ಕೇರಳ ಚಾಲಕನ ಪಾರ್ಕಿಂಗ್ ಕೌಶಲ್ಯ ನೋಡಿ ಸೆಡಾನ್ ಕಾರು ಪಾರ್ಕ್ ಮಾಡಲು ಮುಂದಾದ ಡ್ರೈವರ್; ಮುಂದೇನಾಯ್ತು?

ಇತ್ತೀಚೆಗೆ ಕೇರಳದಲ್ಲಿ ಚಾಲಕನೊರ್ವನ ಕಾರು ಪಾರ್ಕಿಂಗ್​ ಕಲೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿತ್ತು. ರಸ್ತೆ ಬದಿಯ ಕಾಲುವೆ ಮೇಲೆ ಕಾರು ನಿಲ್ಲುವಷ್ಟೇ ಜಾಗದಲ್ಲಿ ಚಾಲಕ ಇನೋವಾ ಕಾರನ್ನು ಪಾರ್ಕ್​ ಮಾಡಿದ್ದ. ಕೇವಲ ಒಂದೇ ನಿಮಿಷದಲ್ಲಿ ಆತ ಕಾರನ್ನು ಹೊರ ತೆಗೆದಿದ್ದ. ಆತನ ಚಾಲನ ಕೌಶಲ್ಯಕ್ಕೆ ಅನೇಕರು ಭೇಷ್​​ ಎಂದಿದ್ದರು. ಮಾತ್ರವಲ್ಲದೆ ಫೇಸ್​ಬುಕ್, ಇನ್​ಸ್ಟಾಗ್ರಾಂ, ಟ್ವಿಟ್ಟರ್​ನಲ್ಲಿ ವಿಡಿಯೋ ಹರಿದಾಡಿತ್ತು. ಆ ವಿಡಿಯೋ ಕಂಡು ಮತ್ತೊರ್ವ ಚಾಲಕ ತನ್ನ ಕಾರನ್ನು ತಂದು ಆದೇ ಸ್ಥಳದಲ್ಲಿ ನಿಲ್ಲಿಸಲು ಮುಂದಾಗಿದ್ದಾನೆ.

ಕಪ್ಪು ಬಣ್ಣದ ಸೆಡಾನ್​ ಕಾರಿನ ಚಾಲಕ  ಅದೇ ಸ್ಥಳದಲ್ಲಿ ತನ್ನ ಗಾಡಿಯನ್ನು ನಿಲ್ಲಿಸಲು ಹರ ಸಾಹಸ ಪಡುತ್ತಿರುವ ದೃಶ್ಯ ವೈರಲ್​ ಆಗಿದೆ. ಅನೇಕರು ಆತನ ಕಾರು ನಿಲ್ಲಿಸುತ್ತಾನೋ ಎಂದು ಕುತೂಹಲದಿಂದ ನೋಡುತ್ತಿರುವುದು  ವಿಡಿಯೋದಲ್ಲಿ ಕಂಡುಬಂದಿದೆ. ಇನ್ನುಳಿದಂತೆ ಮತ್ತೆ ಕೆಲವರು ತಮ್ಮ ಸ್ಮಾರ್ಟ್​ಫೋನ್ ಮೂಲಕ ದೃಶ್ಯ ಸೆರೆಹಿಡಿಯುತ್ತಿರುವುದು ಕಾಣುತ್ತಿದೆ. ದೃಶವನ್ನು ಸೆರೆ ಹಿಡಿಯುತ್ತಿರುವ ಮಹಿಳೆ ಚಾಲಕನು ಯಾಕೆ ಅಷ್ಟು ಕಷ್ಟಪಡುತ್ತಿದ್ದಾರೆ ಎಂದು ಹೇಳುತ್ತಿರುವ ವಿಡಿಯೋದಲ್ಲಿ ಕೇಳಿಬಂದಿದೆ.

That’s Malayalee confidence for you. #Parking pic.twitter.com/3NF4aah83m

— Nandagopal Rajan (@nandu79) September 6, 2020

ಸಾಮಾಜಿಕ ಜಾಲತಾಣಗಳು ನಾಗರೀಕ ಪತ್ರಿಕೋದ್ಯಮಕ್ಕೆ ಸಹಕಾರಿಯಾಗಿ ಬೆಳೆದಿದೆ. ಯಾವುದಾದರು ವಿಚಾರವನ್ನು ಸೋಷಿಯಲ್​ ಮೀಡಿಯಾದಲ್ಲಿ ಷೇರ್​ ಮಾಡಿದರೆ ಸಾಕು ನಿಮಿಷಾರ್ಧದಲ್ಲೇ ವೈರಲ್​ ಆಗುತ್ತದೆ. ಅದರಂತೆ ಕೇರಳ ಮೂಲದ ಚಾಲಕನ ಕಾರು ಪಾರ್ಕಿಂಗ್​ ವಿಡಿಯೋ ಎಲ್ಲೆಡೆ ಹರಿದಾಡುತ್ತಿದೆ.