Post Office Scheme: 25,000 ರೂ. ಹೂಡಿಕೆ ಮಾಡಿ ಮತ್ತು 21 ಲಕ್ಷದ ವರೆಗೆ ಹಣ ಗಳಿಸಿ; ಇಲ್ಲಿದೆ ವಿವರ...
ಹೂಡಿಕೆದಾರರು ಎನ್ಎಸ್‌ಸಿಯಲ್ಲಿ 15 ಲಕ್ಷ ರೂ.ಗಳನ್ನು ಹೂಡಿಕೆ ಮಾಡಿದರೆ, ಹೂಡಿಕೆದಾರರು 5 ವರ್ಷಗಳಲ್ಲಿ 6.8% ಬಡ್ಡಿದರದಲ್ಲಿ , 20.85 ಲಕ್ಷ ರೂ. ಅಂದರೆ 5 ವರ್ಷಗಳಲ್ಲಿ ಸುಮಾರು 6 ಲಕ್ಷ ರೂ ಬಡ್ಡಿ ಪಡೆಯಬಹುದಾಗಿದೆ.
ಸಾಂದರ್ಭಿಕ ಚಿತ್ರ
- Trending Desk
- Last Updated :
ಹಣ ಹೂಡಿಕೆ ಮಾಡುವಾಗ, ಹೂಡಿಕೆದಾರರು ಭದ್ರತೆ ಮತ್ತು ಉತ್ತಮ ಲಾಭ ಇವೆರಡು ವಿಚಾರಗಳನ್ನು ತಮ್ಮ ಮನಸ್ಸಿನಲ್ಲಿ ಇಟ್ಟುಕೊಳ್ಳುತ್ತಾರೆ. ಈ ಎರಡಕ್ಕೂ ಖಾತರಿ ನೀಡುವಂತಹ ಅಂಚೆ ಇಲಾಖೆಯು ಅನೇಕ ಉಳಿತಾಯ ಯೋಜನೆಗಳನ್ನು ಹೊಂದಿದೆ.
ಈ ಪೈಕಿ ಇಂಡಿಯಾ ಪೋಸ್ಟ್ ನೀಡುವ ಇಂತಹ ಒಂದು ಯೋಜನೆ ಎಂದರೆ ಅದು ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ (NSC).ಈ ಸ್ಕೀಂ ಬಗ್ಗೆ ವಿವರವಾದ ಮಾಹಿತಿಯನ್ನು ಈ ಕೆಳಗೆ ನೀಡಲಾಗಿದೆ. ಈ ಮೂಲಕ ನೀವು ಹೆಚ್ಚಿನ ಹಣ ಗಳಿಸುವ ಜತೆಗೆ ತೆರಿಗೆಯನ್ನೂ ಉಳಿಸಬಹುದಾಗಿದೆ. ಹೀಗೆ ಎರಡು ಪ್ರಯೋಜನಗಳನ್ನು ನೀಡುತ್ತದೆ ಅಂಚೆ ಕಚೇರಿಯ ಈ ಉಳಿತಾಯ ಯೋಜನೆ.
ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ (NSC)
ನೀವು ಅನೇಕ ಬ್ಯಾಂಕ್‌ಗಳಲ್ಲಿ ಸ್ಥಿರ ಠೇವಣಿ (ಎಫ್‌ಡಿ) ದರಗಳಿಗಿಂತ ಹೆಚ್ಚಿನ ಬಡ್ಡಿಯನ್ನು ಈ ಸ್ಕೀಂನಡಿ ಪಡೆಯಬಹುದು. ಅಂಚೆ ಕಚೇರಿಯ NSC ಯೋಜನೆ ಪ್ರಸ್ತುತ 6.8% ಬಡ್ಡಿದರ ನೀಡುತ್ತಿದೆ. ನೀವು NSCಯಲ್ಲಿ ಹೂಡಿಕೆ ಮಾಡುವ ಹಣವು ವಾರ್ಷಿಕವಾಗಿ ಬಡ್ಡಿಯನ್ನು ಸೇರಿಸುವುದನ್ನು ಮುಂದುವರಿಸುತ್ತದೆ ಎಂಬುದನ್ನು ನೆನಪಿನಲ್ಲಿಡಿ, ಆದರೆ, ಆ ಹಣವನ್ನು ಸ್ಕಿಂನ ಮೆಚ್ಯೂರಿಟಿ ಅವಧಿ ಮುಗಿದ ಬಳಿಕ ಪಾವತಿಸಲಾಗುತ್ತದೆ.
NSC ಯೋಜನೆಯ ಮುಕ್ತಾಯ ಅವಧಿ 5 ವರ್ಷಗಳು. ಆದರೆ, ನೀವು ಬಯಸಿದಲ್ಲಿ ಅವಧಿ ಮುಕ್ತಾಯದ ನಂತರ ಇನ್ನೊಂದು 5 ವರ್ಷಗಳವರೆಗೆ ನಿಮ್ಮ ಹೂಡಿಕೆಯನ್ನು ಹೆಚ್ಚಿಸಬಹುದು. ನೀವು NSCಯಲ್ಲಿ ಕನಿಷ್ಠ 100 ರೂ. ಗಳನ್ನು ಹೂಡಿಕೆ ಮಾಡಬೇಕಾಗುತ್ತದೆ ಅಂದರೆ ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ ಸ್ಕೀಂನಡಿ ಇದು ಕನಿಷ್ಠ ಹೂಡಿಕೆಯ ಮೊತ್ತ. ಆದರೆ, ಈ ಸ್ಕೀಂನಡಿ ಯಾವುದೇ ಗರಿಷ್ಠ ಹೂಡಿಕೆಯ ಮಿತಿ ಇಲ್ಲ.
NSC ನಿಮ್ಮ ಹಣ ಹೆಚ್ಚಿಸುವುದಲ್ಲದೆ, ತೆರಿಗೆಯನ್ನೂ ಉಳಿಸುವ ಆಯ್ಕೆಯಾಗಿದೆ. ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 80 ಸಿ ಅಡಿಯಲ್ಲಿ, NSC ಹೂಡಿಕೆದಾರರು ವಾರ್ಷಿಕ 1.5 ಲಕ್ಷ ರೂ. ವರೆಗಿನ ಹೂಡಿಕೆಯ ಮೇಲೆ ತೆರಿಗೆ ವಿನಾಯಿತಿ ಪಡೆಯುತ್ತಾರೆ. ನೀವು 100, 500, 1000, 5000 ಮತ್ತು 10,000 ರೂ ಮೌಲ್ಯದ NSC ಪಡೆಯಬಹುದು. ನಿಮಗೆ ಬೇಕಾದಷ್ಟು ಪ್ರಮಾಣಪತ್ರಗಳನ್ನು ವಿವಿಧ ಬೆಲೆಯಲ್ಲಿ ಖರೀದಿಸುವ ಮೂಲಕ ನೀವು NSCಯಲ್ಲಿ ಹೂಡಿಕೆ ಮಾಡಬಹುದು.
ಇದನ್ನೂ ಓದಿ: ಕೆಳ, ಅಧೀನ ನ್ಯಾಯಾಲಯಗಳಲ್ಲಿ ಬಾಕಿ ಇವೆ 3.93 ಕೋಟಿ ಪ್ರಕರಣಗಳು
5 ವರ್ಷಗಳಲ್ಲಿ 6 ಲಕ್ಷ ರೂ. ಬಡ್ಡಿ ಗಳಿಸಿ..!
ಹೂಡಿಕೆದಾರರು ಎನ್ಎಸ್‌ಸಿಯಲ್ಲಿ 15 ಲಕ್ಷ ರೂ.ಗಳನ್ನು ಹೂಡಿಕೆ ಮಾಡಿದರೆ, ಹೂಡಿಕೆದಾರರು 5 ವರ್ಷಗಳಲ್ಲಿ 6.8% ಬಡ್ಡಿದರದಲ್ಲಿ , 20.85 ಲಕ್ಷ ರೂ. ಅಂದರೆ 5 ವರ್ಷಗಳಲ್ಲಿ ಸುಮಾರು 6 ಲಕ್ಷ ರೂ ಬಡ್ಡಿ ಪಡೆಯಬಹುದಾಗಿದೆ. ಈ ಹಿನ್ನೆಲೆ ನೀವು ಒಂದು ತಿಂಗಳಿಗೆ 25 ಸಾವಿರ ರೂ. ಹೂಡಿಕೆ ಮಾಡಿದರೆ 5 ವರ್ಷಗಳಲ್ಲಿ 15 ಲಕ್ಷ ರೂ. ಹೂಡಿಕೆ ಮಾಡಿದಂತಾಗುತ್ತದೆ. ಇದರಿಂದ ನೀವು 21 ಲಕ್ಷ ರೂ. ವರೆಗೆ ಹಣ ಗಳಿಸಬಹುದಾಗಿದೆ.
ನ್ಯೂಸ್18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್ ಕೇಸ್ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್ ನಿಯಮಗಳಾದ ಮಾಸ್ಕ್ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ಮನೆಯಿಂದ ಹೊರ ಹೋಗುವುದನ್ನು ಆದಷ್ಟು ಕಡಿಮೆ ಮಾಡಿ, ಅನಗತ್ಯವಾಗಿ ಗುಂಪುಗೂಡುವುದನ್ನು ನಿಯಂತ್ರಿಸಿ.
