Viral Photo: ಇಲ್ಲಿ ಕಳ್ಳರು ಸಿಕ್ಕಿಬಿದ್ದರೆ ಅವರ ಕಥೆ ಮುಗೀತು..,ಕಂಬಕ್ಕೆ ಕಟ್ಟಿ, ಜೋಕರ್​ ವೇಷ ಹಾಕಿ ಎಸ್ಕೇಪ್​!

ನಾವು ಯಾರಾದರೂ ಕಳ್ಳರು(Thieves) ನಮ್ಮ ಮನೆಗೆ ಕಳುವು ಮಾಡಲು ನುಗ್ಗಿದರೆ ಅಥವಾ ರಸ್ತೆಯಲ್ಲಿ ಹೋಗುವಾಗ ನಮ್ಮ ಜೇಬಿನಲ್ಲಿರುವ ಪರ್ಸ್(Purse) ಕದಿಯಲು ಪ್ರಯತ್ನಿಸಿ ಸಿಕ್ಕಿಹಾಕಿಕೊಂಡಾಗ ಅವರನ್ನು ಹಿಗ್ಗಾ ಮುಗ್ಗಾ ಥಳಿಸಿ ಪೊಲೀಸರಿಗೆ ಒಪ್ಪಿಸುತ್ತೇವೆ. ಕೆಲವೊಮ್ಮೆ ಕಳ್ಳರನ್ನು ಅಲ್ಲೇ ಅಕ್ಕ ಪಕ್ಕದಲ್ಲಿರುವ ಜನರನ್ನು ಒಟ್ಟುಗೂಡಿಸಿ ಸಿಕ್ಕಿಬಿದ್ದ ಕಳ್ಳನನ್ನು ಚೆನ್ನಾಗಿ ಥಳಿಸುತ್ತೇವೆ ಮತ್ತು ಅವನನ್ನು ಪೊಲೀಸರಿ(Police)ಗೆ ಒಪ್ಪಿಸುವ ಬದಲು ಬುದ್ದಿ ಹೇಳಿ ಬಿಟ್ಟು ಬಿಡುತ್ತೇವೆ. ಆದರೆ ಇಲ್ಲಿ ಸಾಮಾಜಿಕ ಮಾಧ್ಯಮಗಳ(Social Media)ಲ್ಲಿ ಇತ್ತೀಚೆಗೆ ವೈರಲ್(Viral) ಆಗುತ್ತಿರುವ ಫೋಟೋ(Photo)ಗಳನ್ನು ನೋಡಿದರೆ ಇದು ವಿಚಿತ್ರ ಘಟನೆಯನ್ನು ವಿವರಿಸುತ್ತಿರುವ ಹಾಗಿದೆ ಎಂದು ಹೇಳಬಹುದು.

ಮುಖಕ್ಕೆ ಜೋಕರ್​ ಮೇಕ್ಅ​ಪ್​!

ಮೆಕ್ಸಿಕನ್ ನಗರದಲ್ಲಿ ಕೆಲವು ಜನರ ಗುಂಪು ತಮ್ಮ ಗುರುತನ್ನು ಬಿಟ್ಟುಕೊಡದೆ ಕಳ್ಳತನ ಮಾಡಲು ಹೋಗಿ ಸಿಕ್ಕಿಬಿದ್ದಂತಹ ಕಳ್ಳರನ್ನು ರಸ್ತೆಯ ಬದಿಯಲ್ಲಿರುವ ದೀಪದ ಕಂಬಗಳಿಗೆ ಕಟ್ಟಿಹಾಕಿ ನಂತರ ಅವರ ಮುಖಗಳನ್ನು ಜೋಕರ್‌ನಂತೆ ಚಿತ್ರಿಸಿ ಹೋಗುತ್ತಿದ್ದಾರೆ. ಒಟ್ಟಿನಲ್ಲಿ ಈ ಸಿಕ್ಕಿಬಿದ್ದ ಕಳ್ಳರನ್ನು ಪೊಲೀಸರಿಗೆ ಒಪ್ಪಿಸದೆ ಅವರೇ ಸ್ವತಃ ತಕ್ಕ ಪಾಠ ಕಲಿಸುತ್ತಿದ್ದಾರೆ ಎಂದು ಹೇಳಬಹುದು. 'ಡಾರ್ಕ್ ನೈಟ್' ಎಂಬ ಪೊಲೀಸರ ಗಸ್ತು ತಿರುಗುವ ವಾಹನವು ಈಶಾನ್ಯ ಮೆಕ್ಸಿಕೋದ ಬೀದಿಗಳಲ್ಲಿ ಗಸ್ತು ತಿರುಗುತ್ತಿದೆಯೇ ಎಂಬುದು ತಿಳಿದಿಲ್ಲವಾದರೂ, ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾದ ಫೋಟೋಗಳು ಮತ್ತು ವಿಡಿಯೋಗಳು ಕಳ್ಳರು ದರೋಡೆಗೆ ಪ್ರಯತ್ನಿಸುತ್ತಿದ್ದು ಒಬ್ಬ ವ್ಯಕ್ತಿ ಅಥವಾ ಅಪರಿಚಿತರ ಗುಂಪೊಂದು ಇವರ ಪ್ರಯತ್ನಗಳನ್ನು ವಿಫಲಗೊಳಿಸುತ್ತಿದೆ ಎಂಬುದಂತೂ ಸ್ಪಷ್ಟವಾಗಿ ಸೂಚಿಸುತ್ತವೆ.

‘ನಾವು ಕಳ್ಳರು’ ಎಂಬ ಹಣೆಪಟ್ಟಿ!

ರಿಯೋ ಬ್ರಾವೊ ನಗರದಲ್ಲಿ ಮಹಿಳಾ ಪಾದಚಾರಿಯ ಪರ್ಸ್ ಕದಿಯಲು ಪ್ರಯತ್ನಿಸಿದ್ದಕ್ಕಾಗಿ ಒಬ್ಬ ಪುರುಷ ಮತ್ತು ಮಹಿಳೆ ಕಳ್ಳರನ್ನು ಹಿಡಿಯಲಾಗಿದೆ ಎಂದು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಂತಹ ಒಂದು ಫೋಟೋ ತೋರಿಸುತ್ತದೆ. ಈ ಕಳ್ಳರನ್ನು ನಗರದಲ್ಲಿರುವ ದೀಪದ ಕಂಬಕ್ಕೆ ಡಕ್ಟ್ ಟೇಪ್‌ನಿಂದ ಕಟ್ಟಲಾಗಿತ್ತು. ಇಬ್ಬರ ಮುಖಗಳನ್ನು ಜೋಕರ್‌ನಂತೆ ಚಿತ್ರಿಸಿ ಹೋಗಿದ್ದಾರೆ. ಒಬ್ಬ ಕಳ್ಳನ ಎದೆಯ ಮೇಲೆ "ಸೋಯ್ ರಾಟಾ (ನಾನು ಕಳ್ಳ)" ಎಂದು ಮತ್ತು ಅದೇ ಮಾತುಗಳು ಮಹಿಳೆಯ ತಲೆಯ ಮೇಲೆ ಸಹ ಬರೆದು ಹೋಗಿದ್ದಾರೆ.

ಇದನ್ನು ಓದಿ : ಟೀ ಮಾರುತ್ತಿದ್ದ ವ್ಯಕ್ತಿ ಯೂನಿವರ್ಸಿಟಿಯಲ್ಲಿ ಪ್ರೊಫೆಸರ್ ಆಗಿದ್ದೇಗೆ? ಇಲ್ಲಿದೆ ರೋಚಕ ಕಥೆ

ಬಳಿಕ ಪೊಲೀಸರ ಕೈಗೆ ಸಿಕ್ಕಿಬಿದ್ದ ಕಳ್ಳರು!

ಲುಜ್ ಮಗಲಾಯ್ ಎಂದು ಗುರುತಿಸಲಾದ ಕಳ್ಳನು ನಿರ್ಬಂಧಗಳಿಂದ ಮುಕ್ತರಾಗಲು ಸಾಧ್ಯವಾಯಿತು ಎಂದು ವರದಿಗಳು ತಿಳಿಸಿವೆ. ಆದರೆ ಅವನು ತನ್ನ ಸಂಗಾತಿಯನ್ನು ಬಿಚ್ಚಲು ಪ್ರಯತ್ನಿಸುತ್ತಿದ್ದಂತೆಯೇ, ಪೊಲೀಸ್ ಗಸ್ತು ತಿರುಗುತ್ತಿರುವ ಕಾರು ಅವರನ್ನು ಗುರುತಿಸಿತು. "ನಾನು ಆ ಹೆಂಗಸಿನ ಹಿಂದೆ ಹೋಗಿ ಅವಳ ಪರ್ಸ್ ತೆಗೆದುಕೊಂಡೆ. ಇದು ತುಂಬಾನೇ ಸುಲಭವಾಗಿತ್ತು ಮತ್ತು ಆ ಸ್ಥಳದಿಂದ ನಾನು ಪಲಾಯನ ಮಾಡಲು ಪ್ರಯತ್ನಿಸಿ ಸಿಕ್ಕಿಬಿದ್ದೆ. ಇದೀಗ ನನ್ನ ಬಳಿ ಯಾವುದೇ ಕೆಲಸವಿಲ್ಲ ಮತ್ತು ಹಣವಿಲ್ಲ. ಕಳ್ಳತನ ಮಾಡುವುದು ನನಗೆ ಸುಲಭವಾಗಿತ್ತು" ಎಂದು ಪೊಲೀಸರ ಕೈಗೆ ಸಿಕ್ಕಿಬಿದ್ದ ಕಳ್ಳನು ವಿಡಿಯೋದಲ್ಲಿ ಹೇಳಿದ್ದಾನೆ.

ಇದನ್ನು ಓದಿ : Squid Game ಸೀರೀಸ್​​ ನೋಡಿದ್ದಕ್ಕೆ ಮರಣದಂಡನೆ: ಉ.ಕೊರಿಯಾದಲ್ಲಿ ಸಣ್ಣ ತಪ್ಪಿಗೆ ಇದೆಂಥಾ ಘೋರ ಶಿಕ್ಷೆ!

ಪುರುಷರ ಗುಂಪೊಂದು ತಮ್ಮ ಕೈಗಳನ್ನು ಕಟ್ಟಿಕೊಂಡು ಸಾಲಿನಲ್ಲಿ ಅಂಗಿ ಹಾಕಿಕೊಳ್ಳದೆ ನಡೆದುಕೊಂಡು ಹೋಗುತ್ತಿರುವುದು ಕಂಡುಬಂತು. ಅವರ ಮುಖಗಳು ಸಹ ಜೋಕರ್‌ನಂತೆ ಚಿತ್ರಿಸಲ್ಪಟ್ಟಿದ್ದವು ಎಂದು ಇನ್ನೊಂದು ಫೋಟೋದಲ್ಲಿ ನೋಡಬಹುದಾಗಿದೆ.