ಎಲೆಕೋಸು ತರಲು ಹೋದಾಕೆ ಈಗ 'ಕೋಟ್ಯಧಿಪತಿ'..!

ಈ ಬಹುಮಾನ ಮೊತ್ತದಲ್ಲಿ ಸ್ವಲ್ಪವನ್ನು ಡಿಸ್ನಿಲ್ಯಾಂಡ್​ ಪ್ರವಾಸಕ್ಕೆ ವೆಚ್ಚ ಮಾಡುವುದಾಗಿ ವನೆಸ್ಸಾ ತಿಳಿಸಿದ್ದಾರೆ.

zahir | news18
Updated:December 6, 2018, 5:13 PM IST
ಎಲೆಕೋಸು ತರಲು ಹೋದಾಕೆ ಈಗ 'ಕೋಟ್ಯಧಿಪತಿ'..!
Virginia Lottery
zahir | news18
Updated: December 6, 2018, 5:13 PM IST
ಅದೃಷ್ಟ ಯಾವಾಗ ಯಾವ ರೀತಿಯಲ್ಲಿ ಬರುತ್ತದೆ ಎಂದು ಹೇಳಲಾಗುವುದಿಲ್ಲ. ಇದಕ್ಕೆ ತಾಜಾ ಉದಾಹರಣೆ ಅಮೆರಿಕದ ವನೆಸ್ಸಾ. ಮನೆಯಿಂದ ತರಕಾರಿ ತರಲು ಹೋಗಿದ್ದ ಈ ಮಹಿಳೆ ಇಂದು ಕೋಟ್ಯಧಿಪತಿ.

ಮೇರಿಲ್ಯಾಂಡ್​ ನಿವಾಸಿಯಾಗಿರುವ ವನೆಸ್ಸಾ ಕೆಲ ದಿನಗಳ ಹಿಂದೆ ಎಲೆಕೋಸು ತರಲೆಂದು ಅಂಗಡಿಗೆ ಹೋಗಿದ್ದರು. ಈ ವೇಳೆ ಪಕ್ಕದ ಲಾಟರಿ ಅಂಗಡಿಯಿಂದ ಜಾಕ್​ಪಾಟ್​ ಟಿಕೆಟ್​ವೊಂದನ್ನು ಖರೀದಿಸಿದ್ದರು. ಇದೇ ಟಿಕೆಟ್​ಗೆ ಈಗ 2,25000 ಡಾಲರ್​ ಬಹುಮಾನ ಮೊತ್ತ ಬಂದಿದೆ.
ನಾನು ತಂದೆಯೊಂದಿಗೆ ಗ್ರೋವ್​ಟೊನ್​ನ್​ಗೆ ಹೋದಾಗ ತಂದೆ ಅಂಗಡಿಯಿಂದ ಎಲೆಕೋಸನ್ನು ತರುವಂತೆ ಹೇಳಿದ್ದರು. ತರಕಾರಿಗೆ ತರಲು ಹೋದಾಗ ಸುಮ್ಮನೆ ವರ್ಜಿನಿಯಾ ಸ್ಪಿನ್ ಸ್ಕ್ರಾಚ್ ಲಾಟರಿಯನ್ನು ತೆಗೆದುಕೊಂಡೆ. ಮನೆಗೆ ಬಂದು ಕಾರ್ಡ್​ ಸ್ಕ್ರಾಚ್​ ಮಾಡಿದಾಗ ಒಂದು ಲಕ್ಷದಿಂದ ಐದು ಲಕ್ಷದವರೆಗೆ ಗೆಲ್ಲುವ ಜಾಕ್​ಪಾಟ್ ಸ್ಪಿನ್ ಅವಕಾಶ ದೊರೆಯಿತು. ಈ ಅದೃಷ್ಟ ಪರೀಕ್ಷೆಯ ಸ್ಪಿನ್​ನ್ನು ತಿರುಗಿಸಿದಾಗ ಬರೋಬ್ಬರಿ 1. 50 ಕೋಟಿ ರೂ. ಬಹುಮಾನ ದೊರೆತಿದೆ ಎಂದು ವನೆಸ್ಸಾ ತಿಳಿಸಿದ್ದಾರೆ.

ಈ ಬಹುಮಾನ ಮೊತ್ತದಲ್ಲಿ ಸ್ವಲ್ಪವನ್ನು ಡಿಸ್ನಿಲ್ಯಾಂಡ್​ ಪ್ರವಾಸಕ್ಕೆ ವೆಚ್ಚ ಮಾಡುವುದಾಗಿ ತಿಳಿಸಿದ ವನೆಸ್ಸಾ, ಬಾಕಿ ಮೊತ್ತವನ್ನು ಉಳಿತಾಯ ಮಾಡುವುದಾಗಿ ಹೇಳಿದ್ದಾರೆ.​ ಒಟ್ಟಿನಲ್ಲಿ ಎಲೆಕೋಸಿನೊಂದಿಗೆ ವನೆಸ್ಸಾ ಅವರ ಅದೃಷ್ಟ ಅಡಗಿತ್ತು ಎಂದರೆ ತಪ್ಪಾಗಲಾರದು.

ಇದನ್ನೂ ಓದಿ: ಇನ್ಮುಂದೆ ಕಾರ್ಡ್​ ಬಳಸದೇ ಎಟಿಎಂನಿಂದ ಹಣ ಪಡೆಯಬಹುದು: ಹೇಗಂತೀರಾ?

First published:December 6, 2018
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ