Viral Video: 'ಆಯೆ ದಿನ್​ ಬಹಾರ್​ ಕೆ' ಸಿನಿಮಾದ ಹಾಡು ಮತ್ತೆ ವೈರಲ್​!

ಸಾಮಾಜಿಕ ಮಾಧ್ಯಮಗಳಲ್ಲಿ (Social Media) ನಾವು  ಸುದ್ಧಿಗಳನ್ನು ಮಾತ್ರ ಓದದೇ, ಮನರಂಜನೆಗೆ  ಕೂಡ ಹೆಚ್ಚಿನ ಆಧ್ಯತೆಗಳನ್ನು ನೀಡಲಾಗುತ್ತಿದೆ. ಮನರಂಜನೆಗೂ ಕೂಡ ಸೈ ಎನಿಸಿಕೊಂಡಿದೆ ಈ ಸೋಶಿಯಲ್​ ಮೀಡಿಯಾ. ಅದೇ ರೀತಿಯಾಗಿ ನಾಯಕ ಅಥವಾ ನಾಯಕಿ ಆಗಬೇಕು ಅಂದ್ರೆ ಸಿನಿಮಾದಲ್ಲಿ ನಟಿಸಲೇ ಬೇಕು ಅಂತ ಏನಿಲ್ಲ ಬಿಡಿ. ಯಾಕಂದ್ರೆ ರೈಲ್ವೆ ಸ್ಟೇಷನ್ ನಲ್ಲಿ ಹಾಡು ಹಾಡಿ ಒನ್ ನೈಟ್ ಅಲ್ಲಿ ಫೇಮಸ್ ಆದ ಸಿಂಗರ್ (Singer) ಅನ್ನು ನಾವು ಕಂಡಿದ್ದೇವೆ ಮತ್ತು ಕೇಳಿದ್ದೇವೆ. ಹೀಗಾಗಿ ಪ್ರತಿಭಾನ್ವಿತರು ಎಲ್ಲೇ ಇದ್ದರೂ ಕೂಡ ಹೇಗಾದರೂ ಒಂದು ರೀತಿಯಲ್ಲಿ ಫೇಮಸ್ ಆಗ್ತಾರೆ ಅಂತ ಹೇಳಬಹುದು. ಅದಕ್ಕೆ ಮೂಲ    ಕಾರಣ ಪ್ರಸ್ತುತ ಸಾಮಾಜಿಕ ಜಾಲತಾಣ. ಒಂದು ಮೂಲೆಯಲ್ಲಿ ವಿಡಿಯೋ ಮಾಡಿ ಪೋಸ್ಟ್ ಮಾಡಿದ್ರೆ ಸಾಕು. ಹೇಗೆ ಫೇಮಸ್ ಆಗ್ತಾರೆ ಅಂತ ಊಹಿಸಲು ಅಸಾಧ್ಯ.

ಇಷ್ಟೆಲ್ಲ ಪೀಠಿಕೆ ಯಾಕೆ ಕೊಡ್ತಾ ಇರೋದು ಅಂದ್ರೆ, ಇಲ್ಲಿರುವ ಮಹಿಳೆ ಸಖತ್ ವೈರಲ್ ಆಗ್ತಾ ಇದ್ದಾರೆ. ಯಾಕೆ ಏನು ಅಂತ ಕೇಳಿದ್ರೆ ನೀವೇ ಶಾಕ್ ಆಗ್ತೀರಾ! ಆ ಮಹಿಳೆಯ ಉಡುಪನ್ನು ನೋಡ್ತಾ ಇದ್ರೆ ಯಾವುದೋ ಕೆಲಸದಲ್ಲಿ ಇದ್ದ ಹಾಗೆ ಕಾಣುತ್ತದೆ. ಆದರೆ ಈಕೆ ಹಾಡಿರುವಂತಹ ಹಾಡು ಈಗ ಫುಲ್ ವೈರಲ್ ಆಗಿದೆ. ಯಾವುದೋ ಒಂದು ಅಲಂಕೃತಗೊಂಡ ವೇದಿಕೆಯ ಮೇಲೆ ಹಾಡು ಹಾಡಿ ಫೇಮಸ್ ಆದವರನ್ನು ಕಂಡಿರುತ್ತೇವೆ. ಆದರೆ ಇವರು ರಸ್ತೆಯಲ್ಲಿ ಹಾಡನ್ನು ಹೇಳಿದ್ದಾರೆ.

ಈ ಹಿಂದೆ ರೈಲಿನಲ್ಲಿ ಒಬ್ಬರು ತಾತ ಹಿಂದಿ ಹಾಡನ್ನು ಹೇಳಿ ಫುಲ್ ವೈರಲ್ ಆಗಿದ್ರು. ಯಾಕಂದ್ರೆ ಒಂದು ಹಿಂದಿಯ ಹಾಡಿಗೆ ಅಷ್ಟು ಭಾವ, ರಾಗ, ತಾಳಕ್ಕೆ ತಕ್ಕಂತೆ ಹಾಡನ್ನು ಹೇಳಿದ್ರು. ಅದನ್ನು ರೈಲಿನಲ್ಲಿ ಪ್ರಯಾಣಿಸುತ್ತಿರುವವರು ವಿಡಿಯೋ ಮಾಡಿ ಸೋಶಿಯಲ್ ಮೀಡಿಯಾದಲ್ಲಿ ಹಾಕಿ, ಫುಲ್ ಫ್ರೆಂಡ್ ಆಗಿತ್ತು.

ಇದನ್ನೂ ಓದಿ: ಟ್ರೈನಿನಲ್ಲಿ ಕೂತು ಹಿಂದಿ ಹಾಡು ಹಾಡಿದ ವಯಸ್ಸಾದ ವ್ಯಕ್ತಿ! ವಿಡಿಯೋ ವೈರಲ್​

ಇದೀಗ ಅದೇ ರೀತಿಯಾಗಿ ಓರ್ವ ಮಹಿಳೆ ಹಾಡನ್ನು ಹಾಡಿದ್ದಾರೆ.  ಲತಾ ಮಂಗೇಶ್ಕರ್ ರವರು ಹಾಡಿದ " ಸುನೊ ಸಜ್ಞ ಪಾಪಿಹೇ ನೇ" ಹಾಡನ್ನು ಎಷ್ಟು ಸೊಗಸಾಗಿ, ಮಾಧುರ್ಯವಾಗಿ ಹಾಡನ್ನು ಹೇಳಿದ್ದಾರೆ ಅಂದ್ರೆ ನೀವೇ ಕೇಳಿಸಿಕೊಳ್ಳಿ. ಈ ವಿಡಿಯೋ ಇಂಟರ್ನೆಟ್ ಸಕ್ಕತ್ ಸದ್ದು ಮಾಡ್ತಾ ಇದೆ. "ಸುನೊ ಸಜ್ಞ ಪಾಪಿಹೇ ನೇ" ಹಾಡು 1996 ರಲ್ಲಿ  "ಆಯೆ ದಿನ್​ ಬಹಾರ್​ ಕೆ"  ಸಿನಿಮಾದ ಸೂಪರ್​ ಹಿಟ್​ ಹಾಡು. ಧರ್ಮೇಂದ್ರ, ಆಶಾ ಪರೇಖ್​ ಸಿನಿಮಾದಲ್ಲಿ ನಟಿಸಿದ್ದರು.

ಸೈಯದ್ ಸಲ್ಮಾನ್ ಎನ್ನುವವರು ರಸ್ತೆಯಲ್ಲಿ ನಿಂತ ಮಹಿಳೆಗೆ ಹಾಡನ್ನು ಹೇಳಲು ಹೇಳಿ, ತನ್ನ ಮೊಬೈಲ್ ನಲ್ಲಿ ರೆಕಾರ್ಡ್ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ. ಮಹಾರಾಷ್ಟ್ರದ ಮಹಾಬಲೇಶ್ವರದ ಪಾರ್ಸಿ ಪಾಯಿಂಟ್ ಪಂಜಾಗಲಿಯಲ್ಲಿ ನನಗೆ ಹೊಸ ಗಾಯಕಿ ಒಬ್ಬರು ಸಿಕ್ಕಿದ್ದಾರೆ, ಇವರ ಧ್ವನಿ ಅಂತೂ ಅತ್ಯದ್ಭುತವಾಗಿದೆ ಕ್ಯಾಪ್ಷನ್ ಕೊಟ್ಟಿದ್ದಾರೆ.

View this post on Instagram

A post shared by Sayyed Salman (@salman_sayyed_7715)

ಈ ವಿಡಿಯೋ ಪೋಸ್ಟ್ ಮಾಡಿ ಕೆಲವೇ ಕ್ಷಣಗಳಲ್ಲಿ ಹೆಚ್ಚು ಮೆಚ್ಚುಗೆ ಪಡೆದಿದ್ದು, ಇದೀಗ ಬರೋಬ್ಬರಿ 6 ಲಕ್ಷಕ್ಕೂ ಅಧಿಕ ಲೈಕ್ಸ್ ಗಳನ್ನು ಪಡೆದುಕೊಂಡಿದೆ. ಇದಕ್ಕೆ ಬಂದಿರುವ ಕಮೆಂಟ್ ಗಳಲ್ಲಿಯೂ ಕೂಡ ಪಾಸಿಟಿವ್ ಪ್ರತಿಕ್ರಿಯೆ ಬಂದಿದೆ. ಒಟ್ಟಿನಲ್ಲಿ ಈ ಹಾಡನ್ನು ಕೇಳ್ತಾ ಇದ್ರೇ ಎಂಥವರಿಗಾದ್ರೂ ಶಾಕ್​ ಆಗ್ಬೋದು. ಯಾಕಂದ್ರೆ ಅಷ್ಟು ಚೆನ್ನಾಗಿ ಹೇಳಿದ್ದಾರೆ.