LinkedIn Profile ಶೇರ್​ ಮಾಡಿದ್ರೆ ಮಾತ್ರ ಮನೆ ಬಾಡಿಗೆ ಕೊಡ್ತಾರಂತೆ, ಅಯ್ಯೋ ಏನಿದು ವಿಷ್ಯ?

ಕೆಲಸ ಹುಡುಕಿಕೊಂಡು ಅನೇಕ ಜನರು ಬೆಂಗಳೂರಿಗೆ (Bengaluru) ಬರೋದು ಕಾಮನ್​. ಹಾಗೆಯೇ ಉಳಿಯಲೆಂದು ಅನೇಕರು ಪಿಜಿಗಳನ್ನು ಹುಡುಕುತ್ತಾರೆ. ಇನ್ನೂ ಕೆಲವರು ಬಾಡಿಗೆ ಮನೆಗಳನ್ನು ಹುಡುಕೋದು ಒಂಟು. ಬೆಂಗಳೂರಿನಲ್ಲಿ ಮನೆಯನ್ನು, ಪಿಜಿಗಳನ್ನು ಹುಡುಕೋದು ಅಂದ್ರೆ ಸುಲಭದ ಮಾತೇ ಅಲ್ಲ ಬಿಡಿ. ಯಾಕಂದ್ರೆ ಆಫೀಸ್ (Office)​ ಇರೋದು ಒಂದು ಕಡೆ ಮತ್ತು ಮನೆ, ಪಿಜಿ (PG) ಇರೋದು ಇನ್ನೊಂದು ಏರಿಯಾ. ಅದ್ರಲ್ಲೂ ಟ್ರಾಫಿಕ್​ ಹೀಗೆ ನೂರಾರು ಚಿಂತೆ, ತಲೆನೋವುಗಳ ನಡುವೆ. ಮನೆಗಳು ಸಿಗೋದು ಕಷ್ಟನೇ ಬಿಡಿ. ಅದಕ್ಕಾಗಿಯೇ ಮನೆ, ಪಿಜಿಗಳನ್ನು ಹುಡುಕೋಕೆ ಈಸಿಯಾಗಬೇಕು ಅಂತ ನೋಬ್ರೋಕರ್​ನಂತ (NoBroker) ಹಲವಾರು ಆ್ಯಪ್​ಗಳು (App) ಬಂದಿದೆ.

ಎಸ್​, ಆದರೆ ಯಾವ ರೀತಿಯ ಮನೆ, ಓನರ್​ ಅಂತ ತಿಳಿದುಕೊಂಡು ಆ ಮನೆ ಹುಡುಕೋದೆ ಒಂದು ದೊಡ್ಡ ಪಜೀತಿ ಬಿಡಿ. ಇದು ಮನೆಯನ್ನು ಹುಡುಕೋರ ಗೋಳಾದ್ರೆ, ಓನರ್​ಗಳಿಗೆ ಮನೆಗೆ ಯಾವ ರೀತಿಯಾಗಿರೋ ಜನರಿ ಬರ್ತಾರೋ? ಬ್ಯಾಚುಲರ್ಸ್​ಗಳಿಗೆ ಮನೆ ಕೊಡ್ಬೋದಾ? ತಿಂಗಳು ಬಂತು ಅಂದ್ರೆ ಬಾಡಿಗೆ ನೂರು ಸಲ ಕೇಳಬೇಕು ಹೀಗೆ ತಲೆ ಬಿಸಿ ಒಂದಾ ಎರಡಾ?

ಮುಖ್ಯವಾಗಿ ಓನರ್​ಗಳಿಗೆ ಬಾಡಿಗೆ ಮತ್ತು ನೀಟ್​ನೆಸ್​ ಬೇಕಾಗಿರುತ್ತದೆ. ಅದ್ರಲ್ಲೂ ಬಾಡಿಗೆ ಅನ್ನೋದು ಡೇಟ್​ಗೆ ಸರಿಯಾಗಿ ಕೊಡಬೇಕು ಎಂಬುದು ಮೊದಲನೆಯ ಮಾತಾಗಿರುತ್ತೆ. ಆದರೆ ಮನೆಗೆ ಅವರನ್ನು ಸೇರಿಸಿಕೊಳ್ಳುವ ಮೊದಲು ಇದೆಲ್ಲಾ ಹೇಗೆ ತಿಳಿಯೋದು ಅಂತ ಯೋಚನೆ ಮಾಡ್ತಾ ಇದ್ದವರಿಗೆ ಇಲ್ಲೊಂದು ಸಲಹೆ ಇದೆ ನೋಡಿ. ಅಂದ್ರೆ ಒಂದು ಪೋಸ್ಟ್​ ಸಖತ್​ ಎಲ್ಲಾ ಕಡೆ ವೈರಲ್​ ಆಗ್ತಾ ಇದೆ. ಬೆಂಗಳೂರಿನಲ್ಲಿ ಮನೆ ಕೇಳಲು ಬಂದಂತಹ ಯುವಕನಿಗೆ ಕಾದಿತ್ತು ಓನರ್​ನಿಂದ ಶಾಕ್​!

ಏನಿದು ವೈರಲ್​ ಸುದ್ಧಿ?
ಬ್ರೋಕರ್‌ಒಬ್ಬರು ಮನೆ ಬಾಡಿಗೆದಾರನಿಗೆ ಲಿಂಕ್ಡ್​ಇನ್​ ಪ್ರೊಫೈಲ್ ಕೇಳಿದ್ದಾರೆ. ಈ ಬಗ್ಗೆ ಗೌತಮ್ ಎನ್ನುವ ವ್ಯಕ್ತಿ ತಮ್ಮ ಲಿಂಕ್ಡ್​ಇನ್​ ಪ್ರೊಫೈಲ್ ಕೇಳಿದ ಬ್ರೋಕರ್‌ನೊಂದಿಗೆ ವಾಟ್ಸಾಪ್ ಚಾಟ್‌ನ ಸ್ಕ್ರೀನ್‌ಶಾಟ್ ಅನ್ನು ಇಂಟರ್​ ನೆಟ್​ನಲ್ಲಿ ಹಂಚಿಕೊಂಡಿದ್ದಾರೆ.
ಮಾರ್ಚ್ 16 ರಂದು ಇಬ್ಬರು ಬ್ರೋಕರ್‌ಗಳೊಂದಿಗಿನ ಎರಡು ವಾಟ್ಸಾಪ್‌ಚಾಟ್ ಸ್ಕ್ರೀನ್‌ಶಾಟ್‌ಗಳನ್ನು ಟ್ವಿಟ್ಟರ್​ನಲ್ಲಿ ಶೇರ್ ಮಾಡಿದ್ದಾರೆ. ​

ಇದನ್ನೂ ಓದಿ: 8 ಸಾವಿರ ಇದ್ರೆ ಸಾಕು, ಇಷ್ಟೆಲ್ಲಾ ಸ್ಥಳಗಳಿಗೆ ಫ್ಯಾಮಿಲಿ ಜೊತೆ ಟ್ರಿಪ್​ ಹೋಗ್ಬೋದು!

ಇಂದಿರಾ ನಗರದಲ್ಲಿ ಎರಡು ಬೆಡ್​ರೂಮ್​ (Two BHK) ಮನೆ ಹುಡುಕುತ್ತಿದ್ದ ಗೌತಮ್ ಬ್ರೋಕರ್​ನೊಂದಿಗೆ ಚಾಟ್ ಮಾಡಿದ್ದಾರೆ. ಚಾಟ್​ನಲ್ಲಿ ಬ್ರೋಕರ್​ ಲಿಂಕ್ಡ್‌ಇನ್ ಪ್ರೊಫೈಲ್ ಲಿಂಕ್​ ಕಳುಹಿಸುವಂತೆ ಹೇಳಿದ್ದಾನೆ. ಅದರಂತೆ ಗೌತಮ್​ ತಮ್ಮ ಲಿಂಕ್ಡ್‌ಇನ್ ಪ್ರೊಫೈಲ್ ಶೇರ್ ಮಾಡಿದ್ದಾರೆ. ಅಲ್ಲದೇ ಮತ್ತೊಂದು ಮನೆ ಮಾಲೀಕರೊಬ್ಬರು ನಿಮ್ಮ ಬಗ್ಗೆ ಸ್ವಲ್ಪ ಬರೆದು ಕಳುಹಿಸಿ ಎಂದು ಗೌತಮ್​ಗೆ ಹೇಳಿದ್ದಾರೆ.

Day 12 of house hunting Indiranagar @peakbengaluru pic.twitter.com/fsQHGtbsDP

— Goutham (@0xGoutham) March 16, 2023

ಅದನ್ನು ಗೌತಮ್​ ಟ್ವಿಟ್ಟರ್​ನಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಈ ಪೋಸ್ಟ್​ ಸಖತ್​ ವೈರಲ್​ ಆಗ್ತಾ ಇದೆ. ಇದಕ್ಕೆ 900 ಲೈಕ್ಸ್, 50 ರೀಟ್ವೀಟ್‌ಆಗಿದ್ದು, 49 ಕಮೆಂಟ್​ಗಳು ಬಂದಿವೆ. ಇನ್ನು ಕೆಲವು ನೆಟ್ಟಿಗರು ತಮಗೆ ಆದ ಇಂತಹ ಅನುಭವಗಳನ್ನು ಸಹ ಹಂಚಿಕೊಂಡಿದ್ದಾರೆ. ಅನೇಕ ಟೆಕ್ಕಿಗಳು ಮತ್ತು ವೃತ್ತಿಪರರು ಅಂತಹ ಸಂದರ್ಭಗಳನ್ನು ಎದುರಿಸಿದ್ದರೆ ಎಂದು ಹಂಚಿಕೊಂಡಿದ್ದಾರೆ. ಬಾಡಿಗೆದಾರರು ಪ್ರೊಫೈಲ್ ಕಳುಹಿಸಬೇಕು.

Day 12 of house hunting Indiranagar @peakbengaluru pic.twitter.com/fsQHGtbsDP

— Goutham (@0xGoutham) March 16, 2023

This guy wants blurb about me🫠 pic.twitter.com/hvGSGyQaWR

— Goutham (@0xGoutham) March 16, 2023

ಒಳ್ಳೆ ಸಂಬಳ, ಉದ್ಯೋಗಿಯಲ್ಲದಿದ್ದರೆ ಮನೆ ಸಿಗುವುದಿಲ್ಲ. ಸ್ಟಾರ್ಟ್ಅಪ್ ಉದ್ಯೋಗಿಗಳಿಗೂ ಮನೆಗಳು ಸಿಗುವುದಿಲ್ಲ ಎಂದು ಮತ್ತೊಬ್ಬರು ಟ್ವಿಟ್ ಮಾಡಿದ್ದಾರೆ.

ಇದನ್ನೂ ಓದಿ: ಮಗನ ನೆನಪುಳಿಸಲು ವಿಭಿನ್ನ ಕೆಲಸ ಮಾಡಿದ ಕುಟುಂಬ, ಡಿಜಿಟಲ್​ ರೂಪದಲ್ಲಿ ಅಚ್ಚಾಗಿ ಉಳಿಯಿತು ಮೆಮೋರಿಸ್​!

ಐಐಟಿ, ಐಐಎಂ, ಐಎಸ್‌ಬಿಯಲ್ಲಿ ಪದವಿ ಪಡೆದಿಲ್ಲ ಅಥವಾ ಸಿಎ ವೃತ್ತಿಯಲ್ಲಿಲ್ಲ ಎಂದು ಮನೆ ಮಾಲೀಕರೊಬ್ಬರು ವೆಲ್ಲೂರಿನ ಇನ್‌ಸ್ಟಿಟ್ಯೂಟ್‌ಆಫ್‌ಟೆಕ್ನಾಲಜಿಯ ಪದವೀಧರರೊಬ್ಬರಿಗೆ ಮನೆ ಬಾಡಿಗೆ ನೀಡಲು ನಿರಾಕರಿಸಿದ್ದರು. ಈ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡಿತ್ತು, ಇದರ ಬೆನ್ನಲ್ಲೇ ಇದೀಗ ಮನೆ ಮಾಲೀಕರೊಬ್ಬರು ಬಾಡಿಗೆದಾರರಿಗೆ ಲಿಂಕ್​ ಡಿನ್​ ಪ್ರೊಫೈಲ್​ ಕೇಳಿದ್ದಾರೆ.

ಮುಂದಿನ ದಿನದಲ್ಲಿ ಅವರು ಬಾಡಿಗೆ ಸರಿಯಾಗಿ ಕೊಡ್ತಾರೋ ಇಲ್ವೋ ಅಥವಾ ಅವರ ವಿವರವನ್ನೆಲ್ಲಾ ತಿಳಿಯುವುದಾಗಿ ಈ ರೀತಿಯಾಗಿ ಹೊಸದಾಗಿ ಹೀಗೆ ಲಿಂಕ್​ ಡಿನ್​ ಪ್ರೊಫೈಲ್ ಕೇಳಿದ್ದಾರೆ.