇದು ಪಕ್ಕಾ ಡ್ರೈವಿಂಗ್‌ ಟ್ರೈನಿಂಗ್‌ ನೀಡುತ್ತೆ.

ಜನರಿಗೂ ಡ್ರೈವಿಂಗ್‌ ಅವಕಾಶ
ಸುಮಾರು 15 ಲಕ್ಷ ರೂಪಾಯಿ ವೆಚ್ಚದ ಈ ಮಾಡೆಲ್ ಅನ್ನು ಇದೀಗ ಕಾರವಾರದ ಆರ್‌.ಟಿ.ಓ ಆಫೀಸ್ ನಲ್ಲಿ ಇನ್ ಸ್ಟಾಲ್ ಮಾಡಲಾಗಿದೆ. ಒಂದು ವಾರದ ಹಿಂದಷ್ಟೇ ಬಂದಿರುವ ಈ ಮಾಡೆಲ್ ನೋಡಲು, ಓಡಿಸಲು ಜನರು ಕೂಡಾ ಉತ್ಸುಕರಾಗಿದ್ದಾರೆ.

ಇದನ್ನೂ ಓದಿ: Uttara Kannada: ಇವರಿಗೆ ಆಕಾಶವೇ ಬಂಡವಾಳ, ಕಗ್ಗಾಡ ಹಳ್ಳಿಯಲ್ಲಿದೆ 40 ಲಕ್ಷದ ಆಸ್ಟ್ರೋ ಫಾರ್ಮ್!

ನಾಲ್ಕು ಮೋಡ್​ಗಳಿರುವ ಮೂರು ಸ್ಕ್ರೀನ್ ಇರುವ ಈ ವಾಹನ ಫುಲ್ ಎಲೆಕ್ಟ್ರಿಕಲ್ ಆಗಿವೆ. ಒಂದು ವಾರದ ಫಿಸಿಕಲ್ ಟ್ರೈನಿಂಗ್ ನಂತರ ಅಭ್ಯರ್ಥಿಗಳನ್ನು ಈ ಕಾರ್ ಸೀಟಲ್ಲಿ ಕೂರಿಸಿ ಡ್ರೈವಿಂಗ್ ಎಬಿಸಿಡಿ ಕಲಿಸಿಕೊಡುತ್ತಾರೆ. ಒಂದು ವಾರ ಈ ಕಾರಲ್ಲಿ ಕುಳಿತುಕೊಂಡು ಬೇಸಿಕ್ ಜ್ಞಾನವನ್ನು ಪಡೆಯಬಹುದು. ಜೊತೆಗೆ ಎಫೆಕ್ಟಿವ್ ಆಗಿ ಕಲಿಯಬಹುದು.

ಇದನ್ನೂ ಓದಿ: Uttara Kannada: ದೇವರಿಗೇ ಚೆಂದದ ಮನೆ ಕಟ್ಟಿಸಿದ್ರು ನೋಡಿ ಭಕ್ತರು!

ಸಿಮುಲೇಟರ್‌ ಡ್ರೈವ್‌ ಗೆ ರೆಡಿ ಆಗಿ!
ಹಾಗಿದ್ರೆ ಈ ಡೆಮೋ ಕಾರನ್ನ ಚಲಾಯಿಸೋ ಆಸೆ ನಿಮ್ಗಿದ್ರೆ ನೀವ್‌ ಕೂಡಾ ಕಾರವಾರ ಆರ್‌ ಟಿಓ ಕಚೇರಿಯನ್ನ ನೇರವಾಗಿ ಭೇಟಿ ಮಾಡಬಹುದು. ಈಗ ಡ್ರೈವಿಂಗ್‌ ಅದೆಷ್ಟು ಸುಲಭ ಅನ್ನೋ ಫೀಲ್‌ ಈ ಸಿಮುಲೇಟರ್‌ ಕೊಡೋದ್ರಲ್ಲಿ ಮಾತ್ರ ಸಂಶಯನೇ ಇಲ್ಲ.

ವರದಿ: ಎ.ಬಿ.ನಿಖಿಲ್, ನ್ಯೂಸ್ 18 ಕನ್ನಡ ಡಿಜಿಟಲ್, ಉತ್ತರ ಕನ್ನಡ