ಕಾಗೆ ಮಾಡಿದ ಕೆಲಸಕ್ಕೆ ನೀವು ಭೇಷ್​ ಎನ್ನಲೇಬೇಕು! ಯಾಕೆ ಅಂತೀರಾ ಈ ವಿಡಿಯೋ ನೋಡಿ

ಇತ್ತೀಚೆಗೆ ಆನೆಯೊಂದು ಮನೆಯ ಹಿತ್ತಲಿಗೆ ಬಂದು ಅಲ್ಲಿದ್ದ ಕಸವನ್ನು ಕಸದ ಡಬ್ಬಿಯಲ್ಲಿ ಹಾಕುವ ವಿಡಿಯೋ ಸಾಕಷ್ಟು ವೈರಲ್​ ಆಗಿತ್ತು. ಇದೀಗ ಪಕ್ಷಿಯೊಂದು ಅದೇ ರೀತಿ ಸ್ವಚ್ಚತೆಯ ಬಗೆಗೆ ಕಾಳಜಿಯನ್ನು ತೋರಿಸಿರುವ ವಿಡಿಯೋ ವೈರಲ್​​ ಆಗಿದೆ.

ಕಾಗೆಯೊಂದು ಯಾರೋ ಕುಡಿದು ಬಿಸಾಕಿದ ಪ್ಲಾಸ್ಟಿಕ್​ ಬಾಟಲಿಯನ್ನು ಕೊಕ್ಕಿನಿಂದ ಎತ್ತಿಕೊಂಡು ಬಂದಿದೆ. ನಂತರ ರಸ್ತೆ ಬದಿಯಲ್ಲಿದ್ದ ಹಳದಿ ಬಣ್ಣದ ಕಸದ ಡಬ್ಬಿಯನ್ನು ನೋಡಿ ಕೊಕ್ಕಿನಲ್ಲಿದ್ದ ಪ್ಲಾಸ್ಟಿಕ್​ ಬಾಟಲಿಯನ್ನು ಡಬ್ಬಿ ಒಳಕ್ಕೆ ಹಾಕಿ ಸ್ಚಚ್ಚತೆ ಹಾಗೂ ಪರಿಸರ ಕಾಳಜಿಯನ್ನು ಮೆರೆದಿದೆ. ಈ ಘಟನೆ ಅಮೆರಿಕದಲ್ಲಿ ನಡೆದಿದ್ದು, ವಿಡಿಯೋ ವೈರಲ್​​ ಆಗಿದೆ, ಅನೇಕರು ಸ್ವಚ್ಚತೆಯನ್ನು ಸಾರಿದ ಈ ಮೂಕ ಪಕ್ಷಿ ಮಾಡಿದ ಕೆಲಸಕ್ಕೆ ಭೇಷ್​ ಎಂದಿದ್ದಾರೆ.

 

A crow was caught collecting a plastic bottle and putting it in a recycling bin

"If a bird can do it,
you can do it!"

PICK 👏🏽UP 👏🏽YOUR 👏🏽TRASH 👏🏽AND 👏🏽RECYCLE!

(Via fb Tyler Hendley) pic.twitter.com/85dHQjnVlD

— StanceGrounded (@_SJPeace_) August 22, 2019

ದೇಶದೆಲ್ಲೆಡೆ ಸ್ವಚ್ಚತೆ ಬಗೆಗೆ ಎಷ್ಟೇ ಜಾಗೃತಿ ಕಾರ್ಯಕ್ರಮ ಹಮ್ಮಿಕೊಂಡರು, ಮನುಷ್ಯ ಮಾತ್ರ ಜಾಣ ಕಿವುಡನಂತೆ ವರ್ತಿಸುತ್ತಿದ್ದಾನೆ. ಆದರೆ ಬಾಯಿ ಬರದ ಮೂಕ ಪ್ರಾಣಿಗಳು ಮಾಡುತ್ತಿರುವ ಪರಿಸರ ಕಾಳಜಿ ಕೆಲಸ ಮಾನವನನ್ನು ಮೀರಿಸಿದೆ. ತನ್ನ ಸೂಕ್ಷ್ಮ ಭಾವನೆಯ ಮೂಲಕ ಸ್ವಚ್ಚತೆಯನ್ನು ಸಾರಿದ ಈ ಕಾಗೆಯ ಮಾಡಿದ ಕೆಲಸವನ್ನು ನೋಡಿ ಮಾನವನ ದೃಷ್ಠಿಕೋನ ಬದಲಾಗಲಿ.