Mini Forest: ಮನೆಯ ಬಾಲ್ಕನಿಗಳನ್ನೇ ‘ಮಿನಿ ಅರಣ್ಯ’ ವನ್ನಾಗಿ ಮಾಡಿದ ಪುಣೆಯ ಮಹಿಳೆ!

ಮನೆಯ ಮೇಲೆ ಇರುವ ಚಿಕ್ಕ ಜಾಗವನ್ನು ಮತ್ತು ಬಾಲ್ಕನಿಯಲ್ಲಿರುವ ಜಾಗವನ್ನೇ ಚೆನ್ನಾಗಿ ಬಳಸಿಕೊಂಡು ಸುಂದರವಾದ ಒಂದು ಗಾರ್ಡನ್ ರೀತಿಯಲ್ಲಿ ಮಾಡಿಕೊಂಡಿರುತ್ತಾರೆ. ಇಲ್ಲಿಯೂ ಸಹ ಪುಣೆಯ ಮಹಿಳೆಯೊಬ್ಬರು ಮನೆಯ ಬಾಲ್ಕನಿಗಳನ್ನು ಒಳ್ಳೆ ಮಿನಿ ಅರಣ್ಯದ ಥರ ಮಾಡಿಕೊಂಡಿದ್ದಾರೆ ನೋಡಿ.

ಮಾನಸಿ ದನುಖೆ

ಮಾನಸಿ ದನುಖೆ

  • Share this:
ಎಷ್ಟೋ ಜನರಿಗೆ ಮನೆಯ ಮೇಲೆ ಇರುವ ಜಾಗದಲ್ಲಿ (Place) ಮತ್ತು ಮನೆಯ (Home) ಮುಂದೆ ಪುಟ್ಟದಾದ ಒಂದು ಗಾರ್ಡನ್ (Garden) ಮಾಡಿಕೊಳ್ಳಬೇಕೆಂದು ಆಸೆ ಇರುತ್ತದೆ, ಆದರೆ ಅವರಿಗೆ ಅದನ್ನು ಹೇಗೆ ಮಾಡಿಕೊಳ್ಳಬೇಕು ಎಂದು ತಿಳಿದಿರುವುದಿಲ್ಲ. ಆದರೆ ಕೆಲವರು ಮಾತ್ರ ತಾವು ಅಂದುಕೊಂಡಂತೆ ತಮ್ಮ ಮನೆಯ ಮೇಲೆ ಇರುವ ಚಿಕ್ಕ ಜಾಗವನ್ನು ಮತ್ತು ಬಾಲ್ಕನಿಯಲ್ಲಿರುವ (Balcony) ಜಾಗವನ್ನೇ ಚೆನ್ನಾಗಿ ಬಳಸಿಕೊಂಡು ಸುಂದರವಾದ ಒಂದು ಗಾರ್ಡನ್ ರೀತಿಯಲ್ಲಿ ಮಾಡಿಕೊಂಡಿರುತ್ತಾರೆ. ಇಲ್ಲಿಯೂ ಸಹ ಪುಣೆಯ (Pune) ಮಹಿಳೆಯೊಬ್ಬರು (Women) ಮನೆಯ ಬಾಲ್ಕನಿಗಳನ್ನು ಒಳ್ಳೆ ಮಿನಿ ಅರಣ್ಯದ ಥರ ಮಾಡಿಕೊಂಡಿದ್ದಾರೆ ನೋಡಿ.

ಬಾಲ್ಕನಿಗಳನ್ನು ಮಿನಿ ಅರಣ್ಯದ ರೀತಿಯಲ್ಲಿ ಮಾರ್ಪಾಡು
ಹೌದು.. ಇದು ಪುಣೆಯ ಡೇಟಾ ಸೈಂಟಿಸ್ಟ್ ಆಗಿ ಕೆಲಸ ಮಾಡುತ್ತಿರುವ 37 ವರ್ಷದ ಮಾನಸಿ ದನುಖೆ ಅವರ ಕಥೆ. ಇವರು ಈ ಕೋವಿಡ್ ಸಾಂಕ್ರಾಮಿಕ ರೋಗದ ಹಾವಳಿಂದಾಗಿ ಮನೆಯಿಂದ ಕೆಲಸ ಮಾಡಲು ಪ್ರಾರಂಭಿಸಿದಾಗಿನಿಂದ, ಕೆಲಸವನ್ನು ಪೂರ್ಣಗೊಳಿಸಲು ಮನೆಯಲ್ಲಿಯೇ ಒಂದು ಪ್ರಶಾಂತವಾಗಿರುವ ಸ್ಥಳವನ್ನು ಅವರು ಹುಡುಕುತ್ತಿದ್ದರು. ಆದರೆ ಇವರ ಈ ಹುಡುಕಾಟ ಇವರ ಮನೆಯ ಎರಡು ಬಾಲ್ಕನಿಗಳನ್ನು ಮಿನಿ ಅರಣ್ಯದ ರೀತಿಯಲ್ಲಿ ಮಾರ್ಪಡಿಸಿಕೊಳ್ಳುವುದರೊಂದಿಗೆ ಪೂರ್ತಿಯಾಯಿತು ಎಂದು ಹೇಳಿದರೆ ತಪ್ಪಾಗುವುದಿಲ್ಲ.



"ನಾನು ಮನೆಯಲ್ಲಿ ಕುಳಿತುಕೊಂಡು ಕಚೇರಿಯ ಕೆಲಸ ಮಾಡುವಾಗ ನನಗೆ ಸ್ವಲ್ಪ ಪ್ರಶಾಂತವಾದ ಸ್ಥಳ ಬೇಕಾಗಿತ್ತು. ನನ್ನ ಈ ಬಾಲ್ಕನಿಗಳನ್ನು ಮಿನಿ ಅರಣ್ಯದಂತೆ ಮಾಡಿಕೊಂಡ ನಂತರ ನನಗೆ ಅಲ್ಲಿ ಕುಳಿತುಕೊಂಡು ಕೆಲಸ ಮಾಡಲು ನನಗೆ ತುಂಬಾನೇ ಪ್ರಶಾಂತತೆ ಮತ್ತು ಆರಾಮದಾಯಕ ಎನಿಸುತ್ತದೆ. ಈ ಹಸಿರು ಗಿಡಗಳ ನಡುವೆ ಕುಳಿತುಕೊಂಡು ನಾನು ನನ್ನ ಕಚೇರಿಯ ಪ್ರತಿ ವರ್ಚ್ಯುವಲ್ ಮೀಟಿಂಗ್ ನಲ್ಲಿ ಪಾಲ್ಗೊಳ್ಳುತ್ತೇನೆ" ಎಂದು ಮಾನಸಿ ಅವರು ತಿಳಿಸಿದರು.

ತೋಟಗಾರಿಕೆಯ ಬಗ್ಗೆ ಕುತೂಹಲ ಮೂಡಿಸಿದ್ದು ಹೀಗೆ
ಮಾನಸಿ ಹೇಳುವಂತೆ, 2016ರವರೆಗೆ, ಅವರು ಒಂದೇ ಒಂದು ಸಸಿಯನ್ನು ಸಹ ನೆಟ್ಟಿರಲಿಲ್ಲ. ಆದರೆ ಸುಂದರವಾದ ಸ್ಥಳಗಳಿಗೆ ಪ್ರಯಾಣಿಸುವ ಅವರ ಆಸಕ್ತಿಯು ನಿಧಾನವಾಗಿ ಅವರಲ್ಲಿ ಈ ತೋಟಗಾರಿಕೆಯ ಬಗ್ಗೆ ಇರುವ ಕುತೂಹಲವನ್ನು ಹೆಚ್ಚು ಮಾಡಿತು ಎಂದು ಹೇಳಲಾಗುತ್ತಿದೆ. "ನನ್ನ ಸಂಗಾತಿ ವನ್ಯಜೀವಿ ಛಾಯಾಗ್ರಾಹಕ, ಮತ್ತು ನಾವು ಒಟ್ಟಿಗೆ ವಾಸಿಸಲು ಪ್ರಾರಂಭಿಸಿದಾಗ, ನಾವಿಬ್ಬರೂ ಕೆಲವು ಸಸ್ಯಗಳನ್ನು ಬೆಳೆಸಲು ಸಮಯ ಮತ್ತು ಸ್ಥಳವನ್ನು ಕಂಡು ಕೊಂಡೆವು" ಎಂದು ಅವರು ಹೇಳುತ್ತಾರೆ.

ಇದನ್ನೂ ಓದಿ:   Viral Video: ವ್ಯಕ್ತಿಯನ್ನು ಹಿಂಬಾಲಿಸಿಕೊಂಡು ಬಂದ ಅಳಿಲುಗಳು, ನಮಗೆ ತುಂಬಾ ಹೊಟ್ಟೆ ಕಿಚ್ಚಾಗುತ್ತಿದೆ ಎಂದ ನೆಟ್ಟಿಗರು!

ಅಂತಿಮವಾಗಿ, ಅವರು ಕ್ರಮವಾಗಿ 150 ಮತ್ತು 180 ಚದರ ಅಡಿಯಿರುವ ಎರಡು ಬಾಲ್ಕನಿಗಳನ್ನು ಹೊಂದಿರುವ ಮನೆಯನ್ನು ಹುಡುಕಿದರು. ಮತ್ತು ತೋಟಗಾರಿಕೆ ಪ್ರಯಾಣವನ್ನು ಪ್ರಾರಂಭಿಸಿದರು. ಅವರು ಮೊದಲಿಗೆ ಕೇವಲ ಕೆಲವು ಸಸ್ಯಗಳಿಂದ ಪ್ರಾರಂಭಿಸಿದರು ಮತ್ತು ನಿಧಾನವಾಗಿ ಆ ಸಸ್ಯಗಳ ಸಂಖ್ಯೆ ಏರುತ್ತಾ ಹೋಯಿತು.

ಮಾನಸಿ ಅವರ ತೋಟಗಾರಿಕೆ ಆರಂಭ ಹೇಗಿತ್ತು?
ಮಾನಸಿ ಅವರು ಯಾದೃಚ್ಛಿಕ ಉದ್ಯಾನ ನರ್ಸರಿಗಳಿಗೆ ಭೇಟಿ ನೀಡುವ ಮೂಲಕ ಮತ್ತು ಅಲ್ಲಿಂದ ಉತ್ತಮವಾಗಿ ಕಾಣುವಂತಹ ಹಲವಾರು ಸಸ್ಯಗಳನ್ನು ತೆಗೆದುಕೊಂಡು ಬರುವ ಮೂಲಕ ಇವರ ಈ ಪ್ರಯಾಣವನ್ನು ಆರಂಭಿಸಿದರು. ಆದರೆ ಕೆಲವೇ ದಿನಗಳಲ್ಲಿ ಆ ಸಸ್ಯಗಳು ಬಾಡಲು ಶುರುವಾಗಿದ್ದನ್ನು ಅವರು ನೆನಪಿಸಿಕೊಳ್ಳುತ್ತಾರೆ. ಇದು ಅವರನ್ನು ಪ್ರತಿ ಸಸ್ಯ ಮತ್ತು ಅದರ ನಾಟಿ ವಿಧಾನಗಳ ಬಗ್ಗೆ ಹೆಚ್ಚು ಓದಿ ತಿಳಿದುಕೊಳ್ಳಲು ಮತ್ತು ಸಂಶೋಧನೆ ಮಾಡಲು ಅನುವು ಮಾಡಿಕೊಟ್ಟಿತು ಎಂದು ಹೇಳಿದ್ದಾರೆ.



"ನಾನು ಒಬ್ಬ ಡೇಟಾ ವಿಜ್ಞಾನಿಯಾಗಿರುವುದರಿಂದ, ನಾನು ಹಳೆಯ ಡೇಟಾವನ್ನು ಹೇಗೆ ಹೊಸದಾಗಿ ರಚಿಸಬೇಕು ಎಂಬುದನ್ನು ತುಂಬಾನೇ ಚೆನ್ನಾಗಿ ಅರಿತು ಕೊಂಡಿದ್ದೇನೆ. ನಾನು ಅದೇ ಸಿದ್ಧಾಂತವನ್ನು ನನ್ನ ಮನೆಯ ಎರಡು ಬಾಲ್ಕನಿಗಳಲ್ಲಿ ಮಾಡಿದ ತೋಟಕ್ಕೆ ಅನ್ವಯಿಸಿದೆ. ನಾನು ಆರಂಭದಲ್ಲಿ ಸಂಭವಿಸಿದ ಸಮಸ್ಯೆಗಳನ್ನು ಮನಸ್ಸಿನಲ್ಲಿ ಇಟ್ಟುಕೊಂಡಿದ್ದು, ಸೂರ್ಯನ ಬೆಳಕಿಗೆ ಅತಿಯಾಗಿ ಒಡ್ಡಿಕೊಳ್ಳುವುದರಿಂದ ಸಸ್ಯಗಳು ಒಣಗುವುದು, ಅತಿಯಾದ ನೀರು, ಕೀಟಗಳ ದಾಳಿ ಮತ್ತು ಇತರ ಅನೇಕ ಕಾರಣಗಳಿಂದಾಗಿ ಹೀಗೆ ಆಗುತ್ತಿರುವುದನ್ನು ನಾನು ಅರಿತುಕೊಂಡೇ” ಎಂದು ಹೇಳುತ್ತಾರೆ.

ವಿಭಿನ್ನವಾದ ಸಸ್ಯಗಳ ಆಯ್ಕೆ
“ನಂತರ, ನಾನು ತುಂಬಾನೇ ಗಮನ ಹರಿಸಿ ಈ ಬಾರಿ ವಿಭಿನ್ನವಾದ ಸಸ್ಯಗಳು ಮತ್ತು ರಸಗೊಬ್ಬರಗಳನ್ನು ಆಯ್ಕೆ ಮಾಡಿದೆ. ಕೀಟಗಳ ದಾಳಿಯನ್ನು ನಿಯಂತ್ರಿಸಲು ನಾನು ಭಾರಿ ಸೂರ್ಯನ ಬೆಳಕು ಮತ್ತು ಬೇವಿನ ನೀರನ್ನು ಮತ್ತು ಹಸಿರು ಛಾಯೆಗಳನ್ನು ಬಳಸಿದೆ" ಎಂದು ಅವರು ವಿವರಿಸುತ್ತಾರೆ.

ಮೊದಲ ಕೆಲವು ತಿಂಗಳುಗಳು ಹೀಗೆ ಪ್ರಯೋಗ ಮತ್ತು ದೋಷದ ವಿಧಾನದೊಂದಿಗೆ ಕಳೆದವು. ಈ ಅವಧಿಯು ಪ್ರತಿ ಸಸ್ಯದ ಸ್ವಭಾವದ ಬಗ್ಗೆ ಹೆಚ್ಚು ಅರ್ಥಮಾಡಿಕೊಳ್ಳಲು ಸಹಾಯ ಮಾಡಿತು ಎಂದು ಅವರು ಹೇಳುತ್ತಾರೆ. "ಉದಾಹರಣೆಗೆ, ಸಕ್ಯುಲೆಂಟ್ ಗಳಿಗೆ ಪ್ರತಿದಿನ ನೀರುಣಿಸುವ ಅಗತ್ಯವಿಲ್ಲ. ಇದಕ್ಕೆ ವಾರಕ್ಕೊಮ್ಮೆ ನೀರುಣಿಸಿದರೆ ಸಾಕು" ಎಂದು ಮಾನಸಿ ಅವರು ಹೇಳುತ್ತಾರೆ.

ಇದನ್ನೂ ಓದಿ:  Viral Photos: ಅದೇನು ಧೈರ್ಯ ಗುರು! ಈ ಗ್ರಾಮದಲ್ಲಿ ಒಬ್ಬಂಟಿ ಮಹಿಳೆ ಮಾತ್ರ ವಾಸಿಸುತ್ತಿದ್ದಾಳೆ

ಹೆಚ್ಚಿನ ಹಸಿರಿಗೆ ಅವಕಾಶ ಕಲ್ಪಿಸಲು ಅವರು ಮನೆಯಲ್ಲಿ ಅನೇಕ ಬದಲಾವಣೆಗಳನ್ನು ಮಾಡಿದರು, "ಉದಾಹರಣೆಗೆ, ಬಾಲ್ಕನಿ ತೋಟದಲ್ಲಿ ನಾವು ಈ ಹಿಂದೆ ಸ್ಥಾಪಿಸಿದ ಪೀಠೋಪಕರಣಗಳು ಮಳೆ ನೀರಿನಿಂದ ಹಾಳಾಗುತ್ತಿದ್ದವು. ಆದ್ದರಿಂದ ನಾವು ಬಿಸಿಲು ಮತ್ತು ಮಳೆಯನ್ನು ತಡೆದುಕೊಳ್ಳಬಲ್ಲ ಹೊಸ ವಸ್ತುಗಳನ್ನು ಖರೀದಿಸಿದ್ದೇವೆ" ಎಂದು ಅವರು ಹೇಳುತ್ತಾರೆ. ಲಾಕ್ಡೌನ್ ಅವಧಿಯು ತನ್ನ ಸಸ್ಯಗಳಿಗೆ ವರದಾನವಾಗಿತ್ತು ಎಂದು ಮಾನಸಿ ಹೇಳುತ್ತಾರೆ, ಏಕೆಂದರೆ ದಂಪತಿಗಳು ಆಗ ಅವುಗಳನ್ನು ನೋಡಿಕೊಳ್ಳಲು ಹೆಚ್ಚಿನ ಸಮಯವನ್ನು ನೀಡಿದ್ದರು. ಈ ಅವಧಿಯಲ್ಲಿ ಇನ್ನೂ ಅನೇಕ ಪ್ರಭೇದಗಳನ್ನು ನಮ್ಮ ಈ ತೋಟಕ್ಕೆ ಸೇರಿಸಲಾಯಿತು ಎಂದು ಹೇಳುತ್ತಾರೆ.

ಮಿನಿ ಕಾಡಿನಲ್ಲಿ ಯಾವೆಲ್ಲಾ ಸಸ್ಯಗಳಿವೆ?
ಪ್ರಸ್ತುತ, ಇವರ ಮಿನಿ ಕಾಡಿನಲ್ಲಿ ಬೌಗೈನ್ವಿಲ್ಲಿಯಾ, ಜೆರೇನಿಯಂ, ಥನ್ಬರ್ಗಿಯಾ, ಕರ್ವಿ ಮತ್ತು ಮಾರ್ನಿಂಗ್ ಗ್ಲೋರಿಯಂತಹ 10ಕ್ಕೂ ಹೆಚ್ಚು ವಿಧದ ಹೂಬಿಡುವ ಸಸ್ಯಗಳಿವೆ. ಟಿಲಾಂಡ್ಸಿಯಾ, 50 ತೂಗಾಡುವ ಸಸ್ಯಗಳು ಮತ್ತು ಕೆಲವು ಸ್ಪ್ಯಾನಿಷ್ ಪಾಚಿಯ ಗಾಳಿ ಸಸ್ಯಗಳ ಜೊತೆಗೆ ಫಿಲೋಡೆಂಡ್ರಾನ್ ಗಳು ಮತ್ತು ಪೊಥೋಸ್ ನಂತಹ ಅನೇಕ ರೀತಿಯ ಜರೀಗಿಡಗಳಿವೆ. ಇವೆಲ್ಲವೂ ನೀರು ಮತ್ತು ಕೀಟನಾಶಕಗಳ ವಿಷಯದಲ್ಲಿ ಕಡಿಮೆ ನಿರ್ವಹಣೆಯ ಅಗತ್ಯವಿದೆ ಎಂದು ಮಾನಸಿ ಹೇಳುತ್ತಾರೆ.



ಮಾನಸಿ ಅವರು ಸ್ಥಳವನ್ನು ಹಸಿರಾಗಿಸಲು ವಿವಿಧ ಪ್ರಭೇದಗಳ ಹೆಚ್ಚಿನ ಸಸ್ಯಗಳಿಗಿಂತ ಹೆಚ್ಚು ರೀತಿಯ ಒಂದು ಸಸ್ಯವನ್ನು ಬೆಳೆಸಲು ಬಯಸುತ್ತಾರೆ ಎಂದು ಹೇಳುತ್ತಾರೆ. "ನನ್ನ ಮನೆಯಲ್ಲಿ ಒಂದು ಸಸ್ಯವು ಆರಾಮವಾಗಿ ಬೆಳೆಯುವುದನ್ನು ನೋಡಿದಾಗ, ನಾನು ಅದರ ಹೆಚ್ಚಿನ ಪ್ರಭೇದಗಳನ್ನು ಬೆಳೆಸುತ್ತೇನೆ" ಎಂದು ತಿಳಿಸಿದ್ದಾರೆ .

ಮನೆಯಲ್ಲಿಯೇ ಗೊಬ್ಬರ ತಯಾರಿಕೆ
ಈ ಮೊದಲು ನಗರ ಪ್ರದೇಶದಲ್ಲಿ ಸಿಗುವ ಸಾವಯವ ಗೊಬ್ಬರವನ್ನು ಸಂಗ್ರಹಿಸಲು ತನ್ನ ವಸತಿ ಸೊಸೈಟಿಯಿಂದ ಕಾಂಪೋಸ್ಟರ್ ಅನ್ನು ಅವಲಂಬಿಸಿದ್ದರು. ಆದರೆ ಅಂತಿಮವಾಗಿ, ಅವರು ತನ್ನನ್ನು ತಾನು ಯಶಸ್ವಿಯಾಗಿ ಕಾಂಪೋಸ್ಟ್ ಮಾಡಲು ಪ್ರಾರಂಭಿಸಿದರು. "ಇತ್ತೀಚಿನ ದಿನಗಳಲ್ಲಿ, ನಾನು ಹೊರಗಿನಿಂದ ಎಂದಿಗೂ ರಸಗೊಬ್ಬರಗಳನ್ನು ಖರೀದಿಸುವುದಿಲ್ಲ. ಬಿಡುವಿಲ್ಲದ ದಿನದ ನಂತರವೂ, ಗೊಬ್ಬರವನ್ನು ಸುಲಭವಾಗಿ ತಯಾರಿಸಲು ನನಗೆ ಸಮಯ ಸಿಗುತ್ತದೆ.



ಅಡುಗೆ ಮನೆಯ ತ್ಯಾಜ್ಯ, ಒಣ ಎಲೆಗಳು ಮತ್ತು ಕೋಕೋ ಪೀಟ್ ಗೊಬ್ಬರದ ಪ್ರಮುಖ ಘಟಕಾಂಶಗಳಾಗಿವೆ. ಗೊಬ್ಬರ ಸಿದ್ಧರಾಗಲು ಒಂದು ತಿಂಗಳಿಗಿಂತ ಕಡಿಮೆ ಸಮಯ ತೆಗೆದುಕೊಳ್ಳುತ್ತದೆ. ಕಾಂಪೋಸ್ಟ್ ನಿಮ್ಮ ಆದ್ಯತೆಗೆ ಅನುಗುಣವಾಗಿ ಒಣ ಅಥವಾ ದ್ರವ ಗೊಬ್ಬರವನ್ನು ನೀಡಬಹುದು" ಎಂದು ಮಾನಸಿ ಹೇಳುತ್ತಾರೆ.

ಇದನ್ನೂ ಓದಿ:  Butterfly: ಈ ಚಂದದ ಚಿಟ್ಟೆಗಳು ಇನ್ನೆಂದೂ ಕಾಣ ಸಿಗದು! ಅಳಿವಿನಂಚಿನಲ್ಲಿರೋ ಅಪರೂಪದ ಪಾತರಗಿತ್ತಿಗಳಿವು

ಕೆಲಸ ಮಾಡುವ ವೃತ್ತಿಪರಳಾಗಿ ಅವರು ತುಂಬಾನೇ ಬ್ಯುಸಿಯಾದ ವೇಳಾಪಟ್ಟಿಯನ್ನು ಹೊಂದಿದ್ದರೂ, ಮಾನಸಿ ತಾನು ಯಾವಾಗಲೂ ಈ ತೋಟದಲ್ಲಿ ಸಸ್ಯಗಳ ನಡುವೆ ಅವುಗಳನ್ನು ನೋಡಿಕೊಳ್ಳಲು ಸಮಯ ಮಾಡಿಕೊಳ್ಳಲು ಇಷ್ಟಪಡುತ್ತಾರೆ ಎಂದು ಅವರು ಹೇಳುತ್ತಾರೆ. "ನಾನು ಪ್ರತಿದಿನ ಸಾಕಷ್ಟು ಚಟುವಟಿಕೆಗಳನ್ನು ಮಾಡುತ್ತೇನೆ, ಮತ್ತು ತೋಟಗಾರಿಕೆ ಅವುಗಳಲ್ಲಿ ಒಂದಾಗಿದೆ. ನಾನು ಸಸ್ಯಗಳ ಸುತ್ತಲೂ ಇದ್ದಾಗ ನಾನು ಹೆಚ್ಚು ಸಂತೋಷವನ್ನು ಅನುಭವಿಸುತ್ತೇನೆ" ಎಂದು ಅವರು ಹೇಳುತ್ತಾರೆ.

ಎರಡು ಬಾಲ್ಕನಿಗಳಲ್ಲಿ 500ಕ್ಕೂ ಹೆಚ್ಚು ಸಸ್ಯಗಳು
ತಮ್ಮ ಮನೆಯಲ್ಲಿರುವ ಎರಡೂ ಬಾಲ್ಕನಿಗಳಲ್ಲಿ ಈಗ 500ಕ್ಕೂ ಹೆಚ್ಚು ಸಸ್ಯಗಳನ್ನು ಹೊಂದಿರುವ ಮಾನಸಿಯ ಮನೆ, ತಾಜಾ ಗಾಳಿ ಮತ್ತು ಹಿತವಾದ ವಾತಾವರಣದಿಂದ ತುಂಬಿರುವ ಸಣ್ಣ ಕಾಡಿಗಿಂತಲೂ ಏನೂ ಕಡಿಮೆ ಇಲ್ಲ ಎಂದು ನೋಡಿದವರಿಗೆ ಅನ್ನಿಸುವುದು ಗ್ಯಾರಂಟಿ. ಈಗ ಈ ಮಿನಿ ಕಾಡಿನಂತೆ ಇರುವ ಎರಡೂ ಬಾಲ್ಕನಿಗಳು ಮನೆಯಿಂದ ಕೆಲಸ ಮಾಡಲು ಸಹ ಸೂಕ್ತವಾದ ಸ್ಥಳವಾಗಿದೆ ಎಂದು ಹೇಳಬಹುದು.
Published by:Ashwini Prabhu
First published: