Shocking Video: ಸಿಗರೇಟ್ ಹಚ್ಚಲು ಹೋಗಿ ಬೆಂಕಿ ಹಚ್ಚಿಕೊಂಡ ಯುವಕ, ಎದೆ ಝಲ್ ಅನಿಸುವ ವಿಡಿಯೋ ಇಲ್ಲಿದೆ!
ಸಾಂದರ್ಭಿಕ ಚಿತ್ರ
ಒಂದು ಸಿಗರೇಟ್ನಿಂದ ಜೀವಕ್ಕೆ ಅಪಾಯ ತಂದುಕೊಂಡ ಯುವಕನ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
- News18 Kannada
- 4-MIN READ
- Last Updated :
ಸಂಬಂಧಿತ ವಿಡಿಯೋಸಿಗರೇಟ್ (Cigaratte) ಸೇದುವುದು ಆರೋಗ್ಯಕ್ಕ ಹಾನಿಕರ (Bad For Health) ಅಂತ ಗೊತ್ತಿದ್ರೂ, ಹಲವರು ಪ್ರತಿನಿತ್ಯ ಧೂಮಪಾನ (Smoking) ಮಾಡುತ್ತಾರೆ. ಕಾಲೇಜು ವಿದ್ಯಾರ್ಥಿಗಳು (Students) ಕೂಡ ಈ ಸಿಗರೇಟ್ ಚಟಕ್ಕೆ ದಾಸರಾಗಿದ್ದಾರೆ. ಸಾರ್ವಜನಿಕ ಸ್ಥಳಗಳಲ್ಲಿ ಸಿಗರೇಟ್ ಸೇದುವಂತಿಲ್ಲ. ಆದರೂ ಈ ನಿಯಮಕ್ಕೆ ಕ್ಯಾರೇ ಎನ್ನದೇ ಎಲ್ಲೆಂದರಲ್ಲಿ ಸಿಗರೇಟ್ ಸೇದುವವರನ್ನು ನಾವು ನೋಡಿದ್ದೇವೆ. ಸಿಗರೇಟ್ ಆರೋಗ್ಯಕ್ಕೆ ಹಾನಿಕರ ಎಂದು ಹೇಳಿದರೂ, ಸಿಗರೇಟ್ ಸೇದುವುದನ್ನು ಮಾತ್ರ ನಿಲ್ಲಿಸುವುದಿಲ್ಲ. ಆದರೆ ಇತ್ತೀಚೆಗೆ ವೈರಲ್ ಆದ ವಿಡಿಯೋ (Viral Video) ನೋಡಿದ್ರೆ, ಎದೆ ಝಲ್ ಅನ್ನಿಸೋದು ಗ್ಯಾರಂಟಿ. ಒಂದು ಸಿಗರೇಟ್ನಿಂದ ಜೀವಕ್ಕೆ ಅಪಾಯ ತಂದುಕೊಂಡ ಯುವಕನ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
ಸಿಗರೇಟ್ ಹಚ್ಚಲು ಹೋದವನ ಕಥೆ ಏನಾಯ್ತು ನೋಡಿ!
ಅನೇಕ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ವೀಡಿಯೊಗಳನ್ನು ಪೋಸ್ಟ್ ಮಾಡುವ ಮೂಲಕ ಜನರು ಧೂಮಪಾನ ತಡೆಯುತ್ತಿದ್ದಾರೆ. ಆದರೆ ವೈರಲ್ ಆಗುತ್ತಿರುವ ವೀಡಿಯೊವನ್ನು @OnlyBangersEth ಎಂಬ ಖಾತೆಯಿಂದ ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಲಾಗಿದೆ. ವಿಡಿಯೋ ಮೊದಲು ಅಂಗಡಿಯೊಳಗೆ ಸೋಫಾದ ಮೇಲೆ ಕುಳಿತಿರುವ ವ್ಯಕ್ತಿಯನ್ನು ತೋರಿಸಲಾಗಿದೆ.
ಇದ್ದಕ್ಕಿದ್ದಂತೆ ಆತ ಎದ್ದು ಅಂಗಡಿಯ ಮೇಜಿನ ಬಳಿಗೆ ಬಂದು ಸಿಗರೇಟನ್ನು ಹೊರತೆಗೆದು ಅದನ್ನು ಹೊತ್ತಿಸಲು ಪ್ರಾರಂಭಿಸುತ್ತಾರೆ. ಆದರೆ ಕ್ಷಣ ಮಾತ್ರದಲ್ಲಿ ಲೈಟರ್ನಿಂದ ಹೊರ ಬಂದ ಬೆಂಕಿ ಇಡೀ ಅಂಗಡಿಯನ್ನೇ ಆವರಿಸಿಕೊಂಡಿದೆ. ನೋಡ ನೋಡುತ್ತಲೇ ಅಂಗಡಿಯಲ್ಲಿದ್ದ ಮೂವರಿಗೂ ಬೆಂಕಿ ತಗುಲಿದೆ. ಈ ವಿಡಿಯೋ ನೋಡಿದರೆ ನಿಜಕ್ಕೂ ನಿಮ್ಮ ಎದೆ ಝಲ್ ಅನ್ನಿಸದೇ ಇರದು.
Smoking kills pic.twitter.com/DVwpU0otyy
— OnlyBangers (@OnlyBangersEth) April 5, 2023
ಧೂಮಪಾನ ಆರೋಗಕ್ಕೆ ಹಾನಿಕರ!
13 ಸೆಕೆಂಡ್‌ಗಳ ಈ ವಿಡಿಯೋ ಕೆಲವೇ ಕ್ಷಣಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ವಿಡಿಯೋಗೆ ಕಾಮೆಂಟ್‌ಗಳ ಮಹಾಪೂರವೇ ಹರಿದು ಬರುತ್ತಿದ್ದು, ವಿಡಿಯೋ ಚರ್ಚೆಯ ವಿಷಯವಾಗುತ್ತಿದೆ. ಈ ವಿಡಿಯೋಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಈ ಘಟನೆ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಅನಿಲ ಸೋರಿಕೆ ಕಾರಣ ಎಂದು ಹಲವರು ಹೇಳುತ್ತಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ಈ ವಿಡಿಯೋದ ಸತ್ಯಾಸತ್ಯತೆಯನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸಿಲ್ಲ.
ಇದನ್ನೂ ಓದಿ: ಆಫೀಸ್ನಲ್ಲಿ ಧಮ್ ಹೊಡೆಯೋಕೆ ಬ್ರೇಕ್ ತಗೊಳ್ಳೋ ಉದ್ಯೋಗಿಗಳೇ, ಈ ಸುದ್ದಿ ನೋಡಿ!
ಕ್ಯಾನ್ಸರ್ಗೆ ಕಾರಣವಾಗಬಹುದು ಸಿಗರೇಟ್!
ಸಿಗರೇಟ್ ಸೇದುವುದು ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ಇದರ ನಿರಂತರ ಸೇವನೆಯು ಶ್ವಾಸಕೋಶದ ಕ್ಯಾನ್ಸರ್ ಗೆ ಕಾರಣವಾಗಬಹುದು. ಜನರು ಆರೋಗ್ಯವಾಗಿರಲು ಮತ್ತು ಧೂಮಪಾನ ಮಾಡದಂತೆ ಜಾಗೃತಿ ಮೂಡಿಸುತ್ತಾರೆ.
ಆಫೀಸ್ನಲ್ಲಿ ಧಮ್ ಹೊಡೆಯೋ ಮುನ್ನ ಹುಷಾರ್!
ಆಫೀಸ್ನಲ್ಲಿ ಕೆಲಸ ಮಾಡೋ ಟೈಮ್ನಲ್ಲಿ 2 ನಿಮಿಷ ಇಲ್ಲ 5 ನಿಮಿಷ ರೆಸ್ಟ್ ಮಾಡೋದು ಕಾಮನ್. ಧಮ್ ಹೊಡೆಯುವವರಂತೂ 9 ಗಂಟೆ ಕೆಲಸದ ಟೈಮ್ನಲ್ಲಿ ಮಿನಿಮಮ್ ನಾಲ್ಕು ಬಾರಿ ಬ್ರೇಕ್ ತೆಗೆದುಕೊಳ್ತಾರೆ. 14 ವರ್ಷಗಳ ಅವಧಿಯಲ್ಲಿ ಹಲವು ಬಾರಿ ಸಿಗರೇಟ್ ಬ್ರೇಕ್ ತೆಗೆದುಕೊಂಡ ವ್ಯಕ್ತಿಯೊಬ್ಬ ಭಾರೀ ದಂಡ ತೆರಬೇಕಾದ ಘಟನೆ ನಡೆದಿದೆ. ಈತ ಎಷ್ಟು ಬಾರಿ ಬ್ರೇಕ್ ತೆಗೆದುಕೊಂಡಿದ್ದಾನೆ ಅಂತ ಕೇಳಿದ್ರೆ ಶಾಕ್ ಆಗ್ತೀರಾ.
14 ವರ್ಷದಲ್ಲಿ 4,512 ಬಾರಿ ಸಿಗರೇಟ್ ಬ್ರೇಕ್!
ಮಾಧ್ಯಮ ವರದಿಗಳ ಪ್ರಕಾರ, ಒಸಾಕಾ ನಗರದಲ್ಲಿ ಕೆಲಸ ಮಾಡುತ್ತಿರುವ 61 ವರ್ಷದ ಸರ್ಕಾರಿ ನೌಕರನೊಬ್ಬ 14 ವರ್ಷದಲ್ಲಿ 4,512 ಬಾರಿ ಬ್ರೇಕ್ ತೆಗೆದುಕೊಂಡಿದ್ದಾರೆ. ಒಟ್ಟು 355 ಗಂಟೆ 19 ನಿಮಿಷಗಳನ್ನು ಈ ವ್ಯಕ್ತಿ ಸಿಗರೇಟ್ ಸೇದುವದಕ್ಕೆ ವೇಸ್ಟ್ ಮಾಡಿದ್ದಾರೆ, ಇದಕ್ಕಾಗಿ ಆತನಿಗೆ 14.40 ಲಕ್ಷ ಯೆನ್ ಅಂದರೆ ಸುಮಾರು 9 ಲಕ್ಷ ರೂಪಾಯಿ ದಂಡ ವಿಧಿಸಲಾಗಿದೆ. ಈ ಘಟನೆ ನಡೆದಿರೋದು ಜಪಾನ್ನಲ್ಲಿ.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ