Viral Video: ಎಚ್ಚರ...ಎಟಿಎಂನಲ್ಲಿ ಹಣ ಮಾತ್ರವಲ್ಲ, ಹಾವು ಕೂಡ ಇರುತ್ತೆ..!

ಕೆಲ ದಿನಗಳ ಹಿಂದೆಯಷ್ಟೇ ದೆಹಲಿಯಲ್ಲಿ ಮಂಗವೊಂದು ಎಟಿಎಂ ಮಶಿನ್ ಒಪನ್ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿತ್ತು. ಕೊರೋನಾ ಹರಡುವಿಕೆ ಭೀತಿಯಿಂದ ಯಾರೂ ಕೂಡ ಎಟಿಎಂನತ್ತ ಮುಖ ಮಾಡುತ್ತಿರುವುದು ವಿರಳ. ಇದರ ಪರಿಣಾಮವೋ ಇದೀಗ ಮತ್ತೊಂದು ಪ್ರಾಣಿ ಎಟಿಎಂನಲ್ಲಿ ಕಾಣಿಸಿಕೊಂಡಿದೆ.

ಹೌದು, ಉತ್ತರ ಪ್ರದೇಶದ ಘಾಸಿಯಾಬಾದ್‌ ಐಸಿಐಸಿಐ ಬ್ಯಾಂಕ್‌ನ ಎಟಿಎಂ ಮಶಿನ್ ಒಳಗಡೆ ಹಾವೊಂದು ನುಗ್ಗಿರುವ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಎಟಿಎಂ ರೂಮ್​ ಒಳಗಡೆ ಉದ್ದನೆಯ ಹಾವು ಆಕಸ್ಮಿಕವಾಗಿ ಪ್ರವೇಶಿಸಿದೆ. ಇದನ್ನು ನೋಡಿದ ಸೆಕ್ಯೂರಿಟಿ ಗಾರ್ಡ್​ ಬಾಗಿಲನ್ನು ಮುಚ್ಚಿದ್ದಾರೆ.

ಇದರಿಂದ ಹೊರಗಡೆ ಬರಲಾಗದ ಹಾವು ಕೊನೆಗೆ ಎಟಿಎಂ ಮಶಿನ್ ಒಳಗೆ ಪ್ರವೇಶಿಸಿತು. ಈ ವೇಳೆ ಸ್ಥಳದಲ್ಲಿ ಸೇರಿದ್ದ ವ್ಯಕ್ತಿಯೊಬ್ಬರು ವಿಡಿಯೋ ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಹರಿಬಿಟ್ಟಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗುತ್ತಿದ್ದು, ಅನೇಕರು ಶೇರ್ ಮಾಡಿ ಭಯಾನಕ ಎಂದು ಕಮೆಂಟಿಸಿದ್ದಾರೆ.

Be careful when you are at the ATM!
There could be a Snake around 😱

PS: Initially felt that this could be normal but the last few seconds gave me chills. #WhatsappFwd pic.twitter.com/o40Erm9Chx

— Amit Bhawani (@amitbhawani) May 9, 2020

ಅಲ್ಲದೆ ಕೆಲವರು ಇನ್ಮುಂದೆ ಎಟಿಎಂಗೆ ಹೋದಾಗ ಜಾಗರೂಕತೆಯಿಂದ ಇರುವಂತೆ ಈ ವಿಡಿಯೋ ಮೂಲಕ ಎಚ್ಚರಿಸಿದ್ದಾರೆ. ಸದ್ಯ ಸೆಕ್ಯೂರಿಟಿ ಗಾರ್ಡ್​ ಅವರ ಸಮಯ ಪ್ರಜ್ಞೆಯಿಂದ ಎಟಿಎಂನಲ್ಲಿದ್ದ ಹಾವನ್ನು ಅರಣ್ಯ ಇಲಾಖೆ ಅಧಿಕಾರಿಗಳ ಸಹಾಯದಿಂದ ಹೊರ ತೆಗೆಯಲಾಗಿದೆ. ಅದೃಷ್ಟವಶಾತ್ ಎಟಿಎಂ ನಲ್ಲಿದ್ದ ಹಾವು ವಿಷಕಾರಿಯಲ್ಲ. ಅದನ್ನು ರಕ್ಷಿಸಿ ಅರಣ್ಯಕ್ಕೆ ಬಿಡಲಾಯಿತು ಎಂದು ಕಾರ್ಯಾಚರಣೆ ನಡೆಸಿದ ಜಿಲ್ಲಾ ಅರಣ್ಯ ಅಧಿಕಾರಿ ದೀಕ್ಷಾ ಭಂಡಾರಿ ತಿಳಿಸಿದ್ದಾರೆ.

Monkey breaking into an ATM in Delhi.
That monkey is going places.pic.twitter.com/apEM29kyr7

— ian bremmer (@ianbremmer) May 8, 2020