Dowry News: ಕುರೂಪಿ ಹುಡುಗಿಯ ಮದ್ವೆ ಮಾಡಬಹುದು, ಪಠ್ಯದಲ್ಲಿ ವರದಕ್ಷಿಣೆಯ ಗುಣಗಾನ, ನೆಟ್ಟಿಗರು ಗರಂ

ವರದಕ್ಷಿಣೆ (Dowry) ಎಂಬುದು ಸಮಾಜದಲ್ಲಿ ವ್ಯಾಪಕವಾಗಿ ಬೇರೂರಿರುವ ಪಿಡುಗು. ಮಹಿಳೆಯರ ಶೋಷಣೆಗೆ (Harassment) ಕಾರಣವಾಗಿರುವ ಈ ವರದಕ್ಷಿಣೆ ಪದ್ದತಿಯನ್ನು (Dowry System) ಬುಡ ಸಮೇತ ಕಿತ್ತು ಹಾಕಲು ಹಲವು ಕಾನೂನುಗಳು ಜಾರಿಯಲ್ಲಿದ್ದರೂ ಸಹ ಈ ವ್ಯವಸ್ಥೆ ಮಾತ್ರ ಮುಂದುವರೆಯುತ್ತಿದೆ. ಹೀಗಾಗಿ ಇದರ ಬಗ್ಗೆ ಅರಿವು ಮೂಡಿಸಲು ಶಾಲೆ, ಕಾಲೇಜು (College) ಪಠ್ಯಕ್ರಮದಲ್ಲಿ ವರದಕ್ಷಿಣೆ ಪಿಡುಗಿನ ಬಗ್ಗೆ ವಿವರಿಸಲಾಗಿದೆ. ಮತ್ತು ಅದನ್ನು ತೆಗೆದುಕೊಳ್ಳದಂತೆ ಮತ್ತು ಕೊಡದಂತೆ ಯುವಕ ಯುವತಿಯರಿಗೆ ತಿಳಿಸಲಾಗುತ್ತದೆ.

ಆದರೆ ವಿಚಿತ್ರ ಏನಂದರೆ ವರದಕ್ಷಿಣೆ ವಿರುದ್ಧ ಕೆಲಸ ಮಾಡಬೇಕಾದ ವಿದ್ಯಾಸಂಸ್ಥೆಯ ಪಠ್ಯಕ್ರಮದಲ್ಲಿ ವರದಕ್ಷಿಣೆ ತೆಗೆದುಕೊಂಡರೆ ಆಗುವ ಲಾಭಗಳೇನು, ವರದಕ್ಷಿಣೆ ಅರ್ಹತೆಗಳ ಬಗ್ಗೆ ಮುದ್ರಿಸಲಾಗಿದೆ. ಸದ್ಯ ಈ 'ವರದಕ್ಷಿಣೆಯ ಅರ್ಹತೆಗಳು' ಎಂಬ ಪಠ್ಯಪುಸ್ತಕದ ಚಿತ್ರ ವೈರಲ್ ಆಗ್ತಿದ್ದು ಭಾರಿ ವಿರೋಧಗಳು ಕೇಳಿ ಬರುತ್ತಿವೆ.

ಲೇಖಕಿ ಟಿ.ಕೆ. ಇಂದ್ರಾಣಿ ಬರೆದ ಪುಸ್ತಕ

ನರ್ಸಿಂಗ್ ವಿದ್ಯಾರ್ಥಿಗಳ ಸಮಾಜಶಾಸ್ತ್ರದ ಪಠ್ಯಪುಸ್ತಕದಲ್ಲಿ ಈ ವಿಚಾರವನ್ನು ಉಲ್ಲೇಖಿಸಲಾಗಿದೆ ಎನ್ನಲಾಗುತ್ತಿದೆ. ಈ ಪುಸ್ತಕವನ್ನು ಲೇಖಕಿ ಟಿ.ಕೆ. ಇಂದ್ರಾಣಿ ಬರೆದಿದ್ದಾರೆ. ಇಂದ್ರಾಣಿ ಬರೆದಿರುವ ಪುಸ್ತಕದಲ್ಲಿ ವರದಕ್ಷಿಣೆ ಅರ್ಹತೆಗಳು ಎಂಬ ಮಾಹಿತಿ ಇರುವ ಪುಟದ ಸ್ಕ್ರೀನ್‌ಶಾಟ್ ಅನ್ನು ಟ್ವಿಟ್ಟರ್‌ನಲ್ಲಿ ಹಂಚಿಕೊಳ್ಳಲಾಗಿದ್ದು,ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ಚರ್ಚೆ ಜೊತೆಗೆ ಆಕ್ರೋಶಕ್ಕೆ ಕಾರಣವಾಗಿದೆ.

ಟ್ವಿಟರ್​​ನಲ್ಲಿ ವೈರಲ್

"ವರದಕ್ಷಿಣೆಯ ಅರ್ಹತೆ" ಅನ್ನು ಒಳಗೊಂಡಿರುವ ಕಾಲೇಜು ಪುಸ್ತಕದ ಪುಟದ ಈ ಚಿತ್ರವನ್ನು ಅಪರ್ಣಾ ಎಂಬ ಬಳಕೆದಾರರು ಟ್ವಿಟ್ಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ ಮತ್ತು ಇದು ದಾದಿಯರಿಗಾಗಿ ಸಮಾಜಶಾಸ್ತ್ರದ ಪಠ್ಯಪುಸ್ತಕದಿಂದ ಬಂದಿದೆ ಎಂದಿದ್ದಾರೆ.

ವಿದ್ಯಾರ್ಥಿಗಳ ಅಧ್ಯಯನ ವಿಷಯ

ಪಠ್ಯಪುಸ್ತಕವನ್ನು ಟಿ.ಕೆ. ಇಂದ್ರಾಣಿ ಅವರು ಬರೆದಿದ್ದಾರೆ ಮತ್ತು ಭಾರತೀಯ ನರ್ಸಿಂಗ್ ಕೌನ್ಸಿಲ್ ಪಠ್ಯಕ್ರಮದ ಪ್ರಕಾರ ವಿದ್ಯಾರ್ಥಿಗಳ ಅಧ್ಯಯನ ವಿಷಯವಾಗಿದೆ. ಅದರ ಒಂದು ಪುಟವು "ವರದಕ್ಷಿಣೆಯ ಅರ್ಹತೆಗಳು ಮತ್ತು ಪ್ರಯೋಜನಗಳನ್ನು" ಪಟ್ಟಿ ಮಾಡುತ್ತದೆ. ಮೊದಲನೆಯ ಅಂಶವು ಹೊಸ ಸಂಸಾರ ಸ್ಥಾಪನೆಗೆ ವರದಕ್ಷಿಣೆ ಸಹಕಾರಿ ಎಂದು ಪುಸ್ತಕ ಹೇಳುತ್ತದೆ, ಮಂಚಗಳು, ಹಾಸಿಗೆಗಳು, ದೂರದರ್ಶನ, ಫ್ಯಾನ್, ರೆಫ್ರಿಜರೇಟರ್, ಪಾತ್ರೆಗಳು, ಬಟ್ಟೆಗಳು ಮತ್ತು ವಾಹನದಂತಹ ಗೃಹೋಪಯೋಗಿ ವಸ್ತುಗಳನ್ನು ನೀಡುವ ಪದ್ಧತಿ ನಮ್ಮ ಭಾರತದ ಅನೇಕ ಭಾಗಗಳಲ್ಲಿ ವರದಕ್ಷಿಣೆಯಾಗಿ ಕಂಡುಬರುತ್ತದೆ ಎಂದು ಹೇಳುತ್ತದೆ.

ಪುಸ್ತಕದಲ್ಲಿ ಹೇಳಿರೋದೇನು?

ಪುಸ್ತಕವು ವರದಕ್ಷಿಣೆ ವ್ಯವಸ್ಥೆಯ ಅನುಕೂಲಗಳೆಂದು ಕರೆಯಲ್ಪಡುವ ಹೆಣ್ಣುಮಕ್ಕಳ ಶಿಕ್ಷಣವನ್ನು ಉಲ್ಲೇಖಿಸಿದೆ. ವರದಕ್ಷಿಣೆಯ ಹೊರೆಯಿಂದಾಗಿ, ಅನೇಕ ಪೋಷಕರು ತಮ್ಮ ಹೆಣ್ಣುಮಕ್ಕಳಿಗೆ ಶಿಕ್ಷಣ ನೀಡಲು ಪ್ರಾರಂಭಿಸಿದ್ದಾರೆ. ಹೆಣ್ಣುಮಕ್ಕಳು ಶಿಕ್ಷಣ ಪಡೆದಾಗ ಅಥವಾ ಉದ್ಯೋಗದಲ್ಲಿರುವಾಗ ವರದಕ್ಷಿಣೆಯ ಬೇಡಿಕೆ ಕಡಿಮೆ ಇರುತ್ತದೆ. ಇದು ಪರೋಕ್ಷ ಪ್ರಯೋಜನವಾಗಿದೆ, ಎಂದು ಪುಸ್ತಕದಲ್ಲಿ ಹೇಳಲಾಗಿದೆ.

ನೋಡಲು ಚೆನ್ನಾಗಿಲ್ಲಾಂದ್ರೆ ವರದಕ್ಷಿಣೆ ಮೂಲಕ ಮದುವೆ

ಕೊನೆಯದಾಗಿ, ನೋಡಲು ಚೆನ್ನಾಗಿರದ ಹುಡುಗಿಯರನ್ನು ಆಕರ್ಷಕ ವರದಕ್ಷಿಣೆಯೊಂದಿಗೆ ಮದುವೆಯಾಗಬಹುದು ಎಂದು ಅಲ್ಲಿ ಉಲ್ಲೇಖಿಸುತ್ತದೆ.

College textbook in India. pic.twitter.com/LOM4grizJq

— Aparna (@chhuti_is) April 3, 2022

ಈ ಪುಟವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡ ನಂತರ ನೆಟ್ಟಿಗರು ಪುಸ್ತಕ ಮತ್ತು ಲೇಖಕರ ವಿರುದ್ಧ ಹರಿಹಾಯ್ದಿದ್ದಾರೆ. “ಇದು ಕಾಲೇಜು ಪಠ್ಯಪುಸ್ತಕದಿಂದ ಬಂದಿದೆ. ನಿಜವಾಗಿಯೂ ಆಘಾತಕಾರಿ,” ಎಂದು ಬಳಕೆದಾರರು ಬರೆದಿದ್ದಾರೆ.

ಇದನ್ನೂ ಓದಿ: 50 ವರ್ಷಗಳ ನಂತರ ಗ್ರಂಥಾಲಯಕ್ಕೆ ಮರಳಿದ ಪುಸ್ತಕ, ಜೊತೆಗಿತ್ತೊಂದು ಪತ್ರ..!

ಮತ್ತೊಬ್ಬ ಬಳಕೆದಾರರು “ಇದು ಅತಿರೇಕದ ಸಂಗತಿಯಾಗಿದೆ” ಎಂದು ಕಾಮೆಂಟ್ ಮಾಡಿದ್ದು, ವರದಕ್ಷಿಣೆಯ ಅರ್ಹತೆಯನ್ನು ಪ್ರಚಾರ ಮಾಡುವ ಈ ವಿಷಯವನ್ನು ಪಠ್ಯಪುಸ್ತಕದಿಂದ ತೆಗೆದುಹಾಕಬೇಕು ಎಂದು ಒತ್ತಾಯಿಸಿದ್ದಾರೆ.

ಸಂಸದೆ ಪ್ರಿಯಾಂಕಾ ಚತುರ್ವೇದಿ ಖಂಡನೆ

ವಾಸ್ತವವಾಗಿ, ಇಂತಹ ಪುಸ್ತಕಗಳನ್ನು ಚಲಾವಣೆಯಿಂದ ತೆಗೆದುಹಾಕುವಂತೆ ಶಿವಸೇನಾ ನಾಯಕಿ ಮತ್ತು ರಾಜ್ಯಸಭಾ ಸಂಸದ ಪ್ರಿಯಾಂಕಾ ಚತುರ್ವೇದಿ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ್ ಅವರಿಗೆ ಮನವಿ ಮಾಡಿದರು. ''ವರದಕ್ಷಿಣೆಯ ಅರ್ಹತೆಗಳನ್ನು ವಿವರಿಸುವ ಪಠ್ಯಪುಸ್ತಕವು ನಮ್ಮ ಪಠ್ಯಕ್ರಮದಲ್ಲಿ ಅಸ್ತಿತ್ವದಲ್ಲಿದೆ ಎಂಬುದು ರಾಷ್ಟ್ರ ಮತ್ತು ಅದರ ಸಂವಿಧಾನಕ್ಕೆ ನಾಚಿಕೆಗೇಡಿನ ಸಂಗತಿಯಾಗಿದೆ” ಎಂದು ಅವರು ಟ್ವಿಟ್ಟರ್‌ನಲ್ಲಿ ಬರೆದಿದ್ದಾರೆ.

Viral News: 30ರ ಹರೆಯದ ಯುವ Crypto Billionaire ತನ್ನ ಸಂಪತ್ತನ್ನು ದಾನಮಾಡಬೇಕಂತೆ!

"ವರದಕ್ಷಿಣೆಯು ಕ್ರಿಮಿನಲ್ ಕೃತ್ಯವಾಗಿದ್ದರೂ ಸಹ ನಮ್ಮಲ್ಲಿ ಇಂತಹ ಹಳೆಯ ಆಲೋಚನೆಗಳು ಚಾಲ್ತಿಯಲ್ಲಿರುವುದು ಅತ್ಯಂತ ದುರದೃಷ್ಟಕರವಾಗಿದೆ. ವಿದ್ಯಾರ್ಥಿಗಳು ಇಂತಹ ಹಿಂಜರಿಕೆಯ ವಿಷಯಕ್ಕೆ ಒಡ್ಡಿಕೊಳ್ಳುತ್ತಿದ್ದಾರೆ ಮತ್ತು ಇದುವರೆಗೆ ಯಾವುದೇ ಕ್ರಮವನ್ನು ತೆಗೆದುಕೊಳ್ಳದಿರುವುದು ಹೆಚ್ಚು ಕಳವಳಕಾರಿಯಾಗಿದೆ. ಇಂತಹ ವರದಕ್ಷಿಣೆ ವ್ಯವಸ್ಥೆಯ ಬಲವರ್ಧನೆಯು ಆಕ್ರಮಣಕಾರಿಯಾಗಿದೆ, ಮತ್ತು ಕೂಡಲೇ ಕ್ರಮ ಕೈಗೊಳ್ಳಬೇಕು'' ಎಂದು ಚತುರ್ವೇದಿ ಹೇಳಿದರು.

ಇನ್ನು ವರದಕ್ಷಿಣೆ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 304 ಬಿ ಅಡಿಯಲ್ಲಿ ಶಿಕ್ಷಾರ್ಹ ಅಪರಾಧವಾಗಿದೆ.