Video: ಕಾರು ಟರ್ನ್​ ಮಾಡಲು ಸಾಧ್ಯವಾಗದೆ ಈತ ಮಾಡಿದ ಕೆಲಸವೇನು ಗೊತ್ತಾ?

ಚಾಲಕನಾದನಿಗೆ ವಾಹನವನ್ನು ಡಿಕ್ಲಚ್​ ಮಾಡಲು, ಟ್ರಾಫಿಕ್​ ಮಧ್ಯೆ ಜೋಪಾನವಾಗಿ ತೆಗೆದುಕೊಂಡು ಹೋಗಲು, ರಿವರ್ಸ್​ ಪಾರ್ಕಿಂಗ್​ ಮಾಡಲು ಮತ್ತು ಪಾರ್ಕಿಂಗ್​ನಿಂದ ಹೊರ ತೆಗೆಯಲು ಸರಿಯಾಗಿ ಗೊತ್ತಿರಬೇಕು. ಎಷ್ಟೇ ಕಷ್ಟದ ಪರಿಸ್ಥಿತಿಯಿದ್ದರು, ಬೇರೆ ವಾಹನಕ್ಕೆ ಹಾನಿಯಾಗದಂತೆ ಚಲಾಯಿಸುವುದು  ಚಾಲಕನ ಚಾಣಕ್ಯತನ. ಅದರಂತೆ ಇಲ್ಲೊಬ್ಬ ವ್ಯಕ್ತಿ  ತನ್ನ ಕಾರನ್ನು ಪಾರ್ಕಿಂಗ್​ ಜಾಗದಿಂದ ಹೊರ ತೆಗೆಯಲಾಗದೆ ಏನು ಮಾಡಿದ್ದಾನೆ ಗೊತ್ತಾ?

ತನ್ನ ಕಾರಿನ ಎದುರು ಭಾಗದಲ್ಲಿ ಲಾರಿಯೊಂದು ನಿಂತಿದೆ. ಆದರೂ ಕಾರನ್ನು ಪಾರ್ಕಿಂಗ್​ನಿಂದ ತೆಗೆಯುವಷ್ಟು ಜಾಗವು ದೃಶ್ಯದಲ್ಲಿ ಕಾಣಿಸುತ್ತಿದೆ. ಆದರೆ ಚಾಲಕ  ತನ್ನ ಕಾರನ್ನು ಪಾರ್ಕಿಂಗ್​ನಿಂದ ತೆಗೆಯಲು ಬಾರದೆ ಕೊನೆಗೆ ಕಾರನ್ನು ಎತ್ತಿ ಬದಿಗಿಟ್ಟಿದ್ದಾನೆ.

ಚೀನಾದಲ್ಲಿ ಈ ದೃಶ್ಯ ಕಂಡುಬಂದಿದ್ದು, ಪೀಪಲ್ಸ್​ ಡೈಲಿ ಎಂಬ ಟ್ವಿಟ್ಟರ್​ ಖಾತೆ ವಿಡಿಯೋವನ್ನು ಶೇರ್​ ಮಾಡಿದೆ. ದೃಶ್ಯದಲ್ಲಿ ವ್ಯಕ್ತಿ ಕಾರನ್ನು ಪಾರ್ಕಿಂಗ್​ನಿಂದ ಹೊರ ತೆಗೆಯಲು ಹರಸಾಹಸ ಪಡುತ್ತಾನೆ. ಕೊನೆಗೆ ಕಾರನ್ನು ಎತ್ತಿಕೊಂಡು ಬದಿಗೆ ಸರಿಸಿ ನಂತರ ಚಾಲನೆ ಮಾಡುತ್ತಾ ಹೋಗುತ್ತಾನೆ.

Strong Chinese man goes viral for lifting and moving a car! Video shows the driver failed to drive away his car as it was blocked by a truck, got out, and took the matter into his own hands! pic.twitter.com/R4zrKU040D

— People's Daily, China (@PDChina) August 27, 2020

ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋ ವೈರಲ್​ ಆಗಿದೆ. ಅನೇಕರು ಕಾರು ಚಾಲಕನ ಶಕ್ತಿಗೆ ಮೆಚ್ಚಿದ್ದಾರೆ. ಇನ್ನು ಕೆಲವರು ಆತನಿಗೆ ಸರಿಯಾಗಿ ಕಾರು ಬಿಡಲು ಬರುವುದಿಲ್ಲ ಎಂದು ಕಾಮೆಂಟ್​ ಬರೆದಿದ್ದಾರೆ.