news18-kannada Updated:February 18, 2021, 8:27 AM IST
ಸಾಂದರ್ಭಿಕ ಚಿತ್ರ
ಇಂಟರ್ನೆಟ್ ಲೋಕದಲ್ಲಿ ನಿತ್ಯ ಹತ್ತಾರು ವಿಡಿಯೋಗಳು ವೈರಲ್ ಆಗುತ್ತಿರುತ್ತವೆ. ಇದೀಗ ಈ ಪಟ್ಟಿಗೆ ಬೆಳ್ಳುಳ್ಳಿ ಸಿಪ್ಪೆ ಬಿಡಿಸುವ ವಿಡಿಯೋ ಕೂಡ ಸೇರಿದೆ. ಹೌದು ಸಿಪ್ಪೆ ಸುಲಿಯುವ ವಿಚಾರ ಬಂದಾಗ ಬೆಳ್ಳುಳ್ಳಿ ಸಿಪ್ಪೆ ಸುಲಿಯುವುದು ಸುಲಭವಲ್ಲ. ಸಾಕಷ್ಟು ತಾಳ್ಮೆ ಮತ್ತು ತಂತ್ರದಿಂದ ಬೆಳ್ಳುಳ್ಳಿ ಸಿಪ್ಪೆ ಸುಲಿಯಬೇಕಾಗುತ್ತದೆ. ಆದರೆ ಈ ವಿಡಿಯೋದಲ್ಲಿ ಬೆಳ್ಳುಳ್ಳಿ ಸಿಪ್ಪೆಯನ್ನು ಕೆಲವೇ ಸೆಕೆಂಡುಗಳಲ್ಲಿ ಅದ್ಹೇಗೆ ಸುಲಿದಿದ್ದಾರೆ ಅನ್ನೋದನ್ನ ನೋಡಿದರೆ ನೀವೇ ಆಶ್ಚರ್ಯಗೊಳಗಾಗುತ್ತಿರಿ.
ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುವ ಮೂಲಕ ಭಾರಿ ಸದ್ದು ಮಾಡುತ್ತಿರುವ ಈ ವಿಡಿಯೋವನ್ನು ಟಿಕ್‌ಟಾಕ್‌ನಲ್ಲಿ ಹಂಚಿಕೊಳ್ಳಲಾಗಿದೆ. 12 ಸೆಕೆಂಡುಗಳ ಈ ವಿಡಿಯೋ ಕ್ಲಿಪ್ ಅನ್ನು ಟಿಕ್‌ಟಾಕ್‌ ಬಳಕೆದಾರ @xwowduck ಎಂಬುವರು ಹಂಚಿಕೊಂಡಿದ್ದಾರೆ. ಈಗಾಗಲೇ ಲಕ್ಷಾಂತರ ಜನರು ವೀಕ್ಷಿಸಿದ್ದು, ಬೆಳ್ಳುಳ್ಳಿ ಸಿಪ್ಪೆ ಸುಲಿಯುವ ಸರಳ ತಂತ್ರಕ್ಕೆ ಮಾರುಹೋಗಿದ್ದಾರೆ. ವಿಡಿಯೋ ಶೇರ್ ಮಾಡಿರುವ ವ್ಯಕ್ತಿ ಸುಲಭವಾಗಿ ಬೆಳ್ಳುಳ್ಳಿ ಸಿಪ್ಪೆ ಸುಲಿಯುವ ತಂತ್ರವನ್ನು ಹೇಳಿಕೊಟ್ಟಿರುವ ತನ್ನ ಅತ್ತೆಗೆ ವಿಡಿಯೋದ ಸಂಪೂರ್ಣ ಕ್ರೆಡಿಟ್ ಸಲ್ಲಬೇಕು ಎಂದು ಹೇಳಿದ್ದಾನೆ.
ಈ ವಿಡಿಯೋದಲ್ಲಿ ತೋರಿಸಿದ ಹಾಗೆ ನೀವು ಒಂದು ಪೂರ್ಣ ಗಾತ್ರದ ಬೆಳ್ಳುಳ್ಳಿಯನ್ನು ತೆಗೆದುಕೊಳ್ಳಬೇಕು. ತದನಂತರ ಅದರ ಮಧ್ಯಭಾಗಕ್ಕೆ ಚಾಕುನಿಂದ ಕತ್ತರಿಸಬೇಕು. ಈಗ ಬೆಳ್ಳುಳ್ಳಿ ಎರಡು ಭಾಗವಾಗಿರುತ್ತದೆ. ಬಳಿಕ ವಿಡಿಯೋದಲ್ಲಿ ತೋರಿಸಿದ ರೀತಿಯಲ್ಲಿ ಒಂದೊಂದು ಭಾಗವನ್ನು ತೆಗೆದುಕೊಂಡು ಅದರ ಮೇಲೆ ಚಾಕುವಿನಿಂದ ಒತ್ತಬೇಕು. ಹೀಗೆ ಮಾಡಿದರೆ ಸಾಕು ಕೆಲವೇ ಸೆಕೆಂಡುಗಳಲ್ಲಿ ಇಡೀ ಬೆಳ್ಳುಳ್ಳಿಯನ್ನು ಅತ್ಯಂತ ಸುಲಭವಾಗಿ ಬಿಡಿಸಬಹುದಾಗಿದೆ. ಚಾಕುವಿನಿಂದ ಬೆಳ್ಳುಳ್ಳಿ ಮತ್ತು ಅದರ ಸಿಪ್ಪೆಯನ್ನು ಬೇರ್ಪಡಿಸುವ ಈ ವ್ಯಕ್ತಿಯ ಚಾಕಚಕ್ಯತೆಗೆ ಇಂಟರ್ ನೆಟ್ ಲೋಕ ಫುಲ್ ಫಿದಾ ಆಗಿದೆ.
ಈ ವಿಡಿಯೋವನ್ನು ಟ್ವಿಟರ್ ನಲ್ಲಿ ಕೂಡ ಹಂಚಿಕೊಳ್ಳಲಾಗಿದ್ದು, ಅನೇಕರು ಬೆಳ್ಳುಳ್ಳಿ ಬಿಡಿಸುವ ವ್ಯಕ್ತಿಯ ಚಾಕಚಾಕ್ಯತೆಯನ್ನು ಕೊಂಡಾಡಿದ್ದಾರೆ. ಅನೇಕರು ವಿಡಿಯೋ ಶೇರ್ ಮಾಡುತ್ತಿರುವುದರಿಂದ ಬೆಳ್ಳುಳ್ಳಿ ವಿಡಿಯೋ ಭರ್ಜರಿ ಸದ್ದು ಮಾಡುತ್ತಿದೆ.
Published by:
Latha CG
First published:
February 18, 2021, 8:27 AM IST
