ಮಾಲ್ಡೀವ್ಸ್​ನ ಸಮುದ್ರದ ಆಳದಲ್ಲಿದೆ ವಿಶ್ವದ ಮೊದಲ ಐಷಾರಾಮಿ ರೆಸಾರ್ಟ್

ನ್ಯೂಸ್ 18 ಕನ್ನಡ

ಸಮುದ್ರ ತೀರದ ರೆಸ್ಟೊರೆಂಟ್​ನಲ್ಲಿ ಕುಳಿತು ಆಹಾರ ಸೇವಿಸುವ ಮಜವೇ ಬೇರೆ. ಅಂತಹದರಲ್ಲಿ ಸಮುದ್ರದೊಳಗೆ  ಹೋಗಿ ಪಾರ್ಟಿ ಮಾಡಲು ಅವಕಾಶ ಸಿಕ್ಕಿದರೆ? ಹೌದು ಇಂತಹ ಕನಸು ಕಾಣುವವರಿಗೆ  ಶೀಘ್ರದಲ್ಲೇ  ಸಿಹಿ ಸುದ್ದಿಯೊಂದು ಕಾದಿದೆ. ಮಾಲ್ಡೀವ್ಸ್​ನ ಸಮುದ್ರದೊಳಗೆ ಇಂತಹದೊಂದು ರೆಸಾರ್ಟ್ ಪ್ರಾರಂಭವಾಗಲಿದೆ.

ಮಾಲ್ಡೀವ್ಸ್​ನ ರಂಗಲಿ ದ್ವೀಪದಲ್ಲಿ ಸಮುದ್ರದ ಆಳದಲ್ಲಿ ರೆಸಾರ್ಟ್ ಸಿದ್ಧವಾಗಿದೆ. ಈ ರೆಸಾರ್ಟ್​ನ ದಿನವೊಂದರ ಶುಲ್ಕ 15 ಮಿಲಿಯನ್ ಡಾಲರ್ ಎಂದು ಹೇಳಲಾಗಿದೆ.  ರೆಸಾರ್ಟ್​ನಲ್ಲಿ ರೆಸ್ಟೊರೆಂಟ್, ಅತಿಥಿ ಗೃಹ ಸೇರಿದಂತೆ ಎಲ್ಲ ಐಷಾರಾಮಿ ಸೌಲಭ್ಯಗಳು ಲಭ್ಯವಾಗಲಿದೆ.

ಶಾರ್ಕ್ ಮೀನುಗಳು ಸೇರಿದಂತೆ ಅನೇಕ ಕಡಲ ಜೀವಿಗಳನ್ನು ರೆಸಾರ್ಟ್​ನಲ್ಲೇ ಕೂತು ವೀಕ್ಷಿಸಬಹುದಾಗಿದೆ. ರೆಸಾರ್ಟ್​ನ ಒಂದು ಭಾಗದಲ್ಲಿ ಮಲಗುವ ಕೋಣೆಗಳಿದ್ದರೆ ಮತ್ತೊಂದು ಭಾಗದಲ್ಲಿ ಬಾರ್, ರೆಸ್ಟೊರೆಂಟ್, ಜಿಮ್ ವ್ಯವಸ್ಥೆ ಮಾಡಲಾಗಿದೆ.

ಇದು ಸಮುದ್ರದಲ್ಲಿ 16 ಅಡಿ ಆಳದಲ್ಲಿದ್ದು, 180-ಡಿಗ್ರಿ ವಿಹಂಗಮ ನೋಟವನ್ನು ಹೊಂದಿದೆ. ಇಂತಜಹದ್ದೇ  ಎರಡನೇ ಐಷಾರಾಮಿ ರೆಸಾರ್ಟ್​ ಅನ್ನು ದುಬೈನ ವೆನಿಸ್ ದ್ವೀಪದಲ್ಲಿ ನಿರ್ಮಿಸಲಾಗುತ್ತಿದೆ. ಇದರ ಕಾಮಗಾರಿ 2020ರಲ್ಲಿ ಪೂರ್ಣಗೊಳ್ಳಲಿದೆ ಎಂದು ಅಂದಾಜಿಸಲಾಗಿದೆ.