• Home
  • »
  • News
  • »
  • trend
  • »
  • Worlds Largest Plane: ಸತತ ಆರು ಗಂಟೆಗಳ ಕಾಲ ಹಾರಾಟ ನಡೆಸಿ ಹೊಸ ದಾಖಲೆ ಬರೆದ ವಿಮಾನ!

Worlds Largest Plane: ಸತತ ಆರು ಗಂಟೆಗಳ ಕಾಲ ಹಾರಾಟ ನಡೆಸಿ ಹೊಸ ದಾಖಲೆ ಬರೆದ ವಿಮಾನ!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಸ್ಟ್ರಾಟೋಲಾಂಚ್‌ ಕಂಪನಿಯಿಂದ ನಿರ್ಮಿಸಲ್ಪಟ್ಟ ದಿ ರೋಕ್ ಫುಟ್‌ಬಾಲ್ ಮೈದಾನಕ್ಕಿಂತ ಉದ್ದವಾದ ರೆಕ್ಕೆಗಳನ್ನು ಹೊಂದಿರುವ ವಾಹಕ ವಿಮಾನವಾಗಿದೆ.

  • Trending Desk
  • 2-MIN READ
  • Last Updated :
  • Share this:

ಆರು ಇಂಜಿನ್ (Engin)‌ ಹೊಂದಿರುವ ವಿಶ್ವದ ಅತಿದೊಡ್ಡ ವಿಮಾನ, ದಿ ರೋಕ್ ಆಗ್ನೇಯ ಕ್ಯಾಲಿಫೋರ್ನಿಯಾದ ಮೊಜಾವೆ ಏರ್ ಮತ್ತು ಸ್ಪೇಸ್ ಪೋರ್ಟ್‌ನಿಂದ ಹೊರಟು ಸತತ ಆರು ಗಂಟೆಗಳ ಕಾಲ ಆಕಾಶದಲ್ಲಿ ಹಾರಾಟ ನಡೆಸಿ ಅದೇ ವಿಮಾನ ನಿಲ್ದಾಣದಲ್ಲಿ ಯಶಸ್ವಿಯಾಗಿ ಲ್ಯಾಂಡ್‌ ಆಗಿದೆ. ಈ ಮೂಲಕ ಹೊಸ ದಾಖಲೆಯನ್ನು ʼದಿ ರೋಕ್ʼ ವಿಮಾನ ಬರೆದಿದೆ. ಸ್ಟ್ರಾಟೋಲಾಂಚ್‌ ಕಂಪನಿಯಿಂದ (Company) ನಿರ್ಮಿಸಲ್ಪಟ್ಟ ದಿ ರೋಕ್ ಫುಟ್‌ಬಾಲ್ ಮೈದಾನಕ್ಕಿಂತ ಉದ್ದವಾದ ರೆಕ್ಕೆಗಳನ್ನು ಹೊಂದಿರುವ ವಾಹಕ ವಿಮಾನವಾಗಿದೆ. ಅತಿದೊಡ್ಡ ವಿಮಾನವಾದ (Flight) ಇದು ಭಾರವಾದ ಸರಕು ಎತ್ತುವ ಸಾಧನವಾಗಿ ಕಾರ್ಯನಿರ್ವಹಿಸುತ್ತಿಲ್ಲ ಬದಲಾಗಿ ಹೈಪರ್ಸಾನಿಕ್ ಪೇಲೋಡ್‌ಗಳನ್ನು ಪರೀಕ್ಷಿಸುವ ವೇದಿಕೆಯಾಗಿ ಕೆಲಸ ಮಾಡಲು ವಿನ್ಯಾಸಗೊಂಡಿದೆ. ಸ್ಟ್ರಾಟೋಲಾಂಚ್‌ ಈ ಹಿಂದೆಯೂ ಇಂತಹ ವಿಮಾನಗಳನ್ನು ವಿನ್ಯಾಸಗೊಳಿಸಿದ್ದು, ಇದು ಕಂಪನಿಗೆ ಒಂಬತ್ತನೇ ಪರೀಕ್ಷಾ ಹಾರಾಟವಾಗಿದೆ ಆದರೆ ಟ್ಯಾಲೋನ್-ಎ ಹೈಪರ್‌ಸಾನಿಕ್ ಪರೀಕ್ಷಾ ವಾಹನವನ್ನು ಮೇಲಕ್ಕೆ ಸಾಗಿಸಿದ ಎರಡನೇ ಪರೀಕ್ಷಾ ಹಾರಾಟವಾಗಿದೆ.


ಏನಿದು ಟ್ಯಾಲೋನ್-ಎ?
ಟ್ಯಾಲೋನ್-ಎ ರಾಕೆಟ್-ಚಾಲಿತ ಮರುಬಳಕೆ ಮಾಡಬಹುದಾದ ಪರೀಕ್ಷಾ ವಾಹನವಾಗಿದ್ದು ಅದು 38 ಅಡಿ (8.5 ಮೀ) ಉದ್ದ ಮತ್ತು 11.3 ಅಡಿ (3.4 ಮೀ) ರೆಕ್ಕೆಗಳನ್ನು ಹೊಂದಿದೆ. ಪರೀಕ್ಷಾ ವಾಹನವು ದಿ ರೋಕ್‌ನ ಸೆಂಟರ್ ವಿಂಗ್‌ನ ಅಡಿಯಲ್ಲಿ ಪೈಲಾನ್ ಮೇಲೆ ಕೂರುತ್ತದೆ, ಇದು ಕೇಂದ್ರ ವಿಂಗ್‌ನ ಎರಡೂ ಬದಿಗಳಲ್ಲಿ ಒಂದು ವಿಮಾನ ಮತ್ತು ಮೂರು ಜೆಟ್ ಎಂಜಿನ್‌ಗಳನ್ನು ಹೊಂದಿದೆ ಮತ್ತು ಒಟ್ಟು 385 ಅಡಿ (117 ಮೀ) ರೆಕ್ಕೆಗಳನ್ನು ಹೊಂದಿದೆ.


ಟ್ಯಾಲೋನ್-ಎ ಅನ್ನು ವಿವಿಧ ಸಂಶೋಧನಾ ಪೇಲೋಡ್‌ಗಳೊಂದಿಗೆ ಅಳವಡಿಸಬಹುದಾಗಿದೆ, ನಂತರ ಅದನ್ನು ಮ್ಯಾಕ್ 5 ಮತ್ತು ಮ್ಯಾಕ್ 10 ರ ನಡುವಿನ ವೇಗದಲ್ಲಿ ಚಲಿಸಲು ಹಾರಿಸಬಹುದು. ಪರೀಕ್ಷಾ ವಾಹನವು ತನ್ನದೇ ಆದ ಲ್ಯಾಂಡಿಂಗ್ ಗೇರ್ ಅನ್ನು ಸಹ ಹೊಂದಿದೆ, ಅದನ್ನು ಯಾವುದೇ ಸಾಂಪ್ರದಾಯಿಕ ರನ್‌ವೇಯಲ್ಲಿ ಮರುಪಡೆಯಬಹುದು ಮತ್ತು ಮರುಬಳಕೆ ಮಾಡಬಹುದು. ದಿ ರೋಕ್‌ನ ಮತ್ತೊಂದು ವಿಶೇಷತೆ ಎಂದರೆ ಏಕಕಾಲದಲ್ಲಿ ಮೂರು ಟ್ಯಾಲೋನ್-ಆಸ್ ಅನ್ನು ಇದು ಸಾಗಿಸಬಲ್ಲದು.


ಇದನ್ನೂ ಓದಿ:  ರಿಮೋಟ್ ಕಾರ್ ವಧು, ಬೆಡ್ ಶೀಟ್ ವರ, ಗೋಡೆ ಜೊತೆ ಮದುವೆ!


ಸುದೀರ್ಘ ಹಾರಾಟ ನಡೆಸಿದ ದಿ ರೋಕ್
ವಿಮಾನವು 22,500 ಅಡಿ (6,860 ಮೀ) ಎತ್ತರದವರೆಗೆ ಮಾತ್ರ ಪ್ರಯಾಣಿಸಿದರೂ, ಇದು ಆರು ಗಂಟೆಗಳ ಕಾಲ ಹಾರಾಟ ನಡೆಸಿತು, ಈ ಮೂಲಕ ಇದುವರೆಗಿನ ಸುದೀರ್ಘ ಹಾರಾಟ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಆದರೆ ಕಳೆದ ಬಾರಿಯ ಟ್ಯಾಲೋನ್-ಎ ಜೊತೆಗಿನ ದಿ ರೋಕ್‌ನ ಹಾರಟ ಕೇವಲ 90 ನಿಮಿಷಗಳಿಗೆ ಸೀಮಿತವಾಗಿತ್ತು.


ದಿ ರೋಕ್ ಹೇಗೆ ವಿನ್ಯಾಸಗೊಂಡಿದೆ?
‌ವಿಮಾನವು ವಾಯುಮಂಡಲವನ್ನು ತಲುಪಿದ ನಂತರ ವರ್ಜಿನ್ ಆರ್ಬಿಟ್‌ನಂತೆ ಕಡಿಮೆ-ಭೂಮಿಯ ಕಕ್ಷೆಗೆ ಉಪಗ್ರಹಗಳನ್ನು ಉಡಾವಣೆ ಮಾಡಲು ಸಾಧ್ಯವಾಗುವಂತೆ ದಿ ರೋಕ್ ಅನ್ನು ವಿನ್ಯಾಸಗೊಳಿಸಿದರು.




ಸ್ಟ್ರಾಟೋಲಾಂಚ್ ಏರೋಸ್ಪೇಸ್ ಕಂಪನಿ
ಸ್ಟ್ರಾಟೋಲಾಂಚ್ ಎಲ್ಎಲ್‌ಸಿ ಒಂದು ಅಮೇರಿಕನ್ ಏರೋಸ್ಪೇಸ್ ಕಂಪನಿಯಾಗಿದ್ದು ಅದು ಹೈ-ಸ್ಪೀಡ್ ಫ್ಲೈಟ್ ಟೆಸ್ಟ್ ಸೇವೆಗಳನ್ನು ಒದಗಿಸುತ್ತದೆ. ಈ ಕಂಪನಿಯನ್ನು ಪೌಲ್ ಅಲೆನ್ ಕಟ್ಟಿ ಬೆಳೆಸಿದರು. ಆದರೆ ಅಲೆನ್‌ ನಿಧನ ನಂತರ ಕಂಪನಿಯ ಭವಿಷ್ಯ ಅಯೋಮಯವಾಗಿತ್ತು. ನಂತರ ಇದನ್ನು ಸೆರ್ಬರಸ್ ಕ್ಯಾಪಿಟಲ್ ಮ್ಯಾನೇಜ್‌ಮೆಂಟ್ ಸ್ವಾಧೀನಪಡಿಸಿಕೊಂಡು, ಹೈಪರ್‌ಸಾನಿಕ್ ಪರೀಕ್ಷೆಗೆ ಉಡಾವಣಾ ವಾಹನವಾಗಿ ಬಳಸುವಲ್ಲಿ ಕೇಂದ್ರೀಕರಿಸಲು ಪ್ರಾರಂಭಿಸಿತು. ಅಲ್ಲಿಂದ ಇಂತಹ ಹಲವು ದೊಡ್ಡ ವಿಮಾನಗಳನ್ನು ಕಂಪನಿಯು ಪರಿಚಯಿಸಿದೆ.




ಡಿಪಾರ್ಟ್ಮೆಂಟ್ ಆಫ್ ಡಿಫೆನ್ಸ್ (DoD) ಹೈಪರ್ಸಾನಿಕ್ ಫ್ಲೈಟ್ ಸೇವೆಗಳಿಗಾಗಿ ಮಿಸೈಲ್ ಡಿಫೆನ್ಸ್ ಏಜೆನ್ಸಿ (MDA) ಮೂಲಕ ಸ್ಟ್ರಾಟೋಲಾಂಚ್ ಅನ್ನು ಒಪ್ಪಂದ ಮಾಡಿಕೊಂಡಿದೆ. ಇದನ್ನು ವಾಯು ರಕ್ಷಣಾ ವ್ಯವಸ್ಥೆಗಳನ್ನು ಸುಧಾರಿಸಲು ಮತ್ತು ಅಭಿವೃದ್ಧಿಪಡಿಸಲು ಬಳಸಲಾಗುತ್ತದೆ.

First published: