ಐಪಿಎಲ್​ 2018; ವಾಂಖೆಡೆ ಕ್ರೀಡಾಂಗಣದಲ್ಲಿ ಮುಂಬೈ ಇಂಡಿಯನ್ಸ್​ ತಂಡ

ನ್ಯೂಸ್​ 18 ಕನ್ನಡ

ಮುಂಬೈ(ಏ.02): ಐಪಿಎಲ್ ಆರಂಭಕ್ಕೂ ವಾರ ಮುನ್ನವೇ ಮುಂಬೈ ಇಂಡಿಯನ್ಸ್ ತಂಡ ವಾಂಖೆಡೆ ಕ್ರೀಡಾಂಗಣದಲ್ಲಿ ಅಭ್ಯಾಸಕ್ಕೆ ಧುಮುಕಿದೆ. ಮುಂಬೈ ಇಂಡಿಯನ್ಸ್​ ತಂಡ ತನ್ನ ಮೊದಲ ಪಂದ್ಯವನ್ನು ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್​ ವಿರುದ್ಧ ಆಡಲಿದೆ.

ಮುಂಬೈ ಇಂಡಿಯನ್ಸ್​ ತಂಡ ಹೊಸ ರಿಲಾಯನ್ಸ್​ ಕಾರ್ಪೋರೇಟ್​ ಪಾರ್ಕ್​ನಲ್ಲಿ ಮಾ.25 ರಿಂದ ತರಬೇತಿ ಪ್ರಾರಂಭಿಸಿತ್ತು. ಆದರೆ ಈಗ ಮಹಾರಾಷ್ಟ್ರ ಕ್ರಿಕೆಟ್​ ಅಸೋಸಿಯೇಷನ್ ವಾಂಖೆಡೆ ಕ್ರೀಡಾಂಗಣಕ್ಕೆ ಸ್ಥಳಾಂತರಿಸಿದೆ.

ಬಾಂಗ್ಲಾದೇಶದ ವೇಗಿ ಮುಸ್ತಫಿಜುರ್​ ರಹೀಮ್​ ಈಗಾಗಲೇ ಮುಂಬೈಗೆ ಬಂದಿಳಿದಿದ್ದು, ತಂಡದ ವಿದೇಶಿ ಆಟಗಾರರ ಪೈಕಿ ಹೆಚ್ಚಿನವರು ಏಪ್ರಿಲ್​ 3 ರಂದು ಆಗಮಿಸಲಿದ್ದಾರೆ. ಮುಂಬೈ ಇಂಡಿಯನ್ಸ್​ನ ದೀರ್ಘಕಾಲೀನ ಆಟಗಾರ ಶ್ರೀಲಂಕಾ ವೇಗಿ ಲಸಿತ್​ ಮಾಲಿಂಗ ಬೌಲಿಂಗ್​ ಕೋಚ್​ ಆಗಿರುವುದು ಈ ಬಾರಿ ವಿಶೇಷ.

ನಾಯಕ​ ರೋಹಿತ್​ ಶರ್ಮಾ, ಹಾರ್ದಿಕ್​ ಪಾಂಡ್ಯ ಮತ್ತು ಕೃಣಾಲ್​ ಪಾಂಡ್ಯ ಇಂದಿನ ತರಬೇತಿಯಲ್ಲಿ ಪಾಲ್ಗೊಂಡಿದ್ದರು.

ಐಪಿಎಲ್​ ಪ್ರಾರಂಭವಾದಾಗಿನಿಂದ ಮುಂಬೈ ಇಂಡಿಯನ್ಸ್​ ತಂಡ ಇಲ್ಲಿಯವರೆಗೆ 3 ಬಾರಿ ಚಾಂಪಿಯನ್​ ಆಗಿದೆ.