1 ಎಸೆತದಲ್ಲಿ ಗೆಲ್ಲಲು ಬೇಕು 6 ರನ್: ಬ್ಯಾಟ್ಸ್​ಮನ್​ ಬಾಲ್ ಮುಟ್ಟದೆ ಪಂದ್ಯ ಗೆಲ್ಲಿಸಿಕೊಟ್ಟ: ಹೀಗೊಂದು ರೋಚಕ ಪಂದ್ಯ

ಕೊನೆಯ ಎಸೆತದಲ್ಲಿ ಗೆಲ್ಲಲು 6 ರನ್​ಗಳ ಅವಶ್ಯಕತೆಯಿತ್ತು. ಬ್ಯಾಟ್ಸ್​ಮನ್​ ಸಿಕ್ಸ್​ ಸಿಡಿಸಿದರೆ ಮಾತ್ರ ಗೆಲುವು ಮಹಾರಷ್ಟ್ರದ ಪಾಲಾಗುತ್ತದೆ. ಆದರೆ, ಬ್ಯಾಟ್ಸ್​ಮನ್​ ಬಾಲ್ ಟಚ್ ಮಾಡಲೇ ಇಲ್ಲ. ಆದರೂ, ತಮ್ಮ ತಂಡಕ್ಕೆ ಗೆಲುವು ತಂದುಕೊಟ್ಟ. ಅದು ಕೂಡ ಇದ್ದ ಒಂದು ಬಾಲ್ ಉಳಿಸಿ.

Vinay Bhat | news18
Updated:January 10, 2019, 12:23 PM IST
1 ಎಸೆತದಲ್ಲಿ ಗೆಲ್ಲಲು ಬೇಕು 6 ರನ್: ಬ್ಯಾಟ್ಸ್​ಮನ್​ ಬಾಲ್ ಮುಟ್ಟದೆ ಪಂದ್ಯ ಗೆಲ್ಲಿಸಿಕೊಟ್ಟ: ಹೀಗೊಂದು ರೋಚಕ ಪಂದ್ಯ
Pic: Twitter
  • News18
  • Last Updated: January 10, 2019, 12:23 PM IST
  • Share this:
ಕ್ರಿಕೆಟ್ ಇತಿಹಾಸದಲ್ಲಿ ಅದೆಷ್ಟೊ ಅಚ್ಚರಿಯ ವಿಷಯಗಳು ನಡೆಯುತ್ತಿರುತ್ತವೆ. ಕೊನೆಯ ಒಂದು ಎಸೆತದಲ್ಲಿ ಗೆಲ್ಲಲು 6 ರನ್ ಬೇಕಿದ್ದಾದ ಬ್ಯಾಟ್ಸ್​ಮನ್​​ ಅದ್ಭುತ ಸಿಕ್ಸ್​ ಸಿಡಿಸಿ ಗೆಲುವು ಸಾಧಿಸಿರುವ ಘಟನೆಗಳು ನಡೆದಿವೆ. ಆದರೆ, ಇಲ್ಲಿ ಅಚ್ಚರಿ ಎಂಬಂತೆ ಕೊನೆಯ ಎಸೆತದಲ್ಲಿ ಗೆಲ್ಲಲು 6 ರನ್ ಬೇಕಿದ್ದಾಗ ಎಸೆತ ಪೂರ್ಣಗೊಳ್ಳದೆ ಪಂದ್ಯ ಗೆದ್ದ ಅಪರೂಪದ ಘಟನೆ ನಡೆದಿದೆ.

ಮಹಾರಾಷ್ಟ್ರದಲ್ಲಿ ನಡೆದ ಆದರ್ಶ್​ ಕ್ರಿಕೆಟ್ ಕ್ಷಬ್ ಪಂದ್ಯಾವಳಿಯಲ್ಲಿ ಈ ರೋಚಕ ಘಟನೆ ನಡೆದಿದೆ. 5 ಓವರ್​ಗಳ ಪಂದ್ಯದಲ್ಲಿ ಮೊದಲ ಬ್ಯಾಟ್ ಮಾಡಿದ ಆಂಧ್ರ ಪ್ರದೇಶದ ಜುನಿ ದೊಂಬಿ ತಂಡ 75 ರನ್ ಕಲೆಹಾಕಿತ್ತು. 76 ರನ್​ಗಳ ಗುರಿ ಬೆನ್ನತ್ತಿದ ಮಹಾರಾಷ್ಟ್ರ ತಂಡ 4.5 ಓವರ್​​​ನಲ್ಲಿ 70 ರನ್ ಬಾರಿಸಿತು. ಈ ಮೂಲಕ ಕೊನೆಯ ಎಸೆತದಲ್ಲಿ ಗೆಲ್ಲಲು 6 ರನ್​ಗಳ ಅವಶ್ಯಕತೆಯಿತ್ತು. ಬ್ಯಾಟ್ಸ್​ಮನ್​ ಸಿಕ್ಸ್​ ಸಿಡಿಸಿದರೆ ಮಾತ್ರ ಗೆಲುವು ಮಹಾರಷ್ಟ್ರದ ಪಾಲಾಗುತ್ತದೆ.

ಇದನ್ನೂ ಓದಿ: ಭಾರತ ಹಾಕಿ ತಂಡದ ಕೋಚ್ ಹರೇಂದ್ರ ಸಿಂಗ್ ವಜಾ

ಆದರೆ, ಬ್ಯಾಟ್ಸ್​ಮನ್​ ಬಾಲ್ ಟಚ್ ಮಾಡಲೇ ಇಲ್ಲ. ಆದರೂ, ತಮ್ಮ ತಂಡಕ್ಕೆ ಗೆಲುವು ತಂದುಕೊಟ್ಟ. ಅದು ಕೂಡ ಇದ್ದ ಒಂದು ಬಾಲ್ ಉಳಿಸಿ. ಕೊನೆಯ ಒಂದು ಬಾಲ್ ಎಸೆಯಬೇಕಿದ್ದ ಬೌಲರ್​ ಸತತ ಆರು ವೈಡ್ ಬಾಲ್ ಎಸೆದು ಎದುರಾಳಿ ತಂಡಕ್ಕೆ ಜಯಗಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ. ಕೊನೆಯ ಓವರ್​ನ ಐದು ಎಸೆತಗಳನ್ನು ಸರಿಯಾಗೆ ಎಸೆದ ಬೌಲರ್​​ ಕೊನೆಯ ಎಸೆತವನ್ನು ಎಸೆಯಲು ಪರದಾಡಿ ತಮ್ಮ ತಂಡದ ಸೋಲಿಗೆ ಕಾರಣನಾದ.

 



ಸದ್ಯ ಈ ವಿಡಿಯೋ ಸಾಮಾಜಿಕ ತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ಸಾಕಷ್ಟು ಕಮೆಂಟ್​ಗಳು ಬರಲಾರಂಭಿಸಿವೆ. ಕೆಲವರು ಇದೊಂದು ಮ್ಯಾಚ್ ಫಿಕ್ಸಿಂಗ್​ ಪಂದ್ಯವೆಂದರೆ ಇನ್ನೂ ಕೆಲವರು ಒಂದೂ ಬಾಲ್ ಟಚ್ ಮಾಡದ ಬ್ಯಾಟ್ಸ್​ಮನ್​ ಅನ್ನು ಹಾಡಿಹೊಗಳಿದ್ದಾರೆ.

ಇದನ್ನೂ ಓದಿ: ಆಸೀಸ್​ ನಾಯಕ ಆಯ್ತು ಈಗ ರೋಹಿತ್ ಸರದಿ: ಪಂತ್​​ರನ್ನು 'ಬೇಬಿ ಸಿಟ್ಟರ್​' ಎಂದ ಹಿಟ್​ಮ್ಯಾನ್

 



 



 



 



First published:January 10, 2019
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ