Expensive Tea: ಒಂದು ಕಪ್ ಟೀಗೆ 1000 ರೂ.! ಇಷ್ಟಕ್ಕೂ ಅಷ್ಟು ದುಡ್ಡು ಕೊಟ್ಟು ಜನ ಯಾಕೆ ಕುಡೀತಾರೆ?

Most Expensive Tea in India: ಒಂದು ಕಪ್ ಚಹಾಕ್ಕೆ 1000 ರೂ. ಪಾವತಿಸಬೇಕು. ಹೌದು ಹಾಗಾದ್ರೆ ಈ ಟೀಯಲ್ಲಿ ಏನಿದೆ ವಿಶೇಷ ಎಂದು ನೀವು ಯೋಚಿಸಿರಬಹುದು. ಏನು ಈ ಟೀ ಸ್ಪೆಷಾಲಿಟಿ ಇಲ್ಲಿದೆ ನೋಡಿ ಮಾಹಿತಿ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಎಲ್ಲರೂ ಒಂದು ಕಪ್ ಚಹಾಗೆ ಎಷ್ಟು ಹಣ ಪಾವತಿಸಬಹುದು? ಸಾಮಾನ್ಯವಾಗಿ ಒಂದು ಕಪ್ ಟೀ ಬೆಲೆ 10 ರಿಂದ 20 ರೂ ಇರುತ್ತದೆ. ಇಲ್ಲವಾದಲ್ಲಿ ತುಂಬಾ ವಿಶೇಷವಾದುದಾದರೆ 100 ರೂ. ನೀಡಿ ಟೀ ಸವಿಯನ್ನು ಸವಿಯಬಹುದು. ಸಾಮಾನ್ಯವಾಗಿ ಕಾಫಿ ಉದ್ಯಮ ಅದರದ್ದೇ ಆದ ಬ್ರಾಂಡ್​ ಹೊಂದಿದೆ. ಈ ಕಾರಣಕ್ಕಾಗಿ ಒಂದು ಕಪ್​ ಕಾಫಿಗೆ ಸಾವಿರಾರು ರೂಪಾಯಿಯನ್ನೂ ಕೆಲವೆಡೆ ಪಾವತಿಸಬೇಕು. ಆದರೆ ಟೀಗೆ ಆ ರೀತಿಯ ಬ್ರಾಂಡ್​ ಇನ್ನೂ ಬಂದಿಲ್ಲ. ಹೀಗಿರುವಾಗ ಹೈದಾರಾಬಾದ್‍ನಲ್ಲಿ ಒಂದು ಕಪ್ ಚಹಾಕ್ಕೆ 1000 ರೂ. ಪಾವತಿಸಬೇಕು. ಹೌದು ಹಾಗಾದ್ರೆ ಈ ಟೀಯಲ್ಲಿ ಏನಿದೆ ವಿಶೇಷ ಎಂದು ನೀವು ಯೋಚಿಸಿರಬಹುದು. ಏನು ಈ ಟೀ ಸ್ಪೆಷಾಲಿಟಿ ಇಲ್ಲಿದೆ ನೋಡಿ ಮಾಹಿತಿ.

    Hyderabadನ ನಿಲೌಫರ್ ಕೆಫೆ ಒಂದು ಕಪ್ ಟೀಯನ್ನು ಪರಿಚಯಿಸಿದೆ ಮತ್ತು ಇದರ ಬೆಲೆ 1,000 ರೂಪಾಯಿ ಎಂದು ಕೆಫೆಯ ಆಡಳಿತ ಹೇಳಿದೆ. ಮೊದಲಿಗೆ, ಇದನ್ನು ಚಹಾ ಎಲೆಗಳಿಂದ ತಯಾರಿಸಲಾಗುತ್ತದೆ. ಇದರ ಬೆಲೆ ಕೆಜಿಗೆ 75,000 ಎಂದು ಕಂಪೆನಿ ನಿರ್ದೇಶಕರು ಹೇಳಿದ್ದಾರೆ. ನ್ಯೂಸ್ 18 ಜೊತೆ ಮಾತನಾಡಿದ ಕೆಫೆಯ ವ್ಯವಸ್ಥಾಪಕ ನಿರ್ದೇಶಕ ಶಶಾಂಕ್ ಅನುಮುಲಾ, ಇದು ಗೋಲ್ಡನ್ ಟಿಪ್ಸ್ ಬ್ಲ್ಯಾಕ್ ಟೀ (Golden Tips Black Tea). ಇದು ಬಹಳ ವೈವಿಧ್ಯಮಯವಾದ ಟೀ. ನಾವು ಅದನ್ನು ಅಸ್ಸಾಂನ ಮೈಜಾನ್‍ನಲ್ಲಿ ನಡೆದ ಹರಾಜಿನಲ್ಲಿ ಖರೀದಿಸಿದ್ದೇವೆ. ಕೇವಲ 1.5 ಕೆಜಿ ಮಾತ್ರ ಲಭ್ಯವಿತ್ತು ಮತ್ತು ನಾವು ಸಂಪೂರ್ಣ ಖರೀದಿಸಿದ್ದೇವೆ. ನಮ್ಮ ಗ್ರಾಹಕರು ಅದರ ವಿಶಿಷ್ಟ ಮತ್ತು ಪರಿಮಳಯುಕ್ತ ರುಚಿಯನ್ನು ಸವಿಯಬೇಕೆಂದು ನಾವು ಬಯಸುತ್ತೇವೆ ಎಂದು ಹೇಳಿದರು.

    ಈ ರೀತಿಯ ಟೀ ಮೊದಲೇನಲ್ಲ:

    ಆದಾಗ್ಯೂ, ಕೆಫೆಯು ವೈವಿಧ್ಯಮಯವಾದ ಈ ಚಹಾ ನೀಡುತ್ತಿರುವುದು ಇದೇ ಮೊದಲಲ್ಲ. ಇದು ಕಳೆದ ಎರಡು ವರ್ಷಗಳಿಂದ ಅದೇ ರೀತಿ ಸೇವೆ ಸಲ್ಲಿಸುತ್ತಿದೆ. ಹೈದರಾಬಾದಿನ ಚಹಾ ಪ್ರಿಯರು ಈ ವಿಧವನ್ನು ಹಾಲಿಲ್ಲದೆ ಮಾಡಲಾಗುತ್ತದೆ ಎಂದು ಅರಿಯುವುದು ಮುಖ್ಯ ಮತ್ತು ಇದು ನಗರಕ್ಕೆ ಹೆಸರುವಾಸಿಯಾದ ಕೆನೆರಹಿತ, ಸಿಹಿ ಇರಾನಿ ಚಹಾ ಎಂಬುದನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು. ಈ ಉತ್ಕೃಷ್ಟ ರುಚಿಯ ಮಿಶ್ರಣಕ್ಕೆ ಉತ್ತಮವಾದ ಜೊತೆ ಯಾವುವು ಎಂದು ಕೇಳಿದಾಗ ನಮ್ಮ ಉಸ್ಮಾನಿಯಾ, ಬೆಣ್ಣೆ ಬಾದಾಮಿ ಅಥವಾ ಡ್ರೈ ಫ್ರೂಟ್ ಕುಕೀಗಳು ಈ ವಿಧದೊಂದಿಗೆ ಚೆನ್ನಾಗಿ ಹೋಲುತ್ತವೆ. ಈ ಚಹಾ ನಮ್ಮ ಬಂಜಾರಾ ಹಿಲ್ಸ್ ಔಟ್ಲೆಟ್ ನಲ್ಲಿ ಮಾತ್ರ ಲಭ್ಯವಿದೆ ಎಂದು ಶಶಾಂಕ್ ಹೇಳುತ್ತಾರೆ.

    ಅಸ್ಸಾಂನ ದುಬಾರಿ ಟೀ ಸೊಪ್ಪು:

    ಅಸ್ಸಾಂನ ಮೈಜನ್ ಗೋಲ್ಡನ್ ಟಿಪ್ಸ್, ಅದರ ಮಾಲ್ಟಿ ಸುವಾಸನೆಗೆ ಹೆಸರುವಾಸಿಯಾಗಿದೆ, ಇದು ದೇಶದ ಅತ್ಯಂತ ದುಬಾರಿ ಚಹಾ ಪ್ರಭೇದಗಳಲ್ಲಿ ಒಂದಾಗಿದೆ. 2019ರಲ್ಲಿ, ಇದು ಗುವಾಹಟಿ ಚಹಾ ಹರಾಜು ಕೇಂದ್ರದಲ್ಲಿ (Guwahati Tea Auction Centre) ಕೆಜಿಗೆ 70,000 ರೂ.ಗೆ ಮಾರಾಟ ಮಾಡುವ ಮೂಲಕ ದಾಖಲೆಯನ್ನು ಸೃಷ್ಟಿಸಿತು.

    ಇದನ್ನೂ ಓದಿ: Trending| 1 ರೂ. ಕುಲ್ಫಿ ಐಸ್‌ಕ್ರೀಮ್ ವ್ಯಾಪಾರವನ್ನು 6 ಕೋಟಿ ವ್ಯವಹಾರವನ್ನಾಗಿ ಮಾರ್ಪಡಿಸಿದ ಬಿಸ್‌ನೆಸ್ ಯಶೋಗಾಥೆ

    ಈ ವರ್ಷದ ಆರಂಭದಲ್ಲಿ, ಕೋಲ್ಕತ್ತಾದ ಚಹಾ ಮಾರಾಟಗಾರರೊಬ್ಬರು ಚಹಾವನ್ನು ಪ್ರತಿ ಕಪ್‍ಗೆ 1,000 ರೂ ನಂತೆ ಮಾರಾಟ ಮಾಡಿದರು. ಈ ತಳಿಯನ್ನು ಬೊ-ಲೀ ಎಂದು ಕರೆಯಲಾಗಿದ್ದು, ಪ್ರತಿ ಕಿಲೋಗ್ರಾಂಗೆ 3 ಲಕ್ಷ ರೂ. ಇದೆ. ಬೊ-ಲೀ, ಪು-ಎರ್ಹ್ ಚಹಾ ಅಥವಾ ಪ್ಯೂರ್, ಪೆಲೇ ಅಥವಾ ಬೊಲೇ ಚಹಾ ಕೂಡ ಚೀನಾದಲ್ಲಿ ತಯಾರಿಸಲಾಗುತ್ತದೆ. ಬೊ-ಲೀ ಚಹಾವನ್ನು ಕ್ಯಾಮೆಲಿಯಾ ಸಿನೆನ್ಸಿಸ್ ಸಸ್ಯದಿಂದ ತಯಾರಿಸಲಾಗುತ್ತದೆ, ಇದನ್ನು ಹಸಿರು ಮತ್ತು ಕಪ್ಪು ಚಹಾವನ್ನು ತಯಾರಿಸಲು ಬಳಸಲಾಗುತ್ತದೆ. ಬೊ-ಲೀಯನ್ನು ಹುದುಗಿಸಿ ಆಕ್ಸಿಡೈಸ್ ಮಾಡಲಾಗಿದ್ದು ಇದು ಚಹಾಕ್ಕೆ ವಿಶಿಷ್ಟವಾದ ಆಳವಾದ, ಮಣ್ಣಿನ ಸುವಾಸನೆಯನ್ನು ನೀಡುತ್ತದೆ.

    ಇದನ್ನೂ ಓದಿ: ಗ್ರಾಹಕರಿಗೆ ಗುಡ್​ ನ್ಯೂಸ್ ನೀಡಿದ ಸರ್ಕಾರ; ಈಗ ಅಡುಗೆ ಎಣ್ಣೆ ಬೆಲೆ ಮತ್ತಷ್ಟು ಅಗ್ಗ..!

    ದಿನನಿತ್ಯದ ವಸ್ತುಗಳ ಬೆಲೆ ಗಗನಕ್ಕೇರಿರುವ ಈ ಸಂದರ್ಭದಲ್ಲಿ ದೇಶದ ಒಂದು ವರ್ಗ ತುತ್ತು ಅನ್ನಕ್ಕೆ ಪರಿತಪಿಸುತ್ತಿದ್ದರೆ, ಶ್ರೀಮಂತ ವರ್ಗ ಸಾವಿರಾರು ರೂಪಾಯಿ ಕೊಟ್ಟಾದರೂ ವೈಶಿಷ್ಟ್ಯ ಟೀ ಸವಿಯಲು ಮುಂದಾಗಿದೆ.
    Published by:Sharath Sharma Kalagaru
    First published: