ದೆಹಲಿಯಲ್ಲಿ ನಯಾಗರಾ ಫಾಲ್ಸ್‌! ಫ್ಲೈಓವರ್ ಕೆಳಗೆ ಮಳೆ ನೀರು ಹರಿಯುತ್ತಿರುವ ವಿಡಿಯೋ ವೈರಲ್

Delhi me Niagara Falls: ಸೆಪ್ಟೆಂಬರ್ ತಿಂಗಳಲ್ಲಿ ನಿರೀಕ್ಷಿತ ಮಳೆಯ 90%ನಷ್ಟು ಮಳೆ ತಿಂಗಳ ಮೊದಲ ದಿನದಲ್ಲೇ ಬಿದ್ದಿದೆ. ನಗರದ ಅಧಿಕೃತ ಗುರುತು ಎಂದು ಪರಿಗಣಿಸಲಾಗಿರುವ ಸಫ್ದರ್‌ಜಂಗ್ ವೀಕ್ಷಣಾಲಯದ ಪ್ರಕಾರ ಬುಧವಾರ ಬೆಳಗ್ಗೆ 8:30 ಕ್ಕೆ ಕೊನೆಗೊಂಡ 24 ಗಂಟೆಗಳಲ್ಲಿ 112.1 ಮಿಮೀ ಮಳೆಯಾಗಿದೆ.

Photo: Twitter

Photo: Twitter

  • Share this:

Viral Video: ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಇತ್ತೀಚೆಗೆ ಭಾರಿ ಮಳೆ ಸುರಿದಿದ್ದು, ಜನಜೀವನ ಅಸ್ತವ್ಯಸ್ತಗೊಂಡಿದೆ. ದೆಹಲಿಯ ಹಲವು ಪ್ರದೇಶಗಳಲ್ಲಿ ನೀರು ತುಂಬಿಕೊಂಡಿರುವುದು, ಹರಿಯುತ್ತಿರುವ ದೃಶ್ಯಗಳು ಸಾಮಾನ್ಯವಾಗಿದ್ದವು. ಇದೇ ರೀತಿ, ದೆಹಲಿಯಲ್ಲಿ ನಯಾಗರಾ ಫಾಲ್ಸ್ ಪತ್ತೆಯಾಗಿದೆ. ಅಯ್ಯೋ ನಯಾಗರಾ ಫಾಲ್ಸ್ ಇರುವುದು ಕೆನಡಾ- ಅಮೆರಿಕ ಮಧ್ಯೆ, ಇಲ್ಲಿ ಹೇಗೆ ಕಾಣಿಸುತ್ತೆ ಅಂತೀರಾ..? ದೆಹಲಿಯ ಫ್ಲೈಓವರ್‌ನಲ್ಲಿ ಮಳೆನೀರು ಭಾರಿ ಪ್ರಮಾಣದಲ್ಲಿ ಹರಿಯುತ್ತಿರುವ ವಿಡಿಯೋ ವೈರಲ್ ಆಗಿದ್ದು, ರಾಷ್ಟ್ರ ರಾಜಧಾನಿ ತನ್ನದೇ ಆದ ನಯಾಗರಾ ಜಲಪಾತವನ್ನು ಪಡೆದುಕೊಂಡಿದೆ ಎಂದು ನೆಟ್ಟಿಗರು ಕಾಮೆಂಟ್‌ಗಳನ್ನು ಮಾಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋಗಳನ್ನೂ ಶೇರ್‌ ಮಾಡಿದ್ದಾರೆ.


ರಾಷ್ಟ್ರೀಯ ರಾಜಧಾನಿ ಪ್ರದೇಶದಲ್ಲಿ ಈ ವಾರ ನಿರಂತರ ಮಳೆಯಾಗುತ್ತಿದೆ. ದೆಹಲಿಯಲ್ಲಿ ಕನಿಷ್ಠ 12 ವರ್ಷಗಳಲ್ಲಿ ಬರದ ಮಳೆ ಸೆಪ್ಟೆಂಬರ್‌ನಲ್ಲಿ ಒಂದೇ ದಿನದಲ್ಲಿ ಅತಿ ಹೆಚ್ಚು ಮಳೆಯಾಗಿದ್ದು, ಬುಧವಾರ ಬೆಳಗ್ಗೆ 8:30ರ ವೇಳೆಗೆ 24 ಗಂಟೆಗಳಲ್ಲಿ 112.1 ಮಿ.ಮೀ ನಷ್ಟು ಮಳೆಯಾಗಿದೆ. ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಪ್ರಕಾರ, ರಾಷ್ಟ್ರೀಯ ರಾಜಧಾನಿಯಲ್ಲಿ ಪ್ರತಿ ವರ್ಷ ಸೆಪ್ಟೆಂಬರ್‌ನಲ್ಲಿ 125.1 ಮಿ.ಮೀ ಮಳೆಯಾಗುವುದನ್ನು ದಾಖಲಿಸುತ್ತದೆ. ಅಂದರೆ ಸೆಪ್ಟೆಂಬರ್ ತಿಂಗಳಲ್ಲಿ ನಿರೀಕ್ಷಿತ ಮಳೆಯ 90%ನಷ್ಟು ಮಳೆ ತಿಂಗಳ ಮೊದಲ ದಿನದಲ್ಲೇ ಬಿದ್ದಿದೆ. ನಗರದ ಅಧಿಕೃತ ಗುರುತು ಎಂದು ಪರಿಗಣಿಸಲಾಗಿರುವ ಸಫ್ದರ್‌ಜಂಗ್ ವೀಕ್ಷಣಾಲಯದ ಪ್ರಕಾರ ಬುಧವಾರ ಬೆಳಗ್ಗೆ 8:30 ಕ್ಕೆ ಕೊನೆಗೊಂಡ 24 ಗಂಟೆಗಳಲ್ಲಿ 112.1 ಮಿಮೀ ಮಳೆಯಾಗಿದೆ.

ಇನ್ನು, ದೆಹಲಿ ಮಳೆಯ ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿವೆ. ಅವುಗಳಲ್ಲಿ ದೆಹಲಿ ಫ್ಲೈಓವರ್ ಅನ್ನು ಒಳಗೊಂಡಿರುವ ಒಂದು ಆಸಕ್ತಿದಾಯಕ ವಿಡಿಯೋ ಇದೆ. ಕಾರಿನ ಒಳಭಾಗದಿಂದ ಚಿತ್ರೀಕರಿಸಲಾಗಿರುವ ವಿಡಿಯೋ ಕ್ಲಿಪ್ ಓವರ್‌ಹೆಡ್‌ ಸೇತುವೆಯ ಮೇಲೆ ನೀರು ಹೆಚ್ಚು ಹರಿಯುತ್ತಿರುವುದನ್ನು ತೋರಿಸುತ್ತದೆ.


#ದೆಹಲಿ ಯ ವಾಟರ್‌ಫಾಲ್‌ ಸಿಟಿಗೆ ಸುಸ್ವಾಗತ #ದೆಹಲಿ ರೈನ್ಸ್‌'' ಎಂದು ಟ್ವಿಟ್ಟರ್‌ ವಿಡಿಯೋಗೆ ಕ್ಯಾಪ್ಷನ್‌ ಹಾಕಲಾಗಿದೆ.


ಈ ವೈರಲ್‌ ವಿಡಿಯೋವನ್ನು ಇಲ್ಲಿ ನೋಡಿ..





ಮೈಕ್ರೋಬ್ಲಾಗಿಂಗ್ ಪ್ಲಾಟ್‌ಫಾರ್ಮ್‌ನಲ್ಲಿ ಈ ವಿಡಿಯೋ ವೈರಲ್ ಆಗಿದ್ದು, 33 ಸಾವಿರಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿದೆ.


ಒಬ್ಬ ಬಳಕೆದಾರರು, "ದೆಹಲಿ ಮೈ ಬನೇಗಾ ನಯಾಗರಾ ಫಾಲ್ಸ್... ಉಸ್ಕಿ ಯೇ ಪೆಹ್ಲಿ ಝಲಕ್ ಹೈ'' ಅಂದರೆ ನಯಾಗರಾ ಜಲಪಾತವನ್ನು ದೆಹಲಿಯಲ್ಲಿ ನಿರ್ಮಿಸಲಾಗುವುದು ... ಇದು ಅದರ ಮೊದಲ ನೋಟ ಎಂದು ಟ್ವೀಟ್‌ ಮಾಡಿದ್ದಾರೆ. ''ಓ.. ಇದು ಜಲಪಾತವೇ ಸರಿ'' ಎಂಬಂತೆಯೂ ಇನ್ನೊಬ್ಬರು ಕಾಮೆಂಟ್‌ ಮಾಡಿದ್ದಾರೆ.


ಕತ್ತರಿ ಬದಲು ಹಲ್ಲಿನಿಂದ ರಿಬ್ಬನ್ ಕತ್ತರಿಸಿದ ಮಂತ್ರಿ; ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್!

''ಇದು ಕೂಲ್‌ ಅಲ್ಲ, ಜಾಗರೂಕರಾಗಿರಿ" ಎಂದೂ ಮತ್ತೊಬ್ಬರು ಕಾಮೆಂಟ್‌ ಮಾಡಿದ್ದಾರೆ. ಅಲ್ಲದೆ, "ವಾಟ್ ಎ ವಾಟರ್ ಫಾಲ್ ಸರ್, ನೀವು ಬಂಡೆಗಳ ಮೇಲೆ ಏರಬೇಕಾಗಿಲ್ಲ. ಬದಲಿಗೆ ಎಸ್‌ಯುವಿಯಲ್ಲಿ ಈಜಬಹುದು ಅಥವಾ ಚಾಲನೆ ಮಾಡಬಹುದು" ಎಂದೂ ಮಗದೊಬ್ಬರು ಕಮೆಂಟ್‌ ಮಾಡಿದ್ದಾರೆ.

ಈ ಮಧ್ಯೆ, ಐಎಂಡಿ ಅಧಿಕಾರಿಯೊಬ್ಬರು, ತಡರಾತ್ರಿಯವರೆಗೆ ಮಳೆಯಾಗುವ ಸಾಧ್ಯತೆಯಿದೆ. ನಂತರ ತೀವ್ರತೆ ಕಡಿಮೆಯಾಗುತ್ತದೆ. ಸೆಪ್ಟೆಂಬರ್ 7ರಿಂದ ಮತ್ತೊಂದು ಹಂತದ ಮಳೆಯಾಗುವ ಸಾಧ್ಯತೆಯಿದೆ" ಎಂದು ಮುನ್ಸೂಚನೆ ನೀಡಿದರು.


First published: