ಟೆಸ್ಟ್​ ಸೀರೀಸ್​ನಲ್ಲಿ ಸೋತರೂ 'ಶಹಬ್ಬಾಸ್​ ಟೀಂ ಇಂಡಿಯಾ' ಎಂದ ರವೀಂದ್ರ ಜಡೇಜಾ!: ಕಾರಣವೇನು?

ಇಂಗ್ಲೆಂಡ್​ ವಿರುದ್ಧದ ಟೆಸ್ಟ್​ ಸೀರೀಸ್​ನಲ್ಲಿ ಟೀಂ ಇಂಡಿಯಾ 1-4ರ ಅಂತರದಲ್ಲಿ ಸೋಲನುಭವಿಸಿದರೂ, ತಂಡದ ಆಲ್ರೌಂಡರ್​ ರವೀಂದ್ರ ಜಡೇಜಾ ತನ್ನ ತಂಡವನ್ನು ಪ್ರಶಂಸಿಸಿದ್ದಾರೆ. ಟೆಸ್ಟ್​ ಸೀರೀಸ್​ ಮುಗಿದ ಬಳಿಕ ಜಡೇಜಾ ಟೀಂ ಇಂಡಿಯಾಗೆ 'ವೆಲ್​ ಡನ್​' ಎಂದಿದ್ದಾರೆ. ಜಡೇಜಾ ತಮ್ಮ ಇನ್​ಸ್ಟಾಗ್ರಾಂ ಅಕೌಂಟ್​ನಲ್ಲಿ ಈ ಕುರಿತಾಗಿ ಪೋಸ್ಟ್​ ಮಾಡುತ್ತಾ 'ಈ ಸೀರೀಸ್​ ಸವಾಲಿನಂತಿತ್ತು. ಆದರೆ ಹಲವಾರು ಧನಾತ್ಮಕ ವಿಚಾರಗಳೊಂದಿಗೆ ಮುನ್ನಡೆಯಬೇಕು. ವೆಲ್​ ಡನ್​ ಟೀಂ ಇಂಡಿಯಾ' ಎಂದಿದ್ದಾರೆ.

ಕೊನೆಯ ಟೆಸ್ಟ್​ನಲ್ಲಿ ಜಡೇಜಾಗೆ ಸಿಕ್ಕಿತ್ತು ಅವಕಾಶಆಲ್ರೌಂಡರ್​ ಜಡೇಜಾಗೆ ಮೊದಲ ನಾಲ್ಕು ಟೆಸ್ಟ್​ ಪಂದ್ಯದಲ್ಲಿ ಆಡುವ ಅವಕಾಶ ಸಿಕ್ಕಿರಲಿಲ್ಲ. ಆದರೆ ಕೊನೆಯ ಪಂದ್ಯದಲ್ಲಿ ಸಿಕ್ಕ ಅವಕಾಶವನ್ನು ಅವರು ಸರಿಯಾಗಿ ಬಳಸಿಕೊಂಡರು. ಜಡೇಜಾ ಮೊದಲ ಇನ್ನಿಂಗ್ಸ್​ನಲ್ಲಿ 4 ವಿಕೆಟ್​ ಪಡೆಯುವುದರೊಂದಿಗೆ ಅತ್ಯುತ್ತಮ ಬ್ಯಾಟಿಂಗ್​ ಮಾಡಿ ಕಷ್ಟದಲ್ಲಿದ್ದ ಟೀಂ ಇಂಡಿಯಾವನ್ನು ಮೇಲೆತ್ತಿದರು. ಜಡೇಜಾ ಮೊದಲ ಇನ್ನಿಂಗ್ಸ್​ನಲ್ಲಿ ಅಜೇಯ 86 ರನ್​ಗಳ ಆಟವಾಡಿದರು. ಎರಡನೇ ಇನ್ನಿಂಗ್ಸ್​ನಲ್ಲೂ ಅವರು 3 ವಿಕೆಟ್​ ಕಸಿದುಕೊಂಡಿದ್ದಾರೆ.

 

View this post on Instagram

 

Its been a challenging series. But lots of positive things to carry forward !! Well done #teamindia🇮🇳 #life #keepworkinghard #rajputboy

A post shared by Ravindrasinh Jadeja (@royalnavghan) on Sep 11, 2018 at 11:52am PDT

ಕೆ. ಎಲ್​ ರಾಹುಲ್(149) ಹಾಗೂ ರಿಷಬ್ ಪಂತ್(114)​ ನಡುವೆ 6ನೇ ವಿಕೆಟ್​​ಗಾಗಿ ನಡೆದ 204 ರನ್​ಗಳ ದಾಖಲೆಯ ಜೊತೆಯಾಟದ ಬಳಿಕವೂ ಭಾರತವು ಓವಲ್​ ಮೈದಾನದಲ್ಲಿ ಇಂಗ್ಲೆಂಡ್​ ವಿರುದ್ಧದ ಐದನೇ ಹಾಗೂ ಕೊನೆಯ ಟೆಸ್ಟ್​ ಪಂದ್ಯದಲ್ಲಿ 118ರನ್​ಗಳ ಸೋಲನುಭವಿಸಿತು. ಈ ಮೂಲಕ ಇಂಗ್ಲೆಂಡ್​ 4-1ರ ಅಂತರದಲ್ಲಿ ಸೀರೀಸ್​ನಲ್ಲಿ ಜಯಗಳಿಸಿತು.