ಫೇಸ್​ಬುಕ್​ ಲವ್ ಸೆಕ್ಸ್​ ದೋಖಾ:​ 3ನೇ ಮದುವೆಯಾದ ಭೂಪ ಹೆಂಡತಿಗೆ ಕೈಕೊಟ್ಟು, ಮಗುವಿನೊಂದಿಗೆ ಪರಾರಿ

ಫೇಸ್​ಬುಕ್​ ಮೂಲಕ ಪರಿಚಯವಾದ ರಭಿಯಾ ಎಂಬ ಮಹಿಳೆಯನ್ನು ಪ್ರೀತಿಸುತ್ತಿದ್ದ. ರಭಿಯಾ ಕೂಡ ಝಯೀನ್​ನ್ನು ಪ್ರೀತಿಸುತ್ತಿದ್ದಳು. ಎರಡು ಮದುವೆಯಾಗಿದ್ದರೂ ಝಯೀನ್​ ರಭಿಯಾಳನ್ನು ಮದುವೆಯಾಗಿದ್ದ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಭೂಪನೊಬ್ಬ ಈಗಾಗಲೇ ಎರಡು ಮದುವೆಯಾಗಿದ್ದರೂ ಸಹ ಫೇಸ್​​ಬುಕ್​​ ಮೂಲಕ ಪರಿಚಯವಾದ ಮತ್ತೊಂದು ಹುಡುಗಿಯನ್ನು ಮದುವೆ ಮಾಡಿಕೊಂಡು, ಮಗುವಿನೊಂದಿಗೆ ಪರಾರಿಯಾಗಿರುವ ಘಟನೆ ಧಾರವಾಡದಲ್ಲಿ ನಡೆದಿದೆ.

    ಧಾರವಾಡದ ಸರಸ್ವತಿಪುರ ನಿವಾಸಿ ಝಯೀನ್ ಅಡ್ಡೆವಾಲೆ ಎಂಬಾತ ಮಹಿಳೆಗೆ ಮೋಸ ಮಾಡಿದ ವ್ಯಕ್ತಿ. ರಭಿಯಾ ಎಂಬಾಕೆ ಫೇಸ್​ಬುಕ್​ ಲವ್​ ಮಾಡಿ ಮೋಸ ಹೋದವಳು. ಝಯೀನ್​ಗೆ ಈ ಮೊದಲೇ ಎರಡು ಮದುವೆಯಾಗಿತ್ತು. ಆದರೂ ಸಹ ಫೇಸ್​ಬುಕ್​ ಮೂಲಕ ಪರಿಚಯವಾದ ರಭಿಯಾ ಎಂಬ ಮಹಿಳೆಯನ್ನು ಪ್ರೀತಿಸುತ್ತಿದ್ದ. ರಭಿಯಾ ಕೂಡ ಝಯೀನ್​ನ್ನು ಪ್ರೀತಿಸುತ್ತಿದ್ದಳು. ಎರಡು ಮದುವೆಯಾಗಿದ್ದರೂ ಝಯೀನ್​ ರಭಿಯಾಳನ್ನು ಮದುವೆಯಾಗಿದ್ದ.

    ಚಾಮರಾಜನಗರ: ಯೂಟ್ಯೂಬ್​ ಲೈವ್​ನಲ್ಲೇ ಮದುವೆ ನೋಡಿ ವಧು-ವರರಿಗೆ ಹರಸಿದ ಬಂಧು-ಮಿತ್ರರು

    ಮದುವೆಯಾದ ಬಳಿಕ ಕೆಲಸವಿಲ್ಲದೇ ಖಾಲಿ ಕೈಯಲ್ಲಿ ಅಲೆಯುತ್ತಿದ್ದ ಗಂಡನಿಗೆ ರಭಿಯಾ ಶ್ರೀಲಂಕಾದಲ್ಲಿ ಕೆಲಸ ಕೂಡ ಕೊಡಿಸಿದ್ದಳು ಎಂದು ತಿಳಿದುಬಂದಿದೆ. ಆದರೆ ಝಯೀನ್​ ತನ್ನ ವಂಚಕ ಬುದ್ದಿಯನ್ನು ತೋರಿಸಿ, ವರದಕ್ಷಿಣೆಗಾಗಿ ಕಿರುಕುಳ ನೀಡುತ್ತಿದ್ದ. ಪ್ರತಿದಿನ ಹಣ ಕೊಡುವಂತೆ ಪೀಡಿಸುತ್ತಿದ್ದ. ಅವರಿಗೆ ಒಂದು ಮಗು ಕೂಡ ಇತ್ತು ಎಂದು ತಿಳಿದು ಬಂದಿದೆ. ಕೆಲವು ದಿನಗಳ ಬಳಿಕ ಆತ ಮಗುವಿನೊಂದಿಗೆ ಪರಾರಿಯಾಗಿದ್ದಾನೆ.

    ಗಂಡ ಮಗುವಿನೊಂದಿಗೆ ಕಾಲ್ಕಿತ್ತಿದ್ದಾನೆ ಎಂಬ ವಿಷಯ ತಿಳಿದ ರಭಿಯಾ ಸದ್ಯ ಪೊಲೀಸರ ಮೊರೆ ಹೋಗಿದ್ದಾಳೆ. ಕಣ್ಣೀರು ಹಾಕುತ್ತಾ ಮರಳಿ ಮಗುವನ್ನು ಕೊಡಿಸುವಂತೆ ಧಾರವಾಡ ಪೊಲೀಸರ ಬಳಿ ಮನವಿ ಮಾಡಿದ್ದಾಳೆ.
    Published by:Latha CG
    First published: