Viral Video: ನೂಡಲ್ಸ್​ನಲ್ಲಿ ಸಿಕ್ತು ಜೀವಂತ ಕಪ್ಪೆ, ವೈರಲ್ ವಿಡಿಯೋ ನೋಡಿ ಬೆಚ್ಚಿಬಿದ್ದ ನೆಟ್ಟಿಗರು

ಪ್ರಪಂಚದಲ್ಲಿ ಕೆಲವರಿಗೆ ತಿಂಡಿ (Breakfast) ಅಥವಾ ಇನ್ನಿತರ ಆಹಾರಗಳಂದ್ರೆ (Food) ತುಂಬಾ ಇಷ್ಟ. ಅವರು ಅದಕ್ಕಾಗಿ ಎಲ್ಲಿ ಬೇಕಾದರೂ ಹೋಗಲು ಸಿದ್ಧರಾಗಿರುತ್ತಾರೆ. ಇನ್ನು ಆಹಾರದ ವಿಷಯದಲ್ಲಿ ಪ್ರತಿಯೊಬ್ಬರಿಗೂ ಅವರದೇ ಆದ ಆಯ್ಕೆಯನ್ನು ಹೊಂದಿರುತ್ತಾರೆ. ಯಾವ ಫುಡ್​ ತಿನ್ಬೇಕು, ಯಾವುದು ತಿನ್ನಬಾರದು ಇವೆಲ್ಲವನ್ನೂ ನಿರ್ಧರಿಸುವುದು ಅವರವರ ವೈಯಕ್ತಿಕವಾಗಿರುತ್ತದೆ. ಇನ್ನು ನಾವು ದಿನಬೆಳಗಾದ್ರೆ ಸಾಕು ಟಿವಿ, ಮೊಬೈಲ್​ಗಳಲ್ಲಿ (Mobile) ಅಡುಗೆ ಮಾಡುವ ವಿಡಿಯೋ, ತಿನ್ನೋ ವಿಡಿಯೋಗಳನ್ನು (Viral Video) ನೋಡುತ್ತಿರುತ್ತೇವೆ. ಇದರಲ್ಲಿ ಜನರು ಹೊಸ ಭಕ್ಷ್ಯಗಳನ್ನು ಸವಿಯುವುದನ್ನು ಸಹ ಕಾಣಬಹುದು. ಇನ್ನು ಕೆಲವರ ಆಹಾರದ ಸಂಪ್ರದಾಯಗಳೇ ಬೇರೆಯಾಗಿರುತ್ತದೆ.

ಸಾಮಾನ್ಯವಾಗಿ ಯಾರೇ ಆಗಲಿ ಏನಾದರೊಂದು ತಿನ್ನೋ ವಿಡಿಯೋ ನೋಡುವಾಗ ಆಸೆಯಾಗುತ್ತದೆ, ಬಾಯಲ್ಲಿ ನೀರೂ ಬರುತ್ತದೆ. ಅದೇ ರೀತಿ ಇಲ್ಲೊಬ್ಬ ನೂಡಲ್ಸ್​ ತಿನ್ನೋವಾಗ ಮಧ್ಯದಲ್ಲಿ ಏನು ಸಿಕ್ಕಿದೆ ನೋಡಿ.

ನೂಡಲ್ಸ್​ ತಿನ್ನೋ ವಿಡಿಯೋ ವೈರಲ್

ಹೆಚ್ಚಿನವರು ಎಲ್ಲಿಯಾದ್ರೂ ಹೊರಗೆ ಹೋದಾಗ ಹೋಟೆಲ್​, ರೆಸ್ಟೋರೆಂಟ್ ಅಂತಾ ಹೋಗ್ತಾರೆ. ಅದೇ ರೀತಿ ಇಲ್ಲೊಬ್ಬ ವ್ಯಕ್ತಿಯು ರೆಸ್ಟೋರೆಂಟ್‌ನಲ್ಲಿ ನೂಡಲ್ಸ್ ತಿನ್ನುತ್ತಿದ್ದನು, ಆದರೆ ಆ ನೂಡಲ್ಸ್‌ನಲ್ಲಿ ವಿಚಿತ್ರವಾದ ಪ್ರಾಣಿಯಿದೆ ಎಂದು ಅವನಿಗೆ ತಿಳಿದಿರಲಿಲ್ಲ.

ಸಾಂದರ್ಭಿಕ ಚಿತ್ರ

ಆದರೆ ಅವನು ಅಲ್ಲಿ ನೂಡಲ್ಸ್​ ಬಹುತೇಕ ತಿಂದ ನಂತರ ಅದರಲ್ಲೊಂದು ಕಪ್ಪೆಯನ್ನು ನೋಡಿದ್ದಾನೆ. ಇದನ್ನು ನೋಡಿ ಬೆಚ್ಚಿಬಿದ್ದ ಆತ ತಕ್ಷಣ ಮೊಬೈಲ್​ ತೆಗೆದು ವಿಡಿಯೋ ಮಾಡಿ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಮಾಡಿದ್ದಾನೆ. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಫುಲ್ ವೈರಲ್ ಆಗಿದೆ.

#シェイクうどん
自分が出張中に気に立っていたうどんを食べたら

何にカエル🐸

振った後に食べて最後の方まで気づかなかった

お店は3時間の営業停止の後にその日の夜から営業再開、今もサラダや同じ商品を販売中

食べる前には気をつけて pic.twitter.com/pjbxuLy9F6

— 魁斗 (@kaito09061) May 22, 2023

ವಿಡಿಯೋದಲ್ಲಿ, ಒಂದು ಕಪ್ ನೂಡಲ್ಸ್‌ನಲ್ಲಿ ಸಣ್ಣ ಕಪ್ಪೆಯೊಂದು ಜಿಗಿಯುವುದನ್ನು ನೀವು ನೋಡಬಹುದು. ಈ ವ್ಯಕ್ತಿಯು @kaito09061 ಎಂಬ ಖಾತೆಯಿಂದ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಆಗಿರುವ ಟ್ವಿಟರ್‌ನಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಅಲ್ಲಾದ ಸಂಪೂರ್ಣ ಘಟನೆಯನ್ನು ವಿವರಿಸಿದ್ದಾನೆ.

ಏನೆಂದು ಬರೆದಿದ್ದಾರೆ?