ಕೆಜಿಎಫ್​-2 ಡಬ್ಬಿಂಗ್​ ಮುಗಿಸಿದ ಸಂಜಯ್​ ದತ್​: ಏ.14ಕ್ಕೆ ರಾಕಿಭಾಯ್​ V/S ಅಧೀರನ ಕಾಳಗ!

ಕೆಜಿಎಫ್(KGF)​ ಸಿನಿಮಾ ಕನ್ನಡ ಚಿತ್ರರಂಗವನ್ನು ಎಲ್ಲರೂ ಒಮ್ಮೆ ತಿರುಗಿ ನೋಡುವಂತೆ ಮಾಡಿದ ಚಿತ್ರ. ಬೇರೆ ಭಾಷೆಯವರು ಕೂಡ ಕನ್ನಡ ಸಿನಿಮಾ(Kannada Cinema) ನೋಡಿ ಹೀಗೆ ಸಿನಿಮಾ ಮಾಡುವಂತೆ ಪ್ರೇರೆಪಿಸಿದ್ದು ನಮ್ಮ ಕೆಜಿಎಫ್.​ `ನಾನ್​ ಬರೋವರೆಗೂ ಮಾತ್ರ ಬೇರೆಯವರ ಹವಾ.. ನಾನ್​ ಬಂದ್ಮೇಲೆ ನನ್ದೆ ಹವಾ’ ಈ ಡೈಲಾಗ್(Dialogue)​ ನೆನೆಸಿಕೊಂಡರೇ ಸಾಕು ಯಶ್(Yash)​ ಅವರ ಸಾಧನೆ ಕಣ್ಣಮುಂದೆನೆ ಬರುತ್ತೆ. ಸಿನಿಮಾದಲ್ಲಿ ಮಾತ್ರ ಈ ಡೈಲಾಗ್(Dialogue)​ ಅಲ್ಲ ನಿಜ ಜೀವನದಲ್ಲೂ ಯಶ್​ಗೆ ಈ ಡೈಲಾಗ್​ ಸೂಟ್​ ಆಗುತ್ತೆ.ಒಂದು ಕಾಲದಲ್ಲಿ ಕನ್ನಡ ಚಿತ್ರರಂಗ ಅಂದರೆ ಅಸಡ್ಡೆ, ಮಾರುಕಟ್ಟೆ(Market) ಇರಲಿಲ್ಲ. ಆದರೆ ಯಶ್​ ಅವರ ಕೆಲಸ ನೋಡಿ, ಬೇರೆ ಭಾಷೆಯವರು ನಿಂತು ಕನ್ನಡ ಚಿತ್ರರಂಗದತ್ತ ತಿರುಗಿ ಇವರನ್ನು ಹುಡುಕಿಕೊಂಡು ಬರುವಂತೆ ಮಾಡಿದ್ದಾರೆ. ಕೆಜಿಎಫ್(KGF)​ ಸಿನಿಮಾದ ಮೂಲಕ ರಾಕಿ ಭಾಯ್​  ನ್ಯಾಷನಲ್(National)​, ಇಂಟರ್​ನ್ಯಾಷ್​ನಲ್​ ಸ್ಟಾರ್​(International Star) ಆಗಿದ್ದಾರೆ. ಇದೀಗ ಏಪ್ರಿಲ್​ 14ಕ್ಕೆ ಕೆಜಿಎಫ್​ 2 ಸಿನಿಮಾ ಬಿಡುಗಡೆಯಾಗಲಿದೆ. ಈ ಸಿನಿಮಾದ ಮೇಲೆ ಇಡಿ ವಿಶ್ವದ ಜನರ ಕಣ್ಣಿದೆ. ಯಾವಾಗ ಏಪ್ರಿಲ್​ 14 ಆಗುತ್ತೋ ಅಂತ ಯಶ್​ ಫ್ಯಾನ್ಸ್​ ಕಾತುರದಿಂದ ಕಾಯುತ್ತಿದ್ದಾರೆ. ಚಿತ್ರದ ಬಗ್ಗೆ ನಿರ್ದೇಶಕ ಪ್ರಶಾಂತ್ ನೀಲ್(Prasanth Neel)​ ಅಪಡೇಟ್​ ಒಂದನ್ನು ನೀಡಿದ್ದಾರೆ. ಅದೇನು ಅಂತೀರಾ? ಮುಂದೆ ನೋಡಿ

ಡಬ್ಬಿಂಗ್​ ಮುಗಿಸಿದ ಸಂಜಯ್​ ದತ್​!

ಕೆಜಿಎಫ್​ 2 ಸಿನಿಮಾದಲ್ಲಿ ಸಂಜಯ್​ ದತ್​ ಅಧೀರನ ಪಾತ್ರದಲ್ಲಿ ಅಬ್ಬರಿಸಲಿದ್ದಾರೆ ಎಂಬುದು ಎಲ್ಲರಿಗೂ ತಿಳಿದಿದೆ. ಈಗಾಗಲೇ ಕೆಜಿಎಫ್​ 2 ಸಿನಿಮಾದ ಶೂಟಿಂಗ್​ ಬಹುತೇಕ ಮುಗಿದಿದೆ. ಪೋಸ್ಟ್​ ಪ್ರೋಡೋಕ್ಷನ್​ ಕೆಲಸಗಳು ಉಳಿದಿತ್ತು. ಸಂಜಯ್​ ದತ್​ ಕೆಲ ದಿನಗಳಿಂದ ಅನಾರೋಗ್ಯಕ್ಕೆ ತುತ್ತಾಗಿದ್ದಾರೆ. ಹೀಗಾಗಿ ಕೆಜಿಎಫ್​ 2 ಡಬ್ಬಿಂಗ್​ ಮಾಡಲು ಸಾಧ್ಯವಾಗಿರಲಿಲ್ಲ. ಆದರೆ ಇಂದು ಪ್ರಶಾಂತ್​​ ನೀಲ್​​ ಟ್ವೀಟರ್​ನಲ್ಲಿ ಸಂಜಯ್​ ದತ್​​ ಜೊತೆಗಿನ ಫೋಟೋವೊಂದನ್ನು ಅಪ್​​ಲೋಡ್​ ಮಾಡಿದ್ದಾರೆ. ಅಧೀರ ಈಸ್​ ಬ್ಯಾಕ್​, ವೆಲ್​ಕಮ್​ಬ್ಯಾಕ್​ ಸರ್​. ಏಪ್ರಿಲ್​ 14ರಂದು ಎಲ್ಲರೂ ಸಿಗೋಣ ಎಂದು ಬರೆದುಕೊಂಡಿದ್ದಾರೆ. ಹೀಗಾಗಿ ನಟ ಸಂಜಯ್​ ದತ್​ ಕೆಜಿಎಫ್​ 2 ಸಿನಿಮಾದ ಡಬ್ಬಿಂಗ್​ ಮುಗಿಸಿದ್ದಾರೆ

ಇದನ್ನು ಓದಿ :ಏನ್​ ಖದರ್​ ಲುಕ್​ ಗುರೂ.. ಗಡ್ಡದಾರಿಗಳಿಗೆ ಯಶ್​ ಅವರೇ ಬಾಸ್​: ನ್ಯೂ ಗೆಟಪ್​ ನೀವೇ ನೋಡಿ..

#Adheera is back ⚔
Thank you @duttsanjay sir.
See you all on April 14th 2022 on the big screens💥 #KGFChapter2 pic.twitter.com/0labcZ5kL3

— Prashanth Neel (@prashanth_neel) December 7, 2021

ಏಪ್ರಿಲ್​ 14ಕ್ಕೆ ತೆರೆ ಮೇಲೆ ರಾಕಿ ಭಾಯ್​ ಅಬ್ಬರ!

ಅಧೀರನ ಪಾತ್ರದಲ್ಲಿ ಕಾಣಿಸಕೊಳ್ಳುತ್ತಿರುವ ಸಂಜಯ್​ದತ್​ ಜತೆ ಡಬ್ಬಿಂಗ್​ ಸ್ಟುಡಿಯೋದಲ್ಲಿ ನಿಂತಿರುವ ಫೋಟೋ ಹಂಚಿಕೊಳ್ಳುವ ಮೂಲಕ ಡಬ್ಬಿಂಗ್​ ಕಾರ್ಯ ಮುಕ್ತಾಯಗೊಂಡಿದೆ ಎಂದು ನಿರ್ದೇಶಕ ಪ್ರಶಾಂತ್​ ನೀಲ್ ತಿಳಿಸಿದ್ದಾರೆ.ಕನ್ನಡ ಚಿತ್ರರಂಗ ಮಾತ್ರವಲ್ಲದೆ ಭಾರತೀಯ ಚಿತ್ರರಂಗದಲ್ಲಿ ಕೆಜಿಎಫ್​ ಚಾಪ್ಟರ್-1 ಹೊಸ ಸಂಚಲನ ಮೂಡಿಸಿತ್ತು. ಇದೀಗ ಕೆಜಿಎಫ್​ ಚಾಪ್ಟರ್ -2 ಎಪ್ರಿಲ್​ 14 ಕ್ಕೆ ಬಿಡುಗಡೆಯಾಗುತ್ತಿದೆ. ಹೀಗಾಗಿ ಅಭಿಮಾನಿಗಳಲ್ಲಿ ದೊಡ್ಡ ಮಟ್ಟದ ನಿರೀಕ್ಷೆ ಹುಟ್ಟಿಸಿದೆ.ಚಿತ್ರದಲ್ಲಿ ರಾಕಿಂಗ್ ಸ್ಟಾರ್ ಯಶ್​ರೊಂದಿಗೆ ಶ್ರೀನಿಧಿ ಶೆಟ್ಟಿ, ರವೀನಾ ಟಂಡನ್, ಸಂಜಯದತ್​ ಸೇರಿದಂತೆ ದೊಡ್ಡ ತಾರಾಗಣವೇ ಕಾಣಿಸಿಕೊಳ್ಳುತ್ತಿದೆ.

ಇದನ್ನು ಓದಿ : ಏಕಾಂಗಿ.. ಜಾಕಲಿನ್​ ಫರ್ನಾಂಡಿಸ್​ ಏಕಾಂಗಿ..: ನಟಿ ಜೊತೆ ಸಲ್ಮಾನ್​ ಖಾನ್​ ಫ್ರೆಂಡ್​ಶಿಪ್​ ಕಟ್​!

ಹೊಸ ಜಾಹೀರಾತಿನಲ್ಲಿ ರಾಕಿ ಭಾಯ್​!