Viral Video: ನೀರಿನಲ್ಲಿ ಮೊಲದ ಈಜಾಟ, ವೈರಲ್ ವಿಡಿಯೋಗೆ ನೆಟ್ಟಿಗರು ಫಿದಾ

ಮೊಲಗಳು ನೋಡಲು ಬಹಳ ಚಂದ, ಅವುಗಳ ಜೊತೆ ಆಟವಾಡುತ್ತಾ ಕುಳಿತರೆ ಸಮಯ ಹೋಗಿದ್ದೆ ತಿಳಿಯುವುದಿಲ್ಲ. ಇನ್ನು ಮೊಲ ಓಡುವುದರಲ್ಲಿ ಬಹಳ ಫೇಮಸ್, ಆದರೆ ಮೊಲ ಈಜುವುದನ್ನ ನೋಡಿದ್ದೀರಾ?  ಹೌದು, ಮೊಲ ಬರೀ ಓಟದಲ್ಲಿ ಮಾತ್ರವಲ್ಲ ಈಜಾಟದಲ್ಲೂ ಪಳಗಿರುತ್ತವೆ. ಮೊಲ ಈಜಾಡುತ್ತಿರುವ ಅಪರೂಪದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಭರ್ಜರಿ ವೈರಲ್ ಆಗುತ್ತಿದೆ.

`ಮೊಲಗಳು ನೀರನ್ನು ಕಂಡರೆ ಹೆದರುತ್ತವೆ. ಹೀಗಾಗಿ, ಇವುಗಳು ಈಜಾಡುವುದಿಲ್ಲ, ಭಯಪಡುತ್ತವೆ ಎಂದು ಹೇಳುವುದನ್ನ ಕೇಳಿರುತ್ತೇವೆ. . ಆದರೆ, ವಿಡಿಯೋವೊಂದು ಈ ಮಾತುಗಳನ್ನು ಸುಳ್ಳಾಗಿಸಿದೆ. . ಮೊಲಗಳು ಬರೀ ಅಪಾಯದಲ್ಲಿದ್ದಾಗ ಮಾತ್ರ ಈಜುವುದಲ್ಲ, ಖುಷಿಯಾಗಿ ಇರುವಾಗಲೂ ಈಜಿ  ಸಂತೋಷಪಡುತ್ತವೆ.

@buitengebieden ಎಂಬ ಟ್ವಿಟ್ಟರ್ ಖಾತೆಯಲ್ಲಿ ಅಪ್ಲೋಡ್ ಆಗಿರುವ ಈ ವಿಡಿಯೋದಲ್ಲಿ  ಮೊಲವೊಂದು ಆನಂದದಿಂದ ಈಜುತ್ತಿದೆ. ನದಿಯ ದಡದಲ್ಲಿ ಕುಳಿತಿರುವ ಮೊಲವೊಂದು ನೀರಿಗಿಳಿದು ಈಜುವ ಈ 30 ಸೆಕೆಂಡುಗಳ ವಿಡಿಯೋ ಜನರ ಮೆಚ್ಚುಗೆಗೆ ಪಾತ್ರವಾಗಿದೆ. ಮೊಲಗಳೂ ವೇಗವಾಗಿ ಈಜಬಲ್ಲವು' ಎಂದು ಕ್ಯಾಪ್ಶನ್ ಬರೆದು ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ.

ಇದನ್ನೂ ಒದಿ: ಕಾರಿನ ಹಿಂದಿನ ಸೀಟಿನಲ್ಲಿ ಕುಳಿತು ಮೆಕ್‌ಡೊನಾಲ್ಟ್ಸ್​​ಗೆ ಬಂದ ಕರು- ವಿಡಿಯೋ ವೈರಲ್

ಈ ವಿಡಿಯೋ ಈಗ ಎಲ್ಲರ ಹೃದಯ ಗೆದ್ದಿದೆ. ಎಲ್ಲರೂ ಮೊಲದ ಈ ಖುಷಿಯ ಕ್ಷಣವನ್ನು ಆನಂದದಿಂದ ಹಂಚಿಕೊಂಡಿದ್ದು, ಮೆಚ್ಚುಗೆಯ ಪ್ರತಿಕ್ರಿಯೆಯನ್ನೂ ನೀಡಿದ್ದಾರೆ. ಕೆಲವರು ಮೊಲದ ಈಜುವ ವೇಗ ಕಂಡು ಅಚ್ಚರಿಪಟ್ಟಿದ್ದಾರೆ. ಈಗಾಗಲೇ  ವಿಡಿಯೋವನ್ನು ಹಲವಾರು ಜನರು ಹಂಚಿಕೊಂಡಿದ್ದು, ಮಿಲಿಯನ್​ ಜನರು ಲೈಕ್ ಮಾಡಿದ್ದಾರೆ.

Rabbits can swim fast.. 🐰 pic.twitter.com/e4VEgFH1Ce

— Buitengebieden (@buitengebieden_) August 28, 2021

ಬಳಕೆದಾರರೊಬ್ಬರು ಅಪರೂಪದ ಘಟನೆಯನ್ನು ವಿವರಿಸಿದ್ದು, ಮೊಲಗಳು ಈಜುತ್ತಿರುವುದು ಸತ್ಯ ಮತ್ತು ಆಶ್ಚರ್ಯಕರ.ಸಾಮಾನ್ಯವಾಗಿ ಕಾಡು ಮೊಲಗಳು ಒದ್ದೆಯಾಗಬಹುದು ಆದರೆ, ಸಾಕು ಮೊಲಗಳು ಒದ್ದೆಯಾಗುವುದು ಅವುಗಳ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎಂದಿದ್ದಾರೆ.

ಇನ್ನು ಜೀವನದ ಬಗ್ಗೆ ನನ್ನ ದೃಷ್ಟಿಕೋನವು ಸಂಪೂರ್ಣವಾಗಿ ಬದಲಾಯಿತು. ಮೊಲಗಳು ಈಜುತ್ತದೆ ಎಂಬುದನ್ನ ತಿಳಿದುಕೊಂಡೆ ಎಂದು ಇನ್ನೊಬ್ಬ ಬಳಕೆದಾರರು ಬರೆದಿದ್ದಾರೆ.

ಮೊಲವನ್ನು ನೀರಿನಲ್ಲಿ ಆಟವಾಡುವಂತೆ ಎಂದಿಗೂ ಒತ್ತಾಯ ಮಾಡಬಾರದು.  ಏಕೆಂದರೆ ಅದು ಅವರಿಗೆ ಬಹಳ ತೊಂದರೆ ಉಂಟುಮಾಡುತ್ತದೆ ಎಂದು ಅನೆಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಇನ್ನು ಸಾಕು ಮೊಲಗಳಿಗೆ ಪದೇ ಪದೇ ನೀರಿನಲ್ಲಿ ಸ್ನಾನ ಮಾಡಿಸುವುದಾಗಲಿ ಅಥವಾ ಈಜುಕೊಳದಲ್ಲಿ ಬಿಡುವುದಾಗಲಿ ಮಾಡಬಾರದು. ಇದು ಅವುಗಳಿಗೆ ಆಘಾತವನ್ನು ಉಂಡು ಮಾಡಿ, ಹಲವಾರು ಸಮಸ್ಯೆಗಳನ್ನು ಸೃಷ್ಟಿ ಮಾಡುತ್ತದೆ ಎಂದು ಇನ್ನೊಬ್ಬರು ಸಲಹೆ ನೀಡಿದ್ದಾರೆ.

ಏನೇ ಆಗಲಿ, ಮೊಲ ಈಜುತ್ತಿರುವ ವಿಡಿಯೋ ಹೆಚ್ಚು ವೈರಲ್ ಆಗುತ್ತಿದ್ದು, ಹೆಚ್ಚಿನ ಜನರು ಆಶ್ಚರ್ಯ ಚಕಿತರಾಗಿದ್ದಾರೆ.

ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ತಮ್ಮ ತಮ್ಮ ಸರದಿ ಬಂದಾಗ ತಪ್ಪದೇ ಲಸಿಕೆ ಪಡೆಯಬೇಕು. ಈಗಿನ ಪರಿಸ್ಥಿತಿಯಲ್ಲಿ ಲಸಿಕೆ ಒಂದೇ ಸೋಂಕಿನ ವಿರುದ್ಧ ಹೋರಾಡುವ ಮಾರ್ಗವಾಗಿದೆ. ಅತ್ಯಗತ್ಯವಿದ್ದರೆ ಮಾತ್ರವೇ ಮನೆಯಿಂದ ಹೊರಗೆ ಹೋಗುವ ಅಭ್ಯಾಸ ರೂಢಿಸಿಕೊಳ್ಳಬೇಕು.