ಅಬ್ಬಾ.! 600 ವರ್ಷದ ಹಳೆಯ ಭೂತದ ಅಪಾರ್ಟ್​ಮೆಂಟ್ ಬಾಡಿಗೆಗೆ ಸಿಗುತ್ತೆ...ಯಾರಿಗಾದ್ರು ಬೇಕಾ?

ಯುಕೆ ಯಾರ್ಕ್​ನಲ್ಲಿರುವ 600 ವರ್ಷ ಹಳೆಯ ಅಪಾರ್ಟ್​​​ಮೆಂಟ್​​ ಖಂಡಿತ ನಿಮಗೆ ಸೂಕ್ತವಾದ ಆಯ್ಕೆ. ಏಕೆಂದರೆ ಇದು ಭಯ, ಆತಂಕವನ್ನು ಉಂಟು ಮಾಡುವ ಅತಿಮಾನುಷ ಶಕ್ತಿಯಿಂದ ಆವೃತ್ತವಾಗಿದೆ. ನೀವೇನಾದರೂ ದೆವ್ವದ ಅನುಭವವನ್ನು ಹೊಂದಲು ಬಯಸಿದರೆ ಈ ಅಪಾರ್ಟ್​ಮೆಂಟ್​​ನಲ್ಲಿ ತಂಗಬಹುದು.

ಪ್ರಾತಿನಿಧಿಕ ಚಿತ್ರ

ಪ್ರಾತಿನಿಧಿಕ ಚಿತ್ರ

  • Share this:

ಪ್ರವಾಸ, ಪ್ರಯಾಣದ ತಂಗುದಾಣಗಳ ಪರಿಕಲ್ಪನೆ ಬಂದಾಗ ಏರ್​​ಬಿಎನ್​ಬಿ ಬಾಡಿಗೆ ನಿವಾಸಗಳು ಸದ್ಯ ಹೆಚ್ಚು ಪ್ರಚಲಿತದಲ್ಲಿವೆ. ಪ್ರಯಾಣಿಕರ ಮನಸೆಳೆವ ಸ್ಥಳ, ಆಕರ್ಷಕ ಶೈಲಿ ಮತ್ತು ತನ್ನ ವಿಭಿನ್ನತೆಯಿಂದ ಹೆಚ್ಚು ಜನರು ಏರ್​ಬಿಎನ್​ಬಿಯನ್ನೇ ಹುಡುಕುತ್ತಾರೆ. ಇದೇ ಕಾರಣಕ್ಕೆ ಉಳಿದ ಬಾಡಿಗೆ ನಿವಾಸಗಳಿಗಿಂತ ಇದು ವಿಶಿಷ್ಟವಾಗಿ ಪ್ರವಾಸಿಗರನ್ನು ತನ್ನತ್ತ ಸೆಳೆಯುತ್ತಿದೆ. ಈಗ ಇದೇ ಏರ್​​ಬಿಎನ್​ಬಿ ಒಂದು ವಿಭಿನ್ನ ಅಪಾರ್ಟ್​ಮೆಂಟ್​ ಬಗ್ಗೆ ವಿವರಿಸಿದೆ. ಒಂದು ವೇಳೆ ನೀವೇನಾದರೂ ಇತಿಹಾಸ ಪ್ರಿಯರಾಗಿದ್ದರೆ, ಸಾಹಸ ಮನೋಭಾವ, ಧೈರ್ಯಶಾಲಿಯಾಗಿದ್ದು ಥ್ರಿಲ್ಲಿಂಗ್ ಅನುಭವಕ್ಕಾಗಿ ಹುಡುಕಾಟ ನಡೆಸಿದ್ದರೆ ಇಲ್ಲಿದೆ ಒಂದು ಅವಕಾಶ.


ಯುಕೆ ಯಾರ್ಕ್​ನಲ್ಲಿರುವ 600 ವರ್ಷ ಹಳೆಯ ಅಪಾರ್ಟ್​​​ಮೆಂಟ್​​ ಖಂಡಿತ ನಿಮಗೆ ಸೂಕ್ತವಾದ ಆಯ್ಕೆ. ಏಕೆಂದರೆ ಇದು ಭಯ, ಆತಂಕವನ್ನು ಉಂಟು ಮಾಡುವ ಅತಿಮಾನುಷ ಶಕ್ತಿಯಿಂದ ಆವೃತ್ತವಾಗಿದೆ. ನೀವೇನಾದರೂ ದೆವ್ವದ ಅನುಭವವನ್ನು ಹೊಂದಲು ಬಯಸಿದರೆ ಈ ಅಪಾರ್ಟ್​ಮೆಂಟ್​​ನಲ್ಲಿ ತಂಗಬಹುದು.


ನೀವು ಇಂಗ್ಲೆಂಡ್​ಗೆ ಪ್ರವಾಸಕ್ಕೆ ಹೊರಟರೆ ಅಲ್ಲಿರುವ ಕ್ಯಾಥೆಡ್ರಲ್ ಸಿಟಿಯ 'ಟ್ರೆಂಬ್ಲಿಂಗ್ ಮ್ಯಾಡ್ನೆಸ್ ಅಪಾರ್ಟ್​​ಮೆಂಟ್'ಗಳಿಗೆ ಭೇಟಿ ನೀಡಬಹುದು. ಏಕೆಂದರೆ ಅಲ್ಲಿರುವ ನಿವಾಸಗಳಲ್ಲಿ ದೆವ್ವಗಳು ಸಾಕಷ್ಟು ಆತಂಕವನ್ನುಂಟು ಮಾಡಿವೆ ಅನ್ನೋ ಮಾತಿದೆ. ಅದರಲ್ಲೂ ನಗರ ಕೇಂದ್ರದಲ್ಲಿರುವ ಪಬ್‌ನ ಹಿಂದಿದೆ ‘ದಿ ಹೌಸ್ ಆಫ್ ಟ್ರೆಂಬ್ಲಿಂಗ್ ಮ್ಯಾಡ್ನೆಸ್, ಸ್ಟೋನ್‌ಗೇಟ್’ ಅಪಾರ್ಟ್​​ಮೆಂಟ್.


ಇದನ್ನೂ ಓದಿ: 2032ಕ್ಕೆ ಬಿಡುಗಡೆಯಾಗಲಿರುವ ಕೈದಿಯೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡ ಮಹಿಳೆ!

ಓಲ್ಡ್ ಗ್ಯಾಲರಿ ಮತ್ತು ದಿ ಹಾಂಟೆಡ್ ಮ್ಯಾನ್ಷನ್ ಈ ಎರಡು ಲಕ್ಷುರಿ ಅಪಾರ್ಟ್​ಮೆಂಟ್​ಗಳು ಯಾರ್ಕ್ ಮಿನಿಸ್ಟರ್​ ಕುರಿತು ಉತ್ತಮ ನೋಟವನ್ನು ನೀಡುತ್ತದೆ. ನಗರದ ಹೃದಯಭಾಗದಲ್ಲಿರುವ ಅದ್ಧೂರಿ ಕ್ಯಾಥೆಡ್ರಲ್ ದೊಡ್ಡ ಗೋಡೆಗಳಿಂದ ಆವೃತ್ತವಾಗಿದ್ದು, ಒಂದು ಸಾಮಾನ್ಯ ಮನೆಯ ಅವಶೇಷದ ಮೇಲೆ ಕ್ರಿ.ಶ 1180 ರಲ್ಲಿ ನಿರ್ಮಿಸಲಾಗಿದೆ.


ಈ ವಿಷಯ ಕೇಳುತ್ತಿದ್ದಷ್ಟೂ ಕುತೂಹಲ ಕೆರಳುತ್ತದೆ! ಇತಿಹಾಸ ಮತ್ತು ವಾಸ್ತುಶಿಲ್ಪದ ಆಸಕ್ತರಿಗೆ ಇದು ರಸದೌತಣವೇ ಸರಿ. ಇಲ್ಲಿನ ಮ್ಯಾಡ್‌ನೆಸ್‌ ಚೇಂಬರ್ ಸುಮಾರು 650 ವರ್ಷಗಳಷ್ಟು ಹಳೆಯದಾಗಿದೆ, ಮರದ ಚೌಕಟ್ಟಿನ ಮಧ್ಯಕಾಲೀನ ರಚನೆಯಿಂದ ಮಾಡಲ್ಪಟ್ಟಿದೆ. ಈ ಅಪಾರ್ಟ್​​ಮೆಂಟ್​ನ ಅಧಿಕೃತ ವೆಬ್​ಸೈಟ್​​ ಹೇಳುವ ಪ್ರಕಾರ ಇದರ ಇತಿಹಾಸ ಯಾರಿಗೂ ತಿಳಿದಿಲ್ಲವಂತೆ. ಆದರೆ ಇದು ರಹಸ್ಯದ ತಾಣವಾಗಿದೆ.


ಇದಕ್ಕೆ ಪೂರಕವೆನ್ನುವಂತೆ ಈ ಹಿಂದೆ ಈ ಅಪಾರ್ಟ್​​ಮೆಂಟ್​ಗಳಲ್ಲಿ ವಾಸವಿದ್ದ ಹಲವಾರು ಅತಿಥಿಗಳು ಭೂತದ ಚೇಷ್ಟೆಗೆ ಭಯಭೀತರಾಗಿದ್ದ ಪ್ರಕರಣ ಮಿರರ್​​ನಲ್ಲಿ ವರದಿಯಾಗಿದೆ.


ಒಂದು ಕಿಂಗ್​ ಸೈಜ್ ಬೆಡ್​ ಈ ಕೋಣೆಯಲ್ಲಿದೆ. 4 ಜನರು ಇಲ್ಲಿ ತಂಗಬಹುದಾಗಿದೆ. ಜೊತೆಗೆ ಒಂದು ಡಬಲ್ ಸೋಫಾ, ಎರಡೂ ಅಪಾರ್ಟ್​​ಮೆಂಟ್​ಗಳು ಎರಡು ಮಹಡಿಗಳಲ್ಲಿವೆ. ಅಷ್ಟೇ ಅಲ್ಲದೇ ಆಧುನಿಕ ಸೌಲಭ್ಯಗಳಾದ ವೈಫೈ, ವಾಶಿಂಗ್ ಮೆಷಿನ್, ಟಿವಿ ಮತ್ತು ಫ್ರಿಡ್ಜ್​ ಸೌಲಭ್ಯಗಳನ್ನು ಒಳಗೊಂಡಿದೆ.


ಇದನ್ನೂ ಓದಿ: 39 ವರ್ಷದ ವ್ಯಕ್ತಿಯೊಂದಿಗೆ 80 ವರ್ಷದ ಅಜ್ಜಿ ಬ್ರೇಕಪ್; ಹೊಸ ಬಾಯ್​​​ಫ್ರೆಂಡ್ ಬೇಕಾಗಿದ್ದಾನೆ!

ಅಷ್ಟೇ ಅಲ್ಲದೇ ಪರ್ಸನಲ್ ಕೇರ್ ಉತ್ಪನ್ನಗಳಾದ ಟವೆಲ್, ಸ್ನಾನಗೃಹಗಳು ಮತ್ತು ಸುಖನಿದ್ರೆಯ ಹೊದಿಕೆಗಳನ್ನು ನೀಡಲಾಗುತ್ತದೆ. ಈ ಅಪಾರ್ಟ್​​ಮೆಂಟ್​ಗಳಲ್ಲಿ ಉಳಿಯಲು ಒಂದು ದಿನದ ಮೊತ್ತ 110 ಯೂರೋ (ರೂ 11000) ರಿಂದ 220 ಯುರೋ (20000ರೂ) ಆಗಿರುತ್ತದೆ.


ರೆಟ್ರೋ ನೋಟವನ್ನು ಹೊಂದಿರುವ ಓಲ್ಡ್ ಗ್ಯಾಲರಿ ನೆಲ ಅಂತಸ್ತಿನ ಸ್ಟುಡಿಯೋ ಫ್ಲಾಟ್ ಆಗಿದೆ. ಇಲ್ಲಿ ಗೇಮ್ಸ್, ಪುಸ್ತಕ, ಸಿನಿಮಾದ ವೀಕ್ಷಣೆಯೂ ಲಭ್ಯವಿದೆ. ಈ ಭೂತದ ಅಪಾರ್ಟ್​ಮೆಂಟ್​ನಲ್ಲಿ ಪ್ಲೇ ಸ್ಟೇಷನ್, ಬೋರ್ಡ್​ ಗೇಮ್ಸ್, ಪುಸ್ತಕ ಮತ್ತು ಕಂಪ್ಯೂಟರ್ ಇದ್ದು ಮನರಂಜನೆಗೆ ಕೊರತೆ ಇಲ್ಲ. ಹೊರಗಿನ ಅಂಗಳದ ಮೌನ ಮನಸ್ಸಿಗೆ ಸಾಕಷ್ಟು ನೆಮ್ಮದಿಯನ್ನು ನೀಡುತ್ತದೆ. ಇಲ್ಲಿ ಸಾಕು ಪ್ರಾಣಿಗಳಿಗೆ ಅವಕಾಶವಿಲ್ಲ.


ಭಯದ ಜೊತೆಗೆ ಲಕ್ಷುರಿ ಜೀವನಕ್ಕಂತೂ ಕೊರತೆಯಿಲ್ಲ !


First published: