Sanitary Pads: ಇದು ಬಾಳೆ ಗಿಡದ ನಾರಿನಿಂದ ತಯಾರಿಸುವ ಸ್ಯಾನಿಟರಿ ಪ್ಯಾಡ್​! 5 ವರ್ಷ ಬಳಸಬಹುದು!

Banana fibre: ಇನ್​ಸ್ಟಾಗ್ರಾಂನಲ್ಲಿ ವಿಡಿಯೋವೊಂದು ವೈರಲ್​ ಆಗಿದ್ದು, ಬಾಳೆಯ ನಾರನ್ನು ಬಳಸಿಕೊಂಡು ಈ ಸ್ಯಾನಿಟರಿ ಪ್ಯಾಡ್​ ಅನ್ನು ತಯಾರಿಸಲಾಗುತ್ತದೆ. ಅಂಗಡಿ, ಮಳಿಗೆಯಲ್ಲಿ ಸಿಗುವ ಸ್ಯಾನಿಟರಿ ಪ್ಯಾಡ್​ಗಿಂತ ಇದು ನೈಸರ್ಗಿಕವಾಗಿ ತಯಾರಿಸದ್ದಾಗಿದೆ.

ಸ್ಯಾನಿಟರಿ ಪ್ಯಾಡ್

ಸ್ಯಾನಿಟರಿ ಪ್ಯಾಡ್

  • Share this:
    ಮಹಿಳೆಯರು ಬಾಹ್ಯ ರಕ್ಷಣೆಗಾಗಿ ಸ್ಯಾನಿಟರಿ ಪ್ಯಾಡ್​​ಗಳನ್ನು (Sanitary pads) ಧರಿಸುತ್ತಾರೆ. ಮಾರುಕಟ್ಟೆಯಲ್ಲಿ (Market) ನಾನಾ ಕಂಪನಿಗಳು (Company) ಸ್ಯಾನಿಟರಿ ನ್ಯಾಪ್ಕಿನ್​ಗಳನ್ನು ತಯಾರಿಸಿ ಮಾರುತ್ತಿವೆ. ಕೆಲವೊಂದು ಸ್ಯಾನಿಟರಿ ಪ್ಯಾಡ್​ ಬ್ರಾಂಡ್​ಗಳು (Brand) ಜನಪ್ರಿಯವಾಗಿದ್ದು, ಹೆಚ್ಚಾಗಿ ಮಹಿಳೆಯರು ಸೂಕ್ತವೆನಿಸುವುದನ್ನು ಆಯ್ಕೆ ಮಾಡಿಕೊಂಡು ಖರೀದಿಸುತ್ತಾರೆ. ಅಂದಹಾಗೆಯೇ ಸ್ಯಾನಿಟರಿ ಪ್ಯಾಡ್​ ಅಥವಾ ನ್ಯಾಪ್ಕಿನ್​ಗಳನ್ನು ಮಹಿಳೆಯರು ಬಾಹ್ಯವಾಗಿ ಧರಿಸುತ್ತಾರೆ. ಇದು ಮಹಿಳೆಯರಿಗೆ ನೈರ್ಮಲ್ಯ ಮತ್ತು ರಕ್ಷಣೆಯನ್ನು ಒದಗಿಸುತ್ತದೆ. ಅಂದಹಾಗೆಯೇ, ಕಸದಿಂದ ರಸ ಎಂಬ ಮಾತಿನಂತೆಯೇ ಇದೀಗ ಬಾಳೆಯ ನಾರಿನಿಂದಲೂ (Banana Fiber) ಸ್ಯಾನಿಟರಿ ಪ್ಯಾಡ್​ ಸಿದ್ಧಗೊಳ್ಳುತ್ತಿದೆ. ಕೇರಳದಲ್ಲಿ (Kerala) ಇಂತಹದೊಂದು ಪ್ರಯೋಗ ನಡೆಸಿ, ತಯಾರಿಸಲಾಗುತ್ತಿದೆ. ಇದರ ಬಳಕೆ ಮತ್ತು ಇದರಿಂದ ಸಿಗುವ ಪ್ರಯೋಜನದ ಬಗೆಗಿನ ವಿಡಿಯೋ (Video) ವೈರಲ್​ ಆಗಿದೆ.

    ಹೌದು. ಇನ್​ಸ್ಟಾಗ್ರಾಂನಲ್ಲಿ ವಿಡಿಯೋವೊಂದು ವೈರಲ್​ ಆಗಿದ್ದು, ಬಾಳೆಯ ನಾರನ್ನು ಬಳಸಿಕೊಂಡು ಈ ಸ್ಯಾನಿಟರಿ ಪ್ಯಾಡ್​ ಅನ್ನು ತಯಾರಿಸಲಾಗುತ್ತದೆ. ಅಂಗಡಿ, ಮಳಿಗೆಯಲ್ಲಿ ಸಿಗುವ ಸ್ಯಾನಿಟರಿ ಪ್ಯಾಡ್​ಗಿಂತ ಇದು ನೈಸರ್ಗಿಕವಾಗಿ ತಯಾರಿಸದ್ದಾಗಿದೆ.

    ಅಂದಹಾಗೆಯೇ ಬಾಳೆ ಗಿಡದಿಂದ ಹಲವಾರು ಪ್ರಯೋಜನಗಳಿವೆ. ಅದರಲ್ಲೂ ಬಾಳಿ ಗಿಡ, ಬಾಳೆ ಕಾಯಿ, ಬಾಳೆ ಹಣ್ಣು ನೀಡುವುದು ಮಾತ್ರವಲ್ಲದೆ, ಬಾಳೆ ದಂಟಿನಿಂದ ಪಲ್ಯ, ಬಾಳಿ ಕಾಯಿ ಪೋಡಿ, ಚಿಪ್ಸ್​ ಹೀಗೆ ಕರಿದ ತಿಂಡಿಯನ್ನು ತಯಾರಿಸಲು ಸಾಧ್ಯವಾಗುತ್ತದೆ. ಬಾಳೆ ಗಿಡ ಒಂದು ಬಾರಿ ಫಸಲು ನೀಡಿದ ನಂತರ ಅದನ್ನು ಕಡಿದು ಆ ಜಾಗದಲ್ಲಿ ಬೇರೆ ಗಿಡವನ್ನು ನೆಡುತ್ತಾರೆ. ಆದರೀಗ ಬಾಳೆ ಗಿಡದ ನಾರನ್ನು ಬಳಸಿಕೊಂಡು ಅದರಿಂದ ಈ ಸ್ಯಾನಿಟರಿ ಪ್ಯಾಡ್​ ತಯಾರಿಸಲಾಗುತ್ತದೆ.

    ವೆರೈಟಿ ಮೀಡಿಯಾ ಎಂಬ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಬಾಳೆ ಗಿಡದ ನಾರಿನಿಂದ ತಯಾರಿಸುವ ಸ್ಯಾನಿಟರಿ ಪ್ಯಾಡ್​​ ವಿಡಿಯೋ ವೈರಲ್​ ಆಗಿದೆ. ಅಂದಹಾಗೆಯೇ ಅಂಗಡಿಯಲ್ಲಿ ಸಿಗುವ ಸ್ಯಾನಿಟರಿ ಪ್ಯಾಡ್ ಅಲ್ಪ ಸಮಯದವರೆಗೆ ಬಳಸಬಹುದಾಗಿದ್ದರೆ, ಈ ಬಾಳೆ ನಾರಿನಿಂದ ತಯಾರಾದ ಸ್ಯಾನಿಟರಿ ಪ್ಯಾಡ್ ಅನ್ನು 5 ವರ್ಷಗಳ ಕಾಲ ಬಳಸಬಹುದಾಗಿದೆ.

    ಇದನ್ನೂ ಓದಿ: IPhone: ಅಕ್ಟೋಬರ್​ 24 ರಿಂದ ಈ ಐಫೋನ್​ಗಳಲ್ಲಿ ವಾಟ್ಸ್​ಆ್ಯಪ್​ ಕಾರ್ಯನಿರ್ವಹಿಸೋದಿಲ್ಲ!

    ಮಾತಾ ಅಮೃತಂದಮಹಿ ಮಠ ಸಹಯೋಗದಿಂದ ಕೇರಳದ ಸೌಕ್ಯಂ ಎಂಬ ರಿಸರ್ಚ್​ ಪ್ರಾಜೆಕ್ಟ್​ ಈ ಸ್ಯಾನಿಟರಿ ಪ್ಯಾಡ್ ಅನ್ನು ತಯಾರಿಸುತ್ತಿದ್ದಾರೆ. ಮಹಿಳೆಯರಿಗೆ ಇರುವ ಕೆಲವು ಹೇಳಲಾರದ ತೊಂದರೆಗಳ ಬಗ್ಗೆ ಚಿಂತಿಸಿ ಕೊನೆಗೆ ಬಾಳೆಯ ನಾರಿನಿಂದ ಸ್ಯಾನಿಟರಿ ಪ್ಯಾಡ್ ತಯಾರಿಸಲು ಪ್ರಾರಂಭಿಸಲಾಯಿತು. ಅಂದಹಾಗೆಯೇ ಇದನ್ನು ಮರಳಿ ಬಳಸಬಹುದಾಗಿದೆ. 5 ವರ್ಷಗಳ ಕಾಲ ಬಳಸಲು ಯೋಗ್ಯವಾಗಿದೆ.






    ಮೊದಲಿಗೆ ಯಂತ್ರಕ್ಕೆ ಹಾಕಿ ಬಾಳೆ ನಾರನ್ನು ಪರಿವರ್ತಿಸುತ್ತಾರೆ. ನಂತರ ನೀರಗೆ ಹಾಕಿ ಅದನ್ನು ಬಿಸಿಲಿಗೆ ಒಣಗಿಸುತ್ತಾರೆ. ಒಣಗಿದ ಬಳಿಕ ಆ ನಾರನ್ನು ಸಮನಾಗಿ ಕತ್ತರಿಸುತ್ತಾರೆ. ಕತ್ತರಿಸಿದ ಬಳಿಕ ಮತ್ತೆ ಯಂತ್ರಕ್ಕೆ ಸಿಕ್ಕಿಸಿಕೊಂಡು ನಾರನ್ನು ಸ್ವಚ್ಛಗೊಳಿಸುತ್ತಾರೆ. ಯಂತ್ರಕ್ಕೆ ನಾರು ಸಿಲುಕಿದಂತೆಯೇ ನಾರಿನ ಗಡಸುತನ ಹೋಗುತ್ತವೆ ಮತ್ತು ಸ್ವಚ್ಛವಾಗಿ ಕಾಣಿಸುತ್ತದೆ.

    ಇದನ್ನೂ ಓದಿ: Internet: ವಿಮಾನ ಪ್ರಯಾಣಿಕರಿಗೆ ಸಿಹಿ ಸುದ್ದಿ! ಇನ್ಮುಂದೆ ಆಕಾಶದಲ್ಲೂ ಸಿಗಲಿದೆ ಇಂಟರ್​ನೆಟ್

    ನಂತರ ಸ್ವಚ್ಛಗೊಂಡ ನಾರನ್ನು ಸ್ಯಾನಿಟರಿ ಪ್ಯಾಡ್​​ನಂತೆಯೇ ಸರಿಯಾದ ಆಕೃತಿಗೆ ಬರುವ ಯಂತ್ರಕ್ಕೆ ಹಾಕುತ್ತಾರೆ. ಬಳಿಕ ಅದನ್ನು ಸಮವಾಗಿ ಬಟ್ಟೆಯ ಮೇಲೆ ಇಟ್ಟು ಹೊಲಿಯುತ್ತಾರೆ. 2 ಪದರ ಬಟ್ಟೆಯಿಟ್ಟು ಹೊಲಿಯಲಾಗುತ್ತದೆ. ನಂತರ ಇದನ್ನು ಪ್ಯಾಕ್ ಮಾಡಲಾಗುತ್ತದೆ. ಅಂದಹಾಗೆಯೇ ಇದರಲ್ಲಿ ಎರಡು ಬೇಸಿಕ್​, 3 ಇನ್​ಸರ್ಟ್​ ಮತ್ತು 1 ರಾತ್ರಿ ವೇಳೆ ಧರಿಸುವ ಸ್ಯಾನಿಟರಿ ಪ್ಯಾಡ್​ ಅನ್ನು ನೀಡಲಾಗಿದೆ. ಇದರ ಬೆಲೆ 530 ರೂಪಾಯಿ ಆಗಿದೆ.



    ಮಹಿಳೆಯರಿಗೆ ಮಾತ್ರವಲ್ಲ, ಹುಡುಗಿಯರಿಗೂ ಸ್ಯಾನಿಟರಿ ಪ್ಯಾಡ್​​​ ಅನ್ನು ತಯಾರಿಸಲಾಗುತ್ತಿದೆ. ಈ 6 ಪ್ಯಾಡ್​ ಹೊಂದಿರುವ ಸ್ಯಾನಿಟರಿ ಪ್ಯಾಡ್​ ಅನ್ನು ನೀಡುತ್ತದೆ. ಅಂದಹಾಗೆಯೆ ಮಹಿಳೆಯರು ಅಥವಾ ಹುಡುಗಿಯರು ಇದನ್ನು  https://www.saukhyampads.org/ ಮೂಲಕ ಖರೀದಿಸಬಹುದಾಗಿದೆ.
    Published by:Harshith AS
    First published: