Uber Bill: ಊಬರ್ ಬಿಲ್ ನೋಡಿದ ವ್ಯಕ್ತಿ ಶಾಕ್, ಈ ಹಣದಲ್ಲಿ ವಿಮಾನ ಪ್ರಯಾಣವೇ ಮಾಡಬಹುದು!

Mumbai Rains: ಮುಂಬೈನಲ್ಲಿ ವಿಪರೀತ ಮಳೆ ಕಾರಣದಿಂದ ಜನ ಸಂಚಾರ ಅಸ್ತವ್ಯಸ್ತವಾಗಿದೆ. ಈ ನಡುವೆ ಉಬರ್​ನಲ್ಲಿ ಪ್ರಯಾಣಿಸಿದ ವ್ಯಕ್ತಿಯೊಬ್ಬರು ಶಾಕ್ ಆಗಿ ತಮ್ಮ ಬಿಲ್ ಶೇರ್ ಮಾಡಿದ್ದಾರೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
ಅರ್ಜೆಂಟ್​ನಲ್ಲಿ ಟ್ಯಾಕ್ಸಿಗಳು ಬಹಳ ಉಪಕಾರಿ. ಮೊಬೈಲ್​ನಲ್ಲಿಯೇ (Mobile) ಬೇಕಾದ ವಾಹನ ಆಯ್ಕೆ ಮಾಡಿ ಜಾಲಿಯಾಗಿ ಹಾಯಾಗಿ ಪ್ರಯಾಣ ಮಾಡಬಹುದು. ಆದರೆ ಈ ಪ್ರಯಾಣಗಳು (Journey) ಎಷ್ಟೊಂದು ದುಬಾರಿ ಆಗಿರುತ್ತವೇ ಅಲ್ಲವೇ? ಬಸ್​ನಲ್ಲಿ (Bus) ಬರೀ 20 ರೂಪಾಯಿ ಕೊಟ್ಟು ಪ್ರಯಾಣಿಸಬಹುದಾದ ದಾರಿಯಲ್ಲಿ ನೀವು 300 ಕೊಟ್ಟು ಪ್ರಯಾಣಿಸುವ ಆಯ್ಕೆಗಳೂ ಲಭ್ಯ ಇವೆ. ಹಾಗಾಗಿ ಟ್ಯಾಕ್ಸಿಗಳಿಗೆ (Taxi) ನೀವು ಇಂತಿಷ್ಟೇ ಎಂದು ಬಿಲ್ ಹೇಳುವುದು ಕಷ್ಟ. ಭಾರೀ ಮಳೆ (Raining) ಬಂತೋ, ಹೆವಿ ಟ್ರಾಫಿಕ್ ಜಾಮ್ ಆದರೆ ಇಂಥಹ ಸಂದರ್ಭಗಳಲ್ಲಿ ಮುಲಾಜಿಲ್ಲದೆ ಟ್ಯಾಕ್ಸಿ ಫೇರ್ ಹೆಚ್ಚಾಗುತ್ತದೆ ಎನ್ನುವುದು ಎಲ್ಲರಿಗೂ ಗೊತ್ತು.

ಇನ್ನು ಬುಕ್ ಮಾಡದೆ ಪ್ರಯಾಣಿಸುವ ಸಮಸ್ಯೆ ಯಾರಿಗೂ ಬೇಡ. ಹೊಸ ಊರಿಗೆ ಬಂದು ಅಲ್ಲಿಂದ ಇಲ್ಲಿಗೆ ಇಲ್ಲಿಂದ ಅಲ್ಲಿಗೆ ಕುಣಿಸಿ ಕೆಲವು ಆಟೋ ಡ್ರೈವರ್ ನಿಮ್ಮನ್ನು ಸುಲಿಗೆ ಮಾಡಿಬಿಡುತ್ತಾರೆ. ಅಂತಹ ಸಂದರ್ಭದಲ್ಲಿ ಎಲ್ಲರೂ ಟ್ಯಾಕ್ಸಿಗಳ ಮೊರೆ ಹೋಗುವುದೇ ಹೆಚ್ಚು.

ವಿಮಾನದಲ್ಲೇ ಪ್ರಯಾಣಿಸಬಹುದು

ಅಪ್ಲಿಕೇಶನ್ ಆಧಾರಿತ ಕ್ಯಾಬ್ ಅನ್ನು ಬುಕ್ ಮಾಡುವಾಗ ನಂಬಲಾಗದ ಏರಿಕೆಯ ಬೆಲೆಗಳನ್ನು ನೋಡಿದ ನಂತರ ಹತಾಶೆ ಮತ್ತು ಕಿರಿಕಿರಿಯನ್ನು ಅನುಭವಿಸದ ಕೆಲವೇ ಜನರು ಈ ದೇಶದಲ್ಲಿದ್ದಾರೆ. ಆದಾರೂ ದರವು ಒನ್ ಸೈಡ್ ವಿಮಾನ ಟಿಕೆಟ್‌ಗೆ ಸಮಾನವಾಗಿರುವುದನ್ನು ನೀವು ಎಂದಾದರೂ ನೋಡಿದ್ದೀರಾ? ಸರಿ, ಇದು ನಿಜವಾಗಿ ಸಂಭವಿಸಿದೆ.

ಮುಂಬೈ ಒಳಗಡೆ ಪ್ರಯಾಣಕ್ಕೆ 3 ಸಾವಿರವೇ?

ಶ್ರವಣಕುಮಾರ್ ಸುವರ್ಣ ಅವರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ, ಪೋಸ್ಟ್ ಊಬರ್ ಅಪ್ಲಿಕೇಶನ್‌ನ ಸ್ಕ್ರೀನ್‌ಶಾಟ್ ಅನ್ನು ತೋರಿಸುತ್ತದೆ. ಸುವರ್ಣ ಅವರು ರಾತ್ರಿ 7 ಗಂಟೆಗೆ ದಾದರ್‌ನಿಂದ ಮನೆಗೆ ಕ್ಯಾಬ್ ರೈಡ್ ಬುಕ್ ಮಾಡಲು ಪ್ರಯತ್ನಿಸುತ್ತಿದ್ದರು. ಆದರೆ ನಿರಂತರ ಮುಂಬೈ ಮಳೆಯಿಂದಾಗಿ, ರೈಡರ್ ಸೇವೆಗಾಗಿ 3,000 ರೂ.ಗಿಂತ ಹೆಚ್ಚಿನ ಮೊತ್ತವನ್ನು ನೀಡಬೇಕಾಯಿತು ಎಂದು ಬೆಲೆ ಏರಿಕೆ ತೋರಿಸಿದೆ.





ನನ್ನ ಮನೆಗೆ ಹೋಗುವುದಕ್ಕಿಂತ ಗೋವಾದ ವಿಮಾನವೇ ಚೀಪರ್ ಆಗಿದೆ ಎಂದು ಕ್ಯಾಪ್ಶನ್​ನಲ್ಲಿ ಬರೆಯಲಾಗಿದೆ.

ಇದನ್ನೂ ಓದಿ: Skydive: ಅನಾಥ ವ್ಯಕ್ತಿಯ ಸ್ಕೈಡೈವ್! ನೆಟ್ಟಿಗರ ಮನಗೆದ್ದ ಟಿಕ್​ಟಾಕ್ ಜೋಡಿ

ಈ ಟ್ವೀಟ್​ಗೆ 3,100 ಕ್ಕೂ ಹೆಚ್ಚು ಲೈಕ್ಸ್​ ಬಂದಿದ್ದು ನೆಟಿಜನ್‌ಗಳು ಕಾಮೆಂಟ್‌ಗಳ ಬಾಕ್ಸ್‌ನಲ್ಲಿ ತಮ್ಮ ಅನುಭವವನ್ನೆಲ್ಲ ತಿಳಿಸಿದ್ದಾರೆ. ಕೆಲವರು ತಮ್ಮ ಅಪ್ಲಿಕೇಶನ್-ಕ್ಯಾಬ್ ಸಂಕಟಗಳ ಬಗ್ಗೆ ಬರೆಯಲು ಈ ಫನ್ನಿ ಮೊಮೆಂಟ್ ಬಳಸಿಕೊಂಡಿದ್ದರು.

ದುಬಾರಿ ಕಾಫಿ

ಇತ್ತೀಚೆಗೆ ಇಂಡಿಯನ್ ರೈಲ್ವೇ ದುಬಾರಿ ಕಾಫಿ ವೈರಲ್ ಆಗಿತ್ತು. ಇಲ್ಲೊಬ್ಬ ಪ್ರಯಾಣಿಕನು (Traveler) ಕುಡಿದಿದ್ದ ಒಂದು ಕಪ್ ಟೀ ಗೆ 70 ರೂಪಾಯಿಯ ಬಿಲ್ ಅನ್ನು ನೀಡಿದ್ದಾರೆ ನೋಡಿ. ಅಬ್ಬಬ್ಬಾ..ಇದೆಂಥಾ ಅನ್ಯಾಯ ಅಂತೀರಾ? ಬನ್ನಿ ಹಾಗಾದರೆ ಇದರ ಹಿಂದಿನ ಕಥೆ ಏನು ಅಂತ ತಿಳಿದುಕೊಂಡು ಬರೋಣ. ಈ ಪ್ರಯಾಣಿಕನು ರೈಲಿನಲ್ಲಿ ಚಹಾವನ್ನು ಖರೀದಿಸಿದಾಗ, ಅವನು 20 ರೂಪಾಯಿಗಳ ಒಂದು ಕಪ್ ಗೆ 50 ರೂಪಾಯಿಗಳ ಸೇವಾ ಶುಲ್ಕವನ್ನು ಪಾವತಿಸಬೇಕಾಗಿದೆ.

ರೈಲ್ವೆಯ ಈ ಹೈ-ಫೈ ಸೇವೆಯ ಪುರಾವೆಯಾಗಿ, ಆ ವ್ಯಕ್ತಿಯು ಆ ಚಹಾದ ಬಿಲ್ ಅನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾನೆ, ಅದು ಈಗ ಸಿಕ್ಕಾಪಟ್ಟೆ ವೈರಲ್ ಸಹ ಆಗಿದೆ. ಆದಾಗ್ಯೂ, ರೈಲ್ವೆ ಅಧಿಕಾರಿಗಳು ಇದಕ್ಕೆ ಸೂಕ್ತವಾದ ಕಾರಣವನ್ನು ನೀಡಿದ್ದಾರೆ.

ಈ ಬಗ್ಗೆ ರೈಲ್ವೆ ಅಧಿಕಾರಿಗಳು ಹೇಳಿದ್ದೇನು

ರೈಲ್ವೆ ಅಧಿಕಾರಿಗಳ ಪ್ರಕಾರ, ಗ್ರಾಹಕರ ಮೇಲೆ ಯಾವುದೇ ಹೆಚ್ಚುವರಿ ಹಣವನ್ನು ವಿಧಿಸಲಾಗಿಲ್ಲ. 2018 ರಲ್ಲಿ ಭಾರತೀಯ ರೈಲ್ವೆ ಹೊರಡಿಸಿದ ಸುತ್ತೋಲೆಯಲ್ಲಿ, ರಾಜಧಾನಿ ಅಥವಾ ಶತಾಬ್ದಿಯಂತಹ ರೈಲುಗಳಲ್ಲಿ ಕಾಯ್ದಿರಿಸುವಾಗ ಪ್ರಯಾಣಿಕರು ಊಟವನ್ನು ಕಾಯ್ದಿರಿಸದಿದ್ದರೆ, ಪ್ರಯಾಣದ ಸಮಯದಲ್ಲಿ ಚಹಾ, ಕಾಫಿ ಅಥವಾ ಆಹಾರವನ್ನು ಆರ್ಡರ್ ಮಾಡಿದರೆ, ಅದನ್ನು ಪ್ರಯಾಣಿಕರಿಗೆ ತಲುಪಿಸಲು 50 ರೂಪಾಯಿಗಳ ಸೇವಾ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ ಎಂದು ಸೂಚಿಸುತ್ತದೆ. ಅದು ಕೇವಲ ಒಂದು ಕಪ್ ಚಹಾವಾಗಿದ್ದರೂ ಸಹ ಇದು ಅನ್ವಯವಾಗುತ್ತದೆ ಎಂದು ತಿಳಿಸಿದರು.
Published by:Divya D
First published: