Fight for Child: ಮಗುವಿಗಾಗಿ ಪೋಷಕರ ಪ್ರತಿಭಟನೆ! ಅಷ್ಟಕ್ಕೂ ಹೆತ್ತವರಿಂದ ಕಂದಮ್ಮ ದೂರವಾಗಿದ್ದು ಹೇಗೆ?

ಅದು ಪುಟ್ಟ (Child) ಕಂದ, ಅದರ ತಾಯಿ-ತಂದೆ (Parents) ಭಾರತದಲ್ಲಿದ್ದಾರೆ (India), ಆದರೆ ಮಗು ಜರ್ಮನ್‌ನಲ್ಲಿದೆ (German). ಪೋಷಕರಿಬ್ಬರೂ ಆ ಪುಟ್ಟ ಕಂದನಿಗಾಗಿ ಹಪಹಪಿಸುತ್ತಿದ್ದಾರೆ, ಜರ್ಮನ್‌ನಲ್ಲಿರುವ ತಮ್ಮ ಮಗುವಿನ ಬರುವಿಕೆಗಾಗಿ ಕಾಯುತ್ತಿದ್ದಾರೆ. ದಯವಿಟ್ಟು ನಮ್ಮ ಮಗುವನ್ನು ಭಾರತಕ್ಕೆ ಕಳುಹಿಸಿ ಕೊಡಿ ಎಂದು ಸಾರಿ ಸಾರಿ ವಿನಂತಿಸುತ್ತಿದ್ದಾರೆ (Request). ಅಷ್ಟಕ್ಕೂ ಮಗು ಯಾಕೆ ಜರ್ಮನ್​ನಲ್ಲಿದೆ, ಮಗುವಿನ ತಂದೆ ತಾಯಿ ಆ ಮಗುವಿನಿಂದ ದೂರವಾಗಲು ಕಾರಣವೇನು ಅನ್ನೋದನ್ನು ತಿಳಿಯೋಣ ಬನ್ನಿ.

ಕುಟುಂಬಸ್ಥರಿಂದ ಪ್ರತಿಭಟನೆ

ತಮ್ಮ ಪುಟ್ಟ ಮಗುವನ್ನು ತಮ್ಮ ಹತ್ತಿರ ವಾಪಸ್‌ ಕಳಿಸುವಂತೆ ಮಗುವಿನ ಕುಟುಂಬದವರು ದೆಹಲಿಯಲ್ಲಿರುವ ಜರ್ಮನ್ ರಾಯಭಾರಿ ಕಚೇರಿ ಎದುರು ಪ್ರತಿಭಟನೆ ನಡೆಸುತ್ತಿದ್ದಾರೆ.

ಗುಜರಾತ್ ದಂಪತಿಯ ಒಂದೂವರೆ ವರ್ಷದ ಹೆಣ್ಣು ಮಗು ಅರಿಹಾ 14 ತಿಂಗಳಿನಿಂದ ಬರ್ಲಿನ್‌ನಲ್ಲಿ ಪೋಷಿಸಲ್ಪಡುತ್ತಿದ್ದು, ಅಪ್ಪ-ಅಮ್ಮನಿಂದ ದೂರವಾಗಿ ಹಲವು ತಿಂಗಳುಗಳೇ ಕಳೆದು ಹೋಗಿದೆ.

ಲೈಂಗಿಕ ಕಿರುಕುಳ ಆರೋಪಿಸಿ ಮಗುವನ್ನು ಕರೆದೊಯ್ದಿದ್ದ ಶಿಶುಪಾಲನಾ ಅಧಿಕಾರಿಗಳು

ಫೆಬ್ರವರಿ 2021 ರಲ್ಲಿ ಮಗುವನ್ನು ಬೆಳೆಸಲು ಕುಟುಂಬವು 'ಅನರ್ಹ' ಎಂತಲೂ, ಪೋಷಕರು ತಮ್ಮ ಮಗುವಿಗೆ ಲೈಂಗಿಕ ಕಿರುಕುಳ ನೀಡಿದ್ದಾರೆ ಎಂತಲೂ ಆರೋಪಿಸಿರುವ ಜರ್ಮನ್ ಶಿಶುಪಾಲನಾ ಅಧಿಕಾರಿಗಳು ಮಗುವನ್ನು ಇನ್ನೂ ಅವರ ಸುಪರ್ದಿಯಲ್ಲಿಯೇ ಇರಿಸಿಕೊಂಡಿದ್ದಾರೆ.

ಹೋರಾಟಕ್ಕಿಳಿದ ಪೋಷಕರು

2018 ರಲ್ಲಿ, ಧಾರಾ, ಮುಂಬೈ ಮೂಲದ ಸಾಫ್ಟ್‌ವೇರ್ ಎಂಜಿನಿಯರ್ ಭಾವೇಶ್ ಅವರನ್ನು ವಿವಾಹವಾದರು ಮತ್ತು ಬರ್ಲಿನ್‌ಗೆ ಸ್ಥಳಾಂತರಗೊಂಡರು. ದಂಪತಿಗೆ 2020 ರಲ್ಲಿ ಅರಿಹಾ ಎಂಬ ಹೆಣ್ಣು ಮಗು ಜನಿಸಿತು. ಅರಿಹಾ ತಂದೆ ಕೆಲಸದ ವೀಸಾದಲ್ಲಿ ಯುರೋಪಿಯನ್ ರಾಷ್ಟ್ರದಲ್ಲಿ ಸಾಫ್ಟ್‌ವೇರ್ ಇಂಜಿನಿಯರ್ ಆಗಿ ಕೆಲಸ ಮಾಡುತ್ತಿದ್ದರು.

ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಅರಿಹಾಳ ಅಜ್ಜಿ ಆಕಸ್ಮಿಕವಾಗಿ ಅವಳನ್ನು ನೋಯಿಸಿದ್ದಾಳೆ ಎಂದು ದಂಪತಿಗಳು ಹೇಳಿದ್ದಾರೆ. ಮಗುವನ್ನು ಆಸ್ಪತ್ರೆಗೆ ಕರೆದೊಯ್ದಾಗ, ಜರ್ಮನಿಯ ಅಧಿಕಾರಿಗಳು ಮಗುವಿನ ವಿರುದ್ಧ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆ ಎಂದು ಆರೋಪಿಸಿಮಗುವನ್ನು ಪೋಷಕರಿಂದ ಬೇರ್ಪಡಿಸಿ ಬರ್ಲೀನ್ ನಲ್ಲಿರುವ ಪೋಷಣಾ ಕೇಂದ್ರದಲ್ಲಿ ಇರಿಸಿದರು.

ವಿಚಾರಣೆ ವಿಳಂಬ

ಫೆಬ್ರವರಿಯಲ್ಲಿ ಯಾವುದೇ ಆರೋಪಗಳಿಲ್ಲದೆ ಕ್ರಿಮಿನಲ್ ತನಿಖೆಯನ್ನು ಮುಚ್ಚಲಾಯಿತು, ಆದರೆ ಅವರು ಇನ್ನೂ ತಮ್ಮ ಮಗಳನ್ನು ಮರಳಿ ನಮ್ಮ ಬಳಿ ಕಳಿಸಿಲ್ಲ ಎಂದು ದಂಪತಿಗಳು ಹೇಳಿದರು. ಬರ್ಲಿನ್ ಚೈಲ್ಡ್ ಸರ್ವಿಸಸ್ ಪೋಷಕರ ಹಕ್ಕುಗಳನ್ನು ಕೊನೆಗೊಳಿಸಲು ನಾಗರಿಕ ಪಾಲನೆ ಪ್ರಕರಣವನ್ನು ದಾಖಲಿಸಿದೆ.

ಈ ಪ್ರಕರಣವು ಎರಡು-ಮೂರು ವರ್ಷಗಳನ್ನು ತೆಗೆದುಕೊಳ್ಳುತ್ತದೆ ಮತ್ತು ವಿಚಾರಣೆಯ ದಿನಾಂಕವನ್ನು ಇನ್ನೂ ನಿಗದಿಪಡಿಸಲಾಗಿಲ್ಲ ಎಂದು ದಂಪತಿಗಳು ಹೇಳಿದರು.

ಪೋಷಕರು ಜರ್ಮನಿಯಲ್ಲಿ ಪ್ರಕರಣದ ವಿರುದ್ಧ ಹೋರಾಡುತ್ತಿದ್ದಾರೆ, ಆದರೆ ಮಕ್ಕಳ ಕಾನೂನಿನ ಲಾಭ ಪಡೆಯಲು ಮಕ್ಕಳ ಸೇವಾ ಕೇಂದ್ರವು ಈ ಪ್ರಕರಣವನ್ನು ಸಾಧ್ಯವಾದಷ್ಟು ಎಳೆಯುತ್ತಿದೆ ಎಂದು ಪೋಷಕರು ಆತಂಕ ವ್ಯಕ್ತಪಡಿಸಿದ್ದಾರೆ. ಬರ್ಲಿನ್‌ನಲ್ಲಿ ಮಗುವು ರಾಜ್ಯದಿಂದ ನೇಮಿಸಲ್ಪಟ್ಟ ಆರೈಕೆದಾರರ ಪೋಷಣೆಯಲ್ಲಿದೆ.

ಇದನ್ನೂ ಓದಿ: Father-Daughter Love: ಕೆಲಸಕ್ಕಿಂತ ಮಗಳೇ ಮುಖ್ಯ ಎಂದ ತಂದೆ! ಇದಲ್ಲವೇ ಅಪ್ಪನ ಪ್ರೀತಿ

ಜರ್ಮನ್ ಕುಟುಂಬಕ್ಕೆ ದತ್ತು ನೀಡಲು ಯೋಜನೆ

"ಜರ್ಮನ್ ಮಕ್ಕಳ ಸೇವೆಗಳು ಮಗುವಿನ ಸಾಂಸ್ಕೃತಿಕ ಮತ್ತು ಧಾರ್ಮಿಕ ಗುರುತಿನ ಬಗ್ಗೆ ಸಂಪೂರ್ಣವಾಗಿ ಸಂವೇದನಾಶೀಲವಾಗಿಲ್ಲ. ಇಲ್ಲಿ ಮಗುವಿಗೆ ಮಾಂಸದ ಆಹಾರವನ್ನು ಸೇವಿಸುವಂತೆ ಒತ್ತಾಯಿಸುತ್ತಾರೆ" ಎಂದು ಕುಟುಂಬದ ಸದಸ್ಯರು ಆರೋಪಿಸಿದ್ದಾರೆ.

"ಅವಳನ್ನು ಜರ್ಮನ್ ಕುಟುಂಬಕ್ಕೆ ದತ್ತು ನೀಡಲು ಸಹ ಯೋಜಿಸಲಾಗಿದೆ ಎಂದು ಕುಟುಂಬದವರು ಹೇಳುತ್ತಾರೆ. ಇದು ಭಾರತ ಮತ್ತು ಜರ್ಮನಿ ಎರಡೂ ಪಕ್ಷಗಳಾಗಿರುವ ಮಕ್ಕಳ ಹಕ್ಕುಗಳ ವಿಶ್ವಸಂಸ್ಥೆಯ ಒಡಂಬಡಿಕೆಯ ಉಲ್ಲಂಘನೆಯಾಗಿದೆ" ಎಂದು ಕುಟುಂಬದ ಸದಸ್ಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಸರ್ಕಾರಕ್ಕೆ ಪೋಷಕರ ಮನವಿ

ಮಗುವನ್ನು ಭಾರತಕ್ಕೆ ಕರೆತರಲು ಸಹಾಯ ಮಾಡುವಂತೆ ಪೋಷಕರು ಸರ್ಕಾರವನ್ನು ಕೋರಿದ್ದಾರೆ. ಅಗತ್ಯವಿದ್ದರೆ, ಮಗುವನ್ನು ಜೈನ ಕುಟುಂಬದೊಂದಿಗೆ ಇರಿಸಿಕೊಳ್ಳಲು ಅಥವಾ ಭಾರತೀಯ ಮಕ್ಕಳ ಕಲ್ಯಾಣ ಅಧಿಕಾರಿಗಳ ಆರೈಕೆ ಮತ್ತು ಜವಾಬ್ದಾರಿಯಡಿಯಲ್ಲಿ ಇರಿಸಿಕೊಳ್ಳಲು ಅವರು ಒಪ್ಪಿಕೊಂಡಿದ್ದಾರೆ.

ವಿದೇಶದಲ್ಲಿರುವ ಸರ್ಕಾರಿ ಆರೈಕೆದಾರರಿಂದ ತಮ್ಮ ಮಕ್ಕಳನ್ನು ಹಿಂದಕ್ಕೆ ತೆಗೆದುಕೊಳ್ಳುತ್ತಿರುವುದು ಇದೇ ಮೊದಲಲ್ಲ. ಭಾರತೀಯ ಪೋಷಕರು ಕಾನೂನು ಹೋರಾಟ ನಡೆಸುತ್ತಿರುವ ಪ್ರಕರಣಗಳು ಈ ಹಿಂದೆಯೂ ನಾರ್ವೆಯಿಂದ ಯುಎಸ್‌ ದೇಶಗಳವರೆಗೂ ವರದಿಯಾಗಿವೆ.