ಸೊಳ್ಳೆ ಸಾಯ್ಸೋಕೆ ಸಖತ್ ಐಡಿಯಾ..!; ಎಲ್ಲಾ ಕಡೆಯೂ ಈಗ ಇದರದ್ದೇ ಚರ್ಚೆ

ನಮ್ಮ ಗ್ರಹದಲ್ಲಿ ಸೊಳ್ಳೆಗಳಿಗಿಂತ ಹೆಚ್ಚು ಕೆರಳಿಸುವ ಮತ್ತು ಹೆಚ್ಚು ದ್ವೇಷಿಸುವ ಜೀವಿಗಳು ಬೇರೆ ಇಲ್ಲ ಎಂದು ಹೇಳಬಹುದು. ಇದನ್ನು ನೀವೂ ಒಪ್ಪುತ್ತೀರ ಅಲ್ಲವಾ..? ಮಲೇರಿಯಾ, ಡೆಂಗ್ಯೂ ಜ್ವರ, ಚಿಕುನ್ ಗುನ್ಯಾ ಮತ್ತು ಝೀಕಾ ವೈರಸ್‌ನಂತಹ ಕಾಯಿಲೆಗಳನ್ನು ಹೊತ್ತು ತರುವ ಸೊಳ್ಳೆಗಳು ವರ್ಷಕ್ಕೆ 700,000 ಕ್ಕೂ ಹೆಚ್ಚು ಜನರ ಸಾವಿಗೆ ಕಾರಣರಾಗಿದ್ದಾರೆ. ಪ್ರತಿದಿನ, ಝೇಂಕರಿಸುವ ಶಬ್ದ, ನಮಗೆ ಕಚ್ಚುವ ಮೂಲಕ ಕಿರಿಕಿರಿಯನ್ನೂ ಉಂಟು ಮಾಡುತ್ತವೆ. ಸೊಳ್ಳೆಗಳನ್ನು ನಾಶ ಮಾಡಲು ಮಾರುಕಟ್ಟೆಯಲ್ಲಿ ಅನೇಕ ಲೋಷನ್‌ಗಳು, ದ್ರವೌಷಧಗಳು ಮತ್ತು ನಿವಾರಕಗಳು ಲಭ್ಯವಿದ್ದರೂ, ಇವುಗಳ ಪೈಕಿ ಎಲ್ಲವೂ ಹೆಚ್ಚು ಪರಿಣಾಮಕಾರಿಯಾಗಿಲ್ಲ. ಈಗ್ಯಾಕೆ ಸೊಳ್ಳೆ ವಿಷಯ ಅಂತೀರಾ.. ಇತ್ತೀಚೆಗೆ ಟ್ವಿಟ್ಟರ್‌ನಲ್ಲಿ ಸೊಳ್ಳೆಗಳನ್ನು ತೊಡೆದುಹಾಕುವ ಹೊಸ ಮಾರ್ಗಗಳನ್ನು ಹಂಚಿಕೊಂಡಿದ್ದಾರೆ. ಅದು, ಉಪ್ಪು, ಟೆಕೀಲಾನಿಂದ..! ಅದ್ಹೇಗೆ ಅಂತೀರಾ..? ಕೆಳಗೆ ಓದಿ ನಿಮಗೇ ಗೊತ್ತಾಗುತ್ತೆ..!

ಸೊಳ್ಳೆ ಸಕ್ಕರೆ ಎಂದು ಅಂದುಕೊಂಡು ಉಪ್ಪಿನ ಮೇಲೆ ಇಳಿಯುತ್ತದೆ ಎಂದು ಅವರು ವಿವರಿಸಿದರು. ನಂತರ ಅದಕ್ಕೆ ಬಾಯಾರಿಕೆಯಾಗಿ ನೀರು ಎಂದು ಭಾವಿಸಿ ಕ್ಯಾಪ್‌ಗೆ ಜಿಗಿಯುತ್ತದೆ. ಆದರೆ, ಅದರಲ್ಲಿರುವ ಟೆಕೀಲಾ ಕುಡಿದು ನಂತರ ಜಾರಿ ಬಿಟ್ಟು ಮುಂದಿರುವ ಬಂಡೆಗೆ ಸೊಳ್ಳೆಯ ತಲೆ ಬಡಿಯುವುದರಿಂದ ಸಾಯುತ್ತದೆ ಎಂದು ಜುಡಿಯಾನ್ನಾ ಎಂಬುವರು ಟ್ವೀಟ್‌ ಮಾಡಿದ್ದಾರೆ. ಅಲ್ಲದೆ, ಬಳಕೆದಾರರು #IAmGoingToBeRichWithThisPatent ಎಂಬ ಹಾಸ್ಯದ ಹ್ಯಾಶ್‌ಟ್ಯಾಗ್ ಅನ್ನು ಪೋಸ್ಟ್‌ನೊಂದಿಗೆ ಹಂಚಿಕೊಂಡಿದ್ದಾರೆ.

Mosquito trap.
The mosquito lands on the salt, thinking it's sugar. They get thirsty for water, but the cap has tequila in it.
The mosquito gets drunk, trips on the stick and bangs its head on the rock.#IAmGoingToBeRichWithThisPatent pic.twitter.com/wQfAXlbB3j

— Judianna (@Judianna) June 25, 2021

ಇದನ್ನೂ ಓದಿ:Corporator Murder: ಇಂಟರ್ವ್ಯೂ ಮಾಡಿ, ಕ್ರೈಂ ರೇಟ್ ನೋಡಿ ಹಂತಕರನ್ನು ಸೆಲೆಕ್ಟ್ ಮಾಡಿದ್ದ ಆರೋಪಿ ಮಾಲಾ

ಜುಡಿಯಾನ್ನಾ ಅವರ ಉಲ್ಲಾಸಭರಿತ ಈ ಟ್ವೀಟ್‌ ಅನ್ನು ಇಲ್ಲಿ ನೋಡಿ..

''ದಾಖಲೆಗಾಗಿ - ಈ ಜೋಕ್‌ ಹಲವು ವರ್ಷಗಳಿಂದಲೂ ಇದೆ. ಆದರೆ, ಅನೇಕ ಜನರು ಅದನ್ನು ಆನಂದಿಸುತ್ತಿದ್ದಾರೆ ಮತ್ತು ಹಂಚಿಕೊಳ್ಳುತ್ತಿದ್ದಾರೆ ಎಂದು ನನಗೆ ಸಂತೋಷವಾಗಿದೆ. ನಮಗೆಲ್ಲರಿಗೂ ನಗು ಬೇಕು, ಸರಿಯೇ..? ಎಂದು ಜುಡಿಯಾನ್ನಾ ಮತ್ತೊಂದು ಟ್ವೀಟ್‌ ಮಾಡಿದ್ದಾರೆ.

ಇನ್ನು, ಸೊಳ್ಳೆ ಸಾಯಿಸುವ ಈ ತಮಾಷೆಯ ತಂತ್ರವು ಮೈಕ್ರೋ ಬ್ಲಾಗಿಂಗ್ ಪ್ಲಾಟ್‌ಫಾರ್ಮ್‌ನಲ್ಲಿ ವೈರಲ್ ಆಗಿದ್ದು, 2,200 ಕ್ಕೂ ಹೆಚ್ಚು ಲೈಕ್‌ಗಳು ಮತ್ತು 550 ಕ್ಕೂ ಹೆಚ್ಚು ರಿಟ್ವೀಟ್‌ಗಳನ್ನು ಹೊಂದಿದೆ. ಅವರ ಈ ಪೋಸ್ಟ್‌ಗೆ ಸಾಕಷ್ಟು ನೆಟ್ಟಿಗರು ಉಲ್ಲಾದ ಕಮೆಂಟ್‌ಗಳನ್ನು ಮಾಡಿದ್ದಾರೆ. ಜತೆಗೆ, ಇನ್ನೂ ಹಲವರು ಇತರ ಸಿಲ್ಲಿ ಮತ್ತು ಅಸಂಬದ್ಧ ಮಾರ್ಗಗಳನ್ನು ಪಟ್ಟಿ ಮಾಡಿದರು ಹಾಗೂ ಇತರರು ಇದನ್ನು ಜೀನಿಯಸ್‌ ಎಂದೂ ಟ್ವೀಟ್‌ ಮಾಡಿದರು.

ಜುಡಿಯಾನ್ನಾ ಅವರ ಸೊಳ್ಳೆ ಸಾಯಿಸುವ ಈ ಸಖತ್‌ ಐಡಿಯಾಗೆ ಕೆಲವು ಪ್ರತಿಕ್ರಿಯೆಗಳು ಹೇಗಿದೆ.. ನೀವೇ ನೋಡಿ..

ಇದನ್ನೂ ಓದಿ:SSLC Exam: ಶಿಕ್ಷಣ ಸಚಿವರ ಬೆಂಬಲಕ್ಕೆ ನಿಂತ ಸಿಎಂ ಯಡಿಯೂರಪ್ಪ; ಬೇರೆ ಕಡೆ ಇದ್ದೆ ಎಂದು ಸುಧಾಕರ್ ಯೂಟರ್ನ್

ಅದು ನಮಗೆ ತುಂಬಾ ದುಬಾರಿಯಾಗಿದೆ! ನಾವು ಕುಡಿಯಲು ಆಲ್ಕೋಹಾಲ್ ಪಡೆಯಲು ಸಾಧ್ಯವಿಲ್ಲ. ಇನ್ನು, ನಾನು ಎಂದಿಗೂ ನನ್ನ ಮದ್ಯವನ್ನು ಸೊಳ್ಳೆಗಳೊಂದಿಗೆ ಹಂಚಿಕೊಳ್ಳುವುದಿಲ್ಲ ಎಂದು ಪ್ಯಾಸಿಫಿಸ್ಟ್‌ ಸುಲ್ಹಿ ಎಂಬುವರು ತಮಾಷೆಯಾಗಿ ಟ್ವೀಟ್‌ ಮೂಲಕ ಜುಡಿಯಾನ್ನಾ ಅವರ ಸೊಳ್ಳೆ ಹೊಡೆಯುವ ಐಡಿಯಾಗೆ ಪ್ರತಿಕ್ರಿಯೆ ನೀಡಿದ್ದಾರೆ.

ಆಸಕ್ತಿದಾಯಕ ವೈಜ್ಞಾನಿಕ ಪ್ರಯೋಗ. ಅದು ಕೆಲಸ ಮಾಡದಿದ್ದರೆ, ನೀವು ಇನ್ನೂ ವೋಡ್ಕಾವನ್ನು ಹೊಂದಿದ್ದೀರಿ. ವಿನ್, ವಿನ್‌ ಎಂದೂ ಉಲ್ಲಾಸಕರವಾಗಿ ಮೈಕ್‌ ನಿಲುಮ್‌ ಎಂಬುವರು ಟ್ವೀಟ್‌ ಮಾಡಿದ್ದಾರೆ.

ನೀವೂ ಸಹ ಈ ಸೊಳ್ಳೆ ಸಾಯಿಸುವ ಐಡಿಯಾ ಟ್ರೈ ಮಾಡ್ತೀರಾ..?