Viral Video: ವೈರಲ್ ಆಯ್ತು ರೈಲು ಮತ್ತು ಬೃಹತ್ ಟ್ರಕ್ ನಡುವಿನ ಅಪಘಾತದ ವಿಡಿಯೋ- ನೋಡಿದ್ರೆ ಒಂದು ಕ್ಷಣ ಅಚ್ಚರಿಯಾಗತ್ತೆ

Train and Truck Accident: ರೈಲು ಡಿಕ್ಕಿಯಾಗಿ ಟ್ರಕ್ ಉರುಳಿ ಬಿದ್ದಿದ್ದು,  ಸದ್ಯ ಈ ದೃಶ್ಯ ಸೋಶಿಯಲ್ ಮೀಡಿಯಾದಲ್ಲಿ  ಸುದ್ದಿ ಆಗುತ್ತಿದ್ದು, ಈ ಘಟನೆಯ ದೃಶ್ಯ ಒಂದು ಕ್ಷಣ  ನೆಟ್ಟಿಗರನ್ನು ಬೆಚ್ಚಿಬೀಳಿಸಿದೆ.  

ವೈರಲ್ ಫೋಟೋ

ವೈರಲ್ ಫೋಟೋ

  • Share this:
ಸೋಶಿಯಲ್ ಮೀಡಿಯಾದಲ್ಲಿ ವಿಚಿತ್ರ ಮತ್ತು ವಿಭಿನ್ನವಾದ ಫೋಟೋ ಮತ್ತು ವಿಡಿಯೋಗಳು ನಮಗೆ ಸಿಗುತ್ತವೆ. ಕೆಲವೊಮ್ಮೆ ಆ ವಿಡಿಯೋ ಮತ್ತು ಫೋಟೋಗಳನ್ನು ನಂಬುವುದು ಸಾಧ್ಯವಾಗುವುದಿಲ್ಲ, ಅಷ್ಟು ವಿಚಿತ್ರವಾಗಿರುತ್ತದೆ. ಇತ್ತೀಚೆಗಷ್ಟೆ ಗಿಳಿಯೊಂದು ಯುವಕನ ಮೊಬೈಲ್ ತೆಗೆದುಕೊಂಡು ಹಾರಿದ ವಿಡಿಯೋ ವೈರಲ್ ಆಗಿತ್ತು, ಇದೀಗ ಟ್ರಕ್ ಮತ್ತು ರೈಲಿನ ನಡುವಿನ ಅಪಘಾತದ ವಿಡಿಯೋ ವೈರಲ್ ಆಗಿದೆ.    ವಿಡಿಯೋದಲ್ಲಿ ಆ 18 ಚಕ್ರಗಳ ಟ್ರಕ್​ ಒಂದು ವಿಂಡ್ ಟರ್ಬೈನ್ ಬ್ಲೇಡ್ ಅನ್ನು ಹೊತ್ತು ತರುತಿತ್ತು, ಆದರೆ, ಟ್ರಕ್ ಬರುವ  ದಾರಿಯಲ್ಲಿಯೇ ಟ್ರಕ್ ಅಪಘಾತಕ್ಕೀಡಾಗಿದ್ದು, ಈ ಘಟನೆಯ ವಿಡಿಯೋ ವೈರಲ್ ಆಗಿದೆ.

ರೈಲು ಡಿಕ್ಕಿಯಾಗಿ ಟ್ರಕ್ ಉರುಳಿ ಬಿದ್ದಿದ್ದು,  ಸದ್ಯ ಈ ದೃಶ್ಯ ಸೋಶಿಯಲ್ ಮೀಡಿಯಾದಲ್ಲಿ  ಸುದ್ದಿ ಆಗುತ್ತಿದ್ದು, ಈ ಘಟನೆಯ ದೃಶ್ಯ ಒಂದು ಕ್ಷಣ  ನೆಟ್ಟಿಗರನ್ನು ಬೆಚ್ಚಿಬೀಳಿಸಿದೆ.  ನಾವು ಸೋಶಿಯಲ್ ಮೀಡಿಯಾದಲ್ಲಿ ಹಲವಾರು ಭಯಂಕರ ಅಪಘಾತಗಳ ವಿಡಿಯೋ ನೋಡಿರುತ್ತೇವೆ, ಅದೃಷ್ಟದಿಂದ ಜನರು ಅಪಾಯದಿಂದ ತಪ್ಪಿಸಿಕೊಂಡಿರುವುದನ್ನ ನೋಡಿ, ನಿಟ್ಟುಸಿರು ಬಿಟ್ಟಿದ್ದೇವೆ, ಆದರೆ  ಕೆಲವೊಂದು ದೃಶ್ಯಗಳು ನಿಜಕ್ಕೂ ಅಚ್ಚರಿ ಮತ್ತು ಆಘಾತಕ್ಕೆ ಕಾರಣವಾಗುತ್ತದೆ.  ಇಂಥಹ ಒಂದು ಘಟನೆ  ಟೆಕ್ಸಾಸ್‌ನ ಲುಲ್ಲಿಂಗ್ ನಗರದಲ್ಲಿ ನಡೆದಿದೆ.

ಟೆಕ್ಸಾಸ್‌ನ ಲುಲ್ಲಿಂಗ್ ನಗರದ ರೈಲ್ವೆ ಲೆವೆಲ್ ಕ್ರಾಸಿಂಗ್​ ಬಳಿ ಈ ದುರ್ಘಟನೆ ಸಂಭವಿಸಿದೆ.  ವಿಂಡ್ ಟರ್ಬೈನ್ ಬ್ಲೇಡ್ ಹೊತ್ತು ಸಾಗುತ್ತಿದ್ದ ಈ ಬೃಹತ್​ ಗಾತ್ರದ ಟ್ರಕ್ ರೈಲ್ವೇ ಗೇಟ್‌ ಅನ್ನು ನಿಧಾನಕ್ಕೆ ದಾಟುವುದಕ್ಕೂ ಹಾಗೂ ರೈಲು ಬರುವ ಸಮಯವೂ ಒಂದೇ ಆಗಿತ್ತು. ಬೃಹತ್ ಟ್ರಕ್ ಹಳಿ ದಾಟುತ್ತಿದ್ದಂತೆಯೇ ರೈಲ್ವೆ ಗೇಟ್ ಕೂಡ ಹಾಕಲಾಯಿತು. ಸಮಸ್ಯೆಯಾಗಿದ್ದೇ ಅಲ್ಲಿ. ಆದರೆ, ಟ್ರಕ್ ಚಾಲಕನಿಗೆ ನಿರೀಕ್ಷೆ ಮಾಡಿದಷ್ಟು ವೇಗದಲ್ಲಿ ಹಳಿ ದಾಟಲು ಸಾಧ್ಯವಾಗಲಿಲ್ಲ. ಹೀಗಾಗಿ, ರೈಲು ಬಂದು ಟ್ರಕ್‌ಗೆ ಡಿಕ್ಕಿ ಹೊಡೆದು ವಿಂಡ್ ಟರ್ಬ್ರೈನ್ ಬ್ಲೇಡ್ ತುಂಡಾಗಿ ಹೋಗಿತ್ತು. ಟ್ರಕ್ ಕೂಡಾ ರೈಲಿನ ಹೊಡೆತದಿಂದಾಗಿ ಉರುಳಿ ಬಿದ್ದಿತ್ತು. ಈ ಭಯಾನಕ ದೃಶ್ಯ ಅಲ್ಲಿದ್ದವರನ್ನು ಒಂದು ಕ್ಷಣ ಬೆಚ್ಚಿ ಬೀಳಿಸಿದ್ದಂತು ಸತ್ಯ. ಕೆಲವರಂತೂ ಕೂಗಿಕೊಂಡರೆ, ಇನ್ನು ಕೆಲವರು ಕಣ್ಣು ಮಿಟುಕಿಸದೆ ದೃಶ್ಯವನ್ನು ನೋಡುತ್ತಿದ್ದರು. . ಈ ದೃಶ್ಯ ಕಂಡು ಅಲ್ಲಿದ್ದವರು ಅಕ್ಷರಶಃ ನಡುಗಿ ಹೋಗಿದ್ದರು.

ಆ ವಿಡಿಯೋ ದೃಶ್ಯವನ್ನು ನೀವೇ ನೋಡಿ



ಭಾನುವಾರ ಮಧ್ಯಾಹ್ನ ಸಂಭವಿಸಿದ ಈ  ದುರಂತದ ವಿಡಿಯೋ  ಸದ್ಯ  ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಈ ದೃಶ್ಯ ನೋಡಿದ ಎಲ್ಲರೂ ಒಂದು ಕ್ಷಣ ಅಚ್ಚರಿಕೊಂಡಿದ್ದಾರೆ.  ಇನ್ನು ವಿಡಿಯೋವನ್ನು ಸೆಲೆಬ್ರಿಟಿಗಳು ಸೇರಿದಂತೆ ಹಲವಾರು ಜನರು ಶೇರ್ ಮಾಡಿಕೊಂಡಿದ್ದು, ಮಿಲಿಯನ್​ಗಟ್ಟಲೆ ಲೈಕ್ ಪಡೆದಿದೆ. ವಿಡಿಯೋಗೆ ಬಹಳಷ್ಟು ಜನರು ಕಾಮೆಂಟ್ ಕೂಡ ಮಾಡಿದ್ದು, ಟ್ರಕ್ ಚಾಲಕನ ನಿರ್ಲಕ್ಷ್ಯದಿಂದ ಅಪಾಘತವಾಗಿದೆ ಎಂದಿದ್ದಾರೆ, ಇನ್ನು ಕೆಲವರು ರೈಲ್ವೆ ಕ್ರಾಸಿಂಗ್ ಗೇಟ್​ ಸರಿಯಾದ ಸಮಯಕ್ಕೆ ಹಾಕಿಲ್ಲ ಎಂದು ಆರೋಪಿಸಿದ್ದಾರೆ.  ಏನೇ ಆಗಲಿ ಈ ವಿಡಿಯೋ ನೋಡುಗರಲ್ಲಿ ಒಮ್ಮೆ ಆಘಾತ ಉಂಟು ಮಾಡುವಂತೆ ಮಾಡಿದ್ದು ಮಾತ್ರ ಸತ್ಯ.

ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್ಕೇಸ್ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ತಮ್ಮ ತಮ್ಮ ಸರದಿ ಬಂದಾಗ ತಪ್ಪದೇ ಲಸಿಕೆ ಪಡೆಯಬೇಕು. ಈಗಿನ ಪರಿಸ್ಥಿತಿಯಲ್ಲಿ ಲಸಿಕೆ ಒಂದೇ ಸೋಂಕಿನ ವಿರುದ್ಧ ಹೋರಾಡುವ ಮಾರ್ಗವಾಗಿದೆ. ಅತ್ಯಗತ್ಯವಿದ್ದರೆ ಮಾತ್ರವೇ ಮನೆಯಿಂದ ಹೊರಗೆ ಹೋಗುವ ಅಭ್ಯಾಸ ರೂಢಿಸಿಕೊಳ್ಳಬೇಕು.
Published by:Sandhya M
First published: